افتتاح اول فرع من سلسلة سوبر ماركت خيرت الشاطر

[Screenplays]

تمام يا شنوري

عشان كده بقول مليون دي اسمها تهريج و لعب عيال

اللي يضحك ان في ناس بتعتبر اللي معاه مليون بقوا من صفوف الاغنياء و المليونيرات

و الله لو معاك 3 مليون حتي في البلد هتكح تراب برضه هههههههههههه

[أحمد كمال]

باماره ان الاداره قفلتلك الموضوع و اديتك تحذير شفوي ؟ و غالبا هيبقي ايقاف المره الجايه تطبيقا لقوانين المنتدي

مالكش دعوة !!

العضويه التانيه اتوقفت عليها خلاص و برضه العضو (انا مش عارف مين هو) عمل شكوي عشان ازداوجيه العضويه و الاداره ردت و قالت اني اتوقفت عليها و خلاص و خش شوف بنفسك

تقصد العضوية اللي كانت قصة حياتها مختلفة 180 درجة؟

يعني بلاش نظام شيرلوك هولمز ده

احسن من نظام علي بيه مظهر

و بعدين لما تكون فاكر مواضيع بقالها شهور يبقي انت قاعد مركز معايا

لا ..... انا طول عمري ذاكرتي قوية جدا بشهادة اصحابي كلهم ...... اكيد مش مركز معاك ........ انا ممكن اركز مع ستيف جوبز ...... مع ستيف بالمر ...... مع لاري اليسون ....... مع هانز فيستبرج ..... بس اكيد مش معاك ......

بالنسبه للكلام اللي انت كاتبه مينفعش ارد عليه علي العام لانه ميخصش اي حد اصلا

مادام كلام اتكتب على منتدى بكامل ارادة صاحبه الحرة يبقى ازاي ما يخصش حد

و أساسا انا باتكلم في حقائق و وقائع على لسانك بعضويتك (أو لسانيك بعضويتيك) .... مش باجيب كلام من بيت ابويا ....... انت ما ينفعش ترد لان مفيش حاجة تتقال تبرر الكذب المرضي ......

و طالما حضرتك مركز اوي كده

بص علي التواريخ و انت تعرف

مش فاضي !!!

و لمره تانيه بقولك لا تتدخل في خصوصيات العبد لله و كفايه شخصنه للحوار اكتر من كده

انت بعدت عن هدف الموضوع و اجبرتني اني ابعد عن هدف الموضوع برضه

خصوصيات ازاي يا حاج و انت كاتبها على مرأى و مسمع من أمة لا إله إلا الله على صفحات المنتدى ؟؟؟

و مش كل موضوع (زي موضوع الكيا) تعد تشخصن الحوار معايا

انت كمان paranoid??

انا مبرضاش ارد علي حد تقديرا للمنتدي اللي احنا بنتكلم فيه

و كفايه استفزاز لو سمحت و بكل احترام و هدوء

لا تتدخل فيما لا يعنيك

LOL !!

اعمل 387273 عضويه الاداره هي اللي تحاسبني مش حضرتك

اكتب اللي انا عايزه علي المنتدي برضه الاداره هي اللي تحاسبني مش انت

كفايه بقه

بنفس منطقك ان اللي يغلط يتعاقب و لازم ندور وراه و ننخرب وراه


اللي انت عملته بازدواج العضويات تعاقب عليه قوانين المنتدى بالوقف النهائي لكلتا العضويتين



لو هنطبق منطقك يبقى خيرت الشاطر يعمل ما بداله و انت مالكش دعوة برضه

[Screenplays]

بس أحلى حاجة كل ما يتزنق يقول ملكوش دعوة, حاشتكي للأدارة

انا فعلا بتزنق و بتكون كل الردود المحترمه خلصت بضطر اسفا اقول كده عشان مقلش من نفسي و من المكان اللي انا فيه ...... انا كفيل اسكت اي حد بمنتهي الاحترام برضه بس انا بتعامل باصلي

[tutankhamoun]

للناس اللي بتقول أنها هاتقاطع المحل علشان خاطر ...... خيرت الشاطر هو المالك .
عايز أقولهم

لو عايز تقاطع بجد

قاطع المرسيدس - الأوبل - جنرال موتورز - البي ام - الأودي - الحاجات الأوروبي عموما و الأمريكاني .

دول عيني عينك .......... مساعدات للصهاينة و عداء واضح للعرب و المسلمين ....... و يعينهم على ذلك بعض ملوك الخليج .



كارفور سلسة محلات فرنسية أصلا و يديرها في الشرق الأوسط مجموعة الفطيم الأمارتية .

و لا تعليق أكثر من ذلك

[hh]

علي قكره مش صعببه ان واحد يكون مليونير
هي محتاجه دراسه سوق وقلب جامد بس ووقت معين يتعمل فيه
لو واحد معاه 100 الف جنيه وجاب بضاعه من الصين وباعها لتجار الجمله
حيبقوا 200
ودا في خلال شهر
وال200 حيبقوا 400
يعني في اقل من سنه حيبقي معاه المليون
بس يعمل الشغل صح
بجانب ان المليون جنيه دلوقتي متجيبش عربيه سوبر يعني
ولا شقه يتحكي عليها
يتجاب بيها شقه في حي عادي وعربيه متوسطه الشياكه
وربنا بيرزق

يرزق من يشاء بغير حساب. المشكلة اننا عندنا في مصر ناس ادمنت الفشل و بتحب تعلق فشلها على أي حجج, فلما واحد يكون ناجح لازم يكسروا فيه عشان ميحسوش بالنقص.

مش معنى كدة انه اي واحد يقدر يبقى مليونير, لأن ده محتاج ذكاء و جرأة و مخاطرة لأن التجارة زي ما ممكن تكسب ممكن تخسر. و قبل كل حاجة توفيق ربنا سبحانه و تعالى لأن على الانسان السعي فقط و الارزاق على الله سبحانه و تعالى.

[أحمد كمال]

ههههههههه.... عموما يا باشمهندس كمال حتى من غير موضوع العضويتين ده, الشخصية دي مفقوسة قوي. بس أحلى حاجة كل ما يتزنق يقول ملكوش دعوة, حاشتكي للأدارة...lol.

بس فيه فكرة احلى من الشكوى للادارة ايه رأيك تعمل موضوع تعمل فيه انك ماشي من المنتدى كدة و كدة عشان الناس تحايلك شوية؟؟

هههههههههههههههههههه

[Screenplays]

و أساسا انا باتكلم في حقائق و وقائع على لسانك بعضويتك (أو لسانيك بعضويتيك) .... مش باجيب كلام من بيت ابويا ....... انت ما ينفعش ترد لان مفيش حاجة تتقال تبرر الكذب المرضي ......

حقائق تخصني متخصكش في حاجه اصلا و ملكش حق تتكلم فيها و كفايه تدخل و تطفل بقه

خصوصيات ازاي يا حاج و انت كاتبها على مرأى و مسمع من أمة لا إله إلا الله على صفحات المنتدى ؟؟؟

ايوه انا اكتب ... انا اتكلم ... حقي ... لكن مش من حقك تكتب و لا تتكلم طالما حاجه متخصكش

انت كمان paranoid??

سوري ... انت مشخصنتش الحوار ... انت قعدت تشيت انت و عضو تاني و قاعدين تلقحوا بالكلام و بعدت عن هدف الموضوع الاساسي ... و ده ضد قواعد المنتدي في حد ذاته

اللي انت عملته بازدواج العضويات تعاقب عليه قوانين المنتدى بالوقف النهائي لكلتا العضويتين

بص يا بيه ... انت مش من الاداره عشان تقول اتعاقب بايه و متعاقبش بايه ... ملكش دعوه ... لو في حاجه مش عجباك اشتكيني لاداره المنتدي غير كده مفيش كلام تاني

كلامي معاك خلص

[Screenplays]

قاطع المرسيدس - الأوبل - جنرال موتورز - البي ام - الأودي - الحاجات الأوروبي عموما و الأمريكاني .

دي منتجات نضيفه مينفعش نقاطعها عشان منتجيها يهود او ما شابه

لو سوبر ماركت خيرت الشاطر ده مميز فعلا اكيد هشتري منه و انا مبسوط

[أحمد كمال]

حقائق تخصني متخصكش في حاجه اصلا و ملكش حق تتكلم فيها و كفايه تدخل و تطفل بقه

هو انا تتبعت خصوصياتك و لا انت اللي كتبتها على صفحات المنتدى

ايوه انا اكتب ... انا اتكلم ... حقي ... لكن مش من حقك تكتب و لا تتكلم طالما حاجه متخصكش

طالما اتكتبت على الملأ يبقى من حق اي حد يتكلم

سوري ... انت مشخصنتش الحوار ... انت قعدت تشيت انت و عضو تاني و قاعدين تلقحوا بالكلام و بعدت عن هدف الموضوع الاساسي ... و ده ضد قواعد المنتدي في حد ذاته

ضد قاعدة رقم كام

بص يا بيه ... انت مش من الاداره عشان تقول اتعاقب بايه و متعاقبش بايه

و انت مش قاضي و لا نائب عام عشان تقول كل مليونير حرامي

كلامي معاك خلص

أريح برضه ......

[Screenplays]

ضد قاعدة رقم كام

اقري قواعد المنتدي و انت تعرف

و انت مش قاضي و لا نائب عام عشان تقول كل مليونير حرامي

انا اقول اللي انا عايزه طالما موجهتلكش كلام و سيادتك مش رقيب علي لساني

أريح برضه ......

يا ريت انت اللي تريح نفسك و تشيلني من دماغك

[أحمد كمال]

اقري قواعد المنتدي و انت تعرف

انا اقول اللي انا عايزه طالما موجهتلكش كلام و سيادتك مش رقيب علي لساني

يا ريت انت اللي تريح نفسك و تشيلني من دماغك

و انا كمان اقول اللي انا عايزه ......


و صدقني دماغي مشغولة بحاجات تانية كتير و مفيهاش مكان ليك عشان تخشها اصلا عشان اشيلك منها

[Screenplays]

الي قائمه التجاهل

[M.Elwan]

لمن يسأل عن استثمارات خيرت الشاطر فى مصر:

وبعد تخرجه من الجامعة قام بعمل عدة مشروعات اقتصادية مثل التجارة الحرة والمقاولات والاستشارات الهندسية وكان ذلك منذ عام 1974 الي 1981
بعدها سافر خيرت الشاطر، وكانت الفترة 1981 الي 1987 فترة تواجده في اوروبا والمنطقة العربية وكان سفره في البداية لغرض الدراسات العليا الا ان العمل التجاري استهواه مرة اخري فمارس العديد من الانشطة التجارية في منطقة الخليج واوروبا.
وعاد الي مصر عام 1986 ليؤسس مع حسن مالك الشركة الرائدة سلسبيل التي كانت وقتها من اكبر شركات الحاسب الآلي في مصر
وكانت لها الريادة والسبق في ادخال الحاسوب الي المنطقة العربية وعمل برمجيات باللغة العربية وكانت نواة لعدة أنشطة تجارية اخري ذات فروع في الوجه القبلي والبحري مثل تنظيم وإدارة المعارض الكبري للسلع المعمرة - تمليك المشروعات الصغيرة للمهنيين بالتقسيط وتقديم الدعم الفني والتسويقي لهم.
وقام على انشاء سلاسل من محلات في المجالات التجارية المختلفة كما قام بتأسيس شركة لتصدير الخدمات للخارج (عقود صيانة - استشارات - تدريب ) والعمل في المجال الزراعي والثروة الحيوانية

وتم اختياره في هذه الفترة عضوا في مجلس ادارة المصرف الاسلامي الدولي وكذلك مجلس ادارة بنك المهندسين وكذلك في العديد من الشركات المساهمة في مصر والمنطقة العربية

وفي الوقت الذي كان خيرت الشاطر قد استورد التجهيزات اللازمة ليصنع الحاسب الالي بأيد مصرية في مصنع بالقاهرة
وفي التوقيت الذي وصلت فيه المعدات في الميناء بالإسكندرية ألقت قوات الامن القبض عليه فيما عرف بقضية سلسبيل وأغلفت الشركة وتم مصادرة كل الاجهزة والمعدات في الشركة وفي الميناء وبعد 11 شهر مضاها في المعتقل تم الافراج عنه وتبرئته وأعلن وزير الداخليه في تصريح نشر بالجريدة ( أنه غير مهم ) وظلت الشركة مغلقة حتي اليوم ولايعرف احد مصير ما كان بداخلها.

ومن الشركات التي اسسها حياه للادوية والانوار للادوات الكهربائية ومالك ورواج

ووبالنسبة لحسن مالك شريكة فى معظم استثماراته فى مصر

شريك خيرت الشاطر فى مشروع سلسبيل .
ويمتلك شركه "رواج" التي تدير باقي أعماله وتم اغلاقها .
شريكًا في محلات "الفريدة"؛
ثم محلات "بيت العباية الشرقي"
فضلاً عن محلات " سرار SARAR " للملابس الرجالي
ومحلات "استقبال " للأثاث الحديث

[Screenplays]

هو كان في حاسب الي في مصر سنه 86 ؟؟؟؟

[أشرف العدوي]

هو كان في حاسب الي في مصر سنه 86 ؟؟؟؟

أه كان فيه
انا عندى واحد منه حتى الأن