★★★ أكتــشفـت طريقة حلوة لتكبير حجم شاشة المنتدى ★★★

[SHNORY]

المعلومه قديمه علينا بس اكيد جديده علي ناس اكتر مننا
بس نسيت تقول انك علشان ترجع الشاشه لوضعها الطبيعي
بتدوس كنترول + صفر

والمعلومه الاجدد
اننا كنا مخدوعين في العجله وكان فكرنا انها
اسكرول بس طلعت اسكلور
ههههههههههههههههههههههه
حبيبي يا ميدو يا هادم قواعد اللغه

[me_medoo]

هههههههه حبيب قلبي يا شنوري باشا والله يباشا مش عارف اودي جاميلك فين بس يا غالي ، بس لو تفتكر التكنلوجيا بنت اللزينة مش عاوزة توقف. لحد معين كل شوية بيخترعو حاجات غريبة يادوبك اتعلمنا على اريكسون سته تمنيتين طلع النوكيا اتعلمنا على السوفت وير بتاعو ويادوبك هنشم نفسنا طلع المتورولا. وهبوااا دخلنا في البلاك بيري ويادوبك اتعلمنا عليه نطينا في الاي فون والاي باد ولسه هنتعلم هوباااا دخلنا في الاندرويد.

وحتى الكومبيترات كل ما تيجي تتعلم على ويندوز تبص تلاقي ويندوز جديد نزل وبين الويندوز والويندوز ويندوز الواحد مباقش عارف هيتعلم ايه ولا ايه ولا ايه بس بنقول يارب ههههههههه

على فكرة جديدة بالنسبة لي كنترول وصفر دي. تسلملي يا غالي

[minicooper20]

طيب انا اول مره اعرفها اصلى و نعمه يا عم ميدو

[ahmad550]

أشكر حضرتك جداً على المشاركة المفيدة
وحتى لوكانت المعلومة قديمة بالنسبة للبعض فقد تكون مهمة جداً للأخرين وأعتقد فكرة المنتدى أساساً قائمة على المبدأ ده.

ومن هذا المنطلق أحب أضيف معلومة لزملائى من أعضاء المنتدى للإفادة لمن لا يعلمها وللتذكره لمن له سابق معرفة بها وهى :

عند مطالعة موضوع بالمنتدى قديم نوعاً وبه عدد كبير من المشاركات تمتد لعدة صفحات وبدلاً من اعادة تحميل الموضوع صفحة بصفحة من الترقيم بأسفل الموضوع , يمكن بسهولة من أدوات الموضوع الضغط على كلمة مشاهدة صفحة الطباعة وسيتم عرض صفحة مبسطة بها المشاركات بنفس الترتيب على شكل نصوص مرتبة وبنفس عدد الصفحات ... أضغط ساعتها على كلمة مشاهدة 40 مشاركة فى الصفحة الواحدة وفى هذه الحالة لن تحتاج لتحميل الموضوع صفحة بصفحة وأنما سينحصر الموضوع فى صفحة او أتنين بالكتير.

جربوها وأدعولى.

ولو عاوز تعرض ال40 مشاركة في صفحة واحدة علي طول لكل المواضيع ادخل علي لوحة التحكم > تعديل الخيارات > خيارات عرض المواضيع > عدد المشاركات المعروضة في كل صفحة: > 40
نايل موتورز - NileMotors.net

[Screenplays]

ده انت قديم اوي يا جدع ههههههههههههه

[حماده عزو]

ألف شكر على المجهود

[S O P H O S]

[AhMeD MeTwAlY]

أميدو حبيبي
عشان بقئ ترجع الشاشه لوضعها الطبيعي هندوس ايه
كنترول مع رقم صفر
هههههههههههههههههههههههههههههههههههههههههههههههههه هههههههه
انت جديم جوي يا استاذ بكر