عايز اخف من النوم شويه

[mazagngi2010]

انا عارف ان فيه ناس بتشتكى من قله النوم بس انا العكس تماما
باختصار انا كييف نوم وبلاقى نفسي فى الاحلام الكتير اللى بتجيلى وانا نايم رغم انها احلام هبله ومكرره وملهاش اى 30 لازمه
المشكله ان ورايا شغل متاخر لازم اخلصه بس اصلا انا قرفان من شغل الريبورتات ده
وبنام برضه وده عامللى مشاكل فى الشغل حتى ايام الاجازه اللى المفروض اخلص الحاجات المتاخره بتجاشع فى النوم اكتر ممكن انام 12 ساعه واصحى اريح نص ساعه من النوم ده واشوف ايه الدنيا واكمل نوم تانى والحاجه هنا فى البيت هتتجنن منى
حد يعرف دوا ملوش اثار جانبيه يصحصح ال1 شويه
على فكه جربت القهوه والكلام ده ولا الهوا
وعلى فكره الموضوع جد ومش طالبه تهريج الله يكرمكم

[Dr_Mido]

بقينا اتنين انا ممكن انام 6 المغرب اصحى تانى يوم المغرب برضه

[mazagngi2010]

يامسهل يادكتور
وبلاش حلول خياليه من عينه مارس رياضه والكلام ده لان ده هيخللى ال1 ينام اكتر

[shaddadfalcon1]

هي حاجه تضايق فعلا والمشكله ان النوم بيجيب نوم وكسل
ايام الكليه كان معايا زميلي كده برضه كل يوم مش اقل من 14 ساعه نوم

[Dr_Mido]

انا بقوم من النوم مصدع وعاوز انام تانى من ساعه مخدت الاجازة وانا من كتر النوم بصحى اخد مسكن للصداع وانام تانى

[Abo.Omar]

انا زيك كده لجد ما سئلت وكتير قالولى على اركاليون فورت وشكرو فيه (ومنهم دكاتره ) وخدت العلبه وخلصتها فاسبوعين لكن مجابش معايا اى نتيجه

روحت قايل بلا وجع دماغ بقى انام قد ما انام

[nimaster]

النصيحة اللى وجهالك ان النوم كتير بيعمل كسل وتخليه تنام اكتر
فحاول تظبط منبه بعد مرور 7 ساعات على نومك عشان يصحيك
والعمليه عايزة ممارسة وحتتعود على ساعات النوم القليله..

[AHMED MOHSEN]

انا ع فكرة زيك كده بالظبط وكنت بقول ان هي مشكلة سن يعني كل ماتكبر في السن بيقل معدل عدد ساعات النوم والكلام ده علميا
بس عامتا الحمد لله الواحد بيحاول يظبط النوم والحل في انك تنام بدري وتصحي بدري وبقيت بنام 8 9 ساعات بعد ما كنت بنام 13 14 ساعة
وكمان التعود ماتعودتش نفسك تنام كتير والنوم والصحيان بدري جرب كده

[ashouhdy]

لو كسرت ال 8 ساعات بتبدأ دورة النوم من اول وجديد وهكذا

اصحى بالعافية بعد 8 ساعات واعمل اى حاجة وريح العصرية ساعة بالكتير واصحى وتانى وهكذا

[minicooper20]

يا بختكو
انا بقر عليكو انا بقالى اكتر من شهرين اكتر مده نمتها على بعضها 5 سعات
متقلولى بتعملو ايه علشان تنامو

[Screenplays]

يا بختكو
انا بقر عليكم انا بقالى اكتر من شهرين اكتر مده نمتها على بعضها 5 سعات
متقلولى بتعملو ايه علشان تنامو

هههههههههههههه انا برضه قاعد اقر في سري

الواحد حاسس ان ضميره مش مرتاح مش عارف ليه

[hossam_elwani]

الرياضه هيا الحل حتحس بفرق كبير

[waelfarid]

روح اعمل حجامة عند دكتور بيعرف يعملها وقبلها حلل تحاليل عادية للسكر والدم والبول وربنا يشفيك ويشفينا جميعا

[Abo.Omar]

روح اعمل حجامة عند دكتور بيعرف يعملها وقبلها حلل تحاليل عادية للسكر والدم والبول وربنا يشفيك ويشفينا جميعا

+111
فعلا الحجامه من فوايدها انها بتظبط النوم جدا
انا كنت ببقى نايم بعد الفجر واصحى 9 الصبح فايق جدا جدا وقمه النشاط (بعد ما كنت بنام بال 17 ساعه متواصل والله )

جربها وهترتاح معاها

[mazagngi2010]

متشكر جدا ياجدعان على نصايحكم
وواحد صحبى قاللى قبل كده على حوار الحجامه ده بس نسيته خالص