بشري ساره للمدخنين فقط ( ادخل فورا مش هتزعل) جرب مش هتندم

[X_MM_X]

أنا جربته ونفع لبان 2 ملجم
قعدت اسبوعين وخلاص جامد اوي
في منه نكهتين نعناع وفواكه
هوه فعلا بيتعب المعده علشان النيكوتين اصلا طبيا بيزود حركة المعده علشان كده لما كنت اجي اكله احس بزغطه وبطني بتقلب وممكن اتفه كمان بس الكلام ده في الأول وهتتعود عليه والحل في الحكايه دي زي ما جربت اول ما تحس بكده شيل اللبانه من بقك واستنى 5 دقايق كده وكلها تاني
انتا خلال اسبوعين الجرعه بتاعته هتقل
انا اول يوم 3 لبانات
بعدبن اتنين
بعدين نص الصبح ونص بليل
وبعدين نص بس
وبعدين هتنسى تاكلها اصلا ربنا يهدي الجميع

[khalid_adel]

طب الحمد لله اهو في ناس نفعت معاها اهو زي الاخ xmmx وفي نتيجه كويسه ومع امير اهو بس بلاش الشيشه عشان ده مش حل نهائي وممكن لو اتخنقت من الشيشه تقوم راجع للسجاير
نصيحه اقطع عرق وسيح دمه وابقى خد معاك اللبان لو حتقعد على قهوه واول لما نفسك تهف اضربلك واحده وقول ادي الشيشه بتاعتي اهي :)
يا امير باشا دانا اتشرف بيك لما اشوفك وياريت تيجي المقابله عشان تتعرف عالناس كلها
اشوفك على خير ان شاء الله

[محمد مجدى]

انا كنت بشرب سجاير من وانا فى ثانوى :) يعنى من زمن :)

بطلت السجاير من 4 سنين تقريبا من غير اى حاجة مساعدة ؛ كل اللى عملته انى قعدت يومين بالظبط فى البيت واستحملت الصداع اللى حصل

بعدين من سنة فاتت قدمت على الهجرة لامريكا ولما عرفت النتيجة وانى مقبلتش مسكت سجارة وشربتها ورجعت تانى للتدخين لمدة 3 شهور تقريبا وبعدين بطلتها تانى ومشربتش من وقتها

من وجهه نظرى الشخصية احسن وقت تبطل فيه السجاير هو يوم الخميس ؛ احسبها كده انك بتنام 8 ساعات من غير ماتشرب سجاير ؛ فانت تعتبر اخر يوم تشرب فيه سجاير يوم خميس مثلا وصابح الجمعه والسبت اجازة فتقدر ماتنزلش من البيت وماتحتكش باى حد بيشرب سجاير اليومين دول ولا هاتشموا ريحتها

دى كانت طريقتى

[drcobra]

الموضوع دة عايز تفكير عميق العصرية كدة مع كباية شاى تقيل وسيجارتين

[naser_56]

الموضوع دة عايز تفكير عميق العصرية كدة مع كباية شاى تقيل وسيجارتين

ههههههههههههه

[Trondo]

انا بطلتها علشان صاحبي للى شغال معايا فى المكتب يبطلها :))
كان تعب منها ماديا و صحيا و انا بطلت علشان ميشوفنيش بشرب و يرجع تانى
و بطلت من غير اى حاجه مساعده .... فقط أرادة ان مفيش حاجه تتحكم فيا
و كنت بشرب شيشه بطلتها برضه ... بطلت كل المكيفات تمامآ

ودلوقتى بقي لى اكتر من شهر وبهتم بصحتى اكتر و بطلت البيبسي و العصائر المعلبه
وبشرب عصائر فريش

و حاسس ان النفس و حاسه التذوق و الشم اتحسنوا كتير

انا الحمدالله صحتى كويسه و مشتكيتش منها

بس حسبتها ابطلها و انا بصحتى احسن ما ابطلها لما صحتى تروح منى

والصراحه اغلى حاجه فى وجهه نظري صحه البنى آدم

الحمدالله

[rompo10]

انا اعرف واحد جربه وبطل الحمد الله بس كل مشكلته صعوبه الحصول عليه مش بتلاقيه في أي مكان ياريت حد يعرف الصيدليات اللي موجود فيها علي طول

[mado83]

وده موجود فين صيدليه ولا البنزينه