اخطاء الاطباء

[Medicalist]

السلام عليكم و رحمة الله و بركاته

Autchchchchchchch

أنت بتتكلم بجد و لا بتهزر ؟؟؟

الغريب أن الجلطة الوريدية بالذاااااات, الألم بتاعها بيبقى فى سمانة الرجل من ورا, لكن ألم المفصل بيبقى فى المفصل, الجلطة الوريدية اللى هى الDVT ممكن تتلخبط مع الالتهاب الخلوى (Cellulitis) لو جه فى نفس المكان.

عامة, العلم مالهوش كبير و الواحد بيفضل طول عمره يغلط و يتعلم.

اللهم افتح لنا أبواب العلم و أغلق عنا أبواب الجهل.

السلام عليكم

مش لازم الالم يكون فى سمانه الرجل لانه Thrombus بتمر بمرحلة
propagating thrombus
ومستوى الالم يبقى اعلى فى الساق او فى اى مكان تانى حتى الجلطة الرئوية
و الم الdvt مستحيل يتلخبط مع الالتهاب الخلوى الى غالبا بيكون فيه احمرار او تورم فى الساقين لكن لو جه على ناحيه واحده ممكن يكون سببه DVT وبيبقى العيان معاه تاريخ مرضى بكده

[zkralla]

بسم الله الرحمن الرحيم
انا طبيب باطنة و هتخصص امراض صدريه
امبارح فى المستشفى شفت حالة بالمنظر ده و انا اول ما قريت كلامك اول حاجه شكيت فعلا فى جلطه وريديه وشخصتها الحمد لله مع انه تاكيد التشخيص لازم باشعه معينه بيعملها نايب جراحه الاوعيه الدمويه لانها شغلتها بس بدأت علطول علاج السيوله مع العيان ده لانه الجلطه دى خطورتها مش بس فى الالم لكن فى انها ممكن تعمل مشاكل تانيه مش لازم اقولها
المهم الاعتماد دايما على العلاج العرضى دى مشكله الطب فى مصر او الدكاتره بتريح دماغها لانه حتى وبكل بساطه لو كان شويه التهابات فى العضلات العلاجات العاديه مش هتفرق كتير لكن الجلطه شىء مهم لازم التعامل معاه
الحاله حالة طبيب جراحه اوعيه دمويه او دكتور باطنه شاطر يلقطها من بدرى ويبعتها لبتاع الاوعيه الدمويه
المهم انت ظبط جرعه الماريفان و تابع تحليل inr كل اسبوع على الاقل بحيث يقول فى مستوى ال2 او 3 و تاخد بالك لو زاد
وربنا يشفى الحاج ان شاء الله

اللهم امين
وجزاك الله خيرا
المشكلة ان مفيش ما يستدعى - بالنسبه ليا كمريض - انى اروح لطبيب باطنة او طبيب اوعيه دموية الوالد كان كل شكواه من الم فى عضلات رجله
فانا كمريض ايه الى هيخلينى اروح لطبيب باطنه - انا كل تفكيرى بتجه ناحية طبيب العظام
عشان كده المعلومات ديه لازم تكون متوفرة عند طبيب العظام
احنا الحمد لله بنتابع مع دكتور اوعية دموية كويس والحاج بياخذ ماريفان 7.5 و 5.00 يوميا بالتبادل عشان 7.5 يوميا خلت ال inr يبقى 3.50 وبنحلل كل عشرين يوم وطبعا الحمد لله على أن ربنا سترها

[Medicalist]

الحكاية الثانية
زوجتى بعد ولادة ابنى الاول ( من 7 سنوات ) اصيبت بخراج وكانت بتابع مع استشارى نساء وتوليد فى الدقى قريب من سينما التحرير فكتبت لها مضاد حيوى 10 حقن كانوا الحقنة ساعتها كانت ب 48 جنية وللاسف مش فاكر اسمها ( حوالى 500 جنيه للخراج )
انكمش الخراج جدا واصبح فى حجم الزيتونة لكنها قالت لازم تروح لجراح ونصحت ( واكيد النصيحة كانت لوجه الله تعالى ) باستشارى جراحة عامة فى فى نفس العمارة قال لازم عملية استئصال للخراج ولا هيعمل اورام فى كل جزء فى الجسم
كلمت اخصائى نساء قريبى وصاحبى ( تقريبا الانتيم بتاعى ) وقالى الكلام ده فاضى وانا هجيلك انا وجراح صاحبى البيت ونشوف الخراج ده
الجراح فى البيت يقرر ان الخراج تقريبا راح والجسم همتص الجزء الى باقى الى هو عبارة عن غلاف ( ده على قد فهمى ) ومش مطلوب الا مرهم مسكن زى هيموكلار والمصادفه انه عارف استئارى الجراحة ومن ضمن المستشفيات الى بيشتغلوا فيها الاثنين مستتشفى مصطفى محمود وقالى لو تحب اتكلم معاه واناقشه واقنعه ان كلامة مش مضبوط لكنى شكرته
طبعا كلام اشتشارى الجراحة عن الخراريج والسرطانات الى هتملا الجسم كان ليه تأثير السحر وبدأءت مراتى امى وابى وحماى وحماتى يضغطوا عليا عشان انقذ مراتى من المصير المؤلم ده وسيبك من كلام الدكاترة صحابك دول مش عارفين حاجة
رحنا لاستشارى الجراحة وقرر عمل العملية بمستشفى الكاتب تحت بنج كلى وبالفعل تم ذلك بتكاليف محترمة واجر يد محترم واجر دكتور تخدير محترم برضه واستئصال كامل الخراج بغلاقه الخارجى وغلق الجرح تماما ( وحط ميت خط تحت تماما ) بجراحة تجميلية
بعد اسبوع تقريبا وبعد وقف المضاد الحيوى يعود الخراج بحجم اضعاف الاول ( الى كان قد الزتونة اصبح بحجم برتقاله كبيرة ) وكنت ساعتها رحت مرسى مطروح
رحت لاخصائى جراحة قالى شفط من الخراج وتانى يوم قالى نتقابل فى المستشفى العام وتم فتح الخراج بدون تماما وفى خمس دقائق ووضع فتيل لان غلطة الاستئارى المحترم العبقرى كانت غلق الجرح تماما مما جعل الافرازت لا تجد مخرج فتتجمع مكونة خراج جديد فى نفس المكان
يعنى الاستشارى المحترم استصل غلاف خراج مكنش فيه داعى لاستصأله وخد حوالى 2500 جنيه فى ذلك الوقت هو والمتشفى وقفل الجرح تماما مما تسبب فى تكوين خراج جديد ( كان المفروض يسيب جزء لاخراج الافرازات )
لو حد عاوز اسم استشارى الجراحة وعنوانه ممكن ابعتهولوا على الخاص

والله يا باشا انا شاكك انه ده دكتور اصلا بتاع الجراحه ده
ده انت لو جبت واحد فى اولى طب ممكن يعمل الخراج ده وببنج موضعى حاجه تافهه جداا
لو معاك ما يثبت الى حصل قدم شكوى لنقابه الاطباء وما تسكتش

[zkralla]

inr letters capital

هههههههه
جزاك الله خيرا يا دكتور
بس ده خطأ صغير قوى ما يتقارنش بالاخطاء التانية عموما انا كمان دخلت عدلت المشاركة وكتبتها كبيرة

[Medicalist]

اللهم امين
وجزاك الله خيرا
المشكلة ان مفيش ما يستدعى - بالنسبه ليا كمريض - انى اروح لطبيب باطنة او طبيب اوعيه دموية الوالد كان كل شكواه من الم فى عضلات رجله
فانا كمريض ايه الى هيخلينى اروح لطبيب باطنه - انا كل تفكيرى بتجه ناحية طبيب العظام
عشان كده المعلومات ديه لازم تكون متوفرة عند طبيب العظام
احنا الحمد لله بنتابع مع دكتور اوعية دموية كويس والحاج بياخذ ماريفان 7.5 و 5.00 يوميا بالتبادل عشان 7.5 يوميا خلت ال inr يبقى 3.50 وبنحلل كل عشرين يوم وطبعا الحمد لله على أن ربنا سترها

يا باشا لو هتتكلم عن الم العضلات اول واحد تروحلة مش العظام تروح لطبيب باطنه عامه او تخصص الروماتولوجى الى جزء من الباطنة لكن العظام هتخصص هو تخصص جراحى وشغلهم كله بالايد عمليات او تجبيس بس
بالنسبه لماريفان 7.5 و 5 عالى اوى الدكاتره دى مش عارف شغاله ازاى
المفروض بتبدأ بأقل جرعه لانه بيكمل على العلاج مدى الحياة يعنى تبدأ بجرعه 1 او 3 على الاكثر ومره واحده يوميا لكن 7.5 و 5 كتير
واهم حاجه انه ان شاء الله الحاج مفيش فيه مشاكل فى الكبد لازم تتاكد من كده
ظبط ال inr مهم جداا ونصيحتى ليك تاخد بالك لانه الجرعه لما بتزيد بتعمل مشاكل فحاول ما يزيدش عن 3
وربنا يشفيلك الحاج

[zkralla]

والله يا باشا انا شاكك انه ده دكتور اصلا بتاع الجراحه ده
ده انت لو جبت واحد فى اولى طب ممكن يعمل الخراج ده وببنج موضعى حاجه تافهه جداا
لو معاك ما يثبت الى حصل قدم شكوى لنقابه الاطباء وما تسكتش

والله يا دكتور هو ده الى حصل وهبعت لحضرتك اسمه وعنوانه على الخاص
طبعا الموضوع اصبح قديم جدا - 7 سنوات - وانا حتى ساعتها مكنتش عارف اثبت ده ازاى وكان كل همى ان زوجتى تبقى كويسه وخلاص

[Medicalist]

هههههههه
جزاك الله خيرا يا دكتور
بس ده خطأ صغير قوى ما يتقارنش بالاخطاء التانية عموما انا كمان دخلت عدلت المشاركة وكتبتها كبيرة

لا يا باشا مش خطا ولا حاجه بس عشان عيب اكتبه كده وفيه دكاتره معايا فى المنتدى و عشان برضه لو انت كتبته تكتبه صح هو اختصار international normalized ratio فلازم يتكتب بحروف كابيتل لانها اختصارات للاسم ده ولمعلوماتك هو بيتحسب من تحليل تانى الى هو PT يلا مش مشكله

[Medicalist]

والله يا دكتور هو ده الى حصل وهبعت لحضرتك اسمه وعنوانه على الخاص
طبعا الموضوع اصبح قديم جدا - 7 سنوات - وانا حتى ساعتها مكنتش عارف اثبت ده ازاى وكان كل همى ان زوجتى تبقى كويسه وخلاص

يا باشا انا هعمل بيه ايه ربنا يسترها معانا جميعا كلنا معرضين لكده
على فكره مشكله فى مصر انه حتى فى البرايفيت مفيش الورق الرسمى الى يجيب لمريض حقه بس انت برضه بتتكلم على امكانيات ماديه صعبه و اجهزه وتحاليل مش موجوده او مش دقيقه ممكن تاثر فى التشخيص
ربنا معانا

[amr.elsayed]

الف سلامة على والدك والمدام يا استاذ ذكر الله وربنا يطمنك عليهم

[zkralla]

لا يا باشا مش خطا ولا حاجه بس عشان عيب اكتبه كده وفيه دكاتره معايا فى المنتدى و عشان برضه لو انت كتبته تكتبه صح هو اختصار international normalized ratio فلازم يتكتب بحروف كابيتل لانها اختصارات للاسم ده ولمعلوماتك هو بيتحسب من تحليل تانى الى هو pt يلا مش مشكله

جزاك الله خيرا يا دكتور وطبعا كلام حضرتك اكيد مظبوط
وانا بعلك رساله على الخاص فيها اسمه

[zkralla]

الف سلامة على والدك والمدام يا استاذ ذكر الله وربنا يطمنك عليهم

الله يسلمك يا رينجو - انا واخد على رينجو اكتر من عمرو - ويكفيك شر الامراض

[zkralla]

يا باشا انا هعمل بيه ايه
ربنا معانا

انا بعته فعلا اهو ممكن ينفع حضرتك
مثلا لو جالك مريض عاوز يتحول جراحه وكان من انصار شفيق ممكن تحوله عليه

[د.محمود صلاح]

للأسف الطب في مصر ليس له قواعد او اصول .. والمستوى في انحدار تام ..

وكمان لاحظت تندي مستوى الاطباء في كل جنسيات العالم التالت زي الباكستانين والبنغال ( في عمان مثلا ) ..

[cheetos_892005]

عادي يعني

وانا ف 3 اعدادي ركبتي و جعتني مكنتش بمشي

رحت لدكتور عظام كتبلي حقن , وخدتهم و تقريبا موتوني

دكتور الاطفال بتاعي كانت علاقتنا بيه كويسة قالنا روحو لدكتور باطنة بسرعة

طلعت حمى رومتزمية و كانت هتخش في مرحلة خطر عشان اتاخرنا

بسبب دكتور العظام المبجل

[MASERATI]

السلام عليكم و رحمة الله و بركاته

السلام عليكم

مش لازم الالم يكون فى سمانه الرجل لانه Thrombus بتمر بمرحلة
propagating thrombus
ومستوى الالم يبقى اعلى فى الساق او فى اى مكان تانى حتى الجلطة الرئوية
و الم الdvt مستحيل يتلخبط مع الالتهاب الخلوى الى غالبا بيكون فيه احمرار او تورم فى الساقين لكن لو جه على ناحيه واحده ممكن يكون سببه DVT وبيبقى العيان معاه تاريخ مرضى بكده

Deep Vein Thrombosis Differential Diagnosis - Medical Disability Guidelines