افتتاح اول فرع من سلسلة سوبر ماركت خيرت الشاطر

[ConDoR]

ما هو بياخدوا المرتبات دي علي انهي اساس ؟ و وصلوا ازاي للوظايف دي ؟ دي الاسئله المنطقيه

عموما انا مقتنع ان كل واحد حر و كل واحد حسابه علي الله لكن طالما شخص معروف الوضع بيختلف

حضرتك بجد شخص أوفر جدا كلامك متضارب وافكارك متضاربه حتى مبادئك متضاربه انا شايف ان حضرتك عندك نوع من انواع الفراغ ياريت حضرتك لو تنزل تدور على شغل او تشغل نفسك باي حاجه علشان تعوض اللي خسرته قبل الثوره بدال ما توجه كل شغلك الشاغل عن الاخوان وكل طاقتك

ونصيحه من اخ متزعلش من كلامي بس تفكيرك للامور سطحي جدا حاول انك تعيد التفكير في كل حاجه في حياتك بدال الاحباط والياس اللي عمال تصبه في كل مشاركاتك على غيرك

[أحمد كمال]

انا شخص مش public figure عشان حد يهتم ان فلوسي حلال و لا حرام ... طبعا عايز تظن او متظنش دي ترجعلك و لك كامل الحريه ... و يكفي بيني و بين نفسي اني عارف ان فلوسي كانت حلال بس النصيب انها تطير



99 % من المليونيرات حراميه الا اذا كان مصدر الفلوس هو الاستثمار لمده تصل الي عشرات الاعوام ... يا رب اكون عرفت اوضح قصدي

و كل واحد من الناس دي فلوسه حلال برضه

و كونه public figure مش معناه ان لازم تعرف فلوسه منين

اما يبقى موظف عام ..... وزير الخ الخ يبقى لازم

غير كده ........ يا ريت نتشطر عالممثلات و الرقاصات الاول و بعدها نتشطر على خيرت الشاطر


و لا طبعا كلامك غلط ...... 99% حرامية ايه بس؟؟؟؟؟؟؟؟؟؟؟؟؟؟؟؟؟


اتق الله ..... ان بعض الظن اثم

كل مليونير مش حرامي انت شلت ذنبه .......

ما هو بياخدوا المرتبات دي علي انهي اساس ؟ و وصلوا ازاي للوظايف دي ؟ دي الاسئله المنطقيه

عموما انا مقتنع ان كل واحد حر و كل واحد حسابه علي الله لكن طالما شخص معروف الوضع بيختلف

بياخدوها على اساس خبرتهم ........ و وصلوا بتفوقهم الوظيفي


و انا اعرف ناس كتير كده على فكرة يعني الموضوع مش مستحيل


يعني فكرك مثلا مهندس البترول في موقع في الصحراء في شركة اجنبية مرتبه كام ؟؟؟؟؟ و لو استثمره في حاجات بسيطة زي يشتري شقق و ياجرها هيجيب كام؟

[Screenplays]

حضرتك بجد شخص أوفر جدا كلامك متضارب وافكارك متضاربه حتى مبادئك متضاربه انا شايف ان حضرتك عندك نوع من انواع الفراغ ياريت حضرتك لو تنزل تدور على شغل او تشغل نفسك باي حاجه علشان تعوض اللي خسرته قبل الثوره بدال ما توجه كل شغلك الشاغل عن الاخوان وكل طاقتك

ونصيحه من اخ متزعلش من كلامي بس تفكيرك للامور سطحي جدا حاول انك تعيد التفكير في كل حاجه في حياتك بدال الاحباط والياس اللي عمال تصبه في كل مشاركاتك على غيرك

انا كفيل باني ارد علي كلامك ده بس مش هقول غير جمله واحده

لا تتدخل فيما لا يعنيك حتي ..........

[Bonanza]

ان بعض الظن اثم .......

انا مش بظن فيه حاجة وحشة عشان يبقي اثم

البيزنيس موديل بتاعة ممكن يوصلة لكده سواء بقصد او بدون قصد

اعتقد الريان كان وصل لحاجة شبة كده قبل ما الحكومة تفطسه

وصلها بقصد او بدون قصد المهم انه وصلها و كون كيان اقتصادي بتخاف منه الحكومة بس السلطة مكانتش معاه

دلوقتي السلطة مع مين ؟

ده تحليل للموقف فقط مش ظن يا مدير

[Screenplays]

@ أحمد كمال

و كل واحد من الناس دي فلوسه حلال برضه

لا طبعا بس اكيد في ناس فيهم فلوسهم حلال

و كونه public figure مش معناه ان لازم تعرف فلوسه منين

ماشي لكن الموضوع دخل في سيره فلوسه فلازم نعرف مصدرها

غير كده ........ يا ريت نتشطر عالممثلات و الرقاصات الاول و بعدها نتشطر على خيرت الشاطر

الممثلات و الرقاصات و الفنانين و النظام السابق كلنا عارفين فلوسهم منين و رايحه علي فين ... الدور و الباقي علي الناس الجديده

اتق الله ..... ان بعض الظن اثم

ممكن اكون غلط و لكن ده اللي انا شايفه بيحصل قدامي علي ارض الواقع

بياخدوها على اساس خبرتهم ........ و وصلوا بتفوقهم الوظيفي

الكلام ده مش في مصر يا باشا

و انا اعرف ناس كتير كده على فكرة يعني الموضوع مش مستحيل

عارف بس هما ناس يتعدوا علي الصوابع

يعني فكرك مثلا مهندس البترول في موقع في الصحراء في شركة اجنبية مرتبه كام ؟؟؟؟؟ و لو استثمره في حاجات بسيطة زي يشتري شقق و ياجرها هيجيب كام؟

اهه ده لما تلاقيه بقي مليونير بعد سنتين تلاته يبقي حرامي وش ... لكن بعد 20 سنه مثلا اقولك ماشي

[M.Yahia]

99 % من المليونيرات حراميه الا اذا كان مصدر الفلوس هو الاستثمار لمده تصل الي عشرات الاعوام ... يا رب اكون عرفت اوضح قصدي

ههههههههههههه معلش حضرتك فكرتنى بعادل امام فى مسرحية الزعيم لما قال الشعب لابد ان يكون فقيرا الفقراء يدخلون الجنة .... انا مش بتهكم و لا حاجة بس حضرتك بتقول انك مكونتش حتبقى مليونير و انك مش حتستثمر فى فلوسك يا فندم حضرتك ليه شايف فيها شبهة ربنا قال
" المال والبنون زينة الحياة الدنيا" كلنا بنحب الفلوس محدش فينا بيكرهها و حضرتك مصر ان اى مليونير لازم يكون حرامى الا انه يكون استثمر عشرات السنين الموضوع مش محتاج عشرات السنين و لا حاجة و برضه بغض النظر خيرت الشاطر عنده فوق الخمسين سنة و شغال بقاله عشرات السنين ليه حضرتك مستكتر عليه نعمة ربنا و فضله اى حد فينا ممكن يبقى مليونير فى ظرف كام سنة لو اشتغل كويس و اتقى ربنا فى شغله ...

[أحمد كمال]

انا مش بظن فيه حاجة وحشة عشان يبقي اثم

البيزنيس موديل بتاعة ممكن يوصلة لكده سواء بقصد او بدون قصد

اعتقد الريان كان وصل لحاجة شبة كده قبل ما الحكومة تفطسه

وصلها بقصد او بدون قصد المهم انه وصلها و كون كيان اقتصادي بتخاف منه الحكومة بس السلطة مكانتش معاه

دلوقتي السلطة مع مين ؟

ده تحليل للموقف فقط مش ظن يا مدير

وصلت ........ بس ظاهر الكلام كان يبان كدخ

لا طبعا بس اكيد في ناس فيهم فلوسهم حلال

ال 99% حرام و ال 1% حلال؟ ضحكتني !!

ماشي لكن الموضوع دخل في سيره فلوسه فلازم نعرف مصدرها

بأي صفة من حقنا نعرف؟

الممثلات و الرقاصات و الفنانين و النظام السابق كلنا عارفين فلوسهم منين و رايحه علي فين ... الدور و الباقي علي الناس الجديده

lol

ممكن اكون غلط و لكن ده اللي انا شايفه بيحصل قدامي علي ارض الواقع

شايفه فين؟ قاعد مع الناس و شايفها بتسرق؟

الكلام ده مش في مصر يا باشا

لا في مصر ....... كون انت ما احتكيتش بناس كده مش معناها انهم مش موجودين

عارف بس هما ناس يتعدوا علي الصوابع

انت راجل طيب ....... انت عارف مرتبات بعض القطاعات زي القطاعات المالية و الخدمية و البترول بتوصل لكام؟

و مش معدودين عالصوابع و لا حاجة

اهه ده لما تلاقيه بقي مليونير بعد سنتين تلاته يبقي حرامي وش ... لكن بعد 20 سنه مثلا اقولك ماشي

ليه ؟؟؟؟ يعني لو مهندس بترول في شركة اجنبية و مرتبه 30 و لا 40 و لا 50 الف جنيه في الشهر و حوش منهم و بقي مليونير في سنتين تلاتة يبقى حرامي وش؟ انا باكلمك كمان في انه بيحوش بس ..... مش بيحوش و يشتري مثلا املاك و يشغلها الخ الخ الخ



ربنا يعافينا كلنا يا رب من الغل

[Screenplays]

@ M.Yahia

انا مستثمرتش فلوسي لان مجالات الاستثمار اللي افهم فيها مش متاحه بالمبالغ اللي كانت معايا و انا مش مستكتر علي حاجه علي حد انا بس مستغرب من الرقم

25 مليون جنيه في ظل الظروف بتاعت البلد

رقم كبير ... عموما كل واحد حسابه علي الله

[Screenplays]

بأي صفة من حقنا نعرف؟

انا مش صفتي حاجه و مش بحاسب حد و لكن انا بتسائل لاني واحد من الشعب و المفروض الشعب من حقه يعرف .... حاكميه جابوا فلوسهم منين ؟ ده مرتب اوباما معروف

شايفه فين؟ قاعد مع الناس و شايفها بتسرق؟

كلنا شايفينه يا باشا بس في ناس بتفكر و تحلل الموقف و في ناس بتعمل نفسها من سويسرا ... انا بتكلم بشكل عام علي فكره

لا في مصر ....... كون انت ما احتكيتش بناس كده مش معناها انهم مش موجودين

ما انا قولتلك في تعليق سابق انهم موجودين بس يتعدوا علي الصوابع ... انا مأنكرتش وجودهم ... انا انكرت وجود القوانين و البروتوكولات اللي بتخلي كل واحد في منصبه الصحيح في مصر

انت راجل طيب ....... انت عارف مرتبات بعض القطاعات زي القطاعات المالية و الخدمية و البترول بتوصل لكام؟

الوفات مؤلفه اكيد من غير ما اعرف

ليه ؟؟؟؟ يعني لو مهندس بترول في شركة اجنبية و مرتبه 30 و لا 40 و لا 50 الف جنيه في الشهر و حوش منهم و بقي مليونير في سنتين تلاتة يبقى حرامي وش؟ انا باكلمك كمان في انه بيحوش بس ..... مش بيحوش و يشتري مثلا املاك و يشغلها الخ الخ الخ

احسبها تاني و انت تعرف من غير تلقيح كلام ... لا غل و لا حاجه ... انا قلت قبل كده كل واحد حسابه علي الله

[أشرف العدوي]

كل ما اكتب رد امسحه

[Screenplays]

لو واحد معاه 10 مليون جنيه ... و كان بيحوشهم لمده 10 سنين ... يبقي لازم يحوش اكتر من 80 الف جنيه كل شهر ... منين يا باشا ؟ هنقول 20 سنه ... يبقي بيحوش 40 الف جنيه كل شهر ... برضه منين ؟

انا اعرف ناس مهندسين بترول و و و و محدش فيهم مليونير و لا حاجه

[Screenplays]

مرتبه 30 و لا 40 و لا 50 الف جنيه في الشهر و حوش منهم و بقي مليونير في سنتين تلاتة

احسبها علي الاله الحاسبه افضل

[AboELsoud]

النهارده افتتاح الفرع اللي ورا طيبه مول ( ش انور المفتي )

هاروحه ان شاء الله

حد رايح :)

[أشرف العدوي]

قلبي الضعيف لا يحتمل هذا

[أشرف العدوي]

مش كان ابتدى بفرع اول فيصل
ده ايه الدوخة دي
لسه هرروح مصر الجديدة