فضفضه لأني قربت اطق

[cyborg_ift]

الغريب ان تانيه ثانوي وبيزنوا ههههههههههه ده انا كنت مؤدب بأه على كده

[boshbosh94]

انا من برضه عندي 18 سنة بس ربنا بعتلي 3صحاب عمري مهرف اعوضهم
المشكله ان احنا مبنعرفش نختار الاصدقاء الصح بنتسرع مع انه لازم ندقق في تصرفاتهم من بعيد لبعيد قبل منصاحبهم وانا متأكد ان اللي بيحصل ده قليل عن اللي بيحصل في الجامعة
اما عن حكاية البنات اللي متقبلهوش علي نفسك او علي اخوتك البنات متقبلهوش علي غيرك
لكن اذا كان جواك مشاعر تجاه بنت محترمه والمشاعر دي حقيقية وواثق فيها فده مش عيب مادام العلاقة متغضبش ربنا وانت مراعي ربنا فيها ربنا هيكرمك

[A7MED_PHARMA]

بص ياجميل


.
إرسم لنفسك كاريزما ( شخصية مميزة ) وعيش فيها
يعني
مثلا مثلا
إلعب جيم ... وإركب عربيتك .. وإلبس لبس شيك وكاجوال أو كلاسيك زي ماتحب
وعيش دور الشاب الدماغ
كبر دماغك عن التفاهات .. تشوف مثلا واحد بيحب في واحدة في التليفون ... شوف نفسك إن إنت أكبر من (لعب العيال ) ده ... وده حقيقي إنت أكبر من لعب العيال ده
خليك بالنسبة للجنس الآخر .. الواد التنك إلي مافيش واحدة تعرف تكلمه
إركب عربيتك وبصلهم بقرف ................. ده بالنسبة للبنات
بالنسبة للولاد أصحابك
إرسم برضو دور التقيل .. إلي مش أي حد يقوله تعالى مشوار بعربيتك .. تروح
مش أي حد عاوز مصلحة منك .. تعملهاله


عيش مع نفسك كده شوية لحد ماتخش الجامعة
ذاكر .. وإلعب رياضة .. ودلع عربيتك
هتلاقي الكل بيجري ورااااااااااك .. سواء ولاد أو بنات .. وإنت برضو تكبر دماغك بشكل نهائي

في ثانوية عامة
أنا كنت برضو عايش نفس المشاكل دي
ولاد وبنات وهيصة .... وولاد يكلمو بنات..وعيال بتشرب حشيش وبانجو ...............إلخ من مشاكل الشباب
أنا أيامها كنت في حالي
بلعب كورة بعد الفجر مع شباب الجامعة .. وألعب جيم بعد العصر
وباقي الوقت بذاكر ..أو على الكمبيوتر .. أو قدام التليفزيون
والعالم بتاعي ده كان مكفيني أوووووووووووووووي

لحد الجامعة
ساعتها ربنا يفرجها

[totaa]

السلام عليكم ورحمة الله وبركاته

ممكن تكون الفضفضة مع الشباب وتكون قصدت النصيحة منهم لكن أنا هعتبر حالي أختك
إذا سمحت لي :ـ
كلنا لا ننكر أن هناك مشاكل كثيرة محيطة بنا...وعيوب أكثر فينا وفى أصدقائنا
ولكن هناك أشخاص يهربون من مشاكلهم بأن ينساقوا وراء ما يغيب عقولهم "بالدراجز أو بالدخول في علاقات مع بنات والعكس " ولم يفكروا للحظة واحدة أن يواجهوا تلك المشكلات بكل صراحة وقوة
بكل تأكيد أنا لا أعنيك ..ولكن أرد على من يتهم شباب هذه الأيام بسوء الأخلااااق ..وأنا لا أنفي ذلك ولكن فين دورنا إحنا ؟؟؟ لو كل واحد نصح أخوه أو اخته من قلبه ..لو كل واحد قعد معاهم وسمع إيه هي مشاكلهم؟ ... لو كل واحد حاول يشغل وقتهم معاه بأي شىء مفيد ومش بالامر ومش بالتوجيه ولكن بالنصيحة الطيبة والقدوة واستفزاز قدراتهم وتشجيعهم على كدة..
أكيد ما كان لجأ هؤلاء الشباب لمن هم في مثل سنهم وغيب بعضهم بعضا واثروا سلبا على بعض
...
نيجي لمشكلة حضرتك يا خالد
أول حاجة...إنت إنسان كويس جدا من جوة بدليل إنك عارف تفرق الصح من الغلط وكمان بترفضه
تانى حاجة... لو إنت حاسس إنك انت صح يبقى ليه تهتم بكلام سخيف أو بتريقة أو بغلاسة الناس؟
اللى بيعمل كدة معاك متغاظ منك ومن إنك كويس وعايزك زيه بالظبط...وإذا خاطبهم الجاهلون قالوا سلاما... فعليك إنك تعمل مش سامع
تالت حاجة... انتقي لنفسك واحد أو اتنين كويسين وولاد ناس أفضل من عشرة أخلاقهم فاسدة( توضيح بس بسيط أنا بقصد بولاد الناس مش اللى معاهم فلوس أبدا انا بقصد اللى متربيين صح وبيعرفوا ربنا)
رابع حاجة... اشترك إنت واصحابك دول فى صلاة.. فى هواية .. فى مناقشة تهم مستقبلكم... في نشاط تقوموا بيه... في رحلة ...المهم يعني لازم تشتركوا سوا فى حاجة واحدة ..ليه؟؟
عشان ما تحس بالوحدة وإن عندك وقت فراغ يخليك تلجأ لأصحابك القدام اللى مش عاجبينك
خامس حاجة... احنا للأسف ابتعدنا عن الكلام مع أقرب المقربين لينا جوة البيت وحتى من العيلة بطلنا نسمع بعض وبقينا لما نشوف بعض يبقى يا اما ننتقد تصرفات بعض أو بنتحفز لبعض
وده أنصح نفسي قبلك به أنى ابعد عن الكمبيوتر واندمج شوية مع أفراد اسرتي ..لأن كل آباءنا وأمهاتنا زمان كانوا عايشين كدة وكانوا مرتاحين ومبسوطين ومتكيفين مع أنفسهم والمجتمع المحيط بيهم..
كدة أنا صدعتك وطولت جدا فى الرد لكن بما إنها فضفضة فأنا طولت شوية ..فمعذرة
وأرجو أن يهديك ربنا للصح دايما ومرافقة الصحبة الحسنة " المرء على دين خليله فلينظر أحدكم من يخالل " صدق رسول الله
احترامي وكل تقديري

توتااااااااااا

[khaled_bibo]

طبعا كلامك جميل و يحترم بس في كام نقطه اولا انا ريقي نشف من النصيحه و مفيش فايده و كمان تلاقي رد مستفز أن. انت عشان متربي ومولود في السعودية لكن هنا الموضوع عادي اما بالنسبة لعلاقتي باهلي فالحمد لله تمام و كل اللي انا كاتبة في الموضوع هما عارفينه

[Ahmed_Rahem]

عايز تخلص من كل دة أشغل وقتك، ممارسة رياضة، ممارسة هواية، المواظبة على الصلاة والعبادات، صلة الرحم، المذاكرة - لو موجودة.
ومتسمعش كلام حد طالما انت مش مقتنع، اما ياما سبت ناس كتير بسبب الزن ، انا الى فى دماغى هو الى بعملة، ومتقلدش حد لان محدش يستاهل تقلدة، خلى ليك شخصيتك المنفردة، انت الى الناس تقلدك مش العكس.
وخلى ثقتك فى نفسك عالية ومتخافش، انت مش لوحدك، انت بس بعيد عن الى زيك وهما كتير.
والسلام ختام