كنت حضرب النهاردة علقة مووت

[A7MED_PHARMA]

بس احساس صعب لما تسمع شتيمتك بودنك و تمشى ....

لا ياراجل
المواقف نوعين
نوع لازم تتخانق فيه
والنوع التاني انك تستمتع بالشتيمة .. مش بهزر والله
الشتيمة في المواقف الي مش مستاهلة خناق.. معناها ان الطرف التاني محروق دمه تيتتتتتتت
ولما تسيبه وتنفضله وتمشي
بيولع في نفسه أكتررررررررررررررررررررررررر ههههههههههههه



من كام يوم في الزقازيق
في وسط الزحمة كده .. ألاقي غبي برضو بتاع 50 سنة بيزرع على الشنطة..وبيقول مش تحاسب
وهو أساسا ماعداش من قدامي حتى ولا حتى شوفته
كده منه لنفسه كده
وراح شاتم
بكل برود..روحت رامي عليه السيجارة وسايبه وماشي وهو بيهري في نفسه وبيشتم كلام ماسمعتوش
اديني كده مشيت وماوجعتش دماغي .. ماعطلتش الطريق .. وسببتله حرقة دم أكتر ماتقف وتضرب وتنضرب

[Amr_tika88]

الشعب ده عايز حد يربيه من اول وجديد وياريت نبطل النغمات الكدابه بتاعت طيب وجميل والكلام اللي مبيجبش همه ده

[ELBEH]

ماشى انا بالعربية ومعايا مراتى وبينتى ال 6شهور وقاعد اكلم مراتى عن الثورة والعدل اللى مستنيينة وان الشعب دة اتظلم كتير واتبهدل واتهان و واقفين فى الاشارة

الاشارة فتحت وكلة بيجرى عشان يلحق ال 30 ثانية قبل ماتقفل وانا يدوبك بعدى على اخر 7 ثوانى وتقلب احمر والشارع المعاكس بدء يتحرك ببطء دوست بنزين عشان الحق وبكلم مراتى عادى ومطمن

فجأة

واحد بتاع 50 سنة جتتة وضخم وبكرش ضخم وفى ايدة ست كبيييرة عجوزة بعكاز قرر انة يعدى و محروق ابو الاشارة

راح رافع ذراعة بيشاور يعنى عشان كلة يقف وكان حظى انا انة هو اللى فى وشى

ببص فى المرايا ورايا ولسع حفقع فرامل لقيت مينفعش غير انى حهرس البدال واحتمال ان مراتى وبنتى جمبى ال 6شهور يلزقوا بوشهم فى الازاز والتابلوة غير تأثير خبطة اللى ورايا ممكن يموت البنت الصغيرة

قرصت بنزين ورميت بعيد عنة بتاع متر كامل وعديت قام قايل اية

خلى عند اهلك دم يا بارد وقام رازع بايدة على صاج العربية من ورا وهبد بذراعة

انا كنت ماشى تقريبا على 40 او 30

طبعا انا مصدقتش طب بيشتمنى لية وبيهبد لية دة انا ملمستوش حضنت يمين وسبت اللى ورايا يعدى

وقمت راجع مارشدير لقيتة واقف فارد كرشة والست العجوزة فى ايدية نزلت الازاز شوية (من ناحية مراتى والبنت) على اليمين وفى قمة نرفزتى

قلتلة انت راجل قليل الادب عشان تشتم وانا ملمستكش

قام مادد ذراعة جوة العربية بيشوح انت غبى وانت وانت بصوت جهورى لقيت طبعا مراتى مذهولة والبنت حتبدأ تصرخ والدم فاااار فى عروقى قعدت اقول كلام مش فاهمة انا بذعيق فجأة الناس اتلمت

نص بيحوش ونص بيهبد على الازاز الاربعة المقفولين اة معندوش دم عشان راكب عربية يدوس على البنى ادمين الغلابة هو اية لأ مش حنسكت ونص بيقول حصل خير والازاز مفتوح نصة ناحية مراتى والبنت والايدين كترت جوة العربية

بقيت مش عارف افكر نفسى انزل اكلة بسنانى ودماغى بتقولى مراتك وبنتك مراتك بنتك ممكن يحصلهم حاجة وهى الدم اتسحب من وشها


بطرف عينى شفت وشها وشكل البنت رفعت الازاز ودست بنزين بس براحة مش فرك

ومشيت

قام ابو كرش يمد ذراعة عايز يفتح الباب اليمين بتاع مراتى اللى ناحيتة عشان اقف

الحمد لله انا دايما اول ما بتحرك بقفل السنتر

طبعا الباب مفتحش قام بعلو صوتة والشتيمة بعلو صوتة

انزل يأبن العر* وبيجرى على عربية 125فيات كدة بتاعتة تقريبا بيفتح بابها وعايز يجرى ورايا وناس تشتمنى انا وناس شايفها فى المرايا مسكاة من كتفة

ومراتى ماسكة دراعى امشى ياحمد امشى امشى

مشيت كنت رايح البيت بعد الموقع دة بعشرين متر

نزلت مراتى والبنت واطمنت انهم طلعوا العمارة

حلفت واقسمت بالله انى الف تانى

لفيت العربية ورجعت يدوبك 5 دقايق ... رجعت تانى ملقتش العربية بتاعتة سألت عسكرى وضابط (متفرج طبعا) قاللى مشى



يا الله

قد اية الدم بيغلى جوايا وانا عايز انزل افرمة وافرم الناس دى

بس منظر مراتى وبنتى خلانى امشى

مش عارف انا اتصرفت صح ولا غلط انى سمعت الشتيمة وموقفتش

مش عارف

وانا كنت لسة قبليها ب 5دقايق بدافع عن الشعب وبقول غلبان وجميل

حسبى الله ونعم والوكيل

حسبى الله ونعم الوكيل

معلش و الحمد لله
و عايز اقولك حاجة مهمة جدا جدا (المحترم و المؤدب فى البلد دى مينفعش)بجد واللهى الناس معظمها سلوكها وحش وحش قوى بجد واللهى مش عايز اقولك الواحد بيعانى من الموضوع ده قد اه و كتير بفكر اخد مراتى و ابنى و امشى من البلد خالص بجد الناس سلوكها وحش و صعب اى حد يعرف يغيره و الامل اولا فى ربنا و ثانيا الجيل الصغير خالص اللى هوه من سن اقل من سنتين.و ربنا يسترها معانا كلنا.

[egyptiandiver]

انسي

[Abo_Lina]

كلنا اتعلمنا و بنتعلم من المواقف دي
الشعب المصري جزء كويس منه لا ينفع معه الاحترام

[tmz9111]

أهم حاجة أن بنتك ومراتك بخير ....