إعـــــــلان

Collapse

.

,
See more
See less

قناة كايرو سينما - انا فتحنا لك فتحا مبينا!!

Collapse
X
 
  • Filter
  • الوقت
  • Show
Clear All
new posts

  • #46
    بمناسبة البدع ...اذا كان كل من :
    "شر الامور محدثاتها و كل محدث بدعة و كل بدعة ضلالة و كل ضلالة فى النار "
    و
    " من سن سنة حسنة فله اجرها و اجر من عمل بها ....." الى اخره ..
    اذا كان كلاهما حديثين صحيحين ... ازاي نوفق بينهم ؟؟..
    اسف المشاركة مش في صلب الموضوع ..بس حبيت اسأل .. :)
    [CENTER][FONT=Comic Sans MS][SIZE=4]لا اله الا الله * محمد رسول الله[/SIZE][/FONT][/CENTER]
    [CENTER] وَبَشِّرِ الصَّابِرِينَ..[/CENTER]
    [CENTER][FONT=Comic Sans MS][SIZE=3][URL="http://www.youtube.com/watch?v=nYAgpstGD0U&feature=related"]علاء الدمرداش[/URL][/SIZE][/FONT][/CENTER]

    Comment


    • #47
      المشاركة الأصلية كتبت بواسطة alaa_dash مشاهدة المشاركة
      بمناسبة البدع ...اذا كان كل من :
      "شر الامور محدثاتها و كل محدث بدعة و كل بدعة ضلالة و كل ضلالة فى النار "
      و
      " من سن سنة حسنة فله اجرها و اجر من عمل بها ....." الى اخره ..
      اذا كان كلاهما حديثين صحيحين ... ازاي نوفق بينهم ؟؟..
      اسف المشاركة مش في صلب الموضوع ..بس حبيت اسأل .. :)
      لا ماهو صلب الموضوع خلاص انتهى الغرض منه.

      سؤالك هام جدا و انا عن نفسي متابعة النقاش من هذه النقطة.

      Comment


      • #48
        هو الموضوع تفرع شوية عن النقطة الاصلية بس ما دام الاعضاء متابعين يبقى نكمل النقاش

        ams كنت لسه هرد عليك لقيت اخونا الفاضل AhmedAbdFat رد عليك رد وافي ... جزاه الله خيرا

        وفكرة البدعة لا تقوم على ذكر نص معين في موقف معين
        انا بختلف معاك كليا يا د.احمد في النقطة دي
        بل الصواب على العكس تماما فيما اعلم
        اساس اكثر البدع هو فعل معين في وقت معين مع ان هذا الفعل مباح في العموم الا ان تخصيص وقت معين لهذا الفعل لاعتقاد فضل او ثواب زائد فهذا بدعة
        مثال كما ذكرت قيام ليلة رأس السنة الهجرية ... القيام مباح بل مستحب في العموم لكن تخصيص ليلة رأس السنة بالقيام اعتقاداً ان لها أجر زائد فهذا بدعة
        كذلك صيام يوم النصف من رجب او صيام يوم المولد النبوي
        و زي برضه ما قلت قراءة الفاتحة قبل الخطوبة اعتقاداً ان هذا يجلب التيسير او التوفيق في الزواج

        ولكنها تتأسس على اعتبار الفعل يكتسب حكماً شرعياً بها أو بدونها ... فقط
        يعني الفاتحة في أي شيء أو قبل كل شيء إذا فهم الناس منها اكتساب قولها أو عدمه حكماً شرعياً تبقى قراءتها بدعة .. والحاصل غير ذلك فلم يقل أحداً أن الفاتحة تبيح النكاح بدون عقد فهي لا تؤسس حقوقاً ، ولا تترتب عليها التزامات .. فبالتالي لا شيء فيها ..
        كل البدع بيعتقد فاعلها انه سينال ثواب اكبر على هذا الفعل اذا فعله في هذا الوقت المحدد ... بالرغم من ان هذا الفعل مستحب مثلا في العموم
        يعني لو رجعنا للمثال الاول و هو قراءة الفاتحة قبل الخطوبة اعتقاداً انها تجلب التيسير او التوفيق في الزواج ... فالاعتقاد ان تيسير او التوفيق من الله سوف يتحقق بعد هذا الفعل هذا طبعا حكم شرعي ... و يحتاج الى نص صحيح يثبت ذلك ... ولا يوجد نص يثبت ذلك فيكون الحكم خطأ او بدعة

        طبعا الفاتحة لا تبيح الزواج و لكن في العرف تؤسس حقوق و التزامات ... فكثير ما تسمع ان فلانه "مقري فتحتها" تقريبا تساوي "مخطوبة"
        و حتى لو كانت قراءة الفاتحة لا تترتب عليها اي التزامات او حقوق ... الفاتحة كلام الله و تتبع الشرع و تخصيصها في هذا الموضع يحتاج دليل شرعي ... و الا يبقى الفعل مشابه جدا لفعل القناة يوم الافتتاح ... انا مش بتكلم على ان بعد القرآن فيه رقص و كده ... انا بتكلم انه اصلا لا يجب استخدام القرآن في مثال هذا سواء في افتتاح اي شيء او العزاء او غيره

        و لو سلمنا جدلاً لاباحة قراءة الفاتحة قبل اي شيء ... فلو تدربت في معاني السورة تجد اكثرها ثناء على الله " سميت بالسبع المثاني... اي السبع آيات التي تثني على الله" و في آخرها دعاء الى الله بالهداية و الاستقامة ... فما علاقة هذا بالتوفيق في عمل ما
        كان الاولى ان يقرأ الناس قول الله تعالى: (رب اشرح لي صدري و يسر لي أمري) ... و ان انت لا اقر هذا بطبيعة الحال
        و لو تأملت نص دعاء الاستخارة لوجدته فيه ما يغني عن كل هذا بنص شرعي صحيح

        ويذكرني هذا الأمر بواحد مد يده لأخيه بعد الصلاة ليقول له حرماً
        فاستنكف الآخر أن يمد يده إليه وقال له : ماوردتش (أي لم ترد في كتاب ولا سنة ولا إجماع صحيح )
        فرد الآخر وقاله صحيح لكن قولي هي قلة الذوق هي اللي وردت لما أخوك يمد إيده ليك ولا تسلم عليه .
        الحكاية دي سمعتها كتير من شيوخ -غير ثقات عندي- و و سمعتها برضه بصورة تانية ان واحد راجل كبير بيسلم على بنت صغيره مرديتش تسلم عليه و قالتله "موردتش" راح رادد عليها "يعني هي كسفتي قدام الناس دي هي اللي وردت"
        القصه اصلا ان صحت ليس لها اي قيمة شرعية
        التسليم بعد الصلاة و قول "حرمنا" بدعة بلا ادنى شك و امتناع المسلم عن المشاركة في هذه البدعة حق له بل قد يكون واجب عليه
        فهل يقال ان هذا قلة ذوق
        الطرف الثاني رد عليه بيقول:قلة الذوق هي اللي وردت لما أخوك يمد إيده ليك ولا تسلم عليه
        ده طبعا كلام عايم
        رد السلام فرض كفاية ... يعني لما حد يرمي عليك السلام لازم ترد الا لو كان في حد معاك و هو اللي رد ... يبقى مش لازم عليك
        انما في القصه الموضوع مش كده خالص
        ده سلام بدعي محرم
        زي اللي بيقوا سورة الاخلاص و الفلق و الناس بعد كل ركعتين من صلاة التراويح
        لما تقوله ده بدعو حرام ... يقولك هو قراية القرآن حرام ... طبعا احنا مقلناش كده انما قرايته بالصورة دي حرام

        و على الرواية التانية اللي انا قلتها بتاعت البنت الصغيره
        لو بتسموا رد اليد في المصافحة المحرمة قلة ذوق او كسفة قادم الناس و المفروض الواحد ميعملش كده
        فالرسول عليه الصلاة و السلام رد يد المرأة عندنا مدت يدها لتبايعه ... فهل هذه قلة ذوق؟!
        مراعة الذوق تبقى في المباحات و ليس في المحرمات
        و الدين يسر صحيح زي الناس ما بتقول لكن في الواجبات مش المحرمات
        يعني في الصلاة مثلا مش لاقي مياه تتوضا ... يبقى تتيمم ... طيب مش قدار اصلى واقف ... يبقى تصلي جالس او نايم حتى ... طيب على سفر مش هلحق اصلي ... يبقى تجمع الصلوات و تقصرها كمان ...و هكذا في كل الواجبات تقريبا
        و الرسول عليه الصلاة و السلام لما قال:اذا نهيتكم عن امر فاجتنبوه ... و اذا امرتكم بأمر فاتوا منه ما استطعتم
        نلاحظ انه يسر في الامر اي الواجبات و شدد في النواهي اي المحرمات

        املا البيت والشغل آيات قرآنية علشان ربنا يباركلك
        تشغيل كاسيت او غيره بصوت قارئ للقرآن يختلف عن الامثلة التانية ... ده له حكم من قرأ بنفسه في البيت ... و هذا حسن لانه يطرد الشياطين

        الأصل في التعامل مع القرآن هو التدبر والتفكر والاستماع والإنصات وعدم الهجر والتبرك واكتساب الحسنات بالقراءة ، والتعلم والمكافحة في القراءة السليمة .
        و أخيرا الاتباع
        القرآن مش مجرد كلام بنقراه عشان تدبر و ناخد حسنات و خلاص
        القرآن ده منهج حياة ... لازم نتبع كل كبيرة و صغيره ورد فيه ... او وردت في سنة الرسول عليه الصلاة و السلام

        و ماهو الحكم فى حالة ان الانسان يعمل عملا بنية صالحة و العمل فاسد ولكنه لا يعلم ان هذا العمل فاسد ؟ هل يثاب على نيته ؟ ام يعاقب على عمله ؟
        المفروض على كل مسلم يتعلم دينه على الاقل الاساسيات ... او انه يسأل العلماء الثقات في كل كبيرة و صغيرة
        اما بخصوص اجبة السؤال... فلا اعلم

        على ما اذكر ان البدعه هى شىء مستحدث سيىء
        "شر الامور محدثاتها و كل محدث بدعة و كل بدعة ضلالة و كل ضلالة فى النار " لا أعرف مصدر هذه الجمله ؟ يا ليتكم تعلمونى
        اعتقد ان ليس كل محدث بدعة بدليل :
        - عندما قال المؤذن فى آذان الفجر "الصلاة خير من النوم " اقرها الرسول و ثبتها و لا يصح اذان الفجر(الصبح) من دونها .
        - و لاصبحت كل المخترعات الجديدة بدع .
        -و عندما قال احد المصلين بعد قيامه من الركوع "اللهم لك الحمد كما ينبغى لجلال و جهك وعظيم سلطانك " اثنى الرسول صلوات ربى وسلامه عليه على قول الرجل و لم يتهمه ب "الفزلكه " او لم يقل له "يعنى انت اللى بتفهم يعنى ؟!و بتزايد على الصحابة "
        هذا حديث صحيح رواه الكثيرون: شر الأمور محدثاتها ، وكل محدثة بدعة ، وكل بدعة ضلالة ، وكل ضلالة في النار
        و اختلفوا في آخر جملة "وكل ضلالة في النار"
        استغفر الله يا اخ ams لان الرسول عليه الصلاة و الصلاة بيقول كل محدثة بدعة و انت بتقول مش كل محدثة بدعة ... غفر الله لنا و لك
        اما بخصوص الشرح اللي حضرتك توصلت عن طريقة ان كل محدثة مش بدعة
        فانت قلت ان الرسول عليه الصلاة و السلام اقر الفعلين في المثالين اللي ذكرتهم ... و اقرار الرسول عليه الصلاة و السلام حكم شرعي
        فالسنة قولية: يعني الكلام اللي نطق بيه الرسول عليه الصلاة و السلام
        او فعلية: الافعال اللي فعلها الرسول عليه الصلاة و السلام
        او تقريرة: ان واحد قال قول او فعل فعلا في حضرة الرسول عليه الصلاة و السلام و الرسول لم يعيب عليه هذا الفعل او القول ... فهذا يسمى اقرار

        يبقى اول ما الرسول عليه الصلاة و السلام اقر الفعل اصبح من الدين ... انما احنا دلوقتي مين هيقر لك باي فعل محدث ؟!!!

        هترد عليا تقولي طيب و هما الصحابة ايه اللي بيخليهم يألفوا من الاول من دماغهم
        في المثال الاول سيدنا بلال مأضفش الجملة للأذان على طول كده ... انما بعد ما اذن للفجر الأذان العادي ذهب الى بيت الرسول فقالوا له انه نائم ... ففضل يقول باعلى صوته الصلاة خير من النوم عشان يصحيه ... فالرسول عليه الصلاة و السلام دخلها في الأذان بعد كده
        و اليك الدليل:
        كان بلال مولى أبي بكر يؤذن ويدعو رسول الله صلى الله عليه وسلم إلى الصلاة ، قال : فجاءه ذات غداة إلى صلاة الفجر فقال : فقيل له : إن رسول الله صلى الله عليه وسلم نائم ، قال : فصرخ بلال بأعلى صوته : الصلاة خير من النوم ، قال سعيد بن المسيب : فدخلت هذه الكلمة في التأذين بصلاة الفجر "حديث ثابت"

        في المثال التاني: الدعاء بعد الرفع من الركوع مباح ... تدعي زي ما انت عايز ... لكن الرسول عليه الصلاة و السلام لما سمع دعاء هذا الصحابي فمدحه على هذا الدعاء

        اما بخصوص المحدثات اليومين دول زي الموبيل و السيارة و غيره فكل ده بيعد عن الشرع.... ليس له علاقة بالشرع لا من قريب و لا من بعيد
        الا اذا استخدمت في الحرام ... فنطبق القاعدة: الوسائل لها احكام المقاصد ... يعني ما دام المقصد اللى انت عايز تعمله حرام يبقى الوسيلة اللي هتعمل بيها المقصد ده حرام برضه

        و يقول الشاعر : ان رمى كيدا بالصلاة مقيمها ... فتاركها عمدا الى الله اقرب
        اول مره اقرا بيت الشعر ده و صعقت لما قريته
        مين الشاعر اللي قال الكلام ده و جايبه منين
        يعني ايه لما جماعة المصليين يتهموا كيدا باي تهمة يبقى الافضل و الاقرب الى الله اني اترك الصلاة ... و كمان عمداً
        ترك الصلاة عمداً - غير تكاسلاً - من غير عذر كفر مخرج من الملة
        ايه الكلام ده
        اللي ممكن اتركه عشان الناس هو المستحب
        القاعدة: يستحب ترك المستحب لتأليف القلوب
        زي ما كان الامام مالك بيترك التكحل حتى لا يظن العوام انه متشبه بالنساء
        و الامام احمد قنت بالشافعية لما أم بيهم مع انه يقول بان الهجر بالقنوت في الفجر مكروه لكنه قنت بهم تاليفاً للقلوب
        انما ترك الواجب زي الصلاة ... و خصوصا الصلاة تركها كفر
        و لا حول و لا قوة الا بالله
        انصحك ان اي استدلال تبني عليه رأي لازم يكون استدلال من الشرع ... قال الله ... قال رسول الله ... او قال علماء المسلمين
        اما قول الشعراء فلن يعذرك امام الله

        آخر نقطة عشان تعبت
        بمناسبة البدع ...اذا كان كل من :
        "شر الامور محدثاتها و كل محدث بدعة و كل بدعة ضلالة و كل ضلالة فى النار "
        و
        " من سن سنة حسنة فله اجرها و اجر من عمل بها ....." الى اخره ..
        اذا كان كلاهما حديثين صحيحين ... ازاي نوفق بينهم ؟؟..
        اسف المشاركة مش في صلب الموضوع ..بس حبيت اسأل ..
        بالنظر المبدأي للحديث تلاحظ في اختلاف في الالفاظ
        يعني في الحديث الاول لفظ "بدعة"
        و الحديث الثاني لفظ "سنة"
        و الحديث بتاع السنة الحسنة ليه قصة لازم تعرفها عشان تقدر نفهم معنى كلام الرسول عليه الصلاة و السلام
        هقول القصة بالعامية للتبسيط
        الرسول عليه الصلاة و السلام كان في المسجد و بعدين جه جماعة من منطقة اسمها مضر لبسهم قليل جدا و مقطع و وشهم باين عليه الضعف من الفقر و الجوع
        فالرسول عليه الصلاة و السلام اتضايق جدا و زعل من اللي شافه لدرجه ان وشه اتغير
        فقال لبلال اقم الصلاة و صلوا ... و بعدين قال خطبة صغيره و حث الناس على الصدقة عشان الناس الفقراء اللي جم من مضر دول
        راح قايم واحد من الانصار راح بيته و رجع بسرعه معاه صره او كيس يعني مش قادر يشله من تقله الناس لما شافت الراجل ده عمل كده اتشجعوا و راحوا هما كمان جابوا حاجات من بيوتهم لحد ما اتجمع قدام الرسول عليه الصلاة و السلام كومتين
        كوم اكل و كوم لبس
        فرح الرسول عليه الصلاة و السلام و وشه بان عليه الفرح
        و قال: " من سن في الإسلام سنة حسنة ، فله أجرها ، وأجر من عمل بها بعده . من غير أن ينقص من أجورهم شيء . ومن سن في الإسلام سنة سيئة ، كان عليه وزرها ووزر من عمل بها من بعده . من غير أن ينقص من أوزارهم شيء "
        يبقى الرسول هنا في الحديث كده كان يقصد ايه بالسنة الحنسة ؟؟
        اكيد طبعا الصدقة
        طيب و هل الانصاري ده هو اللي ابتدع الصدقة في الاسلام
        طبعا لأ
        امال ايه
        احيا سنة في وقت معين و ذكر و شجع الناس على السنة دي ... فهو ده المقصود بانه سن سنة حسنة
        زي لو واحد في بلد مثلا مبيصلوش في المساجد خالص
        و هو ذكر و شجع الناس على السنة دي ... يعني احيا هذه السنة يبقى يتقال عليه سن سنة حسنة

        انما الرسول عليه الصلاة و السلام لما اتكلم عن البدعة قال: كل بدعة ضلالة ... يبقى مينفعش ابدا يجي واحد و يقول ان في بدعة حسنة ... لانه كده بيعقب على كلام الرسول عليه الصلاة و السلام

        هذا ما اعلم و الله تعالى اعلى و اعلم
        و جزاكم الله خيرا
        آسف على الإطالة
        و السلام عليكم

        Comment


        • #49
          ما شاء الله يا استاذ هيثم ... اظن الحروف اتمسحت من على الكيبورد بعد كل الكتابة ديه :)
          يعني الفرق بين الحديثين ان الاول يعني تأليف شيء لم يكن موجودا ..
          و الثاني احياء سنة عن النبي لم تكن منتشرة و تذكير الناس بها ..
          طيب صلاة التراويح جماعة .. مش اللي جمع المسلمين خلف امام واحد هو الفاروق ؟
          يبقى اكيد كان لها اصل ايام الرسول .. صح ؟
          مش عاوز جابة دلوقتي .. ارتاح الاول من الكتابة و بعدين جواب ..
          جزاك الله خير على تعبك ..:)
          [CENTER][FONT=Comic Sans MS][SIZE=4]لا اله الا الله * محمد رسول الله[/SIZE][/FONT][/CENTER]
          [CENTER] وَبَشِّرِ الصَّابِرِينَ..[/CENTER]
          [CENTER][FONT=Comic Sans MS][SIZE=3][URL="http://www.youtube.com/watch?v=nYAgpstGD0U&feature=related"]علاء الدمرداش[/URL][/SIZE][/FONT][/CENTER]

          Comment


          • #50
            المشاركة الأصلية كتبت بواسطة alaa_dash مشاهدة المشاركة
            ما شاء الله يا استاذ هيثم ... اظن الحروف اتمسحت من على الكيبورد بعد كل الكتابة ديه :)
            يعني الفرق بين الحديثين ان الاول يعني تأليف شيء لم يكن موجودا ..
            و الثاني احياء سنة عن النبي لم تكن منتشرة و تذكير الناس بها ..
            طيب صلاة التراويح جماعة .. مش اللي جمع المسلمين خلف امام واحد هو الفاروق ؟
            يبقى اكيد كان لها اصل ايام الرسول .. صح ؟
            مش عاوز جابة دلوقتي .. ارتاح الاول من الكتابة و بعدين جواب ..
            جزاك الله خير على تعبك ..:)
            لا مفيش تعب ولا حاجة
            أصل جمع الناس على صلاة التراويح كان في عهد النبي صلى الله عليه وسلم وذلك لما ثبت في الصحيحين وغيرهما من حديث عائشة رضي الله عنها.. أن رسول الله صلى الله عليه وسلم خرج ذات ليلة من جوف الليل فصلى في المسجد فصلى رجال بصلاته فأصبح الناس فتحدثوا فكثر أهل المسجد من الليلة الثالثة فخرج رسول الله صلى الله عليه وسلم فصلوا بصلاته فلما كانت الليلة الرابعة عجز المسجد عن أهله حتى خرج لصلاة الصبح فلما قضي الفجر أقبل على الناس فتشهد ثم قال أما بعد.. فانه لم يخف على مكانكم لكني خشيت أن تفرض عليكم فتعجزوا عنها. هذا لفظ البخاري وفي رواية له بزيادة (وذلك في رمضان).

            فأصل صلاة التراويح في جماعة ثابت من سنة النبي صلى الله عليه وسلم الا أنه عليه الصلاة والسلام لم يواظب عليها خشية أن تفرض على الأمة فلما توفي صلى الله عليه وسلم وانقطع الوحي وأمنت خشية فرضية صلاة الليل في جماعة جاء عمر بن الخطاب رضى الله عنه فجمع الناس عليها وجعل امامهم أبى بن كعب رضي الله عنه.

            يقول شيخ الاسلام ابن تيمية.. وأما قيام رمضان فان رسول الله صلى الله عليه وسلم سنه لأمته وصلى بهم جماعة عدة ليال وكانوا على عهده يصلون جماعة وفرادى لكن لم يداموا على جماعة واحدة لئلا تفرض عليهم فلما مات النبي صلى الله عليه وسلم استقرت الشريعة فلما كان عمر رضي الله عنه جمعهم على امام واحد وهو أبى بن كعب الذي جمع الناس عليها بأمر عمر بن الخطاب رضي الله عنه.وقال ايضا رحمه الله.. وقيام رمضان قد سنه رسول الله صلى الله عليه وسلم فقال «ان الله قد فرض عليكم صيام رمضان وسننت لكم قيامه» وكانوا على عهده صلى الله عليه وسلم يصلون أوزاعا متفرقين يصلى الرجل وحده ويصلى الرجل ومعه جماعة جماعة وقد صلى بهم النبي صلى الله عليه وسلم جماعة مرة بعد مرة وقال: «ان الرجل اذا صلى مع الامام حتى ينصرف كتب له قيام ليلة لكن لم يداوم على الجماعة كالصلوات الخمس خشية أن يفرض عليهم فلما مات أمنوا زيادة الفرض فجمعهم عمر على أبي بن كعب» أ0ه.
            و بالمناسبة ورد عن سيدنا عمر انه قال :"نعم البدعة هذه" لما رأى المسلمون يصلون خلف امام واحد صلاة الراويح ... بعد ان كان كل واحد يصلي بمفرده او يصلي اكثر من جماعة في المسجد ... فلما رآهم يصلون كلهم خلف امام واحد قال:"نعم البدعة هذه"
            و قول جمهور العلماء على ان مقصود عمر هنا البدعة اللغوية و ليست الشرعية ... و هي المساوية للسنة الحسنة كما سبق

            قال ابن رجب - في قول عمر رضي الله عنه : نعم البدعة هذه - : وأما ما وقع في كلام السلف من استحسان بعض البدع ؛ فإنما ذلك في البدع اللغوية لا الشرعية ، فمن ذلك قول عمر رضي الله عنه لمـا جمع الناس في قيام رمضان على إمام واحد في المسجد وخرج ورآهم يصلون كذلك فقال : نعمت البدعة هذه . اهـ . .
            قال الحافظ ابن حجر: قول عمر: "نعم البدعة" في بعض الروايات "نعمت البدعة" بزيادة التاء، والبدعة أصلها ما أحدث على غير مثال سابق، وتطلق في الشرع في مقابل السنة فتكون مذمومة، والتحقيق إن كانت مما تندرج تحت مستحسن في الشرع فهي حسنة، وإن كانت مما تندرج تحت مستقبح في الشرع فهي مستقبحة، وإلا فهي من قسم المباح، وقد تنقسم إلى الأحكام الخمسة"ا.هـ. ومراده بالأحكام الخمسة: الفرض والمندوب والمباح والمكروه والحرام.
            و الله اعلم :)

            Comment


            • #51
              يا إخوتي ..
              يا أخي هيثم .. لن أطيل عليك باقتباس ما تكلمت به رغم أهميته لعلمي أن مدار السنة والبدعة يتمحور حول فكرة واحدة ذكرتها في كلامي ..
              وفكرة البدعة لا تقوم على ذكر نص معين في موقف معين
              ولكنها تتأسس على اعتبار الفعل يكتسب حكماً شرعياً بها أو بدونها ... فقط
              يعني الفاتحة في أي شيء أو قبل كل شيء إذا فهم الناس منها اكتساب قولها أو عدمه حكماً شرعياً تبقى قراءتها بدعة .. والحاصل غير ذلك فلم يقل أحداً أن الفاتحة تبيح النكاح بدون عقد فهي لا تؤسس حقوقاً ، ولا تترتب عليها التزامات .. فبالتالي لا شيء فيها ..
              دون تقسيم أو تفصيل في كلامي ..
              يا إخوتي
              الحكم الشرعي هو
              الحرام
              المكروه
              المباح
              الواجب على قول الحنفية أو السنة المؤكدة على قول غيرهم
              المندوب
              الفرض

              فأي اعتبار يخرج أي حكم شرعي من درجته إلى درجة أخرى يعد بدعة
              وأي اعتبار يؤكد هذا الحكم ويعززه فهو سنة حسنة لصاحبها أجرها وأجر من عمل بها إلى يوم القيامة ..

              وهنا بعض الأمثلة التي ينبغي إيرادها في هذا السياق :
              1. أن قراءة سورة السجدة في صلاة الفجر ليلة الجمعة تعد بدعة إذا ما اقتنع المصلون بعدم جواز صلاتهم إلا بها .. بينما لا تعد كذلك إذا انتفى هذا الاقتناع .
              2. أن قراءة الفاتحة في العقود والخطبة وغير هذا تعد بدعة إذا ما ترتب على انعدامها اقتناع بفساد عقد البيع أو بطلانه ، وهو ما لا يحدث وعليه يبطل ما أدى إليه وهو اعتبار قراءتها من البدع .
              3. أن قيام الصائم بالسب أو الشتم لنجد من يقول له "افطر (عن حقيقة ) لأن صيامك قد فسد "من البدع ، حيث أن السب من مذهبات ثواب الصيام وليس من مبطلات الفعل الشرعي القائم على الامساك عن الطعام والشراب والجنس من الفجر إلى المغرب .
              4. أن الأذان الأول في الفجر مثلاً والذي كان يتم قبل الوقت الحقيقي للفجر وهو معروف في الكثير من البلدان الإسلامية والأرياف المصرية يعد سنة حسنة لأنه يؤكد على إيقاظ المسلمين للصلاة ، وإلا على حسب كلامك لاعتبر بدعة لأنها لا أصل لها في الكتاب ولا السنة .
              5. أن القنوت في صلاة الفجر إذا ما آمن المصلون بأن الصلاة لا تعد صحيحة إلا به يعد بدعة ، وهناك من المذاهب من لا يقر أنه سنة واردة عن الرسول صلوات الله وسلامه عليه أصلاً كالمذهب الحنفي حيث استقر وروده في شهر واحد في حياة الرسول صلى الله عليه وسلم ولم يتكرر .

              والأمثلة كثيرة على هذا
              فحين تجد شخصاً ينفق على أيتام بهدف تعليمهم وليس إطعامهم ، ويود اعتبار هذا صدقة ، فهذه سنة حسنة في هذا العصر ، إذ تؤكد التعاون على البر ، بل وذهب العلماء على أن هذا الإنفاق من الصدقة وله أجرها ، وإلا لكانت حسب كلامك بدعة حيث لا يجوز الإنفاق سوى في مصارف الصدقة الثمانية فقط .
              كذلك التصدق على المراكز الصحية بهدف العلاج فلم يرد العلاج كمصرف شرعي للزكاة ولا للصدقة .. ولكن مع القياس الشرعي تعد سنة حسنة ..

              الخلاصة :
              أن من مصادر التشريع الإسلامي مصادر رئيسة هي :
              القرآن الكريم ، ثم السنة النبوية ، ثم إجماع الأمة ، ثم القياس على حكم شرعي قطعي الثبوت والدلالة .

              ومن المصادر الثانوية :
              الاستحسان .. والاستحسان يعد تدعيماً لجواز فعل لم يرد في المصادر الرئيسية وفق الاستحسان العقلي لهذا الفعل ولعدم احتمال الفعل لأي جانب من الضرر .

              وعلى هذا فأنا لا أرى في قراءة الفاتحة ، ولا في ذكر الله في كل الأوقات ، ولا في قول حرماً التي تعني الدعاء بأن يكسب صاحبها صلاة في الحرم الشريف ، ولا في كتابة الآيات القرآنية (إذا ما ابتعدت عن فكر التعويذة المشار إليها والعياذ بالله ) أي خطر ولا مشكلة .

              فكل الأمثلة الواردة ينتفي اكتسابها لحكم شرعي أو تغيير حكم شرعي موجود ، وإن ذكر الله وفق قاعدة الاستحسان في كل وقت وكل زمن وكل فعل سنة حسنة وليس بدعة حيث انتفى الضرر الناشئ عن قولها ..

              وعلى هذا لا يسعني إلا تكرار القول بأن التوسع في فقه البدعة أمر غير مستحب ، بل إنه يورث في النفس والإيمان ما يسمى بالتقليد .
              والتقليد في علوم العقيدة أقل درجات الإيمان ، والأصح أن يصل الإنسان إلى درجة "المعرفة " حيث المعرفة الدينية هي التي تتم وفق قواعد الشرع والفقه والأصول وإعمال العقل وتقدير الحاجة وفق مقتضيات الزمان بما لا يخالف نصاً شرعياً أو دليل قطعي .
              وحتى لا يوؤل كلامي على غير مقصده
              فإن فكرة الامتثال لله وإن ظن به البعض أنها مرادفة للتقليد إلا أنه ليس كذلك قطعاً فهي لا تتنافى مع المعرفة فأصل العبادات وكيفية أدائها من مظاهر الامتثال لله عز وجل دون حاجتها لاكتساب حجة عقلية أو بيان هدف المشروعية فلا يحق لشخص أن يدعي اجتهاداً في عدد الركعات ، ولا في أيام الصيام ، ولا في مناسك الحج ، ولا في نصاب الزكاة .. والامتثال هنا لا يعد تقليداً

              وفقنا الله لصالح الأعمال
              وتقبل أخي هيثم وإخوتي جميعكم خالص مودتي وتقديري
              [CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]

              Comment


              • #52
                د.احمد ان حاسس انك مقريتش كلامي كويس ... مع اني تعبت فيه كتير
                و كمان انا حاسس ان حضرتك ازهري ... صح ولا انا غلطان ؟؟
                انا مش هرد على كل نقطة لاني رديت عليها قبل كده
                نقاط معينة محتاجة رد

                أن الأذان الأول في الفجر مثلاً والذي كان يتم قبل الوقت الحقيقي للفجر وهو معروف في الكثير من البلدان الإسلامية والأرياف المصرية يعد سنة حسنة لأنه يؤكد على إيقاظ المسلمين للصلاة ، وإلا على حسب كلامك لاعتبر بدعة لأنها لا أصل لها في الكتاب ولا السنة .
                الاذآن الاول ليس بدعة و لكنه ثابت في عهد الرسول عليه الصلاة و السلام بإقراره ... حيث قال:إن بلالاً يؤذن بليل فكلوا واشربوا حتى يؤذن ابن أم مكتوم
                يعني بلال كان بيأذن الاول قبل الفجر بشوية ... و وقت اذان الفجر الحقيقي بيأذن ابن ام مكتوم

                اما بقية الامثلة فهي تعد من باب الخطأ او الخلاف الفقهي و لا اراها من باب البدع
                القاعدة: ان اي حكم شرعي بني على دليل حتى و لو كان ضعيفا فهو ليس ببدعة ... انما قد يكون خطأ

                فحين تجد شخصاً ينفق على أيتام بهدف تعليمهم وليس إطعامهم ، ويود اعتبار هذا صدقة ، فهذه سنة حسنة في هذا العصر ، إذ تؤكد التعاون على البر ، بل وذهب العلماء على أن هذا الإنفاق من الصدقة وله أجرها ، وإلا لكانت حسب كلامك بدعة حيث لا يجوز الإنفاق سوى في مصارف الصدقة الثمانية فقط .
                لو كنت تقصد الآية الكريمة: { إنما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل فريضة من الله والله عليم حكيم } فالمراد بالصدقة ها هنا الزكاة المفروضة ... و ليست صدقة التطوع كما يتبادر الى ذهن البعض !

                ان لم تقصد هذا فبرجاء التوضيح

                كذلك التصدق على المراكز الصحية بهدف العلاج فلم يرد العلاج كمصرف شرعي للزكاة ولا للصدقة .. ولكن مع القياس الشرعي تعد سنة حسنة ..
                اتفاق اهل العلم على عكس هذا !!
                و القياس ان تقيس مثلا دخول الحائض المسجد على دخول الجنب ... فالقياس هنا جلي
                اما انفاق الزكاة على المراكز الصحية فبالقياس على ماذا ؟؟

                ومن المصادر الثانوية :
                الاستحسان .. والاستحسان يعد تدعيماً لجواز فعل لم يرد في المصادر الرئيسية وفق الاستحسان العقلي لهذا الفعل ولعدم احتمال الفعل لأي جانب من الضرر .
                ايه دليل التأصيل ده
                حضرتك وصلت الى مصدر من مصادر التشريع ... يبقى المفروض طبعا يكون المصدر ده ليه دليل شرعي ... ايه هو؟
                و الاستحسان ده يكون من قبل مين ... اي مسلم ولا العلماء بس و لا مين بالضبط
                و بعدين حضرتك بتقول الاستحسان العقلي ... و حضرتك طبعا عارف ان عقل الانسان قاصر ... يبقى ازاي هعتمد على عقل قاصر كمصدر شرعي

                والتقليد في علوم العقيدة أقل درجات الإيمان ، والأصح أن يصل الإنسان إلى درجة "المعرفة " حيث المعرفة الدينية هي التي تتم وفق قواعد الشرع والفقه والأصول وإعمال العقل وتقدير الحاجة وفق مقتضيات الزمان بما لا يخالف نصاً شرعياً أو دليل قطعي .
                وحتى لا يوؤل كلامي على غير مقصده
                فإن فكرة الامتثال لله وإن ظن به البعض أنها مرادفة للتقليد إلا أنه ليس كذلك قطعاً فهي لا تتنافى مع المعرفة فأصل العبادات وكيفية أدائها من مظاهر الامتثال لله عز وجل دون حاجتها لاكتساب حجة عقلية أو بيان هدف المشروعية فلا يحق لشخص أن يدعي اجتهاداً في عدد الركعات ، ولا في أيام الصيام ، ولا في مناسك الحج ، ولا في نصاب الزكاة .. والامتثال هنا لا يعد تقليداً
                انا مش فاهم الكلام الحقيقة
                تقصد ايه "بالمعرفة" و كمان في العقيدة
                يعني اتفكر بعقلي عشان اعرف ربنا ... زي المقولة الشهيرة "ربنا عرفوه بالعقل" و لا ايه ... انا فعلا مش فاهم مقصودك
                و بعدين العقيدة مفيهاش تقدير الحاجات وفق مقتضيات الزمان ... العقيدة ثابتة ... الفقه هو اللي ممكن يتغير مع الحاجات
                الكلام الحقيقة داخل في بعضه شوية ... او كتير ... مش قادر افهم منه معنى محدد

                في الآخر انا عايز بس اسالك سؤالين
                اول سؤال ... ايه رايك في السبحة او المسبحة ... شيء حسن ولا لأ ... انا عقليا بقول انها شيء كويس اوي عشان تقدر تضبط التسبيح و تذكر ربنا و الذكر ليه فضل كبير ... فهي على حد كلامك مستحسنة عقلاً ... فهل تعتقد انها مستحسنة شرعاً ؟

                تاني سؤال ... لو كانت قراءة الفاتحة قبل البدأ في اي عمل او قول حرما بعد الصلاة - او ما شابهة من الامور المستحسنة عقلاً- حسنة فلماذا فوت علينا الرسول عليه الصلاة و السلام هذه المعلومة و لم يقلها لنا كما اوصانا بالبسملة عند اي عمل ؟؟ هل نسي ام تعمد تفويت هذا الفضل علينا ؟؟

                لو تحب نكمل النقاش يا دكتور ياريت يكون كلامك مدعم بادلة و اقوال اهل العلم ... و الا فانا متوقف عند هذا الحد
                جزاكم الله خيرا و السلام عليكم

                Comment


                • #53
                  ربنا ياخدهم و يريحنا منهم

                  Comment


                  • #54
                    المشاركة الأصلية كتبت بواسطة Haytham4ever مشاهدة المشاركة
                    د.احمد ان حاسس انك مقريتش كلامي كويس ... مع اني تعبت فيه كتير
                    و كمان انا حاسس ان حضرتك ازهري ... صح ولا انا غلطان ؟؟
                    انا مش هرد على كل نقطة لاني رديت عليها قبل كده
                    نقاط معينة محتاجة رد
                    لأ أنا قرأت كلامك كويس جداً
                    أينعم أنا استاذ في جامعة الأزهر .. ولكن كنت أريد أن أعرف من أناقش ، وما مدى تخصصك فيما ذكرت حتى أصل إلى المدى الذي يمكن البدء منه دون كتابة كلام مرسل أو معقد

                    الاذآن الاول ليس بدعة و لكنه ثابت في عهد الرسول عليه الصلاة و السلام بإقراره ... حيث قال:إن بلالاً يؤذن بليل فكلوا واشربوا حتى يؤذن ابن أم مكتوم
                    يعني بلال كان بيأذن الاول قبل الفجر بشوية ... و وقت اذان الفجر الحقيقي بيأذن ابن ام مكتوم
                    هذا الحديث رواه البخاري وهو حديث صحيح قطعاً ، ولكن مد العمل بالأذانين في غير رمضان تفتكر كان سنة ولا بدعة .. ولو كان إقرار الرسول صلوات الله وسلامه عليه على النحو الوارد لكان واجباً فلماذا اعتبر الفقهاء الأذان الأول مندوباً وهو أقل درجات السنة .. إذاً الأمر لم يخل من اجتهاد مصاحب للنص لتحديد مدار مشورعية الأذان الأول

                    اما بقية الامثلة فهي تعد من باب الخطأ او الخلاف الفقهي و لا اراها من باب البدع
                    القاعدة: ان اي حكم شرعي بني على دليل حتى و لو كان ضعيفا فهو ليس ببدعة ... انما قد يكون خطأ
                    ما مصدر هذه القاعدة رجاء إثبات الدليل أو المرجع .. إذ كيف يمكن أن يكون حكماً شرعياً من باب الخطأ وكيف يستقيم الحكم الشرعي مع الخطأ
                    وهذه الأمثلة التي لا تراها حضرتك بدعة .. جوابها كالتالي :
                    رأى الإمام مالك وجوب ترك المسجد الذي يعمد إلى قراءة سورة السجدة في صلاة الفجر ليلة الجمعة واعتبرها بدعة ( الشرح الصغير للإمام الدردير ، وبلغة السالك للعلامة الصاوي )
                    بل إنه رأى في المدونة أنك إن فوجئت في صلاتك بإمام يقرأ السجدة ليلة الجمعة فلا تسجد وعليك مخالفته
                    قال : وقال مالك : إذا قرأ السجدة من ليس لك بإمام من رجل أو صبي أو امرأة وهو قريب منك وأنت تسمع [ المدونة ص: 201 ] فليس عليك السجود .
                    والمقصود بمن ليس لك بإمام أي من لم تعتد على الصلاة خلفه ، وكلامه عن الصبي والمرأة حيث قال بجواز إمامة الصبي للصبيان وجواز إمامة المرأة للنساء فلا خلاف
                    والأمر ذاته أقره الحنفية حيث ورد في فتح القدير : قوله ويكره أن يوقت ) كالسجدة والإنسان لفجر الجمعة والجمعة والمنافقين للجمعة .

                    قال الطحاوي والإسبيجابي : هذا إذا رآه حتما يكره غيره .

                    أما لو قرأ للتيسير عليه أو تبركا بقراءته صلى الله عليه وسلم فلا كراهة , لكن بشرط أن يقرأ غيرهما أحيانا لئلا يظن الجاهل أن غيرهما لا يجوز , ولا تحرير في هذه العبارة بعد العلم بأن الكلام في المداومة .

                    والحق أن المداومة مطلقا مكروهة سواء رآه حتما يكره غيره أو لا , لأن دليل الكراهة لا يفصل وهو إيهام التفضيل وهجر الباقي ص 338

                    ورأى الإمام أبو حنيفة أن القنوت في الفجر غير صحيح ، وأن الوارد هو القنوت في الوتر فقط ( الاختيار لتعليل المختار الجزء الأول كتاب الصلاة ، فصل في القنوت )

                    لو كنت تقصد الآية الكريمة: { إنما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل فريضة من الله والله عليم حكيم } فالمراد بالصدقة ها هنا الزكاة المفروضة ... و ليست صدقة التطوع كما يتبادر الى ذهن البعض !
                    ان لم تقصد هذا فبرجاء التوضيح
                    مصارف صدقة التطوع لا تختلف عن مصارف الزكاة إلا في الوالدين والأقربين فقط
                    ا قوله تعالى : { يسألونك ماذا ينفقون قل ما أنفقتم من خير فللوالدين والأقربين واليتامى والمساكين وابن السبيل وما تفعلوا من خير فإن الله به عليم } والآية ليست عن مصارف الزكاة المفروضة باتفاق العلماء راجع أحكام القرآن لابن العربي
                    وهو تحفيز على إعطاء الفقراء من الأقربين المال ، حيث لا تجوز صدقة على قادر على الكسب ، وفي تحبيب الإنفاق على الأقربين
                    قوله صلى الله عليه وسلم : أخبرنا أحمد بن علي بن المثنى قال حدثنا أبو خيثمة قال حدثنا محمد بن خازم قال حدثنا الأعمش عن شقيق عن عمرو بن الحارث بن المصطلق عن بن أخي زينب امرأة عبد الله بن مسعود عن زينب قالت خطبنا رسول الله صلى الله عليه وسلم فقال يا معشر النساء تصدقن ولو من حليكن فإنكن أكثر أهل جهنم يوم القيامة قالت وكان عبد الله رجلا خفيف ذات اليد فقالت سل لي رسول الله صلى الله عليه وسلم أتجزيء عني من الصدقة النفقة على زوجي وأيتام في حجري قالت وكان رسول الله صلى الله عليه وسلم قد ألقيت عليه المهابة فقال لا بل سليه أنت قالت فانطلقت فإذا على الباب امرأة من الأنصار حاجتها حاجتي اسمها زينب قالت فخرج علينا بلال فقلت له سل لنا رسول الله صلى الله عليه وسلم أتجزىء عنا من الصدقة النفقة على ازواجنا وأيتام في حجورنا قالت فدخل بلال فقال يا رسول الله على الباب زينب فقال رسول الله صلى الله عليه وسلم أي الزيانب قال زينب امرأة عبد الله وزينب امرأة من الأنصار تسألان عن النفقة على أزواجهما وأيتام في حجورهما أيجزيء ذلك عنهما من الصدقة فقال رسول الله صلى الله عليه وسلم نعم لهما اجران أجر القرابة وأجر الصدقة صحيح ابن حبان كتاب الرضاع الحديث رقم 4248

                    فالمراد التحبيب على تقديم الأقربين من المحتاجين إذ لا تتصور صدقة على موسر سواء كان قريباً أو يتيماً ، ولو تمت لاعتبرت هبة وليست صدقة حيث انتفت

                    اتفاق اهل العلم على عكس هذا !!
                    و القياس ان تقيس مثلا دخول الحائض المسجد على دخول الجنب ... فالقياس هنا جلي
                    اما انفاق الزكاة على المراكز الصحية فبالقياس على ماذا ؟؟
                    أولاً أنت هنا الذي تقول إنفاق الزكاة على المراكز الصحية ، وهذا لم يرد في قولي إذ كيف لي أن اعتبر الزكاة سنة حسنة ، وهي فريضة مفروضة مجمل كلامي كان أن الإنفاق لم يرد كمصرف للزكاة ولا للصدقة يعني أنا نفيت ولم أثبت وذكري لكلمة القياس الشرعي تنصرف إلى الصدقة فقط حيث لا قياس شرعي في مصارف الزكاة ، وهذا لا يعد خطئاً مني ولكنه خطأ في فهم الكلام .. فإذا كان هذا هو مقصدك في الرد على كلامي ففي ردي الكفاية ، وإن كان ردك يشمل الصدقات ورؤيتي هنا التي تعني أن التوسع في مصارف الصدقة حين يتعدى المصارف الثمانية إلى الإنفاق على المراكز الصحية فبرجاء أن تبرز لي اتفاق أهل العلم الذي تدعيهم في تحريم الإنفاق على المستشفيات .. وإن لم تجد فمن الطبيعي أن تعترف معي أن هذه سنة حسنة لم ترد فيمن سبقنا ولا يوجد عليها دليل قطعي الثبوت والدلالة .


                    ايه دليل التأصيل ده
                    حضرتك وصلت الى مصدر من مصادر التشريع ... يبقى المفروض طبعا يكون المصدر ده ليه دليل شرعي ... ايه هو؟
                    و الاستحسان ده يكون من قبل مين ... اي مسلم ولا العلماء بس و لا مين بالضبط
                    و بعدين حضرتك بتقول الاستحسان العقلي ... و حضرتك طبعا عارف ان عقل الانسان قاصر ... يبقى ازاي هعتمد على عقل قاصر كمصدر شرعي
                    هنا ينبغي التوقف .. أنت تتحدث عن مصدر ثابت من مصادر التشريع الإسلامي سواء اعتبره الأصوليون من المصادر المختلف عليها في درجتها وليس أصلها كعمل أهل المدينة ، وقول الصحابي ، والاستصحاب ، والمصالح المرسلة ..الخ
                    فلو حضرتك متعرفش عن هذه المصادر فالأولى بك التوقف ومراجعة كتب الأصول سواء الحنفية التي حبذت الاستحسان أو غيرها ولم يعارض الاستحسان سوى الشافعي رحمه الله تعالى ..
                    وطبيعي أن يكون الاستحسان العقلي من قبل مجتهد حاز نصيباً من أدوات الاجتهاد وليس للعوام والجهال من الناس ..
                    وأنا لست معك في أن عقل الإنسان قاصر كما تدعي وإن كلمتك هذه تنفى فكرة الاجتهاد وتنسفها من أساسها .. وهو أمر منتفي الحدوث عند جميع العلماء باتفاقهم .


                    انا مش فاهم الكلام الحقيقة
                    تقصد ايه "بالمعرفة" و كمان في العقيدة
                    يعني اتفكر بعقلي عشان اعرف ربنا ... زي المقولة الشهيرة "ربنا عرفوه بالعقل" و لا ايه ... انا فعلا مش فاهم مقصودك
                    و بعدين العقيدة مفيهاش تقدير الحاجات وفق مقتضيات الزمان ... العقيدة ثابتة ... الفقه هو اللي ممكن يتغير مع الحاجات
                    الكلام الحقيقة داخل في بعضه شوية ... او كتير ... مش قادر افهم منه معنى محدد
                    هذا أيضاً مبحث كامل في علم العقيدة والأصول ولا يسع المقام هنا لذكره ، فهو يتداخل مع العديد من المداخلات والسجالات الفكرية في التاريخ الإسلامي بين المعتزلة وأهل السنة وغيرهم
                    ولك أن تعلم أن من قال بوجوب التقليد هم الشيعة فقط من المذاهب الإسلامية
                    وإليك نص منقول يوضح في عجالة فكرة المعرفة في الإسلام
                    التوحيد من حيث هو مبدأ للمعرفة: إن الإيمان بالله والإقرار بوحدانيته تعالى هو المبدأ الأول للإسلام، والوحدانية هي نقطة البحث عن الحقيقة أو المعرفة في الفكر الإسلامي؛ حيث إن وجود الله تعالى وإرادته وأفعاله هي الأسس الأولى التي يقوم عليها بناء كل الكائنات وكل المعارف وأنظمتها.
                    مصادر المعرفة في التصور الإسلامي: 1-الوجود: يؤكد الخالق -عز وجل- على دور الحواس في اكتشاف المعرفة المحيطة بالإنسان، كذلك النظر العقلي والتأمل والتفكر في الكون ومكوناته، كما دعا الخالق -عز وجل- إلى عدم تقليد السابقين، لأن التقليد يُعطل العقل عن البحث وإدراك الحقيقة. 2-الوحي : يتميز الوحي عن الوجود كمصدر من مصادر المعرفة في الفكر الإسلامي بأنه يدرك الحقيقة المطلقة أو يدرك الأشياء على حقيقتها بشكل منزه عن الخطأ. ويقدم الوحي معارف متنوعة؛ إذ يقدم -منفرداً عن كل وسائل المعرفة التي تندرج تحت مصدر الوجود- معرفة تتعلق "بالغيب"، ومعرفة تتعلق بالقوانين الطبيعية في الكون، ومعرفة تتعلق بالسنن الحاكمة للوجود الإنساني. وتتميز المعرفة في التصور الإسلامي بعدد من السمات البارزة 1-عدم الفصل بين المعرفة والعمل: إن المعرفة في الرؤية الإسلامية ليست غاية في حد ذاتها، ولكن لا بدّ أن تلحقها مرحلة أخرى تتمثل في السلوك أو العمل. 2-تكامل المعرفة: التصور الإسلامي للمعرفة متكامل لا يعرف التنافر، ولا يحتوي على القطيعة المعرفية بين أجزائه؛ فهناك تكامل بين الوجود والوحي، وتكامل بين النظر والعمل، وتكامل بين المعرفة العلمية والمعرفة الغيبية، وكل ذلك نابع من تجليات مبدأ التوحيد في وحدة الحقيقة.
                    ولقد كان ذلك على العكس من التجربة الغربية التي حدث فيها التعارض والتنافر بين المعرفة العلمية والمعرفة الميتافيزيقية الدينية. 3-الإنسان هو خليفة الله في الأرض: من بين العناصر الهامة التي تشكل التصور الإسلامي للمعرفة تحديد مركز الإنسان من العالم باعتباره حاملاً للأمانة الإلهية مما جعله خليفة لله في أرضه، وأن مضمون الخلافة هو إعمار الكون والإصلاح فيه وعبادة الله - سبحانه وتعالى -
                    وأما التقليد فهو :
                    التقليد في المُصطلح الديني هو : قبول قول الغير و الاعتماد على ما توصّل إليه في رأيه العلمي من غير سؤال عن الأدلة و البراهين التي اعتمد عليها ، و إنما سمي تقليداً لأن المقلِد يجعل ما يلتزم به من قول الغير من حق أو باطل قِلادةً في عنق من قلّده .

                    أرجو أن تكون الفكرة قد وضحت ..

                    في الآخر انا عايز بس اسالك سؤالين
                    اول سؤال ... ايه رايك في السبحة او المسبحة ... شيء حسن ولا لأ ... انا عقليا بقول انها شيء كويس اوي عشان تقدر تضبط التسبيح و تذكر ربنا و الذكر ليه فضل كبير ... فهي على حد كلامك مستحسنة عقلاً ... فهل تعتقد انها مستحسنة شرعاً ؟
                    ما لقصد من هذا السؤال أصلاً .. انت شايف إنها مستحسنة عقلاً .. وأنا شايفها مباحة لا تحتمل حكماً شرعياً أكثر من هذا إذ لا يعاقب فاعلها ولا يثاب وكذا تاركها .

                    تاني سؤال ... لو كانت قراءة الفاتحة قبل البدأ في اي عمل او قول حرما بعد الصلاة - او ما شابهة من الامور المستحسنة عقلاً- حسنة فلماذا فوت علينا الرسول عليه الصلاة و السلام هذه المعلومة و لم يقلها لنا كما اوصانا بالبسملة عند اي عمل ؟؟ هل نسي ام تعمد تفويت هذا الفضل علينا ؟؟
                    أعتقد إن سيادتك عارف أن الرسول صلوات الله وسلامه عليه كان يبدأ كلامه وأفعاله بالبسملة وحمد الله والثناء عليه وهذا غير خاف على أحد ، فإن الله عز وجل قد بدأ القرآن بالبسملة ، وإن الأنبياء كسليمان عليه السلام بدأ رسائله بالبسملة ، وعليه كان فعل الأمة وكان الكل يردد قول الرسول صلوات الله وسلامه عليه "أبدأ بما بدأ الله به " وهو البسملة والحمد .. وهذه سنة متبعة لم يغفلها الرسول صلى الله عليه وسلم بل غفلتها أنت ..
                    وإذا كان رسول الله صلى الله عليه وسلم قد أمر الناس بالتيامن في قوله عليه الصلاة والسلام { إن الله تعالى يحب التيامن في كل شيء حتى التنعل والترجل } .
                    أبو داوود كتاب اللباس حديث رقم 4140
                    لكان فعله بالبسملة أولى بالاتباع قطعاً ..
                    وهذه مسألة ثابتة لا تتعلق لا باستحسان ولا بقياس ، ولكن تقديم البسملة وفضلها سنة مؤكدة واردة وثابتة .
                    لو تحب نكمل النقاش يا دكتور ياريت يكون كلامك مدعم بادلة و اقوال اهل العلم ... و الا فانا متوقف عند هذا الحد
                    جزاكم الله خيرا و السلام عليكم
                    أنا كلامي مدعم بالأدلة أهه .. المهم أن يأتي كلامك مدعماً بالأدلة على المستوى ذاته من أكابر الكتب وأمهاتها ، ومن قول علماء المسلمين ممن ينطبق عليهم لفظ المجتهد والفقيه دون المحدثين منهم ممن وقعوا في مغبة التقليد والتكرار دون إعمال النظر ومقارنة الأدلة ..

                    وفي النهاية تقبل خالص مودتي .. وأنا في انتظار ردك
                    [CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]

                    Comment


                    • #55
                      عادي الرقاصه راحت عمل عمره و لما رجعت السكرانين قالولها متعينا يا حاجه
                      جايين تمسكوا قناه قالت كده
                      و النبي و النبي ماتمسكوش في حجات كده كتير لحس الواحد خلاص ماعدش عارف ايه الصح و ايه الغلط
                      ازا اردت الحكمه فالزم الصمت
                      و ازا اردت الرزق فالزم الاستغفار
                      و ازا ارد المهابه فالزم قيام اليل
                      لا اله الا انت سبحانك اني كنت من الظالمين
                      حزين لما يحدث لاخواني في غزة :120146b

                      Comment


                      • #56
                        نقاش رائع .... انا متابع
                        [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                        [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                        [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                        Comment


                        • #57
                          اللهم لا تؤاخذنا بما فعل السفهاء منا
                          [shfaf]http://www.nileup.com//uploads/images/domain-f27ea4af2a.jpg[/shfaf]

                          Comment


                          • #58
                            المشاركة الأصلية كتبت بواسطة aif مشاهدة المشاركة
                            نقاش رائع .... انا متابع
                            كلنا هذا الرجل :)
                            [CENTER][FONT=Comic Sans MS][SIZE=4]لا اله الا الله * محمد رسول الله[/SIZE][/FONT][/CENTER]
                            [CENTER] وَبَشِّرِ الصَّابِرِينَ..[/CENTER]
                            [CENTER][FONT=Comic Sans MS][SIZE=3][URL="http://www.youtube.com/watch?v=nYAgpstGD0U&feature=related"]علاء الدمرداش[/URL][/SIZE][/FONT][/CENTER]

                            Comment


                            • #59
                              آسف يا جماعة مش قادر اتابع لاني مشغول جدا في تجهيز الصيدلية ... ان شاء الله اكمل النقاش في اقرب وقت ... دعواتكم بالتوفيق
                              و السلام عليكم

                              Comment


                              • #60
                                السلام عليكم
                                آسف على التأخير
                                بداياً انا في الاصل صيدلي و لكني اطلب العلم الشرعي منذ فترة
                                و الحقيقة شيوخي من السلفيين كلامهم مختلف تماما عن كلام حضرتك و القواعد اللي ماشيين عليها برضه اعتقد انها مخلتفة كتير
                                موضوع البدعة عندهم برضه شايفة مختلف تماما
                                انا يمكن مقدرش اجيبلك دليل على كل كلمة بقولها لكني بنقل الكلامهم ... في حاجات عارف تفصيلاتها كويس و في حاجات باتبع فيها شيوخي دون بحث طويل عن الادلة و التفصيلات

                                من اول القواعد اللي اتعلمتها في شيخي الشيخ مصطفى محمد المحاضر في الاكاديمية الاسلامية مادة الحديث ... ان ما دام مسلم بيتبع فعل معين و بيعتقد انه حسن لدليل عنده ... يبقى لا اتهمه بالابتداع حتى لو كان هذه الدليل ضعيف
                                بمعنى ما دام بيستند لدليل بصرف النظر عن صحة الدليل يبقى غير مبتدع ... انما لو واحد بيستحسن فعل من دماغه يبقى هنا ده مبتدع
                                عشان كده كنت بقول لحضرتك ان بعض الافعال اللي تراها بدعة هي ليها دليل و لكن حصل لبس في فهم مناط الدليل يبقى هنا ده خطأ و مش بدعة
                                و ممكن يكون كلام الفقهاء بالابتداع في بعض الامور من باب التوسع في مصطلح البدعة

                                و طبعا قبل كل ده لازم عشان نتهمه بالابتداع نطبق عليه 3 شروط
                                1- العلم و عدم الجهل
                                2- القصد و عدم الخطأ
                                3- التخيير و عدم الاجبار
                                و دي عموما الشروط اللي يجب توافرها للحكم على معين

                                بخصوص الاستحسان ... انا درست رسالة الاصول من علم الاصول لابن العثيمين و لم يتكلم مطلقا عن الاستحسان
                                و لكن فيما اعلم ان الاستحسان يختلف تماما عما ذكرت في انه استحسان بالعقل ... و هذا هو ما شنع عليه الشافعي في كتابه الام و قال من استحسن فقد شرع
                                اما الاستحسان فيما اعلم فهو: العدول بحكم المسألة عن نظائرها لدليل شرعي خاص ... او بمعنى آخر : مسألة جزئية تخالف القاعدة الكلية لدليل جاء بذلك
                                اي انه قد يكون هناك دليل خاص بهذه المسأله يخرجها من الدليل العام
                                او ان يكون هناك دليلين متعارضين ظاهرياً و نرجح احدهما على الآخر
                                او ان يكون الدليل الاول منسوخ

                                فكل الاحتمالات تعتمد على دليل و ليس العقل
                                و بالمناسبة يعتقد البعض ان السلفيون يهدرون العقل بالكلية خاصاً انصار المدرسة العقلية التي تقول ان العقل مناط التكليف و قد رفع الله القلم عن المجنون فكيف لا يكون العقل مصدر للتشريع ... و هذا غير صحيح مطلقا ... السلفيون يقولون بان العقل ليس مصدر للتشريع انما هو وسيلة لفهم مصادر التشريع
                                فاكثر علوم الشريعة ان لم تكن كلها تحتاج الى العقل ... و علم اصول الفقه مثلا ما هو الا استنباطات عقلية للقواعد الفقه من النصوص
                                و ما زلت اقول ان العقل قاصر و يخطأ كثيرا و هذا ليس كلامي و لكن كلام رسول الله صلى الله عليه و سلم الذي شجع على الاجتهاد و قال من أخطأ فله أجر و من أصاب فله أجران ... و انا لم اسمع عن عالم لم يخطأ قط في مسألة ...

                                اعذروني على الاطالة ... حتى الامام البخاري الذي يقول عنه كبار علماء الامة ان كتابه اصح كتاب بعد كتاب الله كان يخطأ في تخريج بعض الاحاديث ... و لكن ... ليس في كتابه الصحيح ... و لكن في كتبه الاخرى مثل الادب المفرد و التاريخ الكبير
                                لان هذا مما انتشر على السنة من ينتمون الى المدرسة العقلية انه ما دام البخاري بشر يخطأ غير معصوم فكيف تقولون بانه لم يخطأ في كتابه الصحيح
                                نقول بأن البخاري بشر يخطئ لكن حتى نتهمه بالخطأ يجب ان نقيم الدليل على ذلك
                                فلا يعقل ابدا ان تتهم امرأة بالزنا لمجرد انها ليست معصومة !!!
                                فقد اخطأ البخاري في تخريج بعض الاحاديث و لكن خارج كتابه الصحيح
                                و قد يكون خطأ البخاري في اي امر من امور الحياة ... ام انه يجب ان يكون خطأ البخاري في كتابه الصحيح فقط ؟!

                                بخصوص السبحة انا شايفها عقلا مستحسنة و حضرتك بتقول مباحة
                                عبد الله بن مسعود لما لقى ناس بتسبح بالحصى قال ايه: والذي نفسي بيده إنكم لعلى ملة هي أهدى من ملة محمد ؛ أو مفتتحو باب ضلالة
                                و خلي بالك ابو موسى الاشعري لما شاف الجماعة دول في المسجد و راح يقول لابن مسعود قاله ايه:يا أبا عبد الرحمن إني رأيت في المسجد آنفا أمرا أنكرته ولم أر والحمد لله إلا خيرا
                                ازاي شاف حاجة انكرها و بيقول لم اراى الا خيرا ؟!
                                لان زي ما قلت لحضرتك فكرة السبحة او التسبيح بالحصى مستحسنة عقلاً ... لكن شرعاً ... رد ابن مسعود كافي

                                حاجة تانية بالمناسبة
                                شد حبل في المسجد لضبط الصف ... ده شيء مستحسن علقاً لامر الرسول عليه الصلاة و السلام بتسوية الصفوف ... لكن السلفيين ينظرون اليها بنظرة أخرى ... و هي ان كل فعل وجد سببه في عهد الرسول عليه الصلاة و السلام و لم يفعله فهو بدعة
                                الرسول عليه الصلاة و السلام كان يقدر انه يشد حبل لضبط الصف ... ولا مكنش يقدر ؟؟ ... و لكنه معلمش كده و كلف الامام انه يضبط الصف و لو الامام مقدرش لاي سبب يكلف حد يضبط الصف
                                يبقى ما دام الرسول عليه الصلاة و السلام معلمش كده ... يبقى انا كمان معملش
                                طبعا ممكن واحد يقولي يعني العربية و الموبايل بدعة ... طبعا انا كلامي ميتفهمش منه كده خالص ... ده غير ان الموبيل و العربية ملهومش اي علاقة بالشرع

                                انما لو جينا مثلا لموضوع التكييفات بالمساجد ... بدعة ؟؟
                                طيب نشوف ... هل التكييفات كانت موجوده على عهد الرسول عليه الصلاة و السلام و بالرغم من كده ماستخدمهاش في المسجد؟؟ اكيد لأ
                                طيب في اي دليل قريب من موضوع التكييف ده؟؟ آه في ... قال صلى الله عليه و سلم: إذا اشتد الحر فأبردوا عن الصلاة ، فإن شدة الحر من فيح جهنم .
                                يعني لما الدنيا تبقى حر اوي ممكن اننا ناخر الصلاة شوية عن اول الوقت
                                لان وقت اذان الظهر مثلا بتبقى الشمس عمودية تقريبا و طبعا الحر بيكون شديد فممكن اني استنى شوية لحد ما الشمس تميل و الحر يخف شوية
                                يبقى اذا كان الرسول عليه الصلاة و السلام اوصى بالابراد ... يبقى وضع تكييف في المسجد اولى

                                انا بس حبيت اوضح الصورة ان العلماء ليهم مسالك و ضوابط ماشيين عليها مش زي ما الناس فاكره ان كل حاجة بدعة عندهم و خلاص

                                نرجع برضة لموضوع الفاتحة تاني
                                حضرتك بتشرحلي ادلة البسملة ... و انا متفق معاك في البسملة انما انا بتكلم عن قراءة الفاتحة ... و لا حصرتك شايف ان الاتنين سواء ؟

                                و ارجع و اقول ان اي فعل او قول ليه فضل شرعي يستحيل ان الرسول عليه الصلاة و السلام يفوت علينا هذا الفضل

                                جزاك الله خيرا يا دكتور احمد على حسن الحوار و سعة الصدر
                                استفدت كتير الحقيقة من نقاشي معاك ... و ان كنت مختلف معاك في بعض النقاط ... اعتبرني تلميذ و بختلف مع استاذي
                                لكن اختلاف الرأي لا يفسد للود قضية
                                تحياتي
                                و السلام عليكم

                                Comment

                                Working...
                                X