★★★ أكتــشفـت طريقة حلوة لتكبير حجم شاشة المنتدى ★★★

[me_medoo]

★★★★★★

أعزائي وأحبابي

النهردة أكتشفت طريقة حلوة ... لتكبير حجم شاشة المنتدى وقلت أقولهالكم ... لأن بحب أشارك حبايبي بأي حاجة جديدة بكتشفها ... رغم أني بتغاظ جداً جداً لمن حد يقولي دي قديييييييييييييييييمة .. ده أنتا قديم قووي . هههههههههه
طيب يأ أبن الحلال مش كنت تقول وتفيدنا ... أحياناً كتيرة ناس شغالة على نوت بووك ولا شاشتهم صغيرة ولا الكتابة نونو وعاوز تكبر الشاشة علشان تقرى وتمخ مخ ... في المقالة الي بتقراها تعمل أيـــــــــه بقه ياباشا بص ياسيدي

أولاً بالنسبة لأجهزة الماكنتوش

هتدوس على زرار الكنترو ^ زائد الاسكلور بتاع الماوس
الي في النص

وأذا لاب تووب هتدوس على زرار الكونترول + بصوابعك الاتنين على البتاعه الي هيا ماوس الاب توب .
وتقدر تكبر او تصــــغر زي ما انتا عاوز .

طيب واحد تاني يقولي لا انا شغال على الاجهزة بتاعت مايكروسوفت ونظام ويندوز ... هقولوا بسيطة أفتح صفحة المنتدى وأضغط على زر

Ctrl + ( زرار زائــــد أو ناقص )

بص كده

هتلاقي الشاشة أو واجهت المنتدى كبرت وبقت حلوة وواضحة
والكلام مكتوب بخط عريض وكبير ... ولو حبيت تصغرها
أستخدم (- _ ) الناقص هيصغرلك الشاشة

@@@@@@@

طيب أذا مامشيتش الطريقة دي (وده مستحيل )
دوس على زرار الكنترول

وبنفس الوقت العب في الاسكلور بتاع الماوس الي في النص مش عارف بيسموها ايه هتلاقي بتاعه في النص كده العب فيها

★★★★★★

طيب في حاجة كمان
مش في شرطة بتاعت الكتابة ... أحياناً ببقى عاوز أحاذي الكتابة جهت اليمين (بالعربي) أو جهت الشمال نفس نظام الورد أو الان دي زاين ... عاوز اقول للكمبويتر انا عاوز أكتب ناحية اليمين لأنو عربي فبضغط على زرار الشيفت + كنترول يمين أو شمال على حسب ما أنتا عاوز كده هوو ...

عندك يمين وعندك على ايدك الشمال وأنتا أختار

@@@@@@@@@@

بس كده ياسيدي ولو حد عندو أختصارات حلوة ياريت برضو يمدنا بيها ... خيركم من تعلم العلم وعلمه
ومحدش يفقع مرارتي ويقلي قديمة
هههههههههههههه

@@@@@@@@@@@@

وتحياتي

[ahmedbasto]

مشكور طريقة حلوة جدا

[midoabdeen]

قديمه جدا على فكرة

[Osama_I]

السلام عليكم و رحمة الله و بركاته

ألف شكر على المجهود

[me_medoo]

مشكور طريقة حلوة جدا

تسلملي يا غالي وربنا يخليك ليا

قديمه جدا على فكرة

هههههههههههههههههه
ماشي ياعم ميدو يابتاع الجديد أنتا
طيب خود الطريقة دي لو هنج معاك المنتدى وعاوز تقفلوا دوس على Ctrl + Alt + Delete
كدهو



@@@@@@@@

هههه حبيب قلبي يا ميدو في ناس كبيرة ... مش عفاريت في الكمبيوتر ونظرهم ضعيف زي حالاتي فيارب نقدر نوصلهم المعلومة بأبسط مايمكن يا غالي ... وعلى فكرة انا ضعيف جداً على أجهزة ويندوز ... ومبفهمش فيها قوي ... بس بحب أنظمة أبل ماكنتوش سهلة بالنسبة لي .وشغلي كلو عليها .

السلام عليكم و رحمة الله و بركاته

ألف شكر على المجهود

تسلملي يا أســــامة باشا

^^^^^^^^^^^^^^^^^^^

حبايب قلبي جميعاً لو في حد عندو حبت أختصارات لأجهزة المايكروسوفت ياريت يمدنا فيها ... للافادة العامة
^^^^^^ وتحياتي لكم جميعاً ^^^^^^^
@@@@@@@@@

[midoabdeen]

هههههههههههه
بهزر طبعا
بس فى جوجل كروم خاصية لتكبير الصفحة لو حد مايعرفش هى موجودة فى القايمة اللى فى اعلى البرنامج

[me_medoo]

[islamlight]

على فكرة يا ميدو انا عرفت الطريقة دى والله بالصدفة جودى بنتى كانت بتلعب وداست على الكيبورد وانا كنت دايس على الماوس ومن هنا كانت النفارقة العجيبة واذا بى اجد الصفحة بتكبر لوحدها اللهم ما احفظنا.
بس انا قولت طريقة جديدة يبقى اكتشفت طريقة تحقنه (س...ن) ولا حاجة.
هههههههههه حبيبىىىى يا ابو ميدو انا مونون من النتيجة عشان كده تلاقينى فى الفورمة.

[mesaharaty]

هههههههههههههه
بس والله قديييييييييييييييمة برضه
ههههههههههههههههههه

[mazagngi2010]

Ctrl + Alt + Delete دى اللى جديده

[HAITHAM1985]

قدييييييييييييييييييييم قدمان السنيييييييييييين ...... هههههههههههه ......... بهزر يا قديييييم

المعلومات دى قد تكون معروفة لينا اللى بنفهم شوية فى الويب وبيسمونا web monkeys بس الناس اللى لسه على قدهم لا تتخيلوا بتفرق معاهم قد إيه

دى إيجابية أحييك عليها وهى من شيم الرجال

[aliaboali_3]

ألف شكر على المجهود

[MohammedAladel]

مشكور وطبعا فيه من قائمة view فى أى مستعرض اختيار الزووم برضه

[asom_6]

أشكر حضرتك جداً على المشاركة المفيدة
وحتى لوكانت المعلومة قديمة بالنسبة للبعض فقد تكون مهمة جداً للأخرين وأعتقد فكرة المنتدى أساساً قائمة على المبدأ ده.

ومن هذا المنطلق أحب أضيف معلومة لزملائى من أعضاء المنتدى للإفادة لمن لا يعلمها وللتذكره لمن له سابق معرفة بها وهى :

عند مطالعة موضوع بالمنتدى قديم نوعاً وبه عدد كبير من المشاركات تمتد لعدة صفحات وبدلاً من اعادة تحميل الموضوع صفحة بصفحة من الترقيم بأسفل الموضوع , يمكن بسهولة من أدوات الموضوع الضغط على كلمة مشاهدة صفحة الطباعة وسيتم عرض صفحة مبسطة بها المشاركات بنفس الترتيب على شكل نصوص مرتبة وبنفس عدد الصفحات ... أضغط ساعتها على كلمة مشاهدة 40 مشاركة فى الصفحة الواحدة وفى هذه الحالة لن تحتاج لتحميل الموضوع صفحة بصفحة وأنما سينحصر الموضوع فى صفحة او أتنين بالكتير.

جربوها وأدعولى.

[me_medoo]

هههههههههههه حبايب قلبي ، واللهِ انا كنت حايس ولايص وبدور على معلومة التكبير علشان نظري الي ضعف وكمبيوتري الكبير الي اتحرق. وبقيت يا اشتغل على نوت بوووك صغير ديل شاشة ١٤

وتصدقوا انا اول مرة اعرف طريقة مشاهدات. كل المشاركات في صفحة وحدة ، وكنت احياناً بكسل اقعد اقلب في صفحات الموضوع واقول ييييييي لسه هقلب وعلشان اقرى. مشاركة متابع ومشاركة شكراً رغم ان في مواضيع بتسخن في تالت او رابع صفحة وتبقى مليانة معلومات
صحيح بالنسبة لامر تراجع انا اعرف. بتكون. ياكنترول z. او ياكومند z
احيانا وانا بكتب يتمسح او يتنقل سطر غصب عني والامر بتاع تراجع. لايستجيب معي فايه الحل لخبراء الويب مان
وانا اليومين دول عمال ادور على مركز عدل يديني الويب ديزاين ومش لاقي كل مركز اروحلو يقلي عندنا واحد ولسه هنكمل المجموعة في شهر تسعه وعليك خير وفكرت في مركز الاهرام ايه ماااك. وقالولي. ٢٠/٩
ونيو هرايزون قال ايه عوزني اخوش دورة تكملية الاول عن فنون التصوير ويضيعو وقتي ويمصو دمي وفلوسي
ويات مفيش غير في اخر الدنيا مدينة نصر يعني اليوم كلو ضاع
والمركز الروسي خلاص بدأت الدورة فيه
حد يعرف مركز محترم تاني غيرهم مخصوص للويب ديزاين
@@@@@@@@@
وتحياتي