( البقشيش ) حق مكتسب ام مص لدماء البشر !

[Y a r i s]

( البقشيش ) حق مكتسب ام مص لدماء البشر !
منذ الاحتلال التركي. واحنا خدنا منهم عادة سيئة جدا .... وهيا الاكرامية .... التي تدفع اذا ادى العامل عمله. فابدع واحسن من عملة .... لكن دلوقتي تلاقي واحد ابن ستين في سبعين يجي. يعملك الحاجة يبوظهالك ويقولك فين بقه الحلاوة

ومنهم. الي بيسميها حسنة .... تقلش انتا بقه بقيت ملاك وبتوزع حسنات
وفي منهم الي بيسميها وهبة لكني مش إلاه. كي اهب الناس
وفي منهم بيسميها الشاي بتعنا ياباشا .... لكني مش اهوجي وحياة الي خيلفتك
ده حتى في سوريا مبيقولوش الشاي بتعنا لا بيقلك وين القهوه بتاعتنا
في لبنان بيقلك فين السكر بتعنا او حلوانا. او تحلي تم الشباب
@@@@@@@
المهم
الله يخرب بيت كده .... عندنا هنا في مصر وضع تاني
اشتغل حلو ولا مشتغلش وعكلك الدنيا. يقولك وهو بيجعر في وشك اومال فين الشاي بتعنا ياباشا .... وتبقا عاوز تجعر في وشوا انتا كمان وتقولوا شاي ايه يابن. ستين. تيييييييت مش كفاية كسرتلي مش عارف ايه. مش كفاية شرختلي البتاعه مش كفاية بوظتلي الدنيا. وبدل ما اخود منك فلوس تمن الحجات الي بوظتها وكسرتها. لا اديتك حقك. لان رسولنا الكريم قال واعطو الاجير. حقه قبل ان يجف عرقه. كتك القرف انت وعرقك وبجاحتك وفوق ده كلوا بدل ما تقول كتر خيرك لا مش عاجبك ان اديتك فلوس انتا متستحقهاش وكمان عاوز بقشيش ولا تيبس فوق الشغلك المنيل يا منيل
بجد حاجة تحرررررررررررررررررق الدم
هو انا قاعد على بنك. ولا شغال في مطبعت طبع فلوس
المشكلة الموضوع اتقلب من حاجة كده طالعه من نفسك اكرامية. لحاجة شبه. بلطجية يعني مش مكفيك الفلوس الي اتفقنا عليها لا وكمان عاوز تاخود. اكتر من حقك جزاء لشغلك الي زي القرف .... والموضوع بقه منتشر في كل شيء وفي كل حاجة. واصبح اتاوة. وغصب عنك والا بعد كده مش هعملك حاجة ولا هشتغل عندك
وينزل من عندك وتحسوا كده قاعد بيشتم فيك ويلعن في الي خلفوك وهو بيقول كتكم القرف زباين اخر زمن
ههههههههههههه. ولا ايه رايكم يا شباب !!!

[Y a r i s]

امبارح مثلاً كنت في فندق بحضر فرح ابن صديقي .... وانا واقف مع صديقي ابو العريس بصيت لقيت واد جربان كده وصغير دخل وجه لابو العريس .... المهم صحبي لمن شافوا بيسلم عليه ومع زيطت الفرح افتكروا بيسلم ويهني فراح ابو العريس واخدوا بالحضن والبوس وباسوا من هنا ومن هنا

المهم الود راح قلوا انا تبع ال دي جي. وعاوزين الشاي بتعنا .... فراح الراجل مديلوا

شوية تاني بصيت لقيت واد. باين على كمننس كده وفي بوقوا لبانه جي يسلم على ابو العريس فراح ابو العريس بايسوا من هنا ومن هنا ووخدوا بالحضن افتكروا من اصحاب ابنوا. .... وبعدين الواد الكتكوت المضروب ده بيقولوا احنا تبع فرقة الزفة ولسه محدش شافنا بحاجة. طيب عاوز ايه يا ابني انتوا مش واخدين حسابكم قال اه بس لسه مكلناش. ومخدناش حسنيتنا

شوية تانية جيه المبعوث الرسمي لفرقة العوالم .... قال ايه الرقاصة رقصت. ومحدش نقطنا بجنيه واحد وعاوزين ياخدوا نقطه من ابو العريس تقلش سلو بلدهم كده هههههههههه

الرابع بقة سواق العربية جي وقال ايه عاوز طبق كمان من البوفيه وياكول علشان من الصبح على لحم بطنوا

الخامس بقه جيه يسلم على ابو العريس فراح ابو العريس مكشر كده وقالوا : نعممممم عاوز ايه انتا كمان ...
فراح الراجل رادد قالوا انا الدكتور
راح صديقي قالوا وهو قرفان ومقاطع لكلام الراجل : دكتور ايه انتا كمان كشفت على المعازيم ولا خدت عيانات من الاكل ولا واقف بعربيت الاسعاف بره
فراح الراجل اتكسف وقالوا : انا الدكتور خال العروسة لسه واصل من امريكا امبارح
وبقيت واقف انا وصديقي في نص هدومنا ومش عارفين نرد ونقول ايه. وكل ده بسبب التيبس حتى مش يخلوا عندهم دم احنا في ايه وهما في ايه. وبالذات في الافراح. او وانتا مشغول تبص تلاقي مصاصيين الدماء جاين لييك من كل حته. وكل واحد عاوز يهبر منك شووية ويقلبك في قرشيين بالطول وبالعرض ولو اديتهم خمسين مش عاجب ولو اديتهم ١٠٠ كمان مش عاجب. وحتى ٢٠٠ جنية مش عاجب ويقولك ايه ده ياباشا انا عاوز ٥٠٠ جنيه اقل واجب

وحسبي الله ونعم الوكيل فيهم

[أبو صلاح]

ياباشا التيبس في مصر بقى حاجة رسمية وشرعية كمان وبيتدلع اسمها لخدمة تدفع عليه ضريبة
بالظبط زي حوار ال 12% وبعد كده تدفع ضريبة 10% عليها
انا داخل اخد خدمة سعرها محدد اجي ابص في الفاتورة الاقيها كبرت ماشاء الله ادول على السبب
استهبال رسمي
وفوق ده كله ادفع تيبس
يعني ابقى واخد حاجات ب 100 ج تدفع على الاقل 130-140 ج

استنطاااااااااع

[Y a r i s]

الله ينور عليك يا ابو صلاح فعلاً هو استنطاع
ومص لدم الناس الغلبانه وانا مش عارف مين الي ابتدع فكرة ١٢٪ خدمة دي
ده حتى في المطاعم الامريكية يقلك الوجبة ب ١٨ جنية وصورة جميلة. ووجبه كبيرة وتيجي تحتسب تدفع. ٢٨ جنيه على الوجبة او ٣١ جنيه انتا عارف ده حتى الحمام تلاقي واحد واقف ياخود منك. جباية. كده على باب الحمام ويناولك المناديل بايدوا الموثه كده وهو بيقلك كل سنة وانتا طيب. وحاجة تقررررف ليه الناس متحترمش عقلايات الناس ويقولك الحاجة دي بكزا. وصلى الله وبارك لاياخود مليم اقل ولا ياخود مليم اكتررررررر الي اتفقنا عليه وبس. لييييييه !

[معتز الدهشورى]

والله الموضوع ده مهم جدا لان الواحد لو حسب البقشيش اللى هو بيدفعه فى الجراج والبنزينة والحمام والبوفيه بتاع الشغل وغيره وغيره يلا قي نفسه بيدفع 200 - 300 جنيه شهريا يعني 2400 - 3000 سنويا يعني 20 واحد من المنتدى بيدفعوا 48 الف - 60 الف جنيه فى السنة بقشيش .. يانهار ابيض يعني تمن عربية محترمة

اظن اننا محتاجين اعادة نظر فى موضوع البقشيش ده لان المبالغ دي لو اتجمعت في حاجة مفيدة هتبقى كبيرة جدا
وانا اول واحد جاهز لتقليل البقشيش ووضع مبلغ التوفير فى حاجة مفيدة

[hossam_elwani]

الموقف بتاع ابو العريس ده ينفع فى فيلم كوميدى هههههههه


البقشيش انا بحاربه بأنى اكون معنديش دم ولا بسأل فى اى حد اطلاقا

[sas5]

السلام عليكم ورحمه الله
السنه الماضيه دخلت محطه بنزين انظف واغسل السياره وكانت التكلفه التى دفعتها قبل بدء الشغل 20 جنيها
ابتدأت فى شفط التراب من داخل السياره جالى راجل عايز البقشيش اعطيته 2 جنيها لم يعجبوه وبرطم فى الكلام.
جاء من يغسل العجل من الخارج بعد ذلك وطلب البقشيش قلت له لما اخلص السياره
جاء من يلمع السياره من الداخل وطلب البقشيش قلت له لما اخلص السياره
ذهبت بعد ذلك لشخص وضع الفوم على بودى السياره وغسله بالمياه وطلب البقشيش قلت له لما اخلص السياره وجدته بيبرطم وبيشتم فلم استطع النزول من السياره لان السياره بعد ذلك دخلت الماكينه بتاعه الغسيل وبعد خروج السياره جاء العامل الذى على الماكينه وطلب البقشيش

فى هذا الوقت استطعت الخروج من السياره واخذت ازعق بصوت عالى وطلبت مدير المحطه واخبرته عن العامل الذى وضع الفوم وكان بيشتم وعليت صوتى فنده العامل واخبره ان عنده خصم يوم.
فوجدت العمال يتجمعون على ويقولوا حرام حرام.
طبعا انا عارف انه لن ينفذ الخصم لانهم كلهم عصابه واحده.
وطبعا السياره بعد ذلك فى تنشيف المياه بالفوطه وطبعا عايزين بقشيش
هل كان المفروض ادفع فى غسيل السياره 20 جنيها وادفع بقشيش 20 جنيها هل يرضى ربنا هذا.
بعد ذلك لا ادخل ابدا فى هذا البنزينه لغسيل السياره.
نفس الموضوع يتكرر الان كل ماندخل محطه بنزين تجد العامل يمد يده او يرجع لك الباقى كلها جنيهات فضه حتى تعطيه البقشيش.
بالرغم من انه لم يفعل شى سوى اداء وظيفته وهى تموين السياره بالبنزين فقط.
ولم يمسح الزجاج او يفعل شى اخر فى السياره.
نحن من اوصلنا نفسنا لذلك بان اعطينا حق لكل من يودى عمله باخذ بقيش وهذا اسلوب غلط لانك اذ لم تعطه البقشيش لن يؤدى عمله

[shaddadfalcon1]

اسوأ انواع البقشيش بقي اللي بشوفها في المستشفي يعني يبقي والدك ولا والدتك او اي حد من اهلك في عمليه وبطنه مفتوحه وانت ميت من الرعب عليه ومش شايف قدامك وتلاقي الممرضات والممرضين عمالين يضحكو ويهزرو وعشان بس يطلعوه من اوضة العمليات كل واحد فيهم عايزله مش اقل من 20 او 50 جنيه ولو مديتهمش حاجه يبقي مش هيعبروك ومش بعيد يسيبوه في الطرقه ويقولك دخله ولو واحده مخدتش تفضل كل شويه داخله طالعه تقول الف سلامه واوال متاخد متشوفش وشها تاني

زي مايكون مش بياخدو مرتبات او شايفين انك طالما دافع 5 ولا 10 الاف في عمليه يبقي اكيد معاك فلوس اكتر من كده وكمان يقولك عشان ربنا يشفيهولك كان يعني لو مخدوش العيان هيولع مكانه

[fineart607]

يا فندم ده انا بخش اجيب العلاج للواد وهو تعبان الراجل فى الصيدلية يقعد يتمحلس وفى الأخر بكل بجاحه بيقول لى خلى الباقى بقى وبيضحك
انا مش عارف فى ايه !!!!!!!!!!!!!!!!!!!!
كل حاجه لازم بقشيش واصبح بالعافيه نازل من الشغل وراكن العربيه فى شارع عام تلاقى واحد طلع لك من تحت الأرض او البوابين الى فى العمارة يبعتوا لك عيل ويتنح لك حاجه قرف

[amro1965]

انا بالامس ذهبت للميكانيكى فى بعض الصيانات المختلفه فى سيارتى
المهم تم الانتهاء من كل ذلك ذهبت لاحضارها وانا مقدر لسيارتى على الاقل من مائه الى مائه وخمسون جنيها
المهم اخبرت الميكانيكى كله تمام قالى تمام
اخبرته طلباتك قالى 60 جنيه
فما كان منى الا ان اعطيته 65 جنيه
ماذا تقولون فى ذلك هل ان مشجعا لعملية البقشيش ام لا

[Khaled Online]

Yaris باشا
موقف الفرح والدكتور اللي كشف عالمعازيم ده مش ممكن!

أقولكم مين كمان بيستنطع؟ سواقين التاكسي الأبيض. الحق يتقال معظمهم محترمين بس فيه منهم ... !!!

[Y a r i s]

مش عارف ليه حاسس. يا عزيزي Sasa5
ان حضرتك بتتكلم عن بانزينة موبيل الي في شارع الهرم .... لاني نفس الي حكيتاك بالضبط حصلت معايا .... وفعلاً يا اخي. حتى لو قلنا العمال دي غلابة وابصر ايه .... بس انا كمان غلبان ومن حقي اني اخش البانزينة اسئلهم عن بكام غسيل العربية يقولولي بكزا مش يدحكو عليا. ويخلوني ادفع قرش والاقي اني دافع عشرين قرش فوقهم بقشيش حاجة تفقع المرارة بجد

وكلوا كوم وعامل البانزينة كوم تاني الي كل مايمون العربية بياخود جنيه. على فوووول تانك بياخود جنيه وعلى عشرة ليتر بياخود جنيه

ده مره اديت العامل بعد ما ملالي ١٥ ليتر ربع جنيه مخروووووم. قعد يدحك. ويبص للربع جنية كانوا لقى حاجة من الذكريات. وبصيت لقيتوا رجع ورى العربية. وينده على زمايلوا. ( شوووووقي بص بص هاهاها ربع جنية ). ... ( ولاه يا احمد. بص بص الراجل اداني ربع جنيه ) ومخلاش واحد في المحطه الا وشاور على عربيتي وقلهم اني اديتوا ربع جنيه هههههههههههه. قمت مدور العربية وواخد العربية وحطيت ديلي في سناني وقلت يا فكيك قبل ما اتضح والناس تشاور عليا وتقول الراجل ابو ربع جنيه اهو اهو ههههههههه

[Y a r i s]

انا بالامس ذهبت للميكانيكى فى بعض الصيانات المختلفه فى سيارتى
المهم تم الانتهاء من كل ذلك ذهبت لاحضارها وانا مقدر لسيارتى على الاقل من مائه الى مائه وخمسون جنيها
المهم اخبرت الميكانيكى كله تمام قالى تمام
اخبرته طلباتك قالى 60 جنيه
فما كان منى الا ان اعطيته 65 جنيه
ماذا تقولون فى ذلك هل ان مشجعا لعملية البقشيش ام لا

لا انتا هنا مبتشجعش على عملية البقشيش بس تقدر تقول انك اديتوا فلوس زيادة احتياط علشان عارف انك هترجعلوا تاني. لانوا مشتغلش في العربية بزمة وضمير وبمجرد ماهتمشي شارع او شارعين زيادة هتسمع صوت وترجعلوا تاني هههههههههههه

يا فندم ده انا بخش اجيب العلاج للواد وهو تعبان الراجل فى الصيدلية يقعد يتمحلس وفى الأخر بكل بجاحه بيقول لى خلى الباقى بقى وبيضحك
انا مش عارف فى ايه !!!!!!!!!!!!!!!!!!!!
كل حاجه لازم بقشيش واصبح بالعافيه نازل من الشغل وراكن العربيه فى شارع عام تلاقى واحد طلع لك من تحت الأرض او البوابين الى فى العمارة يبعتوا لك عيل ويتنح لك حاجه قرف

اه واللهِ ده يا سيدي الفاضل لسه في صيادلة. تيجي تشتري منهم دوى وتديهم خمسين جنية. ويقولك مفيش فكه .... طيب اجيبلك. علبتين بالباقي ولاتاخود بيهم شريط تيرامدول ههههههه. حتى فاكر انوا ساحتها قولتلوا ايه الترامدول ده يا ابني. زي البنادول كده. قالي اه ههههههه. كان نفسي ابلغ عن الصيدلي والله وفي منهم الي يديلي بالباقي ملبس. ويقلي مفيش معايا فكة. والي يديني بالباقي استحلاب ويقلي علشان الزور ياحج والي يديني. بالباقي بلستر وحاجة اخر قرف ههههههههه

اسوأ انواع البقشيش بقي اللي بشوفها في المستشفي يعني يبقي والدك ولا والدتك او اي حد من اهلك في عمليه وبطنه مفتوحه وانت ميت من الرعب عليه ومش شايف قدامك وتلاقي الممرضات والممرضين عمالين يضحكو ويهزرو وعشان بس يطلعوه من اوضة العمليات كل واحد فيهم عايزله مش اقل من 20 او 50 جنيه ولو مديتهمش حاجه يبقي مش هيعبروك ومش بعيد يسيبوه في الطرقه ويقولك دخله ولو واحده مخدتش تفضل كل شويه داخله طالعه تقول الف سلامه واوال متاخد متشوفش وشها تاني

زي مايكون مش بياخدو مرتبات او شايفين انك طالما دافع 5 ولا 10 الاف في عمليه يبقي اكيد معاك فلوس اكتر من كده وكمان يقولك عشان ربنا يشفيهولك كان يعني لو مخدوش العيان هيولع مكانه

حصل ياباشا الموقف ده معايا كتيرررر .... ومعي انا شخصياً ابقى مرمي متلقح في السرير وعطشان وبصرخ من الالم. وممنوع اني اكول او اشرب واسمع صوت الممرضة بتدحك مع زميلتها بره وتقلها ابقي اعملي لجوزك حلت المحشي بالطريقة الي قلتلك عليها او شوية كوارع يرموا عضموا مع ان جوزك ده محتاج ترميم كامل هاهاهاها ههههههههههههه ... فاطر اديهم فلوس علشان يخلوا بالهم مني ويراعوني وياخدوا الفلوس من هنا مشوفش وش امهم من هنا خالص واقعد اضرب ساعه على الجرس لحد ما وحده تيجي تعبرني انا عرفت ليه جدي الله يرحموا ليه كل مكان يخش مستشفى كان لازم يتجوز ممرضة من الممرضات ويطلع من اوضة العمليات وهو شاقط وحده ههههههههه علشان يوفر فلوسوا ابن اللذينة ويخليها تراعيه وتخلي بالوا منوا في المستشفى وبره المستشفى وبعدين يطلقها هههههههه الله يرحمك ياجدي مخليتش دكتوره في مصر ولا ممرضة الا واتجوزتها ههههههههههه

الموقف بتاع ابو العريس ده ينفع فى فيلم كوميدى هههههههه


البقشيش انا بحاربه بأنى اكون معنديش دم ولا بسأل فى اى حد اطلاقا

ههههههههههه واللهِ ياحسام باشا حياتنا كلها. فيها نوع من الكوميديا. والطرافة انا مش عاوز اقولك. اني بضحك من همي وبترجم الي بشوفوا في الواقع لنوكته. علشان متشلشل حتى لو كان اتنصب عليا هههههه ، ااااااااخ. ياعزيزي. ااااااااخ دي بلدنا دي حتت دين بلد مفيش زيها في الكون كلووووو يسرقوك وتقعد تدحك انتا بعدها ساعتين على خيبتي ..... اده يا اخي تحس العالم بقت. ديابه فاكر الفيلم الامريكي الي في فايروس ضرب العالم بيخلي الناس معندهمش مشاعر ولا احاسيس ويبقو ميتين. ولكن بيتحركوا وكل واحد ياكول لحم اخوه او ياكول ابنوا وهوا حي فاكر الفيلم ده ليه كزا جزء كده بس مش فاكر اسمهم تلاقي الناس ما تصدق تلاقي واحد طيب وسليم. وماشي على رجليه تبص تلاقيهم يروا عليه. عاوزين ياكلوا لحموا حي. مش عارف ليه عندي احساس ان الفايروس ده في ناس كتير مصابة بيه مع الاسف من اولاد بلدنا !!!!

[OMAR61995]

فى أمريكا مثلاً لازم تدفع بقشيش فى حدود 10 أو 20 % حسب الخدمة
بس فى المقابل بتلاقى خدمة نضيفة و تعامل محترم و ابتسامة

انما فى مصر حاجة تانية خالص
3 حاجات حصلو هيخلوك تكره البقشيش على اللى بيطلبوه

1) كل ما ادخل مطعم اشترى سندوتشات مثلاً ألاقى الراجل بيقوللى ( أنا ظبطلك الأكل - أنا عملت معاك واجب - مش هتظبطنى ولا ايه ) حاجة أخر بجاحة
2) كنت فى مطعم برده و لما خلصت أكل طلبت الحساب و دفعت و كان الباقى فيه فكة
جيت أعد الباقى ألاقيه ناقص اتنين جنيه
بعدها فهمت أن الواد بياخد بقشيش من نفسه عشان لو الزبون مدفعش يكون هو مأمن نفسه
مع أنى كنت هسيبله بس خسارة فيه
3) الموقف ده حصل مع قريبى
ادى ابن البواب 20 جنيه عشان يشتريله حاجات مكنش يعرف تمنها
الحاجات طلعت ب10 جنيه بالضبط
ابن البواب جاب الباقى كله جنيهات فكة عشان يديله منهم
خلاه يروح يجيبهم مجمدين و مدالوش حاجة مع أنه بيديله كل مرة بس الطمع وحش

[sas5]

مش عارف ليه حاسس. يا عزيزي sasa5

ان حضرتك بتتكلم عن بانزينة موبيل الي في شارع الهرم .... لاني نفس الي حكيتاك بالضبط حصلت معايا .... وفعلاً يا اخي. حتى لو قلنا العمال دي غلابة وابصر ايه .... بس انا كمان غلبان ومن حقي اني اخش البانزينة اسئلهم عن بكام غسيل العربية يقولولي بكزا مش يدحكو عليا. ويخلوني ادفع قرش والاقي اني دافع عشرين قرش فوقهم بقشيش حاجة تفقع المرارة بجد

وكلوا كوم وعامل البانزينة كوم تاني الي كل مايمون العربية بياخود جنيه. على فوووول تانك بياخود جنيه وعلى عشرة ليتر بياخود جنيه

ده مره اديت العامل بعد ما ملالي ١٥ ليتر ربع جنيه مخروووووم. قعد يدحك. ويبص للربع جنية كانوا لقى حاجة من الذكريات. وبصيت لقيتوا رجع ورى العربية. وينده على زمايلوا. ( شوووووقي بص بص هاهاها ربع جنية ). ... ( ولاه يا احمد. بص بص الراجل اداني ربع جنيه ) ومخلاش واحد في المحطه الا وشاور على عربيتي وقلهم اني اديتوا ربع جنيه هههههههههههه. قمت مدور العربية وواخد العربية وحطيت ديلي في سناني وقلت يا فكيك قبل ما اتضح والناس تشاور عليا وتقول الراجل ابو ربع جنيه اهو اهو ههههههههه

السلام عليكم ورحمه الله
نعم محطه البنزين فى منتصف شارع الهرم - امام مدرسه ام الابطال تقريبا
تبقى على يمينك وانت متجهه ناحيه الجيزه