إعـــــــلان

Collapse

.

,
See more
See less

عملية تصحيح النظر بالليزر

Collapse
X
 
  • Filter
  • الوقت
  • Show
Clear All
new posts

  • #91
    هي المشكله بس ان نهي سابت المنتدي

    فلو اي حد تاني يعرف يفيد حضرتك يبقي جزاه الله كل خير
    [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

    Comment


    • #92
      المشاركة الأصلية كتبت بواسطة elrasy مشاهدة المشاركة
      مفيش اخبار جديدة ,, اصل انا خلاص ناوى اعملها قريب
      حضرتك عايز تعرف ايه جديد في الموضوع
      ان شاء الله أحاول أفيدك
      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

      Comment


      • #93
        المشاركة الأصلية كتبت بواسطة Ahmed Samy مشاهدة المشاركة
        حضرتك عايز تعرف ايه جديد في الموضوع
        ان شاء الله أحاول أفيدك
        عايز مكان كويس اعمل فية التحاليل والاشعة اللى بتحكم على مدى ملائمة العملية لية,,,لانى ناوى اعمل التحاليل فى مكان والليزك نفسة فى مكان تانى علشان المصداقة

        المشاركة الأصلية كتبت بواسطة Bossy_Fadl مشاهدة المشاركة
        هي المشكله بس ان نهي سابت المنتدي

        فلو اي حد تاني يعرف يفيد حضرتك يبقي جزاه الله كل خير
        ويا ترى سابتة لية
        [CENTER]AHMED[/CENTER]

        Comment


        • #94
          مغربي عنده اقوى اجهزة للتشخيص و الليزر
          ممكن تشخص عندهم ولو مش هاتنفعلك مش هايعملوها لأنها هاتفشل

          وممكن تشخص تانى بره في أي مركز كبير (هاسأللك بكره ان شاء الله)

          بس خلي بالك ان ممكن حد يقوللك على حاجة ماتنفعش لأنها فوق قدرات جهاز الليزك اللي عنده لأن ممكن يكون موديل قديم (اللي هو السنة اللي فاتت مثلا) و تكون تنفع بجهاز أحدث ....

          في مركز محترم قوي في اسكندرية قدام زهران مول سموحة
          هاجيبلك تليفوناته برضه بس ربنا يسهل و ماتأخرش عليك
          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

          Comment


          • #95
            التخصصي للعيون كويس جدا
            و لو حضرتك تقدر تيجي الزقازيق انا ممكن اخدمك جدا في الموضوع دا

            Comment


            • #96
              المشاركة الأصلية كتبت بواسطة Ahmed Samy مشاهدة المشاركة
              مغربي عنده اقوى اجهزة للتشخيص و الليزر
              ممكن تشخص عندهم ولو مش هاتنفعلك مش هايعملوها لأنها هاتفشل

              وممكن تشخص تانى بره في أي مركز كبير (هاسأللك بكره ان شاء الله)

              بس خلي بالك ان ممكن حد يقوللك على حاجة ماتنفعش لأنها فوق قدرات جهاز الليزك اللي عنده لأن ممكن يكون موديل قديم (اللي هو السنة اللي فاتت مثلا) و تكون تنفع بجهاز أحدث ....

              في مركز محترم قوي في اسكندرية قدام زهران مول سموحة
              هاجيبلك تليفوناته برضه بس ربنا يسهل و ماتأخرش عليك
              اشكرك اوى لاهتمامك بس انا بدور على مكان فى القاهرة

              المشاركة الأصلية كتبت بواسطة ابو سيف مشاهدة المشاركة
              التخصصي للعيون كويس جدا
              و لو حضرتك تقدر تيجي الزقازيق انا ممكن اخدمك جدا في الموضوع دا

              التخصصى دى فين؟
              واشكرك جدا لاهتمامك
              [CENTER]AHMED[/CENTER]

              Comment


              • #97
                الحقيقة يا جماعة انا اول مرة اشوف الموضوع ده النهاردة مع ان بقاله حوالى سنة.
                عموما
                اولا :حمدا لله على السلامة للى عملوها و ربنا يتم شفاكم على خير و يبعد عنكم مشاكلها
                ثانيا : اللى لسه ما عملهاش لو سمحت اصبر و اقرأ للآخر
                فيه بعض المعلومات الضرورية اللى لازم الكل يعرفها و بعدين كل واحد حر فى اللى هو عايزه
                LASIK هو اختصار Laser In situ Kertomelieusis يعنى اعادة تشكيل سطح القرنية فى مكانه باستعمال الليزر و دى احدى عمليات تصحيح النظر و تتم بعمل شريحة غير كاملة فى قرنية العين باستعمال مشرط جراحى خاص يدعى Microkeratome و رفع الشريحة مثل كبوت العربية ثم استعمال شعاع ليزر الأكسيمر لأعادة تشكيل سطح القرنية للوصول الى القوة المطلوبة كعدسة ثم اعادة الشريحة السابقة لمكانها
                طبعا المشكلة ان العملية واخدة دعاية فوق الوصف و ماحدش من المرضى المساكين عارف الحقيقة فين
                و لكن قبل ما اتكلم فيه نقطة هاااامة جدا لابد من ذكرها ...
                حد يجيب لى دكتور عيون واحد على مستوى العالم عملها لنفسه و قلع نظارته !!!
                هل يعقل ان كل دكاترة العيون اتقلبوا "بابا نويل" بيهدوا الناس النظر السليم و يخلصوهم من اللعنة الأبدية المسماة "النظارة" و اختها الملعونة "العدسات اللاصقة" و ماحدش منهم نفسه يقلع نظارته ؟؟ ليه ؟ هو احنا واخدينها على شهادة الماجستير مثلا ؟؟
                فكروا فى النقطة دى كويس يا ناس ....
                باختصار شديد العملية دى ما هى الا مقامرة بس بدل الفلوس بتلعب على عينيك
                مافيش ضمان فى اى مقامرة النتيجة هاتبقى ايه
                و نفس الحكاية مع الليزك ، ممكن الفحوصات ممتازة و المريض من احسن المرشحين للعملية و الجراح ممتاز و الجهاز احدث نوع و 10/10 و برغم كده يفقد المريض بصره او يحصل له مشاكل
                مافيش اى ضمانات ...


                المشاركة الأصلية كتبت بواسطة ahmed1981 مشاهدة المشاركة
                أنا سألت الدكتور بهي الدين شلش
                وهو دكتور عيون كبير
                وأكيد الدكاتره هنا عارفينه
                المهم قال أنا لا أحبذها لأن بها نسبة خطأ ونسبة فشل لو حدثت ستصبح العين أسوأمن ذي قبل
                استاذنا الكبير و كلامه سليم 100%

                المشاركة الأصلية كتبت بواسطة Ahmed Samy مشاهدة المشاركة
                عزيزي

                حتى عبور الشارع به نسبة خطأ

                و لكن تكرار الخطأ أو المضاعفات هو ما قد يعرف (بالخطورة)

                الإكسايمر ليزر امن تماما و غير قادر على اختراق الأنسجه بعد الطول المحدد اليكترونيا .....

                بالأضافة الى أن التوجه و القذف على انبعاجات العدسة في منتهى الدقة و بنظام راداري متطور جدا .....

                الأجهزة الجديدة تقريبا تهمل العنصر البشري و هو ما يقلل نسبة الخطأ بشكل كبير


                أما عن رفض الطبيب لهذه العملية فهو غير مبرر بالمرة الا تبرير واحد أرجو الا يكون ظني في محله


                لا يوجد اي تقارير عن مضاعفات خطيرة للعملية الا بعض الحالات التي لم يلتزم فيها المرضى بمواعيد و جرعات المضادات الحيوية و نتج عنها التهابات في منطقة العملية

                العملية أمنه بشكل كبير و أقول لحضرتك بكل أمانة و بمنتهى الثقة ......

                استخر .....

                و توكل على الله
                اسف جدا جدا جدا
                كلام حضرتك هو الخطأ بعينه
                الدكتور ده يا استاذى من اوائل الناس اللى عملوها و اكتشف مشاكلها و لأنه امين فذكر كده ، مش لأنه مابيعرفش يعملها زى ما سيادتك بتلمح
                ثانيا معلومات حضرتك عن العملية ناقصة و غير دقيقة
                و المشاكل ياما حصلت مع مرضى ملتزمين بشدة و غير مهملين
                و بعدين مين قال ان المشاكل بتيجى من التهاب مكان العملية لعدم الأنتظام فى قطرات المضاد الحيوى ؟؟ امال مثلا جفاف سطح العين اللى بيجى بعد الليزك Post Lasik Dry Eye هل سببه التهاب العين يا سيدى الفاضل ؟؟
                العملية غير آمنة تماما ، لا بشكل كبير ولا صغير ، و بلاش الثقة دى فى شئ ماعندكش معلومات كافية عنه
                لا أقصد اية اساءة لسيادتك و لكن فقط ارجو تحرى الدقة و عدم القفز للأستنتاجات

                المشاركة الأصلية كتبت بواسطة casperinoo مشاهدة المشاركة
                معظم اساتذة الرمد عندنا لابسين نضارات!!!
                دى حقيقة ..
                هو حد فينا مستغنى عن عينيه ؟؟؟

                المشاركة الأصلية كتبت بواسطة Ahmad Allawy مشاهدة المشاركة
                انا متابع الموضوع ..
                و مهتم عشان كنت فعلا بافكر فيه..
                بس والدي معترض و بشدة..
                باملناسبة هو طبيب.. و مش مقتنع باي خاجة فيها جراحة او الخضوع تحت بنج..
                او تدخل خارجي عموما.. (انا عارف ان مفيهاش جراحة و مفيهاش بنج كلي)

                بس اللي عايز اعرفه بقي ان الواحد ممكن يعمل العملية و نظره يضعف تاني..
                و بالتالي بقي اللي اتعمل مالوش اي لازمة..
                ابقي قضيت شوية وقت من غير نضارة و رجعت ليها تاني..!!!
                بس ده بالنسبة لبعض الناس اللي نظرها مش ضعيف جدا يعني و النظر -1 احسن ما يكون -6
                والدك معاه حق 100000000+
                و طبعا يا ما شفنا ناس عملتها و ضعف النظر رجع تانى و لبسوا نظارات تانى و يا ما ناس ندمت على انها لعبت فى عينيها

                المشاركة الأصلية كتبت بواسطة TaoTao مشاهدة المشاركة
                هو ده اللي بيجنني وبيخليني كل ماتقدم خطوة في اتجاه العملية أرجع تاني واقلق ..
                تلاقي واحد في التليفزيون يكلمنا عن المزايا والأمان والحلاوة بتاعة العملية وهو نظارته في وشه قد كدة !!
                وكمان فيه حاجة .. كل شوية تكنولوجي جديدة تطلع في مجال تصحيح قوة الإبصار، اقول استنى شوية التكنولوجي تثبت نجاحها تثوم تكنولوجي تانية تطلع وهكذا !

                حاجة تحير .. مش كدة؟
                طبعا حاجة تحير
                و لكن كويس انك سألت نفسك السؤال المهم ... ليه لابس نظارته ؟؟؟
                الكلام السهل و الدعاية ما حدش بيراجع عليها فكل واحد بيقول اللى هو عايزه
                و الحكم للى بيفكر صح

                المشاركة الأصلية كتبت بواسطة MM_Mohsen مشاهدة المشاركة
                مبروك بس انت عملت العملية و قعدت ع الكومبيوتر فورا!! ريح عينك كام يوم حتى لو الدكتور قال غير كده ( دكاترة تانية بتطلب فترة راحةكافية بعد العملية )
                للاسف انا عملت العملية من حوالى 5 سنيين و بعدها احتجت البس نضارة تانى و بعدها غيرت الكشف مرتين و نظرى بيضعف زيادة ..و الاسخف نظارة طول النظر
                شكلها اسخف من قصر النظر ( عدسات محدبة و مقعرة ) و انا الان لا استطيع الاستغناء عن النظارة و فى الصيف اشترى نظارة شمس ( فرساتشى او كريستيان ديور !! ) و اشيل العدسات و احط عدسات طبية و بعده يتم تلوين العدسات للشمس .. شوفت وجع القلب ! ..
                و المهم ان يستمر تحسن النظر بصفة مستمرة و ليس لفترة قصيرة كما ان راحة
                العين مهمة سواء اجرى الانسان العملية ام لا بمراعاة الاضاءة السليمة و تقليل
                ساعات الكمبيوتر و غيره ..
                للاسف بعض الدكاترة بيشجعوا العملية لاسباب تجارية .. و اى عملية حتى اللوز و التجميل ممكن يكون ليها مخاطر كما ان اختيار جراح ذو سمعة طيبة امر مهنيا و اخلاقيا شئ مهم و اعتقد ان تكنيك العملية و الاجهزة تتطور بسرعة و اكيد الجهاز تطور من وقت عمليتى يعنى إن شاء الله يستمر مفعولها دايما .
                للأسف انت احد الأمثلة لتغير النظر و العودة للنظارة
                اما بالنسبة لموضوع تطور الأجهزة فأنا آسف انى اقول الأجهزة مالهاش دعوة ، تغير النظر ده سببه تغير العين و دى مسألة نمو (يعنى لو هاتحصل مافيش حاجة تمنعها)

                المشاركة الأصلية كتبت بواسطة Ahmed Samy مشاهدة المشاركة
                مغربي عنده اقوى اجهزة للتشخيص و الليزر
                ممكن تشخص عندهم ولو مش هاتنفعلك مش هايعملوها لأنها هاتفشل

                وممكن تشخص تانى بره في أي مركز كبير (هاسأللك بكره ان شاء الله)

                بس خلي بالك ان ممكن حد يقوللك على حاجة ماتنفعش لأنها فوق قدرات جهاز الليزك اللي عنده لأن ممكن يكون موديل قديم (اللي هو السنة اللي فاتت مثلا) و تكون تنفع بجهاز أحدث ....

                في مركز محترم قوي في اسكندرية قدام زهران مول سموحة
                هاجيبلك تليفوناته برضه بس ربنا يسهل و ماتأخرش عليك
                هو ده كلام الدعاية
                ممكن (انا آسف) أسأل عرفتوا منين الكلام ده ؟؟؟
                و ايه نوع و موديل الجهاز اللى هنا و اللى هنا ؟؟
                و ايه اخر موديل نزل السوق و ايه شركته و يفرق ايه عن الموديل اللى قبله ؟؟
                لو تقدر تجاوب على أسئلتى دى يبقى ممكن ترشح مركز او اكتر و لو لأ يبقى احنا بنجرى وراء الأعلانات.
                انا آسف لردى الجاف و لكن لابد من معرفة الحقيقة
                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                [CENTER][COLOR=DarkGreen][B][SIZE=5]الصحة تاج على رؤوس الأصحاء
                لا يراه إلا المرضى
                [/SIZE][/B][/COLOR] [/CENTER]

                Comment


                • #98
                  انا حسيت انى طولت عليكم ففضلت اقسم كلامى على مرتين
                  طبعا كطبيب عيون ارفض هذه العملية الا لو حد "مالوش حل تانى" غير العملية دى ، مش اى حد نفسه يقلع نظارته و خلاص
                  ثانيا كطبيب (عموما) و باحث ماتعودتش اتكلم من غير ما اوثق كلامى بالمراجع اللازمة و الا يبقى كلام مطلق مالوش لازمة
                  و هنا اسمحوا لى نتفسح شوية مع بعض فى الويب
                  اولا من موقع WebMed دراسة حديثة تحذر من مخاطر الليزك
                  Experts Advise New Warnings for LASIK
                  Patients Tell FDA Panel About Serious Side Effects From Corrective Eye Surgery


                  باختصار فيها تحذير من مخاطر الليزك و ان لابد توعية المرضى بذلك و ان ال FDA بدأت دراسة جديد (قد تستغرق سنوات) لتعيد النظر فى التصريح الممنوح لليزك ، و ان مشاكله بقت كبيرة على مرور السنين

                  نتكلم شوية عن المشاكل :


                  LASIK Statistics

                  LASIK Risks & Complications

                  Dry eye is a common complication after LASIK. In one study, 20% of eyes undergoing LASIK exhibited chronic dry eye that lasted 6 months or longer.
                  Source study: "Dry eye after LASIK for myopia: Incidence and risk factors."
                  Eur J Ophthalmol. Vol 17 No 1, 2007.


                  The incidence of epithelial ingrowth after LASIK has been reported to be as low as 0.2 percent and as high as 15 percent. Commonly reported figures are 0.92 percent after primary LASIK and 1.7 percent after enhancement procedures.
                  Source: "Treating epithelial ingrowth after LASIK."
                  Review of Ophthalmology. Vol 14 No 7, July 2007.


                  The estimated incidence of corneal ectasia after LASIK is about 1 in 2,500 (0.04%).
                  Source: "Combating corneal ectasia demands that surgeons expand their notions about the disease."
                  Ocular Surgery News, www.OSNSuperSite.com, July 3, 2008.

                  العملية الآمنة فيها نسبة 20% جفاف سطح العين لمدة 6 شهور او اكثر !!! يا سلام ... تخيل كل واحد كده لو عينه عمالة تحرقه و فيها احساس شكشكة و جفاف و نفسه انها تدمع شوية و مش قادر ...
                  بدون تعليق
                  المشكلتين التانيين هى ظهور سحابة مكان القطع لعمل القلابة و نسبتها قد تصل الى 1.7% بعد اعادة الليزك
                  اما المشكلة الثالثة ان القرنية تبقى رقيقة لدرجة انها تعمل زى البالونة و تجحظ للخارج تحت ضغط العين الداخلى العادى و دى بتدمر الأبصار

                  نكمل كلامنا

                  In a major report discussed on the American Academy of Ophthalmology Web site, 64 LASIK studies published since 2000 were reviewed with these results reported:
                  الأكاديمية الأميريكية للعيون دى اعلى مرجع للعيون فى العالم و ده تقريرها عن 64 دراسة من سنة 2000 حتى الآن

                  In a detailed analysis of all 64 studies, a median of 92 percent of eyes with myopia or myopic astigmatism achieved a correction within 2 diopters of target. Results were better for eyes with low or moderate myopia, compared with high myopia.

                  كل الدراسات بتقول ان متوسط نسبة تصحيح النظر بقبول خطأ درجتين فوق او تحت المقاس هى 92% يعنى الفشل 8% (هل دى نسبة بسيطة فى عملية اختيارية و غير ضرورية؟؟ و مش هانجيب سيرة الخطأ درجتين فوق او تحت المقاس) !!!

                  In these same studies, outcomes for people with hyperopia also were examined. Results showed that a median of 88 percent of eyes with hyperopia and hyperopic astigmatism achieved correction within one diopter of target, resulting in at least 20/40 UCVA.

                  هنا بقى طول النظر و نسبة النجاح 88% و مش هاتكلم عن كده اكتر

                  The U.S. Food and Drug Administration (FDA) reports that LASIK eye surgery complications occur in 1 to 5 percent of cases. According to the FDA’s LASIK surgery statistics:

                  * Glare and sensitivity to light affect 1.7 percent of LASIK patients.
                  * Visual fluctuations occur in 2.6 percent of LASIK patients.
                  * Halos around light sources are experienced by 3.5 percent of patients.
                  * About 3 percent of patients report vision worse than before LASIK.

                  باعتراف FDA نفسها المضاعفات 1-5 % (اكتر من كده فى الحقيقة و الا ماكانوش عملوا دراسة جديدة ، و لكن ده الموجود حاليا فى نظرهم)

                  زغللة و حساسية شديدة للضوء 1.7%
                  تذبذب النظر 2.6%
                  هلالات حول الضوء 3.5%
                  النظر أسوأ بعد العملية 3%
                  الأجمالى 10.8% مضاعفات

                  ممكن نقرأ اللى جاى سوا ؟

                  أخبار من موقع مضاعفات الليزك

                  و هنا كمان

                  10 اسباب مهمة لتجنب الليزك

                  هنا مواقع عن مضاعفات الليزك مع قصص للناس اللى عملوها و عينيهم باظت (اللهم احفظنا جميعا)

                  Lasik complications

                  Life After Lasik

                  آسف انى طولت عليكم و يمكن كلامى ما يعجبش ناس كتير و لكن الحقيقة لا مفر منها

                  المشكلة ان احنا بنسمع بس عن اللى بيكسب فى اليانصيب او صالات القمار لكن ما بنسمعش حاجة عن اللى خسروا

                  و نفس المشكلة فى الدعاية ، بيعملوا الدنيا لونها وردى و البحر طحينة و مافيش سيرة عن الحقيقة

                  و علشان اديكم مثال حى عن كده شوفوا الليزك مكتوب عنه ايه فى الصفحة العربية من ويكيبيديا و الأهم مين اللى كاتبها و للأسف بدون مراجع فعلية (مش محتاج اقول ليه من غير مراجع !!!)

                  الليزك فى ويكيبيديا العربية

                  و هنا الصفحة الأصلية بالأنجليزية مع الحقيقة و المشاكل و المضاعفات و نسبها الحقيقية و المراجع المعتمدة ، للى يحب يقرأ و يقارن الفرق بين الحقيقة و الدعاية

                  الليزك فى ويكيبيديا الأنجليزية

                  طبعا بدون تعليق

                  آسف للأطالة و آسف لو حد زعل منى و لكن الأمر أهه قدامكم و تدبروا يا أولى الألباب
                  و تحياتى
                  [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                  [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                  [CENTER][COLOR=DarkGreen][B][SIZE=5]الصحة تاج على رؤوس الأصحاء
                  لا يراه إلا المرضى
                  [/SIZE][/B][/COLOR] [/CENTER]

                  Comment


                  • #99
                    من سنتين تقريبا شوفت برنامج مش فاكره اسمه بصراحة
                    بس كانوا مستضيفين مجموعة من مرضى العيون
                    قاموا باجراء عمليات تصحيح النظر في مركز بصريات مشهور لكن مصرحوش باسمه بس غالبا على حسب تخميني وفهمي من سياق الكلام كان مركز مغربي
                    المهم ان كل الضيوف المرضى العمليات كانت فاشلة بالنسبة لهم وفي ناس منهم قبلوا بتعويضات مالية بعد ما فقدوا بصرهم وفي ناس اصروا على رفع قضايا على المركز وهم د ول اللي كانوا ضيوف البرنامج
                    بس كان في تعتيم شديد على اسم المركز وعلى القضية ككل

                    اذن الموضوع في احتمال للفشل يبقه الواحد يتحمل النظارة افضل
                    وربنا يعافينا جميعا

                    Comment


                    • المشاركة الأصلية كتبت بواسطة نور القمر مشاهدة المشاركة
                      من سنتين تقريبا شوفت برنامج مش فاكره اسمه بصراحة
                      بس كانوا مستضيفين مجموعة من مرضى العيون
                      قاموا باجراء عمليات تصحيح النظر في مركز بصريات مشهور لكن مصرحوش باسمه بس غالبا على حسب تخميني وفهمي من سياق الكلام كان مركز مغربي
                      المهم ان كل الضيوف المرضى العمليات كانت فاشلة بالنسبة لهم وفي ناس منهم قبلوا بتعويضات مالية بعد ما فقدوا بصرهم وفي ناس اصروا على رفع قضايا على المركز وهم د ول اللي كانوا ضيوف البرنامج
                      بس كان في تعتيم شديد على اسم المركز وعلى القضية ككل

                      اذن الموضوع في احتمال للفشل يبقه الواحد يتحمل النظارة افضل
                      وربنا يعافينا جميعا
                      فعلا الكلام ده صح (مش هاقول اسم المركز ولا اقول الأسم اللى فلتيه صح او غلط) و لكن النظارة فعلا أأمن حاجة ثم العدسات
                      و بس ....
                      لو العملية دى حلوة كنا احنا دكاترة العيون أول ناس عملناها و قلعنا نظاراتنا يا جماعة
                      افهموها بقى
                      ده انا طلعت مع واحد من اساتذتنا الكبار الثقة و الأمناء فى قناة "الصحة و السكان" (قبل ما يغيروا اسمها) و نصحنا الناس مايعملوش ليزك
                      و طلعت بعدها فى اذاعة القاهرة الكبرى و قلت نفس الكلام
                      و عملوا معايا احاديث مرتين فى بعض الجرائد و قلت نفس الكلام
                      بس فين اللى يشوف و يسمع و يقرأ و يفهم !!!
                      ربنا يعافينا جميعا
                      و تحياتى
                      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                      [CENTER][COLOR=DarkGreen][B][SIZE=5]الصحة تاج على رؤوس الأصحاء
                      لا يراه إلا المرضى
                      [/SIZE][/B][/COLOR] [/CENTER]

                      Comment


                      • اهلا دكتور شريف هوا انا مش هدخل مع حضرتك في جدل بخصوص جودة العمليه و هل في فروقات بين الاجهزة و لا لأ و صلاحيه العمليه نفسها و امنها من عدمه و لكن لي تعليق بسيط بس للتوضيح مش اكتر اني اعرف شخصيا اتنين دكاترة عيون عاملين العمليه واحد مدرس و على وش استاذ مساعد من الناس الشاطرين جدا علميا و جراحيا و التاني هو طبيب عيون بس لسه صغير والدة استاذ عيون و من اوائل الناس اللى عملوا ليزك و جابوا اجهزة في مراكز و هوا اللى خلاه يعمل العمليه و بردو شغال كويس جدا
                        انا بقول النقطه دي لسبب واحد بس ان عمليه الليزك مش عملية مصيريه و مفيش دكتور بيقول انت حالتك محتاجه ليزك((الا في حالات مرضيه معينه غير اللى بنتكلم عليها)) دي عمليه اختياريه بحته اللى بيعملها بيعملها عشان مش عايز يلبس النظارة او العدسات مش عشان ينقذ حياته و نظرة بعملية الليزك..فهو حر
                        فأنا البس نظارة و مستريح فيها و لكني مقتنع بالعمليه جدا لما حضرتك تيجي تقولي انا مش طايق النظارة اللى عليا و مش قادر اعيش بيها و اقولك اعمل ليزك يبقا انا بستهبل !!!

                        دي النقطه بس اللى حبيت اوضحها و رأي حضرتك له كل الاحترام

                        تحياتي ليك يا فندم

                        Comment


                        • المشاركة الأصلية كتبت بواسطة ابو سيف مشاهدة المشاركة
                          اهلا دكتور شريف هوا انا مش هدخل مع حضرتك في جدل بخصوص جودة العمليه و هل في فروقات بين الاجهزة و لا لأ و صلاحيه العمليه نفسها و امنها من عدمه و لكن لي تعليق بسيط بس للتوضيح مش اكتر اني اعرف شخصيا اتنين دكاترة عيون عاملين العمليه واحد مدرس و على وش استاذ مساعد من الناس الشاطرين جدا علميا و جراحيا و التاني هو طبيب عيون بس لسه صغير والدة استاذ عيون و من اوائل الناس اللى عملوا ليزك و جابوا اجهزة في مراكز و هوا اللى خلاه يعمل العمليه و بردو شغال كويس جدا
                          انا بقول النقطه دي لسبب واحد بس ان عمليه الليزك مش عملية مصيريه و مفيش دكتور بيقول انت حالتك محتاجه ليزك((الا في حالات مرضيه معينه غير اللى بنتكلم عليها)) دي عمليه اختياريه بحته اللى بيعملها بيعملها عشان مش عايز يلبس النظارة او العدسات مش عشان ينقذ حياته و نظرة بعملية الليزك..فهو حر
                          فأنا البس نظارة و مستريح فيها و لكني مقتنع بالعمليه جدا لما حضرتك تيجي تقولي انا مش طايق النظارة اللى عليا و مش قادر اعيش بيها و اقولك اعمل ليزك يبقا انا بستهبل !!!

                          دي النقطه بس اللى حبيت اوضحها و رأي حضرتك له كل الاحترام

                          تحياتي ليك يا فندم
                          أخى العزيز
                          شكرا على تحيتك الرقيقة و ردك الدبلوماسى الجميل
                          مع كامل احترامى لرأيك فواضح ان سعادتك ماشفتش المرضى (و عددهم فوق ما تتصور) اللى بيرجعوا من عند دكاترة عيون (مش مهم كبار او صغيرين) و هم سامعين كلمة "لازم تعمل ليزك" و حط تحت كلمة "لازم" 100 خط
                          يا عزيزى ده انا شفت ناس عاملين ميه بيضاء و زرع عدسة مافيش كام شهر و بدل ما يعمل له نظارة يدخله يعمل ليزك ؟؟؟!!!
                          و معلش ده فيه ناس بيفهموهم ان مافيش غير الليزك و الا عليه العوض فى النظر
                          طيب ايه رأيك فى اللى بيعملوا (او بينصحوا) بعمل الليزك لأطفال و شباب سنهم لا يتجاوز 14-16 سنة (مع ان اقل سن 21 سنة و بتبقى حاطط ايدك على قلبك احسن النظر يفضل يتغير كذا سنة بعدها) ؟؟
                          كون ان فيه 2 عملوها من دكاترة العيون فده (ما قدرش اشكك فى كلامك أبدا ، بس مستغربه جدا بصراحة) فده مش تأكيد للجودة ، ما فيه دكاترة بتشرب سجاير و عارفين اضرارها
                          و لكن الغريب ان لو حضرتك راجعت المكتوب فى كتب العيون عن الليزك انه لا يصلح لأطباء العيون ، جراحين الأوعية الدموية ، جراحين المخ و الأعصاب و ذلك لعرض جانبى لا مفر منه هو Loss of contrast sensitivity و ده بيقضى على مستقبل المهن دى (الا لو هايشتغل جراحات مافيهاش ميكروسكوب جراحى كتير او مافيش خالص)
                          لو حضرتك اخدت بالك من كلامى انا ما حجرتش على حد او انكرت عليه حقه فى انه يعمل العملية او لأ ...بالعكس ... كل اللى اكدت عليه فى كلامى هو معرفة الحقيقة بدون خداع او تزييف او حتى تجميل و ترك القرار للمريض فقط
                          و بعدين لو تسمح لى اطرح المثال الآتى
                          ناس كتير بتشرب سجاير ، عارفين ضررها او لأ ، ده حقهم
                          و لكن ماعتقدش انه يبقى غلط او تدخل فى حريتهم الشخصية انى اقول و اوضح (بالأدلة و المراجع الموثقة و الأكيدة) مخاطر و أضرار السجاير
                          هو ده كل اللى انا عملته
                          باوضح حقيقة الليزك "على بلاطة"
                          و لكل شخص مطلق الحرية فى عمل العملية او رفضها
                          و طبعا فيه حد هايقول لى مافيه ناس عملت و زى الفل
                          و اسمحوا لى ارد عليه و اقول : هل كل اللى بيدخل صالة القمار بيخسر ؟؟ هل كل اللى بيشربوا سجاير جالهم سرطان رئة و ماتوا منه ؟؟
                          اكيد لأ ، و لكن بارجع و أقول المشكلة الكبرى ان مافيش ضمان هايحصل ايه.
                          هل فيه ضمان انك لو لعبت كذا دور قمار هاتكسب فى الدور الكام او تخسر فى الكام ؟؟
                          هل فيه ضمان ان لو شربت كذا سيجارة فى وقت معين هايحصل (او مش هايحصل) سرطان رئة ؟؟
                          اكيد مافيش
                          هو ده اللى عايز اوصله
                          ان مافيش ضمان على النتيجة
                          و برجاء مراجعة الروابط السابقة لتوضيح الأمر اكثر
                          و تحياتى للجميع
                          [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                          [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                          [CENTER][COLOR=DarkGreen][B][SIZE=5]الصحة تاج على رؤوس الأصحاء
                          لا يراه إلا المرضى
                          [/SIZE][/B][/COLOR] [/CENTER]

                          Comment


                          • بشكرك جدا يا د/شريف على مداخلتك المهمة ,,, وربنا يسهل فى الايام الجاية انى اوصل للرأى الصائب ومش هيحسمة غير الاستخارة.
                            [CENTER]AHMED[/CENTER]

                            Comment


                            • المشاركة الأصلية كتبت بواسطة lancer92 مشاهدة المشاركة


                              أخى العزيز
                              شكرا على تحيتك الرقيقة و ردك الدبلوماسى الجميل
                              مع كامل احترامى لرأيك فواضح ان سعادتك ماشفتش المرضى (و عددهم فوق ما تتصور) اللى بيرجعوا من عند دكاترة عيون (مش مهم كبار او صغيرين) و هم سامعين كلمة "لازم تعمل ليزك" و حط تحت كلمة "لازم" 100 خط
                              يا عزيزى ده انا شفت ناس عاملين ميه بيضاء و زرع عدسة مافيش كام شهر و بدل ما يعمل له نظارة يدخله يعمل ليزك ؟؟؟!!!
                              و معلش ده فيه ناس بيفهموهم ان مافيش غير الليزك و الا عليه العوض فى النظر
                              طيب ايه رأيك فى اللى بيعملوا (او بينصحوا) بعمل الليزك لأطفال و شباب سنهم لا يتجاوز 14-16 سنة (مع ان اقل سن 21 سنة و بتبقى حاطط ايدك على قلبك احسن النظر يفضل يتغير كذا سنة بعدها) ؟؟
                              كون ان فيه 2 عملوها من دكاترة العيون فده (ما قدرش اشكك فى كلامك أبدا ، بس مستغربه جدا بصراحة) فده مش تأكيد للجودة ، ما فيه دكاترة بتشرب سجاير و عارفين اضرارها
                              و لكن الغريب ان لو حضرتك راجعت المكتوب فى كتب العيون عن الليزك انه لا يصلح لأطباء العيون ، جراحين الأوعية الدموية ، جراحين المخ و الأعصاب و ذلك لعرض جانبى لا مفر منه هو Loss of contrast sensitivity و ده بيقضى على مستقبل المهن دى (الا لو هايشتغل جراحات مافيهاش ميكروسكوب جراحى كتير او مافيش خالص)
                              لو حضرتك اخدت بالك من كلامى انا ما حجرتش على حد او انكرت عليه حقه فى انه يعمل العملية او لأ ...بالعكس ... كل اللى اكدت عليه فى كلامى هو معرفة الحقيقة بدون خداع او تزييف او حتى تجميل و ترك القرار للمريض فقط
                              و بعدين لو تسمح لى اطرح المثال الآتى
                              ناس كتير بتشرب سجاير ، عارفين ضررها او لأ ، ده حقهم
                              و لكن ماعتقدش انه يبقى غلط او تدخل فى حريتهم الشخصية انى اقول و اوضح (بالأدلة و المراجع الموثقة و الأكيدة) مخاطر و أضرار السجاير
                              هو ده كل اللى انا عملته
                              باوضح حقيقة الليزك "على بلاطة"
                              و لكل شخص مطلق الحرية فى عمل العملية او رفضها
                              و طبعا فيه حد هايقول لى مافيه ناس عملت و زى الفل
                              و اسمحوا لى ارد عليه و اقول : هل كل اللى بيدخل صالة القمار بيخسر ؟؟ هل كل اللى بيشربوا سجاير جالهم سرطان رئة و ماتوا منه ؟؟
                              اكيد لأ ، و لكن بارجع و أقول المشكلة الكبرى ان مافيش ضمان هايحصل ايه.
                              هل فيه ضمان انك لو لعبت كذا دور قمار هاتكسب فى الدور الكام او تخسر فى الكام ؟؟
                              هل فيه ضمان ان لو شربت كذا سيجارة فى وقت معين هايحصل (او مش هايحصل) سرطان رئة ؟؟
                              اكيد مافيش
                              هو ده اللى عايز اوصله
                              ان مافيش ضمان على النتيجة
                              و برجاء مراجعة الروابط السابقة لتوضيح الأمر اكثر
                              و تحياتى للجميع
                              يا دكتور شريف انا طبعا مش هكدب حضرتك لأني فعلا مشوفتش و لا سمعت عن حد بيقول ((لازم)) تعمل ليزك متصورش ان فيه ((طبيب)) يقول لمريض انت ملكش نظارة و لازم تعمل ليزك !!!! بصراحه مستغرب اوي اوي النقطه دي الا لو المريض قال انا مش عايز البس نظارة و لا عدسات يبقا ساعتها حقي اني اقوله تعمل ليزك

                              بردو للأسف مصادفتش الدكتور اللى بينصح بيها في سن 14 او 16 سنه يا دكتور !!!!!
                              بيجيلي مرضى كتير في السن دا و كلهم عايزين يعملوا ليزك و لكنهم كانوا كشفوا عند دكتور قبل كدة و قالهم مش هنعمل العمليه قبل 19 سنه
                              و عمري ما قابلت مريض في دول حد من الاطباء المحترمين قاله تعالى اعملك ليزك دلوقتي !!!!!
                              انا شخصيا بتابع نظر المريض فترة او على الاقل عن طريق اخر مقاس للنظارة بتاعته و يكون مر عليه حوالي سنه و نفس المقاس اللى انا عامله دلوقتي !!!

                              النقطه التالته كويس ان سيادتك تطرقت لموضوع ال contrast sensitivityو ال steriopsis
                              عشان كدة حضرتك وضحت ليه معظم اطباء العيون مبيعملوش العمليه لنفسهم لأن دة هيأثر على حياته تحت الميكرسكوب مثلا و مش هيحس بيها غير الفئه دي تقريبا و طبيعي جدا ان اي تدخل في الدنيا يكون له اضراره و اعراضه الجانبيه و مظنش ان مثلا يعني لما هاجي اعمل عمليه مياه بيضاء لواحد سنه صغير و دة هيفقده ال accomodation و هيلبس نظارة قرايه يبقا العمليه دي بقت وحشه طالما مفهمه كدة قبل العمليه

                              بصراحه النقطه الرابعه يا دكتورنا بتشبيه العمليه بصاله القمار و ان مش الكل بيخسر دة تشبيه يعني في رأي المتواضع مش في محله شويه .... على فكرة انا بدايه شغلي كانت في مركز ليزك ال rate فيه ممتاز جدا فضلت فيه سنتين تقريبا و شوفت كل ال complication و شوفت نسبتها و شوفت الناس المبسوطه و اللى (( هما معتبرين )) ان حياتهم اتغيرت للأحسن بعد العمليه جدا و شوفت امثله كتير اوي
                              شوفت الفلاحين اللى عيب عندهم تلبس نظارة في البلد و باعت دهبها عشان تعمل العمليه لأنها مش قايله لجوزها ان عندها قصر نظر و مش قادرة تعمل حاجة في البيت المهم و امثله كتيرة جدا .... عشان كدة بقول لحضرتك ان التشبيه مش في محله اوي

                              موضوع شرب السجاير بردو يا دكتورنا تشبيه مش في محله جدا لأن دي حاجة و دي حاجة تانيه خالص اولا انا لما هشرب سجاير عمري ما هقدر اقول لحد ان السجاير مفيدة و كويسه :))))
                              ثانيا حضرتك جيت على النقطه اللى عايز اوضحها ان عمل دكاترة العيون العمليه لنفسهم مش هوا دة المقياس عشان مش حاجة نقول طالما هما معملهوش يبقا عشان عارفين بلاويها و ساكتين و لما يعملوها يبقا هما احرار و بيموتوا نفسهم و بردو العمليه وحشه

                              النقطه الاخيرة اللى هيه موضوع الليزك بعد المياه البيضاء دة اتعمل فيه رسايل كتير و مؤتمرات كتيرة ناقشت الموضوع دا لذلك مش من السهل نختزل الموضوع في كلمتين يا دكتور او نقول ان رأي حضرتك بأن دة غلط هو الصواب بعينه و لا الخطأ بعينه

                              اخيرا بردو احيي حضرتك جدا و احترم رأيك و لكني زي ما وضحت لم اتطرق لجدال طبي و لكن تعليق فقط على بعض النقط (( بدون الدخول في جدل طبي))

                              تحياتي لحضرتك

                              Comment


                              • اخى العزيز د/ ابو سيف
                                مش قادر اقول لك اد ايه انا مستمتع بمناقشتى معاك ، و بعدين يا سيدى الفاضل ده مش جدال علمى ، دى مناقشة لذيذة و بطريقة راقية و فيها عرض جميل للآراء بدون تعصب او سفسطائية بلا معنى زى ما عادة بيحصل فى الموضوع الشائك ده
                                استكمالا لحوارنا الجميل ده اسمح ارد انا كمان على كذا نقطة

                                يا دكتور شريف انا طبعا مش هكدب حضرتك لأني فعلا مشوفتش و لا سمعت عن حد بيقول ((لازم)) تعمل ليزك متصورش ان فيه ((طبيب)) يقول لمريض انت ملكش نظارة و لازم تعمل ليزك !!!! بصراحه مستغرب اوي اوي النقطه دي الا لو المريض قال انا مش عايز البس نظارة و لا عدسات يبقا ساعتها حقي اني اقوله تعمل ليزك
                                طب ايه رأيك ان فيهم ناس بيلبسوا عدسات و زى الفل معاهم بدون مشاكل و يتقال لهم هاتعمل و هاتعمل فلازم ليزك ...يا عزيزى الربح المادى السريع (و السهل نوعا ما) فى الموضوع ده طغى على نفوس فئة (مش قليلة والله) من الأطباء دول للأسف
                                بردو للأسف مصادفتش الدكتور اللى بينصح بيها في سن 14 او 16 سنه يا دكتور !!!!!
                                بيجيلي مرضى كتير في السن دا و كلهم عايزين يعملوا ليزك و لكنهم كانوا كشفوا عند دكتور قبل كدة و قالهم مش هنعمل العمليه قبل 19 سنه
                                و عمري ما قابلت مريض في دول حد من الاطباء المحترمين قاله تعالى اعملك ليزك دلوقتي !!!!!
                                تخيل يا باشا ان واحد كان عايز يعملها لبنت عندها 9 سنين علشان مش عايزة تلبس النظارة (و واضح ان والدتها كمان مش عاجبها ان البنت تلبس نظارة) .. ده تقول عليه ايه بقى ؟؟؟
                                طيب ايه رأيك فى اللى باعت مطالبة (من مركز مشهور فرعه عديدة داخل مصر و الوطن العربى) مع طالب جامعى بقيمة الليزك فى عينيه علشان يعملها مع ان الطالب عنده (غير قصر النظر) تليف بمركز الأبصار بعينيه الأثنين ناتج من داء القطط (Toxoplasma macular scarring both eyes) و زى ما سيادتك عارف واحد زى ده نظره لايمكن يتحسن عن 6/60 يبقى لازمته ايه الليزك (و طبعا مش محتاج اتكلم عن غسيل المخ المعمول للطالب ان ده اللى هايرجع له نظره) !!!


                                النقطه التالته كويس ان سيادتك تطرقت لموضوع ال contrast sensitivityو ال steriopsis
                                عشان كدة حضرتك وضحت ليه معظم اطباء العيون مبيعملوش العمليه لنفسهم لأن دة هيأثر على حياته تحت الميكرسكوب مثلا و مش هيحس بيها غير الفئه دي تقريبا و طبيعي جدا ان اي تدخل في الدنيا يكون له اضراره و اعراضه الجانبيه و مظنش ان مثلا يعني لما هاجي اعمل عمليه مياه بيضاء لواحد سنه صغير و دة هيفقده ال accomodation و هيلبس نظارة قرايه يبقا العمليه دي بقت وحشه طالما مفهمه كدة قبل العمليه
                                انت كده فهمت قصدى و جبت المفيد من غير ما اتكلم
                                لازم اقول له قبل العملية
                                و للأسف ده مش بيحصل
                                فيه فئات اخرى غير جراحين العيون ممكن الموضوع ده يأثر عليها كمان ، عارف زى مين ؟؟؟ السواقين على طرق السفر بالليل (و فئات اخرى لا يتسع المجال لذكرها)
                                شفت حالتين بيندموا على الليزك لأن بعد ما عملوه مش عارفين يسوقوا كويس بالليل على طرق السفر و شغلهم مش راضى ينزلهم بالنهار و بيدوروا على شغل فى مجال تانى خالص
                                كل ده من اخفاء الحقيقة و المبالغة فى النتائج

                                بصراحه النقطه الرابعه يا دكتورنا بتشبيه العمليه بصاله القمار و ان مش الكل بيخسر دة تشبيه يعني في رأي المتواضع مش في محله شويه .... على فكرة انا بدايه شغلي كانت في مركز ليزك ال rate فيه ممتاز جدا فضلت فيه سنتين تقريبا و شوفت كل ال complication و شوفت نسبتها و شوفت الناس المبسوطه و اللى (( هما معتبرين )) ان حياتهم اتغيرت للأحسن بعد العمليه جدا و شوفت امثله كتير اوي
                                شوفت الفلاحين اللى عيب عندهم تلبس نظارة في البلد و باعت دهبها عشان تعمل العمليه لأنها مش قايله لجوزها ان عندها قصر نظر و مش قادرة تعمل حاجة في البيت المهم و امثله كتيرة جدا .... عشان كدة بقول لحضرتك ان التشبيه مش في محله اوي
                                اسمح لى اختلف معاك و اصر على التشبيه ده
                                يا عزيزى كون المريض مبسوط بنتيجة العملية ليس مقياس لنجاحها الفعلى و على سبيل المثال المريض اللى بتعمل له مياه بيضاء و يحصل له انسكاب امامى فى الجسم الزجاجى لما المحفظة الخلفية للعدسة تنقطع و تعمله عدسة خزانة امامية مع استبدال امامى للجسم الزجاجى و يطلع يادوب شايف كذا متر و برغم كده تلاقيه فرحان ... ليه ؟؟ لأنه قعد سنين طويلة المياه البيضاء قافلة عينه خالص ، فلما شاف اى درجة بقى فرحان . و لكن جراحيا ، العملية مليانة مضاعفات و نتيجتها ليست كما يجب
                                و بالتالى فعلا انا شفت ناس من الفلاحين اللى باعوا اللى وراهم و اللى قدامهم و عملوا العملية علشان النظارة عيب ، و اتصدمت لما الاقى الفلاب معضعضة و decentered و الاقى debris فى ال interface و العيان نظره على احسن الخالات 6/18 و لكنه سعيد .. فهل ده معناه ان العملية ناجحة و بدون مشاكل او مضاعفات ؟؟
                                هل لأن ظروف الفئة دى من المرضى بتخليه يفرح باى نتيجة يبقى اعمم الموضوع
                                اكيد لأ
                                و بارجع و باقول : ممكن تاخذ 10 مرضى بنفس ال parameters و بعد ما تعمل نفس الأجراء لهم تلاقى كل واحد نتيجة شكل و ده لأن ال tissue reaction لليزك مختلف من واحد للتانى
                                هو ده يا عزيزى السبب اللى ظهر بعد 10 سنين من تطبيق الليزك و خلاهم يعيدوا دراسة النتائج فى امريكا دلوقت علشان نقدر نقول للمريض انت نسبة التصحيح بعد العملية كذا % و ارتجاع المقاس كذا % و المضاعفات كل واحدة كذا % ، ساعتها تبقى مش صالة قمار لكن دلوقت الموضوع مش حاسم

                                موضوع شرب السجاير بردو يا دكتورنا تشبيه مش في محله جدا لأن دي حاجة و دي حاجة تانيه خالص اولا انا لما هشرب سجاير عمري ما هقدر اقول لحد ان السجاير مفيدة و كويسه :))))
                                يا دكتور انا قصدى ان نشر الحقيقة لا يتنافى مع الحرية الشخصية و مش باشبه الليزك بالسجاير ، حضرتك فهمتنى غلط هنا

                                ثانيا حضرتك جيت على النقطه اللى عايز اوضحها ان عمل دكاترة العيون العمليه لنفسهم مش هوا دة المقياس عشان مش حاجة نقول طالما هما معملهوش يبقا عشان عارفين بلاويها و ساكتين و لما يعملوها يبقا هما احرار و بيموتوا نفسهم و بردو العمليه وحشه
                                اسمح لى ارد فقط بالمثل القديم اللى بيقول "طباخ السم بيدوقه"
                                العملية اكيد مش سم ، لكن ليه الأحجام الواسع الأنتشار من اطباء العيون عنها ؟ مازلت عند رايى ان لو آمنة اكتر كنا اول ناس نعملها و نستفيد منها .. و لا ايه رأيك يا عزيزى ؟؟؟

                                النقطه الاخيرة اللى هيه موضوع الليزك بعد المياه البيضاء دة اتعمل فيه رسايل كتير و مؤتمرات كتيرة ناقشت الموضوع دا لذلك مش من السهل نختزل الموضوع في كلمتين يا دكتور او نقول ان رأي حضرتك بأن دة غلط هو الصواب بعينه و لا الخطأ بعينه
                                اخى العزيز ، انا مش باناقش التكنيك ده ، لأ ... ارجع لكلامى تلاقى انى كاتب
                                شفت ناس عاملين ميه بيضاء و زرع عدسة مافيش كام شهر و بدل ما يعمل له نظارة يدخله يعمل ليزك
                                انا باقصد قصر الوقت بعد العملية ، ده النظارة المؤقتة بتتعمل بعد العملية بشهر و النهائية 6 شهور زى ما سعادتك عارف ، يقوم ييجى الدكتور ده ياخد المريض حمرى جمرى و يعمل له ليزك بعد العملية على طول بوقت غير كافى ؟؟
                                فهمتنى يا اخى العزيز؟؟
                                هنا انا باتكلم عن الأفراط abuse فى تطبيق العملية على اى حد
                                مجرد ما الدكتور يسمع كلمة نظارة يروح قايل للمريض اعمل ليزك
                                هو ده قصدى
                                و تحياتى
                                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                                [CENTER][COLOR=DarkGreen][B][SIZE=5]الصحة تاج على رؤوس الأصحاء
                                لا يراه إلا المرضى
                                [/SIZE][/B][/COLOR] [/CENTER]

                                Comment

                                Working...
                                X