اخطاء الاطباء

[zkralla]

ده مش هجوم على الاطباء و اكيد فيه اطباء كتييييييييير كويسسين وغالبا الى بيكتشف خطاء طبيب هو طبيب اخر يعنى الكلام مش عام لكن خاص ببعض الاطباء
والسؤال هل فيه فعلا دكاتره فى مصر خارج نظاق الخدمة وخارج نظاق الحياة بالطريقة ديه ؟؟؟ ولا احنا الى مش بنعرف نتعالج ؟


الحكاية الاولى :-
ابى يصاب بالم فى رجله الشمال يروح لاخصائى عظام يكتب له ريبايل جل ويستمر عليه اسبوعين بدون تحسن
يروح لاستشارى عظام يعمل تحليل يورك اسيد وشوية تحاليل ثم يكتب له شويه ادوية مضادة للالتهابات وريبايل جل برضه
ثم طبيبة زميلة اخى تكشف علية وتؤكد على الكلام عن الالتهاب
فى السكة ازمة تنفس استمرت حوالى 3 دقائق و استاذ الباطنة بالقصر العينى الى الحاج بيتابع معاه عشان الضغط يعملوا رسم قلب عشان الازمة الى جاتله عمله رسم قلب وقاله قلبك زى الفل يا حاج الحمد الله
اخيرا نذهب الى طبيب قريب لنا استاذ عظام بالقصر العينى ايضا
المفاجاءة أن التشخيص المبدئى أن الموضوع ملوش علاقة نهائى بالعضلات وانه جلطة رويدية فى الاوردة العميقة والمطلوب دوبلر
بعد عمل الدوبلر تأكد من وجود الجلطة وأن الازمة من تحرك جزء من الجلطة الى الوريد الرئوى

[MASERATI]

ده مش هجوم على الاطباء لكن اكيد فيه اطباء كتير كويسسين وغالبا الا بيكتشف خطاء طبيب هو طبيب اخر يعنى الكلام مش عام لكن خاص ببعض الاطباء
والسؤال هل فيه فعلا دكاتره فى مصر خارج نظاق الخدمة وخارج نظاق الحياة بالطريقة ديه ؟؟؟


الحكاية الاولى :-
................

السلام عليكم و رحمة الله و بركاته

Autchchchchchchch

أنت بتتكلم بجد و لا بتهزر ؟؟؟

الغريب أن الجلطة الوريدية بالذاااااات, الألم بتاعها بيبقى فى سمانة الرجل من ورا, لكن ألم المفصل بيبقى فى المفصل, الجلطة الوريدية اللى هى الDVT ممكن تتلخبط مع الالتهاب الخلوى (Cellulitis) لو جه فى نفس المكان.

عامة, العلم مالهوش كبير و الواحد بيفضل طول عمره يغلط و يتعلم.

اللهم افتح لنا أبواب العلم و أغلق عنا أبواب الجهل.

[الهادئه]

ربنا يشفى والدك اخى الكريم
فى اطباء فعلا كده ..بس مش تعتب عليهم
هما ميقصدوش ..كل واحد حسب نظرته واجتهاده
وتفوقه المهنى
واكيد فى فروق فرديه
الحمدلله انكم وصلتم للاساس

[zkralla]

الحكاية الثانية
زوجتى بعد ولادة ابنى الاول ( من 7 سنوات ) اصيبت بخراج وكانت بتابع مع استشارى نساء وتوليد فى الدقى قريب من سينما التحرير فكتبت لها مضاد حيوى 10 حقن كانوا الحقنة ساعتها كانت ب 48 جنية وللاسف مش فاكر اسمها ( حوالى 500 جنيه للخراج )
انكمش الخراج جدا واصبح فى حجم الزيتونة لكنها قالت لازم تروح لجراح ونصحت ( واكيد النصيحة كانت لوجه الله تعالى ) باستشارى جراحة عامة فى فى نفس العمارة قال لازم عملية استئصال للخراج ولا هيعمل اورام فى كل جزء فى الجسم
كلمت اخصائى نساء قريبى وصاحبى ( تقريبا الانتيم بتاعى ) وقالى الكلام ده فاضى وانا هجيلك انا وجراح صاحبى البيت ونشوف الخراج ده
الجراح فى البيت يقرر ان الخراج تقريبا راح والجسم همتص الجزء الى باقى الى هو عبارة عن غلاف ( ده على قد فهمى ) ومش مطلوب الا مرهم مسكن زى هيموكلار والمصادفه انه عارف استئارى الجراحة ومن ضمن المستشفيات الى بيشتغلوا فيها الاثنين مستتشفى مصطفى محمود وقالى لو تحب اتكلم معاه واناقشه واقنعه ان كلامة مش مضبوط لكنى شكرته
طبعا كلام اشتشارى الجراحة عن الخراريج والسرطانات الى هتملا الجسم كان ليه تأثير السحر وبدأءت مراتى امى وابى وحماى وحماتى يضغطوا عليا عشان انقذ مراتى من المصير المؤلم ده وسيبك من كلام الدكاترة صحابك دول مش عارفين حاجة
رحنا لاستشارى الجراحة وقرر عمل العملية بمستشفى الكاتب تحت بنج كلى وبالفعل تم ذلك بتكاليف محترمة واجر يد محترم واجر دكتور تخدير محترم برضه واستئصال كامل الخراج بغلاقه الخارجى وغلق الجرح تماما ( وحط ميت خط تحت تماما ) بجراحة تجميلية
بعد اسبوع تقريبا وبعد وقف المضاد الحيوى يعود الخراج بحجم اضعاف الاول ( الى كان قد الزتونة اصبح بحجم برتقاله كبيرة ) وكنت ساعتها رحت مرسى مطروح
رحت لاخصائى جراحة قالى شفط من الخراج وتانى يوم قالى نتقابل فى المستشفى العام وتم فتح الخراج بدون تماما وفى خمس دقائق ووضع فتيل لان غلطة الاستئارى المحترم العبقرى كانت غلق الجرح تماما مما جعل الافرازت لا تجد مخرج فتتجمع مكونة خراج جديد فى نفس المكان
يعنى الاستشارى المحترم استصل غلاف خراج مكنش فيه داعى لاستصأله وخد حوالى 2500 جنيه فى ذلك الوقت هو والمتشفى وقفل الجرح تماما مما تسبب فى تكوين خراج جديد ( كان المفروض يسيب جزء لاخراج الافرازات )
لو حد عاوز اسم استشارى الجراحة وعنوانه ممكن ابعتهولوا على الخاص

[zkralla]

ربنا يشفى والدك اخى الكريم
فى اطباء فعلا كده ..بس مش تعتب عليهم
هما ميقصدوش ..كل واحد حسب نظرته واجتهاده
وتفوقه المهنى
واكيد فى فروق فرديه
الحمدلله انكم وصلتم للاساس

الف شكر وجزاك الله خيرا واكيد فعلا فى اطباء كويسين فى مصر وانا فعلا ماقصدش التعميم

[zkralla]

السلام عليكم و رحمة الله و بركاته

autchchchchchchch

أنت بتتكلم بجد و لا بتهزر ؟؟؟

الغريب أن الجلطة الوريدية بالذاااااات, الألم بتاعها بيبقى فى سمانة الرجل من ورا, لكن ألم المفصل بيبقى فى المفصل, الجلطة الوريدية اللى هى الdvt ممكن تتلخبط مع الالتهاب الخلوى (cellulitis) لو جه فى نفس المكان.

عامة, العلم مالهوش كبير و الواحد بيفضل طول عمره يغلط و يتعلم.

اللهم افتح لنا أبواب العلم و أغلق عنا أبواب الجهل.

اللهم أمين
والله يا باشا هو ده الى حصل بالظبط ودكتور العظام الاخير هو الوحيد الى شخصها جلطه وريدية (اسمه هانى محمدى وهو استاذ جراحة عظام فى القصر العينى ودلوفتى بتابع مع دكتور اوعية وطبعا الحاج ماشى على ماريفان وتحليلات سيولة )

[mohammedabdallh]

اللهم اشفى والدك وجميع مرضى المسلمين
والله الطب مفيهوش كبير
معلشى استحمل المشكله هنا فعلا ان الاطباء بقى يستسهلوا
ومبقوش يعملوا اشاعات ولا تحاليل

[samyyousef]

الأخطاء المهنية واردة في كل مهنة و في أي مكان في العالم......الا أن تدني مستوى الأطباء في مصر فقد زاد عن حده و أصبح ما اشرت اليه في موضوعك حديث الكثيرين في هذا البلد
و ان كنت قد ذكرت أن الاخطاء المهنية واردة في كل مهنة و في كل مكان في العالم .....الا أن بعض الأطباء في مصر أتوا بما لم يأت به أحد في العالم...........فشخصية الطبيب المرعب المتكبر المتعجرف .....لا مثيل لها في دول العالم...فكثير من الأطياء في مصر لا يمكن أن تناقشه أو أن يعترف ان من حقك أن تقف على حالتك بوضوح و أن يشرح لك خطة العلاج..........أما في المستشفيات الحكومية فحدث و لا حرج

[zkralla]

اللهم اشفى والدك وجميع مرضى المسلمين
والله الطب مفيهوش كبير
معلشى استحمل المشكله هنا فعلا ان الاطباء بقى يستسهلوا
ومبقوش يعملوا اشاعات ولا تحاليل

اللهم أمين
جزاك الله خيرا

[MASERATI]

الحكاية الثانية...............
كلمت اخصائى نساء قريبى وصاحبى ( تقريبا الانتيم بتاعى ) وقالى الكلام ده فاضى وانا هجيلك انا وجراح صاحبى البيت ونشوف الخراج ده
الجراح فى البيت يقرر ان الخراج تقريبا راح والجسم همتص الجزء الى باقى الى هو عبارة عن غلاف ( ده على قد فهمى ) ومش مطلوب الا مرهم مسكن زى هيموكلار والمصادفه انه عارف استئارى الجراحة ومن ضمن المستشفيات الى بيشتغلوا فيها الاثنين مستتشفى مصطفى محمود وقالى لو تحب اتكلم معاه واناقشه واقنعه ان كلامة مش مضبوط لكنى شكرته..........

السلام عليكم و رحمة الله و بركاته

طبعا, كلام أصابك هوا الصح و مع احترامى الشديد ليك و للجراح اللى قالك أن الخراااااااااااج, هينتشر فى كل الجسم و لازم عملية فورا و حالا, فبكل بسااااااااااطة, الجراح ده خرق ميثاق الشرف لمهنة الطبيب, لأنه ببساطة بيستغل جهلك بالطب و بينصب, و ده لو فى بلد محترمة, كانت اتسحبت منه رخصة مزاولة المهنة الى الأبد, لأنه مش أخطأ خطأ طبى و ده ممكن يحصل من أكبر طبيب فى العالم, لكنه دنس شرف المهنة فى الوحل, أنا ممكن أقول للعيان, ان الخراج هيكبر, ممكن أقوله هيفتح جوه البطن, ممكن أقوله العيان هبتسمم منه, ممكن أقوله, هيعمل ناسور, لكن الخراااااااااااج, ينتشر فى كل الجسم زى السرطاااااااااااان !!!!!, و لا حول و لا قوة الا بالله.

أهو, أنا كنت راجع من صلاة الجمعة مزاجى حلو, الحكاية التانية دى نكدت على مزاج أهلى !!!!.

[Ahmed_Ramadan]

طيب ممكن تقولنا على إسم الدكتور الحمار بتاع الخراج ده ..... سبحان الله كل تخصص تلاقى حرامية عاوزين يمصوا دمك و فلوسك اللى بتلاقيها تحت المخدة كل يوم الصبح.

[zkralla]

السلام عليكم و رحمة الله و بركاته

طبعا, كلام أصابك هوا الصح و مع احترامى الشديد ليك و للجراح اللى قالك أن الخراااااااااااج, هينتشر فى كل الجسم و لازم عملية فورا و حالا, فبكل بسااااااااااطة, الجراح ده خرق ميثاق الشرف لمهنة الطبيب

[OVERLINE]انا عارف طبعا انه مش دكتور لكن نصاب وعارف ان الدكتور الى جه معايا البيت مع صاحبى كلامه كان مظبوط
والجراح بتاع مرسى مطروح الى فتح الخراج للمرة الثانية لما حكيت له قالى ربنا ينتقم من كل ظالم عشان يبهدل عيان بالطريقة ديه
( وعلى فكرة عشان الواحد ما يقولش الوحش بس الدكتور بتاع مطروح ده كان كشفه ايامها 10 جنيه مفيش غيرهم ومرضيش يفتح الخراج فى العياده - رغم كان ممكن يعملها ويقولى مبلغ كبير وكنت هادفع لكن رغم كده قالى تعالى المستشفى العام بكره الصبح - الى هيا ببلاش - والحمد لله زى ما فيه ناس معدومة الضمير فيه ناس بتراعى ربنا فواحد عمل العملية ب 2500 جنيه وعملها غلط وواحد عملها بعشره جنيه وعملها بما يرضى الله [/OVERLINE]

, لأنه ببساطة بيستغل جهلك بالطب و بينصب, و ده لو فى بلد محترمة, كانت اتسحبت منه رخصة مزاولة المهنة الى الأبد, لأنه مش أخطأ خطأ طبى و ده ممكن يحصل من أكبر طبيب فى العالم, لكنه دنس شرف المهنة فى الوحل, أنا ممكن أقول للعيان, ان الخراج هيكبر, ممكن أقوله هيفتح جوه البطن, ممكن أقوله العيان هبتسمم منه, ممكن أقوله, هيعمل ناسور, لكن الخراااااااااااج, ينتشر فى كل الجسم زى السرطاااااااااااان !!!!!, و لا حول و لا قوة الا بالله.

أهو, أنا كنت راجع من صلاة الجمعة مزاجى حلو, الحكاية التانية دى نكدت على مزاج أهلى !!!!.

[zkralla]

طيب ممكن تقولنا على إسم الدكتور الحمار بتاع الخراج ده ..... سبحان الله كل تخصص تلاقى حرامية عاوزين يمصوا دمك و فلوسك اللى بتلاقيها تحت المخدة كل يوم الصبح.

بعت لحضرتك اسمه على الخاص وهو فى شارع التحرير عند اخوان مقار

[Medicalist]

بسم الله الرحمن الرحيم
انا طبيب باطنة و هتخصص امراض صدريه
امبارح فى المستشفى شفت حالة بالمنظر ده و انا اول ما قريت كلامك اول حاجه شكيت فعلا فى جلطه وريديه وشخصتها الحمد لله مع انه تاكيد التشخيص لازم باشعه معينه بيعملها نايب جراحه الاوعيه الدمويه لانها شغلتها بس بدأت علطول علاج السيوله مع العيان ده لانه الجلطه دى خطورتها مش بس فى الالم لكن فى انها ممكن تعمل مشاكل تانيه مش لازم اقولها
المهم الاعتماد دايما على العلاج العرضى دى مشكله الطب فى مصر او الدكاتره بتريح دماغها لانه حتى وبكل بساطه لو كان شويه التهابات فى العضلات العلاجات العاديه مش هتفرق كتير لكن الجلطه شىء مهم لازم التعامل معاه
الحاله حالة طبيب جراحه اوعيه دمويه او دكتور باطنه شاطر يلقطها من بدرى ويبعتها لبتاع الاوعيه الدمويه
المهم انت ظبط جرعه الماريفان و تابع تحليل inr كل اسبوع على الاقل بحيث يقول فى مستوى ال2 او 3 و تاخد بالك لو زاد
وربنا يشفى الحاج ان شاء الله

[Medicalist]

Inr letters capital