حالات زوجية مصرية ... ولا الأجنبي !

[Screenplays]

الموضوع كله ممكن والله بس المشكله في حاجتين:

اولا تربيه الزوج والزوجه:
في زوج مثلا بيحب الزوجه الجرئيه اللي تتدلع عليه وتبتكر اسالبي الدلع والمرح
في زوج لو مراته عملت كده هيطلقها ويتهمها بالخيانه لانه مقفل ومش بتاع الكلام ده وبيعتبر ان مراتي لو عرفت حاجه من الكلام ده انها لازم تكون خانته او افترجت علي حاجات مش كويسه عشان تعمل كده

في زوجه تحب زوجها يدلعها ويبقي دايما في جديد
في زوجه بتشوف الكلام ده كلام اهبل وعايزه تاكل وتشرب وتربي العيال وخلاص

في زوج وزوجه بيبقو مش بتوع الكلام ده وطبعا عايشين فل مع بعض مش فارف معاهم زي مثلا الأرياف
في زوج وزجه عارفين الكلام ده وبيحبوه بس مفيش فرصه ومفيش امكانيات ماديه
الاتنين مطحونين وهمهم كله يجيبو قرشين عشان يعيشو كويس

انا نفسي اعمل الحاجات دي ونفسي يبقي عندي مطبخ كبيير زي للي بنشوفه في الأفلام واصحي اعمل فطار وتوست وحوارات وافطر العيال وافطر مراتي واكلها بايدي بس انا مش عارف اجيب شقه مثلا عشان اعمل الحوار ده

نفسي اخرج معاهم كييير ونروح اماكن رومانسيه بس العين بصيره والايد قصيره عشان احوش واجيب شقه وغير العربيه وبالتالي بترسي علي كنتاكي اللي في اي فووت كورت

نفسي اقعد معاهم كتيير في البيت بس بشتغل من البيت شغل تاني ودايما علي اللاب بخلص شغل

المشكله في البلد وظروفها اللي خلت شاب محتاج مش اقل من 4 الاف جنيه في الشهر عشان يعرف يكون نفسه في مش اقل من 5 سنين او 10 سنين وتلاقي الشاب بياخد 500 جنيه

+1

[friendship7897]

حالات زوجية فى المصيف

ي[/FONT][/COLOR][/U]يا عزيزي ويا عزيزتي انسوا كل هذه الخيالات تماما،[/I]
فسوف تذهب إلى شاطئ يعج بآلاف المواطنين الذين يبحلقون لأي دراع معدي أمامهم،
كما أنك لن تأخذ راحتك معها لأنها مشغولة بإعداد الساندويتشات وكأنها في الجونينة يوم شم النسيم، بالإضافة إلى أن الكرش الذي سيظهر لك بسبب أكلاتها سيمنعك من ارتداء مايوهك،فضلا عن أنها سوف تتحول إلى كائن غير متناسق التضاريس يجبرها على ألا ترتدي الاختراع الذي يسمى كاش مايوه ، وستكتفي بجلابية مليئة بالتطريز إذا كانت حالتها مستعصية ، أو ترتدي بنطلون برمودا ضيق إذا كانت روشة طحن ومعه شبشب بلاستيك بصباع وعادة ما يكون بمبي أو لبني وستجلس على كرسي صغير على الرمل أمام البحر مباشرة ، وتدلدل رجليها وترفعها مع كل موجة ببلاهة غريبة وستكون في قمة السعادة ثم تلف وتنظر لك وتقول ' المية حلوة قوي النهاردة .. تعالى خد شاندوشت بلوبيف ' ، كل هذا وأنت جالس خلفها على الكرسي الأخضر الكبير تحت الشمسية وتنظر لها من فوق الجورنال وتتحسر على الكاش مايوه والكرة الشاطئية لأن الوضع أصبح حلل محشي وطاولة وجلابية .

[/RIGHT]

من خلال موقعي اليوم - على بحر شط الهوا - في المدينة الساحرة - الإسكندرية - التي منذ زمن بعيد جداً - لم أذهب لها لإستمتع بشواطئها حيث إني من فترة طويلة وأنا كنت بروح شارم أوالغردقة
- أقر أنا إن ما قلته بترئية وإستنكار وداعبة ، وكما قلت لعرسان المستقبل أنها فووور فن - لا والله دا مش تمثيل دا كل اللي أنا كتبها بحق وحقيق .
لا حول ولا قوة إلا بالله

[mostafa3000]

حلووة قوي جبتي المفيد سيدتي