هو القتل بقى عادى كده ؟؟

[medoghaly]

ثم اساسا لاحظت كذا واحد من المحلة بيتمنظرو ان عندهم بلطجية و بيعملو و بيسووا انا مش فاهم حد يتمنظر بحاجة زي دي و اللي كان بيتمنظر دة دكتور !!!!!!!!!!

[lanos2004]

المحله الكبرى بلد الامن والامان يا رجاله بطلو اشاعات الموضوع ان فيه واحد يشترى ارض ويدفع عربون ويخلص الارض على اساس ان التانى ثقه وراجل معروف يكتب له كمبياله بالباقى - وبعده يبلطج فيه بعد اما يحط ايدة على الارض ويقله مالكش حاجه عندى التانى يتهبل على شقىء عمرة يقوم قاتله او دبحه هوة وحظه
او الواحد يكون داخل شريك فى مصنع واحد بالمكن والتانى بالمكان يقوم صاحب المكان مغير الاقفال ويثبت حاله ويقول للتانى مالكش حاجه عندى التانى يتهبل يضربه بالنار
وزى زمان كان فيه واحد اسمه----يلم تبرعات من الناس واصحاب المصانع--ويتبرع بيها باسمه هوة ويدخل الانتخابات الناس تقول دة خير وبيعمل خير واصلا هوة لامم الفلوس حط نصها فى جيبه والباقى وزع بيه لاب توب ايام الانتخابات--وهوة اصلا ابخل خلق الله وبيموت على السحتوت
-طبعا سواقين الميكروباس وتجار المخدرات دول حاجه عاديه جدا وخطرهم قليل طالما مش بتحتك بيهم لان ليهم العالم الخاص والبزنس بتاعهم
ولعلمكم بقه احلى كباب وكفته تاكلها فى مصر فى المحله وتحدى--عند الشافعى -او القصاص -اوطيبه

[Mzeid]

كلام حضرتك سليم و مفيش شرطه فى العالم تقدر تدخل فى دماغ المجرم و تعرف بيفكر فى ايه لكن الشكوى من الشرطه فى تضاءل دورها بصوره مخيفه جعلت الغير مجرمين يتشجعوا و يبقوا مجرمين و يرتكبوا ابشع الجرائم بدم بارد لانهم عارفين ان فى انفلات و الشرطه ضعيفه و مش قادره عليهم لدرجه انهم من بجاحتهم بقوا بيهاجموا رجال الشرطه نفسهم و الكمائن و الأقسام بدل ما يختبئوا منهم يعنى الوضع اتعكس

انا موافق حضرتك

بالرغم من اني بشوف ان الشرطة بتقوم بواجبها بشكل مرضي على الاقل مش هقول بشكل ممتاز

بشوف عربيات الدورية منتشرة في اماكن مختلفة

في اسكندرية مثلا على الطريق الساحلي الساعة 1 صباحا لقيت 3 عربيات شرطة ماسكين عربية و في مكان مظلم الله اعلم اتمسك ازاي
غير الكمين اللي على الزراعي لما تبقى نازل من الساحلي اللي هو قبل كفر الدوار بيمسكوا عربيات برضو كل ما اعدي عليهم
و نفس الشئ شوفته هنا على طريق المحلة طنطا قبل طنطا الساعة 2 صباحا

المطلوب من الوزير حاليا انه يطور الاداء علشان توصل للمستوى الممتاز و علشان الخسائر البشرية تقل اللي بنسمع عنها كل كام يوم

[Screenplays]

الوزير بيروح مكتبه عشان ينام لان مراته طارداه من البيت ... يا باشا لو الوزير ده شغال بما يرضي الله مكنش ده بقي حالنا و هو افضل من اللي قبله عشان كلمه الحق

[Mzeid]

الوزير بيروح مكتبه عشان ينام لان مراته طارداه من البيت ... يا باشا لو الوزير ده شغال بما يرضي الله مكنش ده بقي حالنا و هو افضل من اللي قبله عشان كلمه الحق

و الله انا شايف بس انه مش وزير الداخلية بس

البلد كلها فيها سوء ادارة في كل شئ

[Screenplays]

ما هو الامن و رغيف العيش اهم حاجتين دلوقتي