صاحبى حاسس انو بيضيع ... افيدونى

[ramyhekal]

هو غالبا فى الاول بس هايبقى كده
شويه كده وهاتلاقيه مش بالحده اللى انت تقصدها دى
لازم فى الاول كله كده

[FunnyMickey]

هو غالبا فى الاول بس هايبقى كده
شويه كده وهاتلاقيه مش بالحده اللى انت تقصدها دى
لازم فى الاول كله كده

هوا حيحصل حاجه من الاتنين

يااما حينتكس ويرجع زي زمان
وحيحلق دقنه
وياريت ده ميحصلش بس ده نتيجه الدخله الجامده

يااما حيهدي ويبتدي يتعامل عادي خالص مع قدر من الالتزام

وربنا يهديه ويهدينا جميعا

ويابخته فعلا بالصحبه دي طول ماهوا معاهم حيثبت

[hossam_elwani]

صاحبى اتعرف على جماعه تبع مسجد وبقى مرتبط بالمسجد ده بالذات جدا نبقى معدين قدام مسجد تانى والمسجد بيقيم الصلاة ويمشى يقول هروح اصلى فى المسجد بتاعى وبيقعد فى المسجد تقريبا طول اليوم وساعات كتير جدا جدا بيبات فى المسجد وبياخد اكل وبيشترى حاجات للمسجد دى حاجات بعضها مدايقنى لاكن انا مقدرش امنعو انو يتقرب من ربنا بس هو تقريبا لغى حياتو الشخصيه نهائى مبقاش يقعد مع اخواتو ومبقاش يقعد فى البيت ومبقاش يخرج معانا انا واصحابى ومثلا اكلمو تعالى اقعد معايا فى البيت نشرب شاى ونذاكر شوية يقولى لا انا هروح اقعد عند ربنا وباع الموبايل ال i phone بتاعو واشترى موبايل نوكيا من غير كاميرا واغانى ومبقاش يتفرج على التليفزيون ومبيتكلمش فى اى حاجه غير الدين والقرأن ومربى دقنو وعلطول لابس لبس قصير ومثلا فى مشوار بعيد بنقضى مصلحة ولا بنعمل حاجه يقولى نمشى على رجلينا علشان ناخد ثواب اكتر اقولو ياعم هى دى فيها ثواب وكل ما اكلمو يقولى متقولش انت عملت ولا حد عمل قول ربنا عمل اقولو ياعم ماهو ربنا بيعمل كل حاجه بس فى حاجات احنا اللى بنعملها والا ربنا بيحاسبنا ازاى على حاجه هو بيعملها ساعاااات كتير جدا مبيعرفش يرد على اسألتى ومبقاش بيدحك ويهزر زى الاول على طول ماشى موطى راسو فى الارض بجد حياتو اتغيرت جدا جدا وبقى كئيب اوى ... وبيطلع فى الجماعات تبع التبليغ والدعوه اخر مره طلع 6 اكتوبر وقعد 4 ايام وبيقولى بعد الامتحانات هروح سوهاج نعمل تبليغ ودعوه وهنقعد اسبوعين ... مش عارف اعملو ايه والله انا مش ممانع انو يقرب من ربنا بس لدرجة انو ميتفرجش على التليفزيون او يبيع الموبايل اللى فيه كامير او ميركبش مواصلات طيب ليه ... ياريت حد يفيدنى اعمل معااه ايه ....

بداية التطرف و الغلو فى الدين

ربنا يهدينا ويهديه

[Screenplays]

لو هو ملموم علي شباب زي بتوع التكفير و الهجره

ابعد نفسك احسن

[AhMeD EzZ]

متقلقش اي واحد كان بيبقي بعيد عن ربنا و بيهتدي مرة واحدة بتبقي دي البداية

انا نفسي مريت بيها و قعدت فترة كدة بس ربنا بيوقف ناس في طريقك تهديك للصح

[pro_samir]

قال رسول الله صلى الله عليه وسلم إن هذا الدين متين فأوغلوا فيه برفق ولا تبغضوا إلى أنفسكم عبادة الله، فإن المنبت لا أرضا قطع ولاظهرا أبقي. مامعني الحديث الشريف؟

الحمد لله والصلاة والسلام على رسول الله وعلى آله وصحبه أما بعد:

فإن هذا الحديث أخرجه البيهقي وضعفه العجلوني في "كشف الخفاء" و الألباني في "السلسلة الضعيفة"، وقد روى أحمد في "المسند" الجملة الأولى منه، وهي قوله: إن هذا الدين متين، فأوغلوا فيه برفق. وحسنها الألباني .
وقد شرح الحديث المناوي فقال: "إن هذا الدين متين" أي: صلب شديد، فأوغلوا: أي سيروا فيه برفق، ولا تحملوا على أنفسكم ما لا تطيقونه، فتعجزوا وتتركوا العمل.

وقال الغزالي: أراد بذلك أن لا يكلف نفسه في أعماله الدينية ما يخالف العادة، بل يكون بتلطف وتدريج، فلا ينتقل دفعة واحدة إلى الطريق الأقصى في التبدل، فإن الطبع نفور، ولا يمكن نقله عن أخلاقه الرديئة إلا شيئا فشيئا حتى تنفصم الأخلاق المذمومة الراسخة فيه، ومن لم يراع التدريج وتوغل دفعة واحدة، ترقى إلى حالة تشق عليه فتنعكس أموره فيصير ما كان محبوبا عنده ممقوتا، وما كان مكروها عنده مشربا هنيئا لا ينفر عنه.

والمنبتُّ هو الذي انقطع به السير في السفر وعطلت راحلته ولم يقض وطره، فلا هو قطع الأرض التي أراد، ولا هو أبقى ظهره، أي دابته التي يركبها لينتفع بها فيما بعد.
وهكذا من تكلف من العبادة ما لا يطيق، ربما يملُّ ويسأم، فينقطع عما كان يعمله.

من إسلام ويب

ربنا يثبته ويهديه ويهدينا جميعا

[bmya]

انا بس اسم الموضوع حاسه تقيل شويه ومش مظبوط انا كنت فاكر هدخل هلاقيه بيشرب حاجه او ملموم على واحده مش تمام

[الطنطاوي]

با بختوا أحلى فترة ممكن يعيشها ...
للاسف زي ما كتير قالوا ان فترة البداية الواحد بيكون متحمس بشكل كبير وبعدين بيهدى
نصيحة مني لك اللي زي ده ما يتسابش حتى لو لقيت منه حاجة مش عجباك بس صحبته بركة عليك وعلى اللي يعرفهم