سبوره للاولاد فى البيت

[abokoko]

عايز اجيب - سبوره - لاولادى فى البيت
يشغبطوا عليها بدل الشبطة على الحيط
وكمان يمكن ربنا يهدى بنتى رقم 2 وتتعلم تقرا الكلمات - السنة القادمة ان شاء الله هتكون فى رابعه

فى نوع خشب اللوح 122*244 ب95 جنيه وده من الناحيتين زى الفروميكا

لكن انا عايز النوع البلاستيك او الفايبر المهم اللى هو زى اللى بيتكب عليه اليفط او الاعلانات
وطبعا هكتب عليه بقلم فلوماستر مش طباشير

يا ريت الافادة
بالمسميات والانواع والاطوال والاسعار

شكرا

[MRBEBO]

باشا الوايت بورد دي whiteboard موجودة عند سمير وعلى



وموجودة بالحامل بتعها كمان

[sayed911]

حضرتك لو ساكن قريب من عبدو باشا اخطف رجلك لهناك وقدام كلية هندسة عين شمس المكتبات هناك متخصصة جدا في الحاجات دي لف وخد فكرة عن الأسعار وشوف المناسب

[nonetta]

في نوع white boardمش غالي بيتهيأ لي مش هتزيد عن 50 جنيه
هتلاقيه في التوحيد والنور

[abokoko]

باشا الوايت بورد دي whiteboard موجودة عند سمير وعلى



وموجودة بالحامل بتعها كمان

حضرتك لو ساكن قريب من عبدو باشا اخطف رجلك لهناك وقدام كلية هندسة عين شمس المكتبات هناك متخصصة جدا في الحاجات دي لف وخد فكرة عن الأسعار وشوف المناسب

انا مش عايز حاجة جاهزه
وكمان مش عايز حامل
انا هعلقها على الحائط
وافضل لو مقاس كبير وانا اقصه حسب الحائط عندى

اللى جه فى بالى - بتوع اليفط - انا عايز اعرف هما بيشتروه من فين واسم
الوح الفيبر ايه ومقاساته وسعره

[abokoko]

في نوع white boardمش غالي بيتهيأ لي مش هتزيد عن 50 جنيه
هتلاقيه في التوحيد والنور

انا شوفت انواع فى المكتبات
بس انا عايز حاجه كبيره واعلقها على الحائط بمسامير فيشر

[abokoko]

معلشي اخطأت
لوح الخشب اللى اتفرجت عليه 110*220
وهو نوعين خشب مضغوط ب 95 جنيه وكونتر تمنه اكتر من 200 جنيه

ومن وجهة نظرى هو تقيل وعمره الافتراضي مع اولادى هيكون قصير

علشان كده عايز البلاستيك

[Salamonti]

حضرتك أوفر حل للموضوع ده هو الأكريليك
مش بس رخيص لأ ده كمان عملي جدا جدا وانا عامله عندي في البيت
الأكريليك ده اللي هو شبه الزجاج بالظبط لكنه من مادة بلاستيكية
وده اللي بيتعمل منه الفوانيس الأمامية بتاعة معظم العربيات الجديدة كنوع من التوفير بدل الزجاج

المهم يا سيدي الأكريليك ده فيه منه شفاف وفيه منه ألوان حسب مانت عايز
هاتجيب منه اللون الأبيض عشان يبقا سبورة
وده نفس اللي بيتعمل بيه يفط الدكاترة على العيادات مثلا

وانت عند الراجل هاتلاقي منه تخانات بتتقاس بالمللي متر
في حالتنا التخانة مش هاتفرق في حاجة لأنه كده كده هايبقا مدعوم بالحيطة وراه
فانت هات أقل تخانة ممكنة عشان تبقا أرخص وأوفر

انا معرفش انت ساكن فين أو فيه مين بتوع أكريليك ممكن يبقوا قريبين منك
لكن لو انت قريب من الهرم فيه محل فوق نفق الهرم اللي بيطلع عالجيزة
هاتلاقيه فوق النفق بعد بي تك وقبل محطة المترو بحاجة بسيطة..
هايدلك المقاس اللي انت عاوزه بالتقطيع والتخريم مكان التثبيت وكل حاجة وأسعاره مش غالية..

على ما أتذكر انا عملت السبورة عندي كانت تخانة 3 مللي ومقاس 50×150 واتكلفت 40 جنيه تقريبا شامل كل حاجة بس الكلام ده من قبل الثورة

وعلى فكرة ماتقلقش من موضوع التخانة مهما كانت رفيعة لأن الأكريليك أقوى من الزجاج أساسا ومرن شوية ومش سهل الكسر..

[Salamonti]

وعلى فكرة كل واحد فينا بيشوف الأكريليك وبيتعامل معاه يوميا في حياته العادية بس يمكن الناس ماتعرفش معلومات عنه

الأكيليك موجود في فوانيس العربيات وفي عدسات النظارات وفي الحلي الزينة الحريمي وفي بزازات الأطفال البلاستيكية والميداليات والهدايا واليفط وحتى في بيتك أكيد عندك خلاط هاتلاقي غالبا الشفشق بتاعه أكريليك مش زجاج ^_^

ودي شوية صور لبعض منتجات الأكريليك عشان تعرف هو قد إيه عملي وبيستحمل أينعم أغلى شوية من الإزاز بس أحسن كتير..

[abokoko]

الاستاذ / Salamonti
الف شكر
حضرتك عرفتنى اسال على ايه ( اكريليك )
للاسف انا موجود بعيد عن القاهره ( الغردقة )
بس هنزل وادور على اللى بيبيعوا ال اكريليك
شكرا مره تانيه

[abokoko]

الا اكريليك ( لون ابيض )
لوح مقاس 130*200 سم/2.5 مم= 240جنيه
لوح مقاس 130*200 سم/ 2.0مم = 235 جنيه !


دى الاسعار اللى لقيتها

[abokoko]

الحمد لله
اشتريت لوح فايبر ( خشب ابيض من الناحيتين )
اللوح =122*244 سم
95 +5 جنيه ( ثمن اللوح + القص )
وقصيته 3 اجزاء
70*122 سم لتعليقها بالطول
174*61 سم لتعليقها بالعرض
174*61 سم لتعليقها بالعرض

الاقلام ب2.5 - و - ب 3 جنيه

[ahmedsamir5edr]

أنا هجيب لحضرتك من الاخر .. ب 5 جنيهات فقط .. روح سمير و علي .. و قوله عاوز فرخ ابيض من اللي بيتلزق علي الحائط و بيتكتب عليه .. دي انا عامله عندي ..

عباره عن ورق بلاستيك ( نفس خامه السبوره تقريبا ) بيتلزق علي الحائط ( زي الاستيكر ) و تكتب و تمسح و تعمل اللي عاوزه ( و ما بيبوظش و لا خربشه و لا حاجه )

و سعره 5 جنيه .. يعني ممكن كل عيل سبوره

[Elawany13]

لوح الفورمايكا الأبيض الكبير وجه بيكون أبيض والوجه التانى خشب سعره 45 جنيه
بس تعبان ومش ناعم بالقدر الكافى وبياكل فى القلم السبرتو وبيكون صعب فى المسح
أنظف حاجه تجيب فايبر جلاس أبيض هتلاقيه دبل فيس أبيض وناعم تماماً اللى بيعملوا بيه مطابخ الألموتال
بس أوعى تشترية من بتوع المطابخ هتلاقيهم بيستهبلوا فى الأسعار آخر استهبال
أتعب شويه ودور على الناس اللى بتبيعه جمله لبتوع المطابخ
من جوالى 8 شهور أنا جبت فرخ كبير جدا
يعمل بتاع 3 سبورات على الأقل
بـ 120 جنيه
صناعته سعودى
وشغال زى الفل
ويقال ان السورى احسن بس ملقيتش منه الأبيض

[abokoko]

لوح الفورمايكا الأبيض الكبير وجه بيكون أبيض والوجه التانى خشب سعره 45 جنيه
بس تعبان ومش ناعم بالقدر الكافى وبياكل فى القلم السبرتو وبيكون صعب فى المسح
أنظف حاجه تجيب فايبر جلاس أبيض هتلاقيه دبل فيس أبيض وناعم تماماً اللى بيعملوا بيه مطابخ الألموتال
بس أوعى تشترية من بتوع المطابخ هتلاقيهم بيستهبلوا فى الأسعار آخر استهبال
أتعب شويه ودور على الناس اللى بتبيعه جمله لبتوع المطابخ
من جوالى 8 شهور أنا جبت فرخ كبير جدا
يعمل بتاع 3 سبورات على الأقل
بـ 120 جنيه
صناعته سعودى
وشغال زى الفل
ويقال ان السورى احسن بس ملقيتش منه الأبيض

الحمد لله
اللى انا اشتريته بالفعل - هو الفيبر اللى ابيض وناعم ومن الناحيتين
بس معرفش صناعته ايه عموما هو تمنه 95 جنيه واخد 5 جنيه علشان قص اللوح
ومقاسه 122*244 سم
والحمد لله - الاولاد من امبارح شغالين كتابة ورسم
ووفرت تمن الكراسات اللى كانت بتتقطع والورق على الارض فى كل الشقه
بس فى اليوم الاول باظ قلم وشغالين بالتانى
شكلى هنزل اشترى دستة اقلام ( انا اللى جبته لنفسي )
هههههههههههههههههههههههههه