توشيبا العربي الغير مراعين للعملاء !!!

[Casio2000]

احسن مروحة سقف موجودة فى مصر دلوقتى هى البانسونيك ودى هتلاقيها موجودة فى شارع عبد العزيز وبيبقى معاها ضمان شركة مصر حلوان وهى مروحة محترمة جدا وبتجيب هواء اكتر من التوشيبا الى تشتريها جديدة تلاقيها بايظة يا بتزيق والكلام ده عن تجربة للماركتين

ألف شكر - حاسأل عليها و نغير اللي جبناها بيها - شكرا مرة كمان :)

[ehab]

طيب و المراوح الفريش ايه رأيكم فيها ؟

[amr5500]

طيب و المراوح الفريش ايه رأيكم فيها ؟

انا مش عارف اي حاجه فرش مش باستريح لها
باناسوتيك احسن بكتير جدا وكمان بلاك اند ديكر

[besso]

فعلا للمراوح عندنا بردو كنا جيببين 3 السنه اللى فاتت لما نقلنا
الصراحه فرق شاسع بين القدام اللى كانو عندنا والجداد

وسرعتها مش زى القديمه

ومش بتشتغل على السرعه البطيئه لازم اشغلها على سرعه عاليه علشان تقوم

الصراحه سيئه سيئه سيئه

مش عارف ايه اللى جرالهم

[besso]

فيه نوع مراوح رخيصه كده اسمها kkd
او حاجه زى ا
حسن من توشيبا الجديد

[alexaway]

انا عندي فريش من 4 سنين بس مروحة استاند , شغاله معايا طول النهار فى الصيف ومعطلتش من ساعتها , بس معرفش يا تري هي كمان لسه محتفظه بنفس الجوده دلوقت ولا اتغيرت زي توشيبا !!!
انا كنت ناوي اجيب 2 مروحة توشيبا العربي حائط بسبب سمعتها , بس بعد الموضوع دا حجيب فريش اضمن

[ainshouka]

انا اشتريت من عندهم تلاجة من سنتين ملاحظ فيها ان خامتها تعبانة اوي ولو وان الرفوف بتاعتها قوست لو حطيت حاجة تقيلة زي بطيخة مثلا
كمان لقيت تقفيلها مش بنفس اسم توشيبا

بصراحة قررت ان دي لما تاخد عمرها مش ناوي اجيب توشيبا تاني وخليني في الشارب اغلي شوية وضمانه اقل بس خامة افضل بكتير عن توشيبا

[hanyemad123]

بصراحة قررت ان دي لما تاخد عمرها مش ناوي اجيب توشيبا تاني وخليني في الشارب اغلي شوية وضمانه اقل بس خامة افضل بكتير عن توشيبا

الشارب ضمانها نفس ضمان التوشيبا

و هى هى نفس الشركه العربى

[grand hand]

كنت مرة فى شركة اجهزة كهربائية واحد كان بيشترى تلفزيون توشيبا 21 بوصة اللى هو العادى فصاحب المحل بيطلعه من الكرتونة عشان يجربه لقاه مش شغال، جاب واحد تانى لقى الشاشة لونها كلها اصفر غريب مع جميع القنوات، الزبون اتقفل ومش عارف اشترى ولا ايه بس انا نصحته بـ LG انا شخصيا مجربه وهو التوب حاليا فى التلفزيونات مع الـ samsung، الخلاصة فى ماركات مشهورة اصبحت مجرد اسم

[ainshouka]

الشارب ضمانها نفس ضمان التوشيبا

و هى هى نفس الشركه العربى

هما الإتنين تبع العربي
بس علي ما أتذكر ان الراجل وقتها قاللي ان توشيبا ضمانه اطول من شارب

[eagle2009]

على فكرة ياجماعة ، فى حاجة ماحدش لاحظها وانا عرفتها بالصدفة
توكيل توشيبا للمراوح مابقاش مع العربى ... ولاحظ على كرتونة مراوح السقف مكتوب عليها
العربى وليس " توشيبا العربى " وده يؤكد ان توكيل توشيبا للمراوح مابقاش معاه
وهو لسه بيبيع على سمعة ان المراوح توشيبا
وبيجيب مواتير صينى وهندى ويجمعهم على انهم توشيبا
علشان كدة الاعطال كتيرة والكواليتى لخامة المروحة مش قد كده
وعلشان تتاكدوا من كلامى .. راجعوا اللى مكتوب على الكرتونة

[amr5500]

على فكرة ياجماعة ، فى حاجة ماحدش لاحظها وانا عرفتها بالصدفة
توكيل توشيبا للمراوح مابقاش مع العربى ... ولاحظ على كرتونة مراوح السقف مكتوب عليها
العربى وليس " توشيبا العربى " وده يؤكد ان توكيل توشيبا للمراوح مابقاش معاه
وهو لسه بيبيع على سمعة ان المراوح توشيبا
وبيجيب مواتير صينى وهندى ويجمعهم على انهم توشيبا
علشان كدة الاعطال كتيرة والكواليتى لخامة المروحة مش قد كده
وعلشان تتاكدوا من كلامى .. راجعوا اللى مكتوب على الكرتونة

فيه مراوح العربي ودي بتكون بدون تصريح من شركه توشيبا العالميه
وفيه مراوح توشيبا العربي

[tutankhamoun]

مراوح السقف مش توشيبا
دي العربي من زمان

اخر مرة شاري مروحة سقف العربي كانت في 2009 و كانت ممتازة .......... و فريش ممتازة

على فكرة موتور المروحة مصري الصناعة مش صيني و لا هندي

[besso]

طب انا كنت فى مركز الصيانه الى فى جزيره بدران
من حوالى اسبوعين تلاته كنت بجيب ريموت بدل اللى باظ
المهم كان فيه واحد هناك قدام المسئول اللى بيكشف على الجهاز
الراجل قام مزعق معاه مره واحده

كده حرام عليكما دول 100 تلفزيون ولا واحد شغال الواحد يعملكوا ايه يعنى
اتاريه شغال فى فندق مش عارف ايه كده وواخد 100 تلفزيون للفندق ولا واحد منهم اشتغل


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

[Eng_Mostafa_89]

يخسارة ان شركة زى دى كان ليها اسم وسمعة محترمة جدا وتضيعها كدة بسهولة
مع انى ليا كذا تجربة معاهم والحمد لله كويسين جدا
اشتريت مروحة سقف من 3 سنين والحمد لله شغالة كويس
كانا جيبين تلفزيون عادى وفى اى سي ضرب فية بسبب لعب الكهرباء وديتة التوكيل اتصلح عادى جدا فى الضمان وانا واقف
واشتريت تلفزيون led من التوكيل بتاعهم فى شارع عبد العزيز تانى يوم اتصلوا بيا يسألوا عن اخبار التلفزيون اية ولو ليا اى ملاحظات عن اى حاجة تخص التليفزيون او الفرع او البياعين اللى فى التوكيل وبصراحة من المكالمة دى حسيت انهم محترمين جدا