إعـــــــلان

Collapse

.

,
See more
See less

عملية تصحيح النظر بالليزر

Collapse
X
 
  • Filter
  • الوقت
  • Show
Clear All
new posts

  • و الله زمان يا احمد باشا وحشنا العراك معاك و مهما تقول كلام الحبيب زى اكل الزبيب !
    هى العملية فعلا تكميلية و عليه يفضل عدم القيام بها لو هناك شك بسيط فى نتائجها و اكيد فيها
    جانب مغامرة و بلاش نقول مقامرة .. و انا شايف الاخ الريس قلقان قوى و متردد و بيحاول يسأل
    اهل العلم ( الاطباء ) و المجربين .. و خير ما فعل .. الموضوع فى النهاية زى حاجات كتير مفيش فيه ثقة 100 فى 100 و عليه شخصيا انصحه : لا داعى و الامر له فى النهاية ! .. طبعا ممكن تكون مشكلة ضعف نظرى المستمر لامر غير مرتبط بالعملية نفسها .. و ممكن عملية تبان زى الفل
    فى البداية لكن اثارها السلبية لا تظهر الا بعد سنوات ..
    الاخ الفاضل ابو سيف يظن انى او غيرى يتعمد مهاجمة الاطباء او اطباء العيون بشكل خاص و هو استنتاج لن يوافقه عليه طيب الذكر المرحوم ارسطو ! .. كل مهنة فيها و فيها ..لكن السمة الغالبة على عصرنا هذا هو السمة المادية و التجارية لا الانسانية او الروحية و اطباء العيون و المناخير كمان ( ! ) مش استثناء و دمتم ..
    [COLOR=darkslateblue] [SIZE=3] مع تحيات محمد محسن ( محسن بيه )[/SIZE][/COLOR] :)

    Comment


    • يا جماعة مع خالص احترامى للجميع و لكل الآراء و جميع الأخوة الأعزاء متهيألى ان حصل لبس فى الموضوع
      مش معنى انى ذكرت ان فيه فئة تبحث عن الربح السريع ان دكاترة العيون اللى بتعمل العملية دى نصابين كلهم
      اكيد لأ لأ لأ
      ما عندنا امثلة للى رفضوا يعملوها لبعض الأعضاء (راجعوا المشاركات السابقة من فضلكم) لمجرد ان النظر لم يثبت .. يعنى ماشيين زى ما الكتاب بيقول .. يعنى بالبلدى عندهم ذمة و ضمير
      يعنى الواحد فينا لو راح لميكانيكى حرامى هل كل الميكانيكية حرامية ... اكيد لأ
      انا لو هاجمت العملية فهاجمتها من منطلقين مالهمش ثالث
      الأول : ان لابد من اخبار المريض بكامل الحقيقة عنها (طريقة و مضاعفات و نسب و كله) و ترك القرار له بدون تدخل او غسيل مخ او خداع او سوء فهم
      الثاتى : ان انا شايف (و ده مش رائي لوحدى ، و لكن مبنى على دراسات و تجارب و احصائيات 10 سنوات من عمر العملية حتى الآن) ان لايمكن التنبوء بدقة بنتيجة العملية مسبقا ، يعنى فيه نوع من المغامرة (بلاش كلمة مقامرة علشان ما نتفهمش غلط اكتر من كده) و انا شايف ان اللى يخوض المغامرة بعينه لازم يكون مجبر عليها (و انا اكون اول واحد يعمل لها ساعتها مادام ده العلاج الوحيد له) مش واحد عايز يجرب و خلاص (و ارجع و اقول ، لو عارف كل حاجة يبقى خلاص ، هو حر فى عينيه ، و لكن بصراحة ، بعيد عنى احسن ، يشوف حد ثانى يلعب له في عينيه).
      دول فقط سبب تحاملى على العملية دى
      و لكن بدون شك ماقصدش اقوم حد عليها او على اللى بيعملوها
      باطلب فقط كل واحد يتأنى و يفكر
      اخيرا مش هاعلق على موضوع الأستخارة ... مش مجالنا هنا للرد على الموضوع ده
      و تحياتى للجميع
      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
      [CENTER][COLOR=DarkGreen][B][SIZE=5]الصحة تاج على رؤوس الأصحاء
      لا يراه إلا المرضى
      [/SIZE][/B][/COLOR] [/CENTER]

      Comment


      • والله انا بشكر كل الاخوة اللى تفاعلوا مع الموضوع وربنا يوفقنا جميعا للخير.
        [CENTER]AHMED[/CENTER]

        Comment


        • المشاركة الأصلية كتبت بواسطة MM_Mohsen مشاهدة المشاركة

          عودة للموضوع بعد متابعة الحوار الجميل .. كما سبق و قلت فقد اجريت العمليه من حوالى 6 سنين و لو رجع بى الزمن - و طبعا الزمن ندل و مش حيرجع تانى ! - فلن اقوم بأجراء العملية بالتأكيد فكما سبق و قلت انى عدت لارتداء النظارة بعد العملية اولا فى القراية و بعد سنه واحدة فى المسافات كمان ثم احتجت لتغيير العدسات عدة مرات للضعف التدريجى فى الرؤية بل و احتاج من جديد لتغييرها
          ففعلا القراءة الان بالذات مجهدة جدا بل و لا ارى الخطوط الصغيرة و العيب ليس فى دكتور العيون لانى غيرت الطبيب اكثر من مرة و برضه بعد الكشف الجديد مشكلة قراءة الخطوط الصغيرة مستمرة
          ( مثلا قراءة الترجمة العربية على الافلام الاجنبية ) ..
          و فعلا الطبيب الذى اجرى لى العملية نفسه لم يجرىهو نفسه العملية حتى الان !! .. يعنى البيه بياخد فلوس لاجراء عملية لا يقوم بها لنفسة يعنى عدم امانه و ذمه و مسألة تجارية بحته !!.. و فعلا كما سبق و قلت و قال غيرى اى عملية بها نسبة مخاطرة حتى لو عملية لوز او شفط دهون كالمرحومة سعاد نصر و غيرها ..
          و فعلا اعانى ايضا من جفاف مستمر بالعينان ليس فقط لمدة 6 شهور بل حتى الان و احتاج لاستعمال قطرات بصفة مستمرة ..
          و اخيرا مالها النظارة ؟؟ بل بعض الناس شكلهم بالنظارة احسن بدونها !!
          و نقطة اخيرة ذكرها الدكتور احمد سامى بأن يعمل الانسان استخارة ليقرر اجراء العملية ام لا ؟.. المفروض فى موضوع علمى ان نستشير اهل العلم المختصين فى الموضوع .. و كان لى زميل
          عزيز كان فى موضوع محير و مش عارف باخد قرار و نصحته و نصحه زملاء اخرين بامر ما
          لكنه قرر عمل صلاة استخارة و اتخذ قرار خاطئ مائه فى المائة و كان تصرفه كارثيا بمعنى الكلمة .. هذا رأى اقوله بأمانه و اعرف مقدما رد الفعل !
          حضرتك مانك شايف ان ست سنين دي مده طويله شوي؟

          يعني حصل فيهم طفرات و تطورات كتير جدا في العمليه دي

          انا يالي بعرفو انو العمليه دي بيحصل فيها تطورات كل مدة صغيره اوي

          و كل يوم في اجهزة جديدة بتظهر و نسبه نجاح العمليه هلا اكيد مش متل من ست سنين

          من ست سنين كانت بعدا في نطاق المجازفة.

          و واضح من كلام حضرتك فعلا انها كانت مجازفة و الدليل ان العمليه فشلت.

          لكن هلا الموضوع اختلف تماما

          و نجاح العمليه من عدمه صار يعتمد في المقام الاول علي ضمير الطبيب يالي لازم يكون واضح و صريح مع المريض من البدايه.

          و طبعا مش قاعده ان ناس كتير شكلهم افضل بالنظارة و الا مكانش بقي في هيك اقبال علي العملية.

          انا شخصيا شايفه انو افضل شي هو دراسه العمليه من جميع الجهات و معرفة مدي خطورتها و نسبه نجاحها راح تكون قد ايه.

          النظارة مش حل خصوصا للبنات و منظرها عن جد سخيف جدا

          علي الراجل شكلها بيكون مقبول و احيانا محبب لكن البنت لا.

          بالنسبة لموضوع صلاة الاستخارة

          يعني اكيد مهم انو الواحد يستشير الاطباء قبل العمليه و يعرف عنها كل صغيره وكبيرة

          لكن الاهم من كل ده هو استخارة المولي عز و جل.

          و اذا كانت العمليه فشلت فله في ذلك حكم.

          و اكيد دي اراده ربنا ان العمليه تفشل (حتي بعد الاستخارة) لان كله بأمره سبحانه و تعالي.

          لكن مينفعش نعمم و نقول محدش يعمل استخارة عشان (نتايجها مش مضمونة)

          اولا و اخيرا استخارة الله سبحانه و تعالي لازمة في كل الافعال.

          انا شخصيا ياما عملت استخارة في حاجات و لما عملتها الحاجات اللي كان بدي ياها فشلت و وقتا زعلت و اتضايقت.

          لكن قدام الواحد بيعرف انو ربنا لما سير الانسان في الطريق ده حتي و لو مش في مصلحته في وقتها او ضد رغبته لكن بعد شوي بنعرف انه ربنا اعلم منا بالافضل لنا وانه كان له حكمه في ده وقتها.

          اسفه اذا كنت طولت عليكو في الكلام بس حبيت اوضح وجهة نظري

          و ربنا يوفقنا جميعا لما فيه الخير لنا
          [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

          Comment


          • العملية دلوقتي اجهزتها اختلفت عن اجهزة زمان اللي بدئت بتشريط العين و بعدين بقى بالليزر بس لو العين اتحركت العملية تبوظ و هكذا . لا الاجهزة دلوقتي حاجة تانية .
            انا عملت العملية من سنتين تقريبا ولو رجع بي الزمن ح اعملها من وانا عندي 25 سنة (السن المعقولة لعملها) لان حياتي اختلفت كتير فوي الحمد لله .
            من ناحية تانية الدكتور المفروض يكون سايب نص درجة واللا حاجة عشان طول النظر اللي بييجي بعد الاربعين و القراية كمان .
            االلهم لك الحمد كما ينبغي لجلال وجهك ولعظيم سلطانك

            Comment


            • المشاركة الأصلية كتبت بواسطة حلواني مشاهدة المشاركة
              العملية دلوقتي اجهزتها اختلفت عن اجهزة زمان اللي بدئت بتشريط العين و بعدين بقى بالليزر بس لو العين اتحركت العملية تبوظ و هكذا . لا الاجهزة دلوقتي حاجة تانية .
              انا عملت العملية من سنتين تقريبا ولو رجع بي الزمن ح اعملها من وانا عندي 25 سنة (السن المعقولة لعملها) لان حياتي اختلفت كتير فوي الحمد لله .
              من ناحية تانية الدكتور المفروض يكون سايب نص درجة واللا حاجة عشان طول النظر اللي بييجي بعد الاربعين و القراية كمان .

              يا ترى عملتها فين؟ وكان عندك كام سنة؟ ومقاس نظرك كان كام؟
              وبالنسبة للاعراض الجانبية زى (الجفاف والزعللة) استمرت اد اية؟
              [CENTER]AHMED[/CENTER]

              Comment


              • طيب انا عارف واحد عندة 17 وعايز يعملها
                عادى ولا لا
                [rmade]http://www7.0zz0.com/2014/09/24/17/941743282.jpg[/rmade]

                Comment


                • المشاركة الأصلية كتبت بواسطة Fadi Ezzat مشاهدة المشاركة
                  طيب انا عارف واحد عندة 17 وعايز يعملها
                  عادى ولا لا
                  لأ لسه شويه
                  تغيير مقاس النظر في السن دة وارد جدا و ساعتها لو نزل النظر بعد العمليه و لو درجه واحدة و دة مش هيكون بسبب العمليه و انما هيكون بسبب الضعف الطبيعي اللى حاصل و لم يثبت فيه النظر بعد ساعتها هيبقا كأنه و لا عمل اي حاجة

                  يلتزم بالنظارة دلوقتي و من سن 19 سنه كدة يبدأ يتابع كل ست شهور مثلا عن طريق مقياس النظر في كل مرة
                  و لو فضل ثابت يقدر يتوكل على الله و يعمل العمليه بعد اجراء الفحوصات اللازمه لمعرفة ان كانت العمليه اصلا تنفعه و لا لأ

                  Comment


                  • المشاركة الأصلية كتبت بواسطة ابو سيف مشاهدة المشاركة
                    لأ لسه شويه
                    تغيير مقاس النظر في السن دة وارد جدا و ساعتها لو نزل النظر بعد العمليه و لو درجه واحدة و دة مش هيكون بسبب العمليه و انما هيكون بسبب الضعف الطبيعي اللى حاصل و لم يثبت فيه النظر بعد ساعتها هيبقا كأنه و لا عمل اي حاجة

                    يلتزم بالنظارة دلوقتي و من سن 19 سنه كدة يبدأ يتابع كل ست شهور مثلا عن طريق مقياس النظر في كل مرة
                    و لو فضل ثابت يقدر يتوكل على الله و يعمل العمليه بعد اجراء الفحوصات اللازمه لمعرفة ان كانت العمليه اصلا تنفعه و لا لأ
                    ياترى يا د/ابو سيف عندك فكرة عن مستشفى الوطنى للعيون اخبارها اية هل ليها سمعة كويسة ولا لآ؟
                    [CENTER]AHMED[/CENTER]

                    Comment


                    • عملية ام لا عملية تلك هى المشكلة !

                      اولا للاخت بوسى مين قال مين قال ان النظارة للبنات و الستات شكلها و حش بالضرورة ؟ اعتقد ان فى بنات و ستات لابسين نظارات و شكلهم جميل و جذاب .. المهم
                      اختيار شنبر جميل و ملائم لتركيبة الوجه و طبعا العدسة تكون فلنت مش " كعب كوباية " !! ..

                      اما موضوع الاستخارة فكل واحد حر يعمل اللى هو عايزة لكن المهم ان يسأل اهل العلم و الاختصاص خاصة فى موضوع علمى . .. و بعدين يعنى
                      انتى ليه مختارة لون كتابة فاتح جدا و مزهزه و مش مريح لامثالنا من العواجيز و ضعاف النظر ؟؟ .. الرحمة !!

                      ثانيا : لا جدال ان فى تطور سريع فى الاجهزة الطبية لكن العين مكان حساس و الاجهزة لا تعمل بمفردها بل هناك اولا طبيب يستعمل هذه
                      الاجهزة و خطأ الطبيب وارد خصوصا فى مصر اللى ياما جراحين بتنسى الفوطة جوه و تقفل !!

                      ثالثا : اجراء العملية كدة عمال على بطال حتى لصغار السن 17 سنه زى ما واحد قال او لمن نظرة اقل درجة او اثنين فشئ عجيب .. العملية مش لعبة
                      و مش دلع كتكحيل العين و الرموش فالنظر ممكن يتغير كل كام سنه فهل يعاود الانسان اجراء العملية طوال العمر ؟؟ .. و علما بأن النظر يتغير و يتحول
                      لبعد نظر بعد الخمسين و يحتاج الانسان لنظارة قراءه ..و اعتقد ان العملية مفيدة لمن يعانى من مشكلة ضعف نظر حاد و يحتاج لاستعمال نظارتين للمسافات و القرايه طوال الوقت ..

                      اما الاخ العزيز احمد فوزى فشكله كده بيقول انه من البداية ناوى و مصمم و مقرر يعمل العملية ! Good luck then !
                      [COLOR=darkslateblue] [SIZE=3] مع تحيات محمد محسن ( محسن بيه )[/SIZE][/COLOR] :)

                      Comment


                      • المشاركة الأصلية كتبت بواسطة elrasy مشاهدة المشاركة

                        يا ترى عملتها فين؟ وكان عندك كام سنة؟ ومقاس نظرك كان كام؟
                        وبالنسبة للاعراض الجانبية زى (الجفاف والزعللة) استمرت اد اية؟
                        في مركز حلو في مدينة نصر ناصية سيتي ستارز بس مش فاكر اسمه .
                        كان عندي 32 سنة . نظري كان 1.5 و 2 .
                        الزغللة الشديدة قعدت اربع تيام تقريبا بس كنت قادر اسوق بيها . و الزغللة العادية قعدت شهر يمكن دي عبارة عن هالات حوالين الاضواء العالية بالذات .
                        الجفاف مش بالصورة اللي الناس بتحكي عنها .. يعني انا استخدمت القطرة شهرين و بعد كده ممكن كل كام شهر احتاجها مرة .
                        انا باشكر اللي عملها قبلي و شكر لي فيها بصراحة لانه قال لي الكلمة اللي انا باقولها دلوقتي: لو رجع بي الزمن ح اعمل العملية دي اول ما تتاح لي الفرصة .
                        على فكرة كان معايا صديق عزيز نظره -10 عملناها في نفس اليوم و ماشاء الله دلوقتي لابس نظارة 0.5 (نص) بس .
                        االلهم لك الحمد كما ينبغي لجلال وجهك ولعظيم سلطانك

                        Comment


                        • ممكن الدكتور شريف والدكتور ابو سيف يقولولى رايهم فى الفحوص دى












                          [CENTER]AHMED[/CENTER]

                          Comment


                          • المشاركة الأصلية كتبت بواسطة elrasy مشاهدة المشاركة
                            ممكن الدكتور شريف والدكتور ابو سيف يقولولى رايهم فى الفحوص دى













                            الأخ العزيز أحمد فوزى
                            أولا انا مش من انصار العملية بدون سبب قهرى و لكن زى ما قلنا قبل كده كل واحد حر ما دام عارف اللى ليك و اللى عليك

                            بالنسبة لفحوصاتك واضح منها ان سمك مركز القرنية فى العين اليمين 536um و فى العين الشمال 538um و بالأخذ فى الأعتبار ان مقاس حضرتك 5.00- كل عين و واضح ان فيه 0.5- استيجماتيزم فى كل عين (قياس الPachymetry موضحه) و بما اننا لازم نسيب بعد الليزك سمك قرنية لايقل عن 300um علشان نتجنب اخطر مشكلة ممكن تنتج و هى جحوظ القرنية (Corneal Ectasia) يبقى فاضل لنا سمك قرنية 236um و 238um نشتغل عليه و لما نحسب ان جهاز microkeratome اللى بيقطع الفلاب هياكل شريحة بسمك تقريبا 160um تقريبا يتفضل لنا 76um , 78um نعمل فيهم الليزك
                            بحساب ان Optical zone تكون 6mm و ان كل طلقة ليزر علشان تصلح درجة قصر نظر واحدة بتاكل تقريبا 12um يبقى هناكل 60um و يبقى لنا 16um و 18um من سمك القرنية اللى ممكن نشتغل فيه و كده نبقى صلحنا النظر و لكن لا مجال لأى تصحيح فى المستقبل و الا العين تبقى فى خطر
                            ملحوظة : حساباتى دى مش دقيقة 100% لأن المفروض آخد فى الأعتبار Transition zone و فى الحالة دى السمك اللى بيتاكل بالليزر بيكون اكبر شوية يعنى تقريبا 13.35um و بالتالى محتاجين 66.75um و يتفضل 10um و 12um و زى ما قلت يادوب و مافيش مجال تصحيح او تعديل فى المستقبل (حسبة الأستيجماتيزم ما جبتش سيرتها لأنها مش فى كل المحاور و لكن بالتأكيد بتزود العمق فى احد المحاور)
                            انا كده شايف ان العملية ممكنة و لكن على الحركرك (زى ما بيتقال) فى ضوء قياساتك دى
                            انا مش من انصار العملية بدون سبب قهرى زى ما قلت قبل كده لكن حبيت احسبها لك و ارد على سؤالك
                            و القرار لك يا عزيزى و ربنا يوفقك فى اتخاذه
                            و تحياتى
                            [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                            [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                            [CENTER][COLOR=DarkGreen][B][SIZE=5]الصحة تاج على رؤوس الأصحاء
                            لا يراه إلا المرضى
                            [/SIZE][/B][/COLOR] [/CENTER]

                            Comment


                            • المشاركة الأصلية كتبت بواسطة حلواني مشاهدة المشاركة
                              العملية دلوقتي اجهزتها اختلفت عن اجهزة زمان اللي بدئت بتشريط العين و بعدين بقى بالليزر بس لو العين اتحركت العملية تبوظ و هكذا . لا الاجهزة دلوقتي حاجة تانية .
                              انا عملت العملية من سنتين تقريبا ولو رجع بي الزمن ح اعملها من وانا عندي 25 سنة (السن المعقولة لعملها) لان حياتي اختلفت كتير فوي الحمد لله .
                              من ناحية تانية الدكتور المفروض يكون سايب نص درجة واللا حاجة عشان طول النظر اللي بييجي بعد الاربعين و القراية كمان .
                              الحمد لله على سلامتك
                              و لكن الأجهزة برغم تطورها مش حاجة تانية زى ما حضرتك بتقول
                              اما بالنسبة للنص درجة و ان بيجى طول نظر بعد الأربعين ، انا آسف فكلام حضرتك مش مضبوط لأن فيه ناس ممكن تتقبل النص درجة عادى و ناس حياتها تتقلب راسا على عقب بسببه ، و بعدين يا باشا مافيش طول نظر بييجى بعد الأربعين ، دى مرونة العدسة بداخل العين بتقل و بالتالى قدرتها على التكيف للقريب بتقل و بالتالى لازم نعوضه بالتدريج بنظارة قراءة ، و الحكاية دى بتبدأ من سن 45 و تنتهى عند سن 60 سنة و بنكون ساعتها ابتدينا نظارة القراءة من 1.75+ و انتهاء ب 3.00+
                              و اكبر مثال لأن العملية نتائجها مختلفة هو حضرتك سعيد جدا بها و الأستاذ محسن كره حياته بسببها ، فلا داعى للتعميم ، مش معنى انها كويسة معاك ان كل الناس اللى هاتعملها هاتنجح معاهم زيك
                              المشاركة الأصلية كتبت بواسطة Fadi Ezzat مشاهدة المشاركة
                              طيب انا عارف واحد عندة 17 وعايز يعملها
                              عادى ولا لا
                              الأخ العزيز د/أبو سيف رده كان اكثر من رائع فى النقطة دى

                              المشاركة الأصلية كتبت بواسطة MM_Mohsen مشاهدة المشاركة
                              اولا للاخت بوسى مين قال مين قال ان النظارة للبنات و الستات شكلها و حش بالضرورة ؟ اعتقد ان فى بنات و ستات لابسين نظارات و شكلهم جميل و جذاب .. المهم
                              اختيار شنبر جميل و ملائم لتركيبة الوجه و طبعا العدسة تكون فلنت مش " كعب كوباية " !! ..
                              كلام سليم ، و خصوصا ان النظارات الحريمى دلوقت بقت جزء من الأكسسوار زى الخواتم و السلاسل و الكوليهات الخ الخ

                              المشاركة الأصلية كتبت بواسطة MM_Mohsen مشاهدة المشاركة
                              لا جدال ان فى تطور سريع فى الاجهزة الطبية لكن العين مكان حساس و الاجهزة لا تعمل بمفردها بل هناك اولا طبيب يستعمل هذه
                              الاجهزة و خطأ الطبيب وارد خصوصا فى مصر اللى ياما جراحين بتنسى الفوطة جوه و تقفل !!
                              والله موضوع خطأ الطبيب وارد و لكن مش هوه السبب فقط ، يعنى كل المشاكل اللى حطيت لنكاتها قبل كده لناس اجانب ، طب هو الدكاترة الأجانب بينسوا الفوط هما كمان فى بطن العيان ؟؟
                              المشكلة فى العملية نفسها ان لا يمكن التنبوء بنتيجتها 100% ، كل واحد و بخته

                              المشاركة الأصلية كتبت بواسطة MM_Mohsen مشاهدة المشاركة
                              ثالثا : اجراء العملية كدة عمال على بطال حتى لصغار السن 17 سنه زى ما واحد قال او لمن نظرة اقل درجة او اثنين فشئ عجيب .. العملية مش لعبة
                              و مش دلع كتكحيل العين و الرموش فالنظر ممكن يتغير كل كام سنه فهل يعاود الانسان اجراء العملية طوال العمر ؟؟ .. و علما بأن النظر يتغير و يتحول
                              لبعد نظر بعد الخمسين و يحتاج الانسان لنظارة قراءه ..و اعتقد ان العملية مفيدة لمن يعانى من مشكلة ضعف نظر حاد و يحتاج لاستعمال نظارتين للمسافات و القرايه طوال الوقت ..
                              هنا دى المشكلة فعلا ، مع قلة التوعية الطبية و سوء الفهم و الأعلانات اللى بدون رقابة عمال على بطال الناس فاكرة انا زى تقليم الأظافر
                              و علشان كده بأكد ان لازم المريض يعرف كل حاجة بمنتهى الأمانة فبل الأقدام على العملية و هو حر بعد كده

                              المشاركة الأصلية كتبت بواسطة حلواني مشاهدة المشاركة
                              في مركز حلو في مدينة نصر ناصية سيتي ستارز بس مش فاكر اسمه .
                              كان عندي 32 سنة . نظري كان 1.5 و 2 .
                              الزغللة الشديدة قعدت اربع تيام تقريبا بس كنت قادر اسوق بيها . و الزغللة العادية قعدت شهر يمكن دي عبارة عن هالات حوالين الاضواء العالية بالذات .
                              الجفاف مش بالصورة اللي الناس بتحكي عنها .. يعني انا استخدمت القطرة شهرين و بعد كده ممكن كل كام شهر احتاجها مرة .
                              انا باشكر اللي عملها قبلي و شكر لي فيها بصراحة لانه قال لي الكلمة اللي انا باقولها دلوقتي: لو رجع بي الزمن ح اعمل العملية دي اول ما تتاح لي الفرصة .
                              على فكرة كان معايا صديق عزيز نظره -10 عملناها في نفس اليوم و ماشاء الله دلوقتي لابس نظارة 0.5 (نص) بس .
                              شوف يا سيدى الفاضل انت عديت بجزء من المضاعفات و الحمد لله لم تستمر معك ، و لكن هل تضمن لى حضرتك ان انا مثلا لو عملتها المشاكل دى مش هاتفضل معايا ؟؟
                              خلينا نتكلم عن تجربتنا الشخصية بدون تعميم
                              و السؤال الأهم بالنسبة لى ، هل اخبرك طبيبك المعالج بكل هذه الأحتمالات قبل العملية ولا لأ
                              بالنسبة لصديقك فالحمد لله على كده لأن 10.00- مش من المحبذ اجراء العملية أصلا لهم الا لو سمك القرنية عنده حاجة محترمة ليه و للزمن ، و اخيرا ما هو لابس نظارة برضه ، رفيعة او بيقدر يقلعها و لكن برضه لابس نظارة !!!
                              حمدا لله على سلامتك و سلامة صاحبك
                              و ربنا يوفقنا جميعا لما فيه الخير و لما يحبه و يرضاه
                              و تحياتى
                              [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                              [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                              [CENTER][COLOR=DarkGreen][B][SIZE=5]الصحة تاج على رؤوس الأصحاء
                              لا يراه إلا المرضى
                              [/SIZE][/B][/COLOR] [/CENTER]

                              Comment


                              • المشاركة الأصلية كتبت بواسطة lancer92 مشاهدة المشاركة

                                الأخ العزيز أحمد فوزى
                                أولا انا مش من انصار العملية بدون سبب قهرى و لكن زى ما قلنا قبل كده كل واحد حر ما دام عارف اللى ليك و اللى عليك

                                بالنسبة لفحوصاتك واضح منها ان سمك مركز القرنية فى العين اليمين 536um و فى العين الشمال 538um و بالأخذ فى الأعتبار ان مقاس حضرتك 5.00- كل عين و واضح ان فيه 0.5- استيجماتيزم فى كل عين (قياس الPachymetry موضحه) و بما اننا لازم نسيب بعد الليزك سمك قرنية لايقل عن 300um علشان نتجنب اخطر مشكلة ممكن تنتج و هى جحوظ القرنية (Corneal Ectasia) يبقى فاضل لنا سمك قرنية 236um و 238um نشتغل عليه و لما نحسب ان جهاز microkeratome اللى بيقطع الفلاب هياكل شريحة بسمك تقريبا 160um تقريبا يتفضل لنا 76um , 78um نعمل فيهم الليزك
                                بحساب ان Optical zone تكون 6mm و ان كل طلقة ليزر علشان تصلح درجة قصر نظر واحدة بتاكل تقريبا 12um يبقى هناكل 60um و يبقى لنا 16um و 18um من سمك القرنية اللى ممكن نشتغل فيه و كده نبقى صلحنا النظر و لكن لا مجال لأى تصحيح فى المستقبل و الا العين تبقى فى خطر
                                ملحوظة : حساباتى دى مش دقيقة 100% لأن المفروض آخد فى الأعتبار Transition zone و فى الحالة دى السمك اللى بيتاكل بالليزر بيكون اكبر شوية يعنى تقريبا 13.35um و بالتالى محتاجين 66.75um و يتفضل 10um و 12um و زى ما قلت يادوب و مافيش مجال تصحيح او تعديل فى المستقبل (حسبة الأستيجماتيزم ما جبتش سيرتها لأنها مش فى كل المحاور و لكن بالتأكيد بتزود العمق فى احد المحاور)
                                انا كده شايف ان العملية ممكنة و لكن على الحركرك (زى ما بيتقال) فى ضوء قياساتك دى
                                انا مش من انصار العملية بدون سبب قهرى زى ما قلت قبل كده لكن حبيت احسبها لك و ارد على سؤالك
                                و القرار لك يا عزيزى و ربنا يوفقك فى اتخاذه
                                و تحياتى

                                انا بشكرك جدا يا دكتور شريف على ردك الوافى,,
                                من كتر ما الموضوع دة شاغل بالى ومتردد فية قلت اعمل الفحوص واشوف يمكن الاقى نفسى لا اصلح للعملية واريح دماغى اللى تعبت,, لكن لقيت انى اصلح
                                وفعلا الى الان لم اصل الى قرار نهائى
                                [CENTER]AHMED[/CENTER]

                                Comment

                                Working...
                                X