إستفسار عن إجراءات عمل صحة التوقيع لعقد تمليك شقة

[Dr.cairoky]

السلام عليكم ورحمة الله وبركاته،،،،

يا جماعة كنت عاوز أستفسر منكم عن موضوع عمل صحة التوقيع لعقد تمليك شقة

يعنى أنا مثلا إشتريت شقة تمليك والعماره غير مسجله بالشهر العقارى

1) عاوز أعرف ايه إجراءات عمل صحة التوقيع بالتفصيل بالله عليكم ضرورو ى جدا جدا ؟؟

2) ويا ترى بياخد فترة فى حدود كام يوم حتى الحصول عليه ؟؟

3) وما مدى قوته القانونيه فى إثبات الملكيه ؟؟؟

يا ريت اللى عنده اى معلومه ميبخلش بيها لأنها ممكن تكون مهمه أوى ليا ..


وجزاكم الله كل خير مقدما على تعبكم ،،،،،،،،،

[minicooper20]

تعمل توكيل قضايا فى الشهر العقارى للمحامى بيتاعك
و هو بيتعامل و بياخد من 3 لى 6 شهور حسب المعاد الهتدهولك المحكمه
قوته القانونيه ان لو البعلك باع لى حد غيرك عقدك انتا بيكون اقوى و مثبت و ططلعو بالقوه الجبريه و ممكن تحبسهم كمان
و مبيكلفش 500 جنيه

[yaserbasha2000]

دعوى صحه التوقيع لا علاقه لها بالعقد نفسه او السلعه المباعه هو بيكون حكم لاثبات ان الموقع بالبيع و الشراء هما الاشخاص الموقعين يعني بيأكد صحه التوقيع بس

اجراءاته زي الزميل MInicoper قال حضرتك بتعمل توكيل للمحامي في الشهر العقاري و بحدد جلسه للدعوى في المحكمه لو البايع حضر الجلسه دي بيحكم القاضي لو محضرش بيأجل لجلسه تانيه لو محضرهاش بيحكم في كل الاحوال بصحه التوقيع بعد كده المحامي بيجيب لحضرتك نسخه معتمده العقد بعد صحه التوقيع

و فعلا الموضوع ده كله ممكن يأخد وقت من 3 الي 6 شهور حسب زحمه القضايا في المحكمه او هيتحكم من اول او تاني جلسه

[Dr.cairoky]

تعمل توكيل قضايا فى الشهر العقارى للمحامى بيتاعك
و هو بيتعامل و بياخد من 3 لى 6 شهور حسب المعاد الهتدهولك المحكمه
قوته القانونيه ان لو البعلك باع لى حد غيرك عقدك انتا بيكون اقوى و مثبت و ططلعو بالقوه الجبريه و ممكن تحبسهم كمان
و مبيكلفش 500 جنيه

جزاك الله خيرا ياباشا

والله أفدتنى كتير جدا بردك كتر خيرك

[Dr.cairoky]

دعوى صحه التوقيع لا علاقه لها بالعقد نفسه او السلعه المباعه هو بيكون حكم لاثبات ان الموقع بالبيع و الشراء هما الاشخاص الموقعين يعني بيأكد صحه التوقيع بس

اجراءاته زي الزميل minicoper قال حضرتك بتعمل توكيل للمحامي في الشهر العقاري و بحدد جلسه للدعوى في المحكمه لو البايع حضر الجلسه دي بيحكم القاضي لو محضرش بيأجل لجلسه تانيه لو محضرهاش بيحكم في كل الاحوال بصحه التوقيع بعد كده المحامي بيجيب لحضرتك نسخه معتمده العقد بعد صحه التوقيع

و فعلا الموضوع ده كله ممكن يأخد وقت من 3 الي 6 شهور حسب زحمه القضايا في المحكمه او هيتحكم من اول او تاني جلسه

جزاك الله خيرا ياباشا

معلش بقى إستفسار تانى لو سمحت هتعبك معايا...

هو اللى باخده فى الأخر يعنى نفس العقد بتاعى وعليه ختم من المحكمه مثلا

يعنى صحة التوقيع ده بيبقى عباره عن ايه

كلام مكتوب ولا ختم مثلا ولا ورقه فيها حكم محكمه يارب تكون فهمتنى ؟؟؟

[bmya]

متابع اوي جيه في وقته الموضوع ده

[أحمد كمال]

هتاخد العقد مختوم و معاه صيغة الحكم من المحكمة


بس صحة التوقيع لا تعني صحة العقد


قانونا ثبات الملكية باسبقية التسجيل يعني لو اللي باع لك راح باع و سجل لواحد تاني هو المالك (انت بصحة التوقيع تقدر تقاضيه عشان النصب و تخش في سكك المحاكم ........ بس هو موقفه اقوى)


حتى صيغة حكم صحة التوقيع القاضي بيقول انه بس بيحكم ان فلان هو الموقع على العقد و بس بدون تعرض لمنصوص العقد


و ده يحميك من حاجتين : 1- الانكار : ما يقدرش ينكر انه هو اللي مضى الورقة و 2- الطعن بالتزوير سواء من البائع او الورثة ...... لان بالحكم ده المحكمة بنفسها بتشهد لك انه هو اللي ماضي .........


بس مهما كان التسجيل اقوى مليون مرة ...... بس لو مش هينفع تسجيل لأي سبب يبقى صحة توقيع ارحم بكتير من ورقة عرفي !

[abokoko]

فى عقد بصحة ونفاذ

ممكن معرفة مدى قوته
وايه اجراءاته

[naser_56]

فى عقد بصحة ونفاذ

ممكن معرفة مدى قوته
وايه اجراءاته

كلنا هذا الرجل

ياريت حد من الاخوه المختصين او العالمين ببواطن الامور يوضح لينا الفرق بين صحه التوقيع والصحه والنفاذ وكم التكلفه تقريبا من اجور المحامي وايها اقوي

[أحمد كمال]

التفاذ تقريبا زي التسجيل بس بتحتاج وقت و فلوس و اجراءات اضعاف مضاعفة

مش حاجة standard زي صحة التوقيع

[mo_x5]

متابع ....و لى استفسار بمناسبه الموضوع ده لو سمحت ...
ازاى اضمن ان الشقه مش مباعه لحد تانى غيرى و انا بأشترى ....هل التسجيل فى الشهر العقارى كافى مثلا ؟

[D . a .\ AYMAN]

هتاخد العقد مختوم و معاه صيغة الحكم من المحكمة


بس صحة التوقيع لا تعني صحة العقد


قانونا ثبات الملكية باسبقية التسجيل يعني لو اللي باع لك راح باع و سجل لواحد تاني هو المالك (انت بصحة التوقيع تقدر تقاضيه عشان النصب و تخش في سكك المحاكم ........ بس هو موقفه اقوى)


حتى صيغة حكم صحة التوقيع القاضي بيقول انه بس بيحكم ان فلان هو الموقع على العقد و بس بدون تعرض لمنصوص العقد


و ده يحميك من حاجتين : 1- الانكار : ما يقدرش ينكر انه هو اللي مضى الورقة و 2- الطعن بالتزوير سواء من البائع او الورثة ...... لان بالحكم ده المحكمة بنفسها بتشهد لك انه هو اللي ماضي .........


بس مهما كان التسجيل اقوى مليون مرة ...... بس لو مش هينفع تسجيل لأي سبب يبقى صحة توقيع ارحم بكتير من ورقة عرفي !

إيه ياباشا ده أستاذ قانون مدني ... طبعا ما فيش كلمة بعد كدة

فى عقد بصحة ونفاذ

ممكن معرفة مدى قوته
وايه اجراءاته

الفرق بين صحة التوقيع ودعوى الصحة والنفاذ ... إن الدعوى الأولانية القاضي بيحكم في الدعوى دون التطرق نهائيا لموضوع العقد ... يعني مابيبصش نهائي أصلا العقد ده بيتكلم في إيه سواء بيع عربية أو شقة أو حتى عجلة

لكن دعوى الصحة والنفاذ ... بيكون العقد وموضوعه ومحله وشروطه وأحكامه بالكامل محل نظر القاضي ... وهل هى متفقة وصحيح القانون أم لا ...

دعوى الصحة والنفاذ يمكن التسجيل مباشرة بها في الشهر العقاري لأن الحكم فيها يعتبر عنوانا لصحة البيع وأحكامه وشروطه وكافة ما يتعلق به

ولكن في النهاية يكون انتقال الملكية في العقارات "والعقارات فقط" بالتسجيل في الشهر العقاري

يعني لو واحد باعلك أرض أو شقة وبعد كدة رفض الإعتراف بالبيع ورفعت انت ضده دعوى صحة ونفاذ عقد البيع وبعد جلسات المحكمة حكمت المحكمة لصالحك بالصحفة والنفاذ فعلا وبعد كدة انت كسلت تسجل البيع في الشهر العقاري وراح البائع باع مرة تانية لشتري آخر حسن النية وراح سجل على طول في الشهر العقاري تكون الملكية انتقلت للمشتري الآخر من تاريخ التسجيل في الشهري العقاري ويكون للمشتري الأول فقط الرجوع بالتعويض على البائع ... أما حتة إبطال عقد البيع الثاني ده موضوع كبير ويطول شرحه .. لكن مثل صغير عليه كدة وهو بإثبات سوء النية للشتري الثاني

[abokoko]

إيه ياباشا ده أستاذ قانون مدني ... طبعا ما فيش كلمة بعد كدة

الفرق بين صحة التوقيع ودعوى الصحة والنفاذ ... إن الدعوى الأولانية القاضي بيحكم في الدعوى دون التطرق نهائيا لموضوع العقد ... يعني مابيبصش نهائي أصلا العقد ده بيتكلم في إيه سواء بيع عربية أو شقة أو حتى عجلة

لكن دعوى الصحة والنفاذ ... بيكون العقد وموضوعه ومحله وشروطه وأحكامه بالكامل محل نظر القاضي ... وهل هى متفقة وصحيح القانون أم لا ...

دعوى الصحة والنفاذ يمكن التسجيل مباشرة بها في الشهر العقاري لأن الحكم فيها يعتبر عنوانا لصحة البيع وأحكامه وشروطه وكافة ما يتعلق به

ولكن في النهاية يكون انتقال الملكية في العقارات "والعقارات فقط" بالتسجيل في الشهر العقاري

يعني لو واحد باعلك أرض أو شقة وبعد كدة رفض الإعتراف بالبيع ورفعت انت ضده دعوى صحة ونفاذ عقد البيع وبعد جلسات المحكمة حكمت المحكمة لصالحك بالصحفة والنفاذ فعلا وبعد كدة انت كسلت تسجل البيع في الشهر العقاري وراح البائع باع مرة تانية لشتري آخر حسن النية وراح سجل على طول في الشهر العقاري تكون الملكية انتقلت للمشتري الآخر من تاريخ التسجيل في الشهري العقاري ويكون للمشتري الأول فقط الرجوع بالتعويض على البائع ... أما حتة إبطال عقد البيع الثاني ده موضوع كبير ويطول شرحه .. لكن مثل صغير عليه كدة وهو بإثبات سوء النية للشتري الثاني

حضرتك تقصد الثانى سجل لنفسه فى الشهر العارى تسجيل بيع ناقل للتكليف -- وليس صحة توقيع من المحكمه -مش كده
لانه عمل صحة توقيع فالصحه والنفاذ اقوى - صح ولا انا فاهم غلط
؟؟
انا بسال علشان حجيه الاوراق اللى باقبلها فى ملف المشترك ( فى شركة الكهرباء )

ولو حضرتك مش هتزهق هنزود الاسئلة مستقبلا
وده اكيد بعد اذن صاحب الموضوع

[eslamrace]

اولا شكرا على المعلومات القيمه دى
بس ليا سؤال هو التسجيل فى الشهر العقارى ايه اجراءاته وبيتكلف كام

[أحمد كمال]

طيب ...... بالنسبة لسكان الرحاب و مدينتي و غيرها من الكومباوندز اللي ادارة الكومباوند بترفض تسجيل العقود عشان تاخد رسوم نقل ملكية مبالغ فيها ......

هل ينفع قضية نفاذ في الحالة دي سواء لتسجيل البيع بين الشركة و المالك الأصلي ... أو لنقل الملكية بين المالك الأصلي و مشتري منه؟