حالات زوجية مصرية ... ولا الأجنبي !

[friendship7897]

كدا بقى حضرتك عقدتى الشباب كلهم فى الزواج

الزواج شركة معيشية، فلازم اختيار شريكة متوافقة في الأخلاق والطباع والميول والأفكار، والشعور معها بالألفة والارتياح القلبي، فدا اللي يقرب بينهم ، ويضمن استمرار التفاهم ودوام السعادة بينهم ، فلا تشكو الزوجة من طول صمت الزوج في المنزل، ولا يشكو الزوج من عدم فهم الزوجة له وعدم إشباعها لحاجاته الفكرية والعقلية. قال صلى الله عليه وسلم: "الأرواح جنودمجندة، فما تعارف منها ائتلف وما تناكر منها اختلف" (رواه الشيخان)، وصدق الله العظيم إذ يقول: ﴿الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلْطَّيِّبَاتِ﴾(النور: 26).

[bmya]

قال و انا عامل موضوع انا عريس يا عتريس هههههههههههههههه
كده عرفت هجيب ايه ترنينج التوحيد والنور اكيييد
بس خير ان شاء الله

وطريقتك رائعه في الكتابه

[mohammedabdallh]

الزواج شركة معيشية، فلازم اختيار شريكة متوافقة في الأخلاق والطباع والميول والأفكار، والشعور معها بالألفة والارتياح القلبي، فدا اللي يقرب بينهم ، ويضمن استمرار التفاهم ودوام السعادة بينهم ، فلا تشكو الزوجة من طول صمت الزوج في المنزل، ولا يشكو الزوج من عدم فهم الزوجة له وعدم إشباعها لحاجاته الفكرية والعقلية. قال صلى الله عليه وسلم: "الأرواح جنودمجندة، فما تعارف منها ائتلف وما تناكر منها اختلف" (رواه الشيخان)، وصدق الله العظيم إذ يقول: ﴿الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلْطَّيِّبَاتِ﴾(النور: 26).

ايوه كلام لا غبار عليه
بس دايما بلاحظ ان اللاناث وليس كلهم مش بيعرفوا ينقوا الوقت ولا الموضوع يعنى مثلا الواحد بيقى بره ومتاخر فى الشغل او بيصلح العربيه او فى مشوار وهى عارف انا فين
تتصل انت فين دلوقتى
هتيجى امتى
هتركب ايه وانت جاى
اصل الواد عاوز شبشب الساعه 12 بليل فى المحافضظات والارياف يعنى من 5 المستحيل تلاقى محل احذيه فاتح
الحوار ده لسه طاظه انبارح مع اخويا وكنت معاه بره نصلح العربيه 12 بليل الحوارده دار ما بنهم وانا عمال اضحك
وشويه لقيت مراتى بتتصل
بنفس الاسئله ما عدا موضوع الشبشب

[Kefo_Honda]

الحمد لله إنكم فتحتوا عيني على الجواز و حقيقته أنا 20 سنة وكرهت الجواز بفضل شباب المنتدى المضربين عن الجواز و مشجعات ماتشات اليورو 2012

[friendship7897]

وشويه لقيت مراتى بتتصل
بنفس الاسئله ما عدا موضوع الشبشب

المهم أخوك جاب الشبشب للولد
بص حضرتك موضوع إتصالات الزوجة الكتير دا بيكون لأحد أسباب :-
1) وحشتها ..... هو دا عيب !
2) قلقانة عليك ..... مش وارد !
3) بتتلكك علشان تحضرك العشا قبل ما تنام ومش عارفة هتيجي أمتى وترجع تصحيها أو تعتبها .
4) شكها فيك ( والرجالة كلهم مشكوك فيهم اليومين دول لإنتشار فكرة الزواج التاني ) وبتغير عليك من كتر تأخيرك .
5) مش لأقياك أصلاً علشان تطلب طلبتها في مواعيد عمل المحلات الرسمية .
تحياتي ليك ولأبن أخوك ( بطل هذه المشاركة هو وشبشبه ) .
ملحوظة : أنا قللت الإتصال بجوزي من كتر ما بقرأ شكواكم في المنتدى ، وبحس إني مأثرة في حقه - هو أنا كدة مزعلاه ولا مريحاه ؟!! .

[amrelsha3er]

لالالالا كتير اللى قولتيه ده بس مش كل الستات كده ياحاجه صدقينى
اه يمكن ده الغالب المصريين فيه بس برضو يرجع للست والرجل مع بعض ازاى يغيرو من حياتهم
انا خاطب ومش شايف ان خطيبتى كده نهائى ولا امها كده ولا فى بيتهم بحس باللى بتقوليه ده
والا مكنتش كملت معاها وهتجوزها قريب متحاوليش تسدى نفسنا:p:p
الجواز حلو يارجاله والخطوبه احلى كمان اللى عاوز يخطب ويتجوز يتكل على الله
بس يختار واحده ست بمعنى الكلمه اهم حاجه الاختيار وانتو مش هتلاقو اللى هى بتقول عليه ده
سلام عليكم بقى كفايه كده:d:d:d:d

[friendship7897]

لالالالا كتير اللى قولتيه ده بس مش كل الستات كده ياحاجه صدقينى
سلام عليكم بقى كفايه كده:d:d:d:d

لا لا لا كتير اللي أنت قولته دة يا حاج - أنت واضح إنك ما قرأتش كل المشاركات - أولاً دي For Fun ، وكل المشاركين فهموا كدة - بغض النظر إن فيه ناس كدة بجد بس الحمد لله مش كل الناس .
ثانياً : ودي بعض ردودي لتشجيع الجواز مش بعقد الشباب
ثالثاً : مبروك مقدماً إن شاء الله وبارك الله لكما وفيكما وجمع بينهم في خير
رابعاً : سلام عليكم بقى كفاية كدة

الموضوع مش كدة يا جماعة - ما تخدوش الموضوع على صدوركم أوي كدة - وكان غيركم أشطر أنه يعيش من غير جواز - الجواز دا سنة الحياة وكل الأزواج والزوجات بيدوروا عن سر السعادة الزوجية .. ويتمنوا رغد الحياة وطيب العيش بلا منغصات - ودا طبعاً حقنا كلنا، لكن مش يبذلون مجهود علشان يتحقق دا ، والزوجات يعتقدو أن تلك مسؤولية الزوج ، فهو الذي يجب أن يبتسم ويلاطف ويداعب ويتسامح ويقدر الجهد التي تقوم به الزوجة في تربية الأولاد وترتيب البيت وتجهيز الطعام وغير ذلك من الأمورالمرهقة !!! والأزواج تعتقد العكس
إذا كان بيت الزوجية ميدان تتصارع فيه الأفراح والأتراح ... يبأة ما فيش مودة ولا رحمة خالص – والطرفين لازم يتقوا ربنا في نفسهم الأول ثم في بعض .
وربنا يوفق الجميع

الزواج شركة معيشية، فلازم اختيار شريكة متوافقة في الأخلاق والطباع والميول والأفكار، والشعور معها بالألفة والارتياح القلبي، فدا اللي يقرب بينهم ، ويضمن استمرار التفاهم ودوام السعادة بينهم ، فلا تشكو الزوجة من طول صمت الزوج في المنزل، ولا يشكو الزوج من عدم فهم الزوجة له وعدم إشباعها لحاجاته الفكرية والعقلية. قال صلى الله عليه وسلم: "الأرواح جنودمجندة، فما تعارف منها ائتلف وما تناكر منها اختلف" (رواه الشيخان)، وصدق الله العظيم إذ يقول: ﴿الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلْطَّيِّبَاتِ﴾(النور: 26).

[amrelsha3er]

لا قريت يافرندشيب :d
وعارف انها فورفن
بس جبيت اطمن الشباب :d
والله موضوعك ضحكنى جدا وضحكتينى اكتر بردك عليا :d

[Screenplays]

حرااااااااااااااااااااااااااااااااااااام و الله ... ممكن الجواز في مصر يبقي زي بره لو الزوجين بيفكروا صح

[zangry]

جامد اوى الموضوع ده :d

[MASERATI]

السلام عليكم و رحمة الله و بركاته

موضوع رااااااائع عالصبح, تسلم الأيادى.

[friendship7897]

حرااااااااااااااااااااااااااااااااااااام و الله ... ممكن الجواز في مصر يبقي زي بره لو الزوجين بيفكروا صح

أنت فين بدري يا Screenplays دا أنا طول ما بكتب الموضوع دا وأنا منتظرة الكومنت بتاعك
موضوع رااااااائع عالصبح, تسلم الأيادى.[/QUOTE]
رائع بمشاركنكم - شكراً لكم

[shaddadfalcon1]

الموضوع كله ممكن والله بس المشكله في حاجتين:

اولا تربيه الزوج والزوجه:
في زوج مثلا بيحب الزوجه الجرئيه اللي تتدلع عليه وتبتكر اسالبي الدلع والمرح
في زوج لو مراته عملت كده هيطلقها ويتهمها بالخيانه لانه مقفل ومش بتاع الكلام ده وبيعتبر ان مراتي لو عرفت حاجه من الكلام ده انها لازم تكون خانته او افترجت علي حاجات مش كويسه عشان تعمل كده

في زوجه تحب زوجها يدلعها ويبقي دايما في جديد
في زوجه بتشوف الكلام ده كلام اهبل وعايزه تاكل وتشرب وتربي العيال وخلاص

في زوج وزوجه بيبقو مش بتوع الكلام ده وطبعا عايشين فل مع بعض مش فارف معاهم زي مثلا الأرياف
في زوج وزجه عارفين الكلام ده وبيحبوه بس مفيش فرصه ومفيش امكانيات ماديه
الاتنين مطحونين وهمهم كله يجيبو قرشين عشان يعيشو كويس

انا نفسي اعمل الحاجات دي ونفسي يبقي عندي مطبخ كبيير زي للي بنشوفه في الأفلام واصحي اعمل فطار وتوست وحوارات وافطر العيال وافطر مراتي واكلها بايدي بس انا مش عارف اجيب شقه مثلا عشان اعمل الحوار ده

نفسي اخرج معاهم كييير ونروح اماكن رومانسيه بس العين بصيره والايد قصيره عشان احوش واجيب شقه وغير العربيه وبالتالي بترسي علي كنتاكي اللي في اي فووت كورت

نفسي اقعد معاهم كتيير في البيت بس بشتغل من البيت شغل تاني ودايما علي اللاب بخلص شغل

المشكله في البلد وظروفها اللي خلت شاب محتاج مش اقل من 4 الاف جنيه في الشهر عشان يعرف يكون نفسه في مش اقل من 5 سنين او 10 سنين وتلاقي الشاب بياخد 500 جنيه

[friendship7897]

انا نفسي اعمل الحاجات دي
نفسي اخرج معاهم
ونروح اماكن رومانسيه
نفسي اقعد معاهم

ما كلنا نفسنا - يعني العيب مش فيك ( أنت معترف ... صح ) ، وأكيد مش فينا أحنا كمان ( معترفين )
يا رب أرزقنا رزق حلال طيب

المشكله في البلد وظروفها

أجازت فأفدت

[hossam_elwani]

سواء كنت عازب او متزوج حينطبق عليك قول الله تعالى

(لقد خلقنا الإنسان في كبد)