توشيبا العربي الغير مراعين للعملاء !!!

[Casio2000]

البهوات عاوزينا نفك مروحة السقف بتاعتهم اللي لسه مركبينها و عاملة صوت زنة جامدة قوي من الموتور و نشيلها من العاشر من رمضان نوديها لحد عندهم في القاهرة يبصوا عليها و نرجع نشيلها نرجع بيها العاشر نركبها تاني و احنا و حظنا - يعني ندفع قد تمنها شيل و تركيب و نقل

و منتهى البرود اللي في الدنيا لا خناق نافع ولا تهزيق

أجهزة الصيانة يا فندم بتاعة المراوح مابتتنقلش - مال أهلي أنا

متغاظ بشكل


تم تعديل العنوان
مشرف الاجتماعي
ب10

[Hussein_Ramdan]

انا جبت مروحة منهم الصيف الى فات ب 350 ماكملتش الصيف

[Casio2000]

انا جبت مروحة منهم الصيف الى فات ب 350 ماكملتش الصيف

أنا والله ماعدت فاهم - مش دول اللي المفروض شركة محترمة و خدمة عملاء و كول سنتر - الناس بتخيب كده ليه؟؟

المشكلة الناس بتقولى حماية المستهلك مابيهتمش بالحاجات الصغيرة دي

متغاااااااااظ

[amr5500]

اعتقد باناسونيك بتكون احسن من توشيبا

[Medo.Malek]

انا لسة شارى واحدة و اكتشفت بعد التركيب ان الموتور ضعيف و مش بتشتغل لو جبت المؤشر على سرعة عالية من البداية
يعنى لازم اشغلها بالتدريج من الاول عشان تجيب سرعة معايا !

[M_Marwan]

فعلا مراوح توشيبا سيئه جدا عندى 2 باظوا فى نفس الوقت وكانوا لسه فى الضمان

وقالولى نفس الكلام !!! هاتهوم نصلحهم !!! كبرت دماغى

[amr5500]

انا بصراحه جربت بلاك اند ديكر
مروحه مكتب ومروحه بوكس
ممتازين ومش بيعملوا اي صوت

[Casio2000]

هااار أبيض - دا مش أنا بس يعني!!!!

خسارة والله - أنا كنت بنصح أي حد بالناس دي على السمعة - مافيش فايدة

كان بينزل من فترة مراوح ناشيونال ياباني - دخنا عليها و مش لاقينها - قمنا قلنا نجرب توشيبا دي على السمعة


متغااااظ :)

[gmgm]

للاسف الناس لسة فاكرة انتوشيبا العربى الاجهزة بتاعتها زى زمان لكن الحقيقة ان الجودة قلت جدا عن قبل كدة ودة ملحوظ فى جميع الاجهزة مش المراوح بس وانا هنا باتكلم عن مجال تخصصى الا وهو مجال صيانة التلفزيون دلوقتى تلفزيون توشيبا العربى مابيكملش شهرين تلاتة بالكتير وبيعطل زى اى تلفزيون صينى متجمع فى مصر ؟
الحقبقة هما بيبيعوا الاسم والسمعة اللى الناس خدتها عن منتجاتهم من زمن لكن الواقع ان اى تلفزيون صينى زيه زى اى تلفزيون توشيبا موجود فى السوق دلوقتى مش بس كدة ولكن بيفرق فى التمن حوالى 250 جنية زيادة عن الصينى رغم انة نفس الكوالتى ودة طبعا لانهم بيبيعوا الاسم للناس
يقولك دة توشيبا ياباشا وشغل شهرين ودووووخ بعد كدة فى الضمان ؟؟

[Casio2000]

اعتقد باناسونيك بتكون احسن من توشيبا

عن تجربة؟

انا لسة شارى واحدة و اكتشفت بعد التركيب ان الموتور ضعيف و مش بتشتغل لو جبت المؤشر على سرعة عالية من البداية
يعنى لازم اشغلها بالتدريج من الاول عشان تجيب سرعة معايا !

قلبي معاك - أنا اللي عندنا دي جابتلي صداع من الصوت

فعلا مراوح توشيبا سيئه جدا عندى 2 باظوا فى نفس الوقت وكانوا لسه فى الضمان

وقالولى نفس الكلام !!! هاتهوم نصلحهم !!! كبرت دماغى

الراجل بيقولي دي سياسة الشركة كنت حاقولة دي سياسة "الوالدة" بس قلت بلاش

انا بصراحه جربت بلاك اند ديكر
مروحه مكتب ومروحه بوكس
ممتازين ومش بيعملوا اي صوت

فيه منها سقف؟

[Casio2000]

للاسف الناس لسة فاكرة انتوشيبا العربى الاجهزة بتاعتها زى زمان لكن الحقيقة ان الجودة قلت جدا عن قبل كدة ودة ملحوظ فى جميع الاجهزة مش المراوح بس وانا هنا باتكلم عن مجال تخصصى الا وهو مجال صيانة التلفزيون دلوقتى تلفزيون توشيبا العربى مابيكملش شهرين تلاتة بالكتير وبيعطل زى اى تلفزيون صينى متجمع فى مصر ؟
الحقبقة هما بيبيعوا الاسم والسمعة اللى الناس خدتها عن منتجاتهم من زمن لكن الواقع ان اى تلفزيون صينى زيه زى اى تلفزيون توشيبا موجود فى السوق دلوقتى مش بس كدة ولكن بيفرق فى التمن حوالى 250 جنية زيادة عن الصينى رغم انة نفس الكوالتى ودة طبعا لانهم بيبيعوا الاسم للناس
يقولك دة توشيبا ياباشا وشغل شهرين ودووووخ بعد كدة فى الضمان ؟؟ :10d5c8w1107:

على فكرة انت زعلتني جدا بجد - يعني الموضوع مش مراوح بس؟ خسارة والله

[amr5500]

هااار أبيض - دا مش أنا بس يعني!!!!

خسارة والله - أنا كنت بنصح أي حد بالناس دي على السمعة - مافيش فايدة

كان بينزل من فترة مراوح ناشيونال ياباني - دخنا عليها و مش لاقينها - قمنا قلنا نجرب توشيبا دي على السمعة


متغااااظ :)

ناشيونال غيرت الاسم من زمان اسمها دلوقتي باناسونيك
اي حاجه مكتوب عليها ناشونال تعرف انها مضروبه

[Casio2000]

ناشيونال غيرت الاسم من زمان اسمها دلوقتي باناسونيك
اي حاجه مكتوب عليها ناشونال تعرف انها مضروبه

طب والله كويس ان حضرتك عرفتنا الموضوع ده - شكرا جزيلا على المعلومة

ماتعرفش حضرتك ممكن نلاقيها عند مين - الباناسونيك؟

[Elawany13]

لا حول ولا قوة إلا بالله
شركة كبيرة زى ديه وليها اسم فى مصر
بتضيع نفسها
جتهم وكسه

[nity]

احسن مروحة سقف موجودة فى مصر دلوقتى هى البانسونيك ودى هتلاقيها موجودة فى شارع عبد العزيز وبيبقى معاها ضمان شركة مصر حلوان وهى مروحة محترمة جدا وبتجيب هواء اكتر من التوشيبا الى تشتريها جديدة تلاقيها بايظة يا بتزيق والكلام ده عن تجربة للماركتين