بشري ساره للمدخنين فقط ( ادخل فورا مش هتزعل) جرب مش هتندم

[amir]

هل حاولت مرارا و تكرارا الاقلاع عن التدخين؟!!
هل تغير مزاجك و لم تستطع ان تكمل اليوم بدونها؟
هل شعرت بالصداع و الالم الناتج عن الاقلاع و لم تقدر عليه؟!!
هل حاولت ممارسه الرياضه او حتي الجري قليلا و لاحظت مدي سوء حالتك الصحيه؟؟
هل تلعن تلك السيجاره مع كل نفس و تتمني الخلاص؟؟؟؟؟؟؟؟؟

اليك الحل البسيط الذي لم اهتدي اليه الا مؤخرا:
nicorette 2mg او nicorette 4 mg
و ما هو الا لبان تستعمله و هو يغنيك تماما عن اشعال سيجاره اخري, فهو يمدك بجرعه نيكوتين قليله حتي تتعود علي الاقلاع
و لقد بحثت علي النترنت عن طريقه استخدامه المثلي و هاهيه:
الاسبوع الاول الي السادس: لبانه كل ساعه او اتنين
الاسبوع السابع الي التاسع: لبانه كل ساعتين او اربع ساعات
الاسبوع العاشر الي الثاني عشر: لبانه كل 4 او 8 ساعات

و طريقه المضغ انك لاتأكل او تشرب قبل الاستعمال بربع ساعه ثم تمضغ اللبانه حتي تشعر بلذعه منها... و عندها تضع اللبانه في فمك بين اللسان و الخد او اي مكان اخر قليلا ثم تعاود الموضوع و هكذا حتي تختفي تماما تلك اللذعه

مع العلم اني في يومي الثالث من الاستخدام و بطلت نهائي السجائر من غير اي اعراض من اللي كل اللي حاول يبطل عارفها.....
و انا مبستخدمش غير لبانه في اليوم ( بفضل حاططها في بقي)
بس الجانب السيء (نسبيا) للبان ده هو سعره
الشريط 2mg ب 30 جنيه
الشريط 4 mg ب 45 جنيه
ال2 mg للي بيشربو علبه او اقل يوميا
ال4 mg للب بيشربو اكتر من علبه يوميا
بس لو حسبتو الموضوع صح هتلاقو ان معظمنا بيدفع اكتر من كده سجاير يوميا ده غير انك بتدفع لصحتك مش لتدميرها
اللبان متوفر في الصيدليات الكبري
ارجو من اللي هيجربه يشاركنا تجربته يوميا هنا في الموضوع ده علشان يكون مرجع لكل واحد نفسه يبطل و مش عارف
و ارجو اني اكون افدت ناس كتير

[modux]

طب و اللي بيشرب شيشة !!!

[zakiali]

طب و اللي بيشرب شيشة !!!

جامده دي

[ashour]

الحمدلله نعمه و فضل من عنده بطلت بكلمة قديتها لنفسى.

[Hassan Khalil]

و الله انا معرفش اذا كان اللبان ده فعال علي المدي الطويل و اللا لأ..
بس انا بادعي ربنا سبحانه و تعالي ان يكون في اي وسيلة تخلي البني ادمين يسيبوا العادة المهببة دي ..

[Adham_Sabry]

جزاك الله خير

الشريط 2mg ب 30 جنيه
الشريط 4 mg ب 45 جنيه

يا تري الشريط فيه كام واحده ؟؟

وبعدين يا جماعه مش معقول الناس بتموت في طوابير العيش واحنا ندفع فلوس علشان نضيع صحتنا
لو بتدفع 10 جنيه في السجاير في اليوم .. اتصدق ب 5 جنيه وهات لأولادك ب 5 جنيه شيكولاته
وبكده تكون استفدت ثلاث مرات .. اتصدقت واسعدت فقير واسعدت اولادك
ربنا يعافي كل المدخنين

[Mido80]

الله يلعنها السيجارة دي. انا مشكلتي اني دخنت علي كبر يعني بدات ادخن من سن 27 سنة وحتي الان مش عارف ابطلها (انا الان عندي 30 سنة). كمان انا مش مدمن يعني ممكن العلبة تقعد معايا 3 ايام علي حسب الظروف. بس بصراحة تعبتني كتير جدا جدا

[Mido5]

بطلتها و الحمد لله

انا و لله الحمد بطلتها من غير اي حاجة بس لمجرد الشعور اني فعلا قرفان منها.
انا شربتها من وانا عندي 22 سنة لمدة 3 سنين تقريبا و الحمد لله وقفتها و استحملت اعراض الانسحاب...و الله هي مش متعبة اوي زي ما الناس متخيلة...او يمكن كانت سهله بالنسبة لي عشان انا كنت قرفان امسك السجاير في ايدي اصلا.
صحيح الواحد ساعات بيشيش من آن لاخر بس مش بصفة دايمه و بصورة متقطعه...لغاية ما الواحد يوقف خالص الدخان كله باذن الله..
و ربنا ييسر علي كل مدخن انه يبطل ان شاء الله.

[khalid_adel]

بمناسبه الموضوع ده انا كنت بقوله لواحد صحبي في الشغل
لقيته بيقولي انه عنده بتاع 20 شريط 2 مل جرام كان حد بعتهوملو من امريكا (امريكي) بس هو لامانه بيقولي مش نافعين معاه لانه بيعملولو وجع في المعده وده مكتوب في الروشته بتاعته من الاعراض الجانبيه للبان ده
المهم اللي عايز يشتري هو عايز يبيعهم فا اللي عايز يقولي وهو حيبيع الشريط ب 30جنيه وان كان بيقولي انهم اغلى من كده (عشان هو جايبه من امريكا يمكن معرفش) بس عشان سعره في مصر
وكنت عايز اعرف اللي في مصر ده صناعته ايه عشان اتأكد

[amir]

بمناسبه الموضوع ده انا كنت بقوله لواحد صحبي في الشغل
لقيته بيقولي انه عنده بتاع 20 شريط 2 مل جرام كان حد بعتهوملو من امريكا (امريكي) بس هو لامانه بيقولي مش نافعين معاه لانه بيعملولو وجع في المعده وده مكتوب في الروشته بتاعته من الاعراض الجانبيه للبان ده
المهم اللي عايز يشتري هو عايز يبيعهم فا اللي عايز يقولي وهو حيبيع الشريط ب 30جنيه وان كان بيقولي انهم اغلى من كده (عشان هو جايبه من امريكا يمكن معرفش) بس عشان سعره في مصر
وكنت عايز اعرف اللي في مصر ده صناعته ايه عشان اتأكد

و الله انا كنت عامل الموضوع ده للافاده و تعريف الناس بشيء يساعدهم في الاقلاع عن التدخين........
و من الردود اللي الناس باعتاها حسيت بالندم اني عملته من الاول
و بالنسبه للاخ خالد مادام مجبش معاه نتيجه (زي ما هو بيدعي) ليه مجربش ال 4 ملجم ؟؟؟؟ ده ايه الاحباط اللي انت داخل تنشره ده, ماهو جايب نتيجه معايا زي الفل لغايه دلوقتي
و بالنسبه للبيزنس اللي انت ناوي عليه فخليه قبل ما يبيع حاجه يسأل عليها الاول و بلاش استسهال!!!!!
سعر شريط لبان نيكوريتي 2 ملجم ( 15 لبانه) 30 جنيه
و هو من اساسه مستورد انتاج فيزر

[MaaG]

انا و لله الحمد بطلتها من غير اي حاجة بس لمجرد الشعور اني فعلا قرفان منها.
انا شربتها من وانا عندي 22 سنة لمدة 3 سنين تقريبا و الحمد لله وقفتها و استحملت اعراض الانسحاب...و الله هي مش متعبة اوي زي ما الناس متخيلة...او يمكن كانت سهله بالنسبة لي عشان انا كنت قرفان امسك السجاير في ايدي اصلا.
صحيح الواحد ساعات بيشيش من آن لاخر بس مش بصفة دايمه و بصورة متقطعه...لغاية ما الواحد يوقف خالص الدخان كله باذن الله..
و ربنا ييسر علي كل مدخن انه يبطل ان شاء الله.

ههههههههههههههههههههههه ، طيب غير الصورة إلي جمب إسمك .
( أنا مصدقك على فكرة والله بس بجد الصورة عملت مع الموضوع إفيه جااااامد)

[khalid_adel]

يا اخ امير انت فهمتني غلط خااااااااالص
يعني انا بقول وده للامانه ان صاحبي ده مبقاش بياخودهم عشان بتعملو مغص في المعده والكلام ده مكتوب في الروشته بتاعت الدواء انها من بعض الاعراض الجانبيه اللي ممكن تحصل لواحد والتاني لا
وانا قولت كده عشان الامانه اني مخدعش حد واني ببيع سلعه ولا بعمل بيزنس ولا حاجه
مش عارف ليه كل ده ربنا يسامحك
عالعموم ربنا يعينك وتبطل خالص ان شاء الله وابقى قولنا ايه الاخبار معاك

[amir]

يا اخ امير انت فهمتني غلط خااااااااالص
يعني انا بقول وده للامانه ان صاحبي ده مبقاش بياخودهم عشان بتعملو مغص في المعده والكلام ده مكتوب في الروشته بتاعت الدواء انها من بعض الاعراض الجانبيه اللي ممكن تحصل لواحد والتاني لا
وانا قولت كده عشان الامانه اني مخدعش حد واني ببيع سلعه ولا بعمل بيزنس ولا حاجه
مش عارف ليه كل ده ربنا يسامحك
عالعموم ربنا يعينك وتبطل خالص ان شاء الله وابقى قولنا ايه الاخبار معاك

ممممم
مادام الموضوع كده فأنا اسف جدا علي سوء الفهم ده
و ارجو انك تتقبل اسفي

[khalid_adel]

ياباشا ولا يهمك عادي اخويا الكبير وضربني :)
المهم طمنا عليك وقولنا ايه الاخبار متنساش
وان شاء الله ربنا يكرمك وتبطل خالص

[amir]

ياباشا ولا يهمك عادي اخويا الكبير وضربني :)
المهم طمنا عليك وقولنا ايه الاخبار متنساش
وان شاء الله ربنا يكرمك وتبطل خالص

بجد احرجتني بذوقك و اسف مره تانيه علي اللي حصل مني, بس ياريت تحط في اعتبارك مقدار الاحباط و الندم اني عملت الموضوع ده, انا قلت افيد الناس اللي عايزه تبطل و مش عارفه لأني كنت فعلا مخنوق من السجاير و مش طايقها و نفسي ابطل و كل مره احتفل باشعال اخر سيجاره و ارجع في نفس اليوم او تاني يوم بشراهه مضاعفه, لغايه ما سمعت عن اللبان ده و جربتو و من ساعتها مش بفكر في سجاير نهائي, ده حتي دلوقتي اشتريت تاني شريط و راكنه في البيت و مقضيها لبان عادي او حتي من غير حاجه خالص و الموضوع ماشي( بس مؤخرا اتجهت للشيشه تفاح حجر او اتنين بالكتير لو مخنوق قوي اهوه شويه دخان بردو) بس الفكره اللي اتمنتها و انا بكتب الموضوع كانت افاده الناس اللي عايزين يبطلو و مشكلتهم في اعراض الانسحاب, لاكن من اول مشاركه من الاخوه حسيت بالتهكم و السخريه و كان نفسي حد يقول انه جربو و نجح معاه يمكن نكون دعم معنوي لبعض, لاكن محصلش نهائي
و علي فكره ممكن قوي صاحبك يكون من النوع اللي بيتأثر بسرعه بالوهم( بمعني انو لما قرا النشره و خد باله من موضوع الم البطن كعرض جانبي حس بالوجع ده و ممكن فعلا ده يحصل و يكون هو حاسس بالوجع و مقتنع ان اللبان وجع بطنه, العقل الباطن ده قوي جدا جدا في تاثيره علي الواقع)
و بعدين تعالي هنا اخوك الكبير ايه و ضربك ايه ! انا معرفش انت عندك كام سنه لكن انت اكبر مني بعقلك و ذوقك ده و بكررلك اسفي و اتمني اني اتعرف عليك قريب ان شاء الله