( البقشيش ) حق مكتسب ام مص لدماء البشر !

[sas5]

انا بالامس ذهبت للميكانيكى فى بعض الصيانات المختلفه فى سيارتى
المهم تم الانتهاء من كل ذلك ذهبت لاحضارها وانا مقدر لسيارتى على الاقل من مائه الى مائه وخمسون جنيها
المهم اخبرت الميكانيكى كله تمام قالى تمام
اخبرته طلباتك قالى 60 جنيه
فما كان منى الا ان اعطيته 65 جنيه
ماذا تقولون فى ذلك هل ان مشجعا لعملية البقشيش ام لا

اخى العزيز السلام عليكم
كل شخص بيكون مقدر تقريبا قيمه الشغل الذى تم فى السياره - وحين يطلب الصنايعى اقل فلامانع ان تزيد على ماطلبه لان هذا ليس بقشيش بل انت قدرت وطلعت من ذمتك اكثر مما طلب

كان لدى ميكانيكى بنفس الطريقه - ربنا يمسيه بالخير - كان يطلب اقل مما يطلب غيره

[AHMED_DINAMO]

ده تقدر تقوووول افترى فاكرين ان كل من اكل شرب اشترى نيل هبب اى حاجه بره بيتو يبئا غنى وفلوسه متلتله ههههههه

[Dr.Rayyan]

yaris باشا
موقف الفرح والدكتور اللي كشف عالمعازيم ده مش ممكن!

أقولكم مين كمان بيستنطع؟ سواقين التاكسي الأبيض. الحق يتقال معظمهم محترمين بس فيه منهم ... !!!

حرام عليك معظمهم محترمين ؟؟!!!
طب ازااى ده انا تقريبا مش بركب مع سواق تاكسى الا لما لازم يكون معاهوش فكه ويكسر الباقى لنفسه
ده غير اللى مبوظين العداد ويعمل عبيط وما تاخوجش بالك الا لما تتتحرك
انا : ايه ده انته شغلت العداد
سواق : لا يا استاذ اصله بايظ
انا: طب وسيادتك ما قولتش ليه ؟؟ وانا بركب التاكسى الابيض ليه عشان اخش الجنه
سواق : معلش يا استاذ اللى تشوفه وانا تحت امرك ومن غير فلوس خالص
ساعه النزول مشوار ب 10 جنيه
انا : عايز كام ؟
سواق : 20 بس يا باشا :
انا #@%$$#*^@%% يا %^$#@%^ وارميله الفلوس فى ارض العربيه وامشى
ومن ساعتها لو ركبت مع واحد مستنصح وفاكك العداد يقولى با بيه العداد بايظ اقوله طب اركن على جنب مش ناقصاكوا انا هنزل
دول من ابشع الناس سواقين التاكسى (الا من رحم ربى ) ودلوقتى هديوا عشان العداد اللى اتعمل بس ما يمنعش ان ده كمان فيه سرقه وسواقين تاكسى اللى حكولى كده انه بطريقه معينه بيتلعب قفى العداد يحسب اكتر
البلد دى بقت مقرفه اوى فى العيشه ربنا يطلعنا منها على خير

[Khaled Online]

حرام عليك معظمهم محترمين ؟؟!!!
طب ازااى ده انا تقريبا مش بركب مع سواق تاكسى الا لما لازم يكون معاهوش فكه ويكسر الباقى لنفسه
ده غير اللى مبوظين العداد ويعمل عبيط وما تاخوجش بالك الا لما تتتحرك
انا : ايه ده انته شغلت العداد
سواق : لا يا استاذ اصله بايظ
انا: طب وسيادتك ما قولتش ليه ؟؟ وانا بركب التاكسى الابيض ليه عشان اخش الجنه
سواق : معلش يا استاذ اللى تشوفه وانا تحت امرك ومن غير فلوس خالص
ساعه النزول مشوار ب 10 جنيه
انا : عايز كام ؟
سواق : 20 بس يا باشا :
انا #@%$$#*^@%% يا %^$#@%^ وارميله الفلوس فى ارض العربيه وامشى
ومن ساعتها لو ركبت مع واحد مستنصح وفاكك العداد يقولى با بيه العداد بايظ اقوله طب اركن على جنب مش ناقصاكوا انا هنزل
دول من ابشع الناس سواقين التاكسى (الا من رحم ربى ) ودلوقتى هديوا عشان العداد اللى اتعمل بس ما يمنعش ان ده كمان فيه سرقه وسواقين تاكسى اللى حكولى كده انه بطريقه معينه بيتلعب قفى العداد يحسب اكتر
البلد دى بقت مقرفه اوى فى العيشه ربنا يطلعنا منها على خير

الله أعلم
واضح إن حظك مش قوي وبتركب مع سواقين بيدوا سمعة تعبانة للباقي
أنا بقالي شهرين رايح جاي في تاكسيات والحمد لله الدنيا لطيفة
موضوع الفكة ده حله إن حضرتك يبقى معاك فكة ودي مش معضلة
حركة إن العداد بايظ أو مشغلهوش ببقي واخد بالي أول ما أركب. ماشغلهوش باقوم نازل ويبقى يشوف مين اللي يركب معاه كدة..العداد أحس إنه بينط بشكل مش طبيعي يبقى هو لاعب فيه أو مشغله على النظام بتاع السياحة وده اتلغى للعلم بقوم قايله وبقدر المشوار وأديله زيادة شوية ودي اتنين عملوها معايا. أول مرة كنت مسافر فمكنتش فاضي أتناقش والتانية زي ما قلت كدة

السواقين من بني آدم برضه وفيه منهم كتير محترم وهو اللي يطلع الفكة من غير ما يتنح
وعادي يعني التاكسيات كتير واحد ضايقك وقف اللي بعده يا أفندم

[Y a r i s]

yaris باشا
موقف الفرح والدكتور اللي كشف عالمعازيم ده مش ممكن!

أقولكم مين كمان بيستنطع؟ سواقين التاكسي الأبيض. الحق يتقال معظمهم محترمين بس فيه منهم ... !!!

وسواقين المطار كمان. على العن والعن .... مره كنت ماشي وشفت حتت دين منظر سواق من عربيات الليموزين. .... ونازل اتنين شباب فرافير خليجة. والسواق وصلهم وبينزلهم الشنط .... وبيقلهم كل سنة وانتو طيبيين فالعيال ادولوا ورقة بخمسين جنيه. المهم الراجل مش يحمد ربنا ويمشي لا ويقلهم ايه ده خمسين جنيه بس ده انا مشغلكم التكييف طول الطريق ومشغلكم الكتسيت ومدلعكم ( تكسي المطار ) او ( الليموزين )
المهم العيال قالولوا مفيش غيرها عاجبك ولا هاتها. قام الراجل رملهم شنطهم في الارض وهبدها كده .... فالعيال مسكتوا اتخانقت معاه رحت انا كمان مشمر ونازلوا. والغريب واحنا بنضرب السواق عمال يجعر كلكم عليا. ده انا ابن بلدكم. رحت تافف في وشوا وقلتوا اتفوا عليك شخصية وسخه اشكالك الي بوظت سمعت مصرررر يامعفن الناس ادولوا خمسين جنيه تيبس يقوم يرزع شنطهم بالشكل ده .... سواقين عاوزه الحرررررق ويتشطر على شوية عيال عندهم ١٧ او ١٨ سنة. وهوا قد الجحش يااااااه على سواقين التكوسة يااااااااه .... وواللهي هما السبب في اني اشتريت عربية كل واحد يقعد يصدع دماغي واديلو خمسه مش عاجب اديلو عشرة مش عاجب اديلو عشرين مش عاجب ولو قلعتلوا كل هدومي في الشارع واديتهالوا هيقولي طيب والنبي ياباشا ممكن البوكسر بتاعك لان اديك شايف الطريق زحمة ازاي والبلد واقفه والبانزين غلي هههههههههههه وتحياتي

[Y a r i s]

ده تقدر تقوووول افترى فاكرين ان كل من اكل شرب اشترى نيل هبب اى حاجه بره بيتو يبئا غنى وفلوسه متلتله ههههههه

١١١١١١١١+
بجد العالم دي عندها حقد طبقي فظيع علينا. وياااااااااه لو شفوك لابس بدلة. ولا حتت جرافته يتيمه
ولانازل من عربية جديدة ميعرفوش انها قسط .... يبقوا عاوزين ياكلوك بايديهم واسنانهم كده وياخدوا كل مليم في جيبك يعني مثلاً مثلاً موظفين شركة اتصالات ولا موبينيل ولا فودافون بيلبسوا بدل وجرفتات. ده يونوفورم الشركة في حين ان المرتبات عندهم. لاتتعدى ١٢٠٠ جنيه ده غير الخصومات من معشات او تاخير وخلافوا واللبس مجاناً

فهل ابو مرتب ١٢٠٠ جنيه حمل يدفع تيبس ولا بقشيش. .... انتا تشفهم شباب زي الورد اولاد ناس وكل واحد عندوا عربية مساعده من اهلوا طبعاً مش كلهم بس في منهم كده. ده هيدفع بقشيش لده ولالده منين لمجرد انهم شايفينوا لابس بدله وجرفته. وهو غلابان بلاش كده محاسبين وموظفين بعض الشركات القدام. بياخدوا حوالي ١٥٠٠ جنية يعني بمعدل خمسين جنيه في اليوم يعني بالعربي الفصيح. في علوم الاقتصاد ده اسموا حد الكفاف .... يعني يادووووبك. يادووووبك يكفيه لان. علمياً هو بياخود 9$ تسعه دولار في اليوم وكام سينت.

وغيرهم امثلة كتيرررررررر. انتا عندك مرتب لغايت ٣٠٠٠ جنية في الشهر دي تعتبر مرتبات ضعيفه يادوبك. تقدرك على فتح بيتك. مش حمل انك تدفع اكرامية لاي حد لان في علاقة طردية بين مستوى الدخل. ومستوى المعيشة. كل ما يزيد دخلك كل ماتزيد مصاريفك .... وتلاقي ابو مرتب ٣٠٠٠ جنيه ده هتلاقي عندو تلاته ولا اربعه اتخرجوا من الجامعه قاعدين في البيت بيصرف عليهم ههههههههه يعني الي بياخدوا من هنا بيصرفوا من هنا. .... ومينفعش كمان. ناخود اكرامية من شخص شايل تلاته اربع فوق كتافوا ومستحمل .... بس مشكلت البلد ماشية على المثل الي بيقولك
عيان بيبوووس في مييت ههههههههه. وتحياتي

[Land_Cruiser]

من المواقف اللى مقدرتش أنساها بخصوص الموضوع ده انه فى رمضان من ٣ سنوات كان كوبرى اكتوبر واقف وقفه السنين و عند اعلى نقطه فى الكوبرى و طبعا العربيات طالعه عجله عجله لقيت واحد واقف سبحان الله مش عارف طلع منين بيخبط لى على الزجاج فنزلت الزجاج لقيته بيقوللى حمد لله. على السلامه

[Y a r i s]

السلام عليكم ورحمه الله
نعم محطه البنزين فى منتصف شارع الهرم - امام مدرسه ام الابطال تقريبا
تبقى على يمينك وانت متجهه ناحيه الجيزه

١١١١١١١١١+
ايوووووووووون. هيا دي المحطة. الي حصل معايا نفس الموقف
حطينلك عشرين تلاتين واحد قال ايه. علشان يغسلولك العربية وكل واحد عاوز بقشيش. ويغيظك يجيلك واحد جري عليك
قال ايه نشفلك الفوانيس
وواحد مسحلك القزاز
وواحد. لمعلك التابلوة
وواحد مسحلك السقف
وواحد للشنطه
والعاشر بيمسحلك الكبوت
كل ده والعربية تطلع من البانزينة كلها ميه ومش متلمعه كويس هههههههه
دي زمان كانت مغسلة. النهردة بقت معصرة للزبون
وتقليب وشحاته
ده حتى انا بقول يخرب بيوتهم ايه جايبين كل شباب العوطلية بتاعت الهرم مشغلينهم في المغسلة جوا

[Y a r i s]

من المواقف اللى مقدرتش أنساها بخصوص الموضوع ده انه فى رمضان من ٣ سنوات كان كوبرى اكتوبر واقف وقفه السنين و عند اعلى نقطه فى الكوبرى و طبعا العربيات طالعه عجله عجله لقيت واحد واقف سبحان الله مش عارف طلع منين بيخبط لى على الزجاج فنزلت الزجاج لقيته بيقوللى حمد لله. على السلامه

هههههههههههههههههههههه
حبيب قلبي يا لاند كروزر حمدالله على السلامه ياباشا
ايه ده واقف ياخود كرته من العربيات الي ماشيه هههههههه.
مش بعيد تلاقيه بكره عاملوا بوابه. فوق الكوبري ودفتر تزاكر. وتبقى رسمي
هههههههه. حبيبي يا لاند كروزر

[A7MED_PHARMA]

يا فندم ده انا بخش اجيب العلاج للواد وهو تعبان الراجل فى الصيدلية يقعد يتمحلس وفى الأخر بكل بجاحه بيقول لى خلى الباقى بقى وبيضحك
انا مش عارف فى ايه !!!!!!!!!!!!!!!!!!!!
كل حاجه لازم بقشيش واصبح بالعافيه نازل من الشغل وراكن العربيه فى شارع عام تلاقى واحد طلع لك من تحت الأرض او البوابين الى فى العمارة يبعتوا لك عيل ويتنح لك حاجه قرف

هي حصلت الصيدليات كمان ؟
ههههههههههههههههههههههههه

انا بالامس ذهبت للميكانيكى فى بعض الصيانات المختلفه فى سيارتى
المهم تم الانتهاء من كل ذلك ذهبت لاحضارها وانا مقدر لسيارتى على الاقل من مائه الى مائه وخمسون جنيها
المهم اخبرت الميكانيكى كله تمام قالى تمام
اخبرته طلباتك قالى 60 جنيه
فما كان منى الا ان اعطيته 65 جنيه
ماذا تقولون فى ذلك هل ان مشجعا لعملية البقشيش ام لا

البقشيش نعتبره للامانة في الشغل او لشغل إضافي


انا مثلا
كل مرة أروح للميكانيكي أعمل أي حاجة
أول ماروح هناك
الصبي عنده واد سكرة إسمه (عزت)
أول ماخش
أديله الــ 5 ج في جيبه
الــ 5 ج هو بياخدها من هنا .. يقوم نازل تحت العربية مربط العفشة ومشيك على القواعد ويروق ع العربية
ودي غير الشغل الي انا رايح علشانه اساسا
بتبقا حاجة إضافية من عندي .. وهو بيديني مقابلها حاجة إضافية من عنده


انما الي بيطلب البقشيش بالإسم كده
بيبقا الجاحة بعينها

والأمثلة الرزلة كتير
أول ماروحت أجيب العربية الانسر الي معايا دلوقتي
المعرض كان فيه 5 شغالين .. معرفش شغالين ايه
الاقيهم واقفين اول ماستلمت العربية .. كل واحد عاوز الدخان بتاعه
على ايه ماتفهمش
كنت فرحان بالعربية .. ادي كل واحد 10 ج
يقومو مبرطمين ولاد الكلب





وكنت في بورسعيد بجيب حاجات للعربية كانت بـ 2000 ج
العيال الي في المكان هناك.. حطو الحاجة على العربية النص نقل الي كانت معايا
صاحب المكان قالي راضي العيال
كانو 3
ادي كل واحد 10 ج

يقوم ابن الــ #$%$@% يقولي لا دول تجيبلك بيهم سجاير .. دخان الواحد 50 ج
روحت حاطط الفلوس في جيب السواق الي كان معايا .. وقولتله يالا ياعم أحمد هنتغدى بيهم

وسبتهم ومشيت

[sas5]

هي حصلت الصيدليات كمان ؟
ههههههههههههههههههههههههه



البقشيش نعتبره للامانة في الشغل او لشغل إضافي


انا مثلا
كل مرة أروح للميكانيكي أعمل أي حاجة
أول ماروح هناك
الصبي عنده واد سكرة إسمه (عزت)
أول ماخش
أديله الــ 5 ج في جيبه
الــ 5 ج هو بياخدها من هنا .. يقوم نازل تحت العربية مربط العفشة ومشيك على القواعد ويروق ع العربية
ودي غير الشغل الي انا رايح علشانه اساسا
بتبقا حاجة إضافية من عندي .. وهو بيديني مقابلها حاجة إضافية من عنده


انما الي بيطلب البقشيش بالإسم كده
بيبقا الجاحة بعينها

والأمثلة الرزلة كتير
أول ماروحت أجيب العربية الانسر الي معايا دلوقتي
المعرض كان فيه 5 شغالين .. معرفش شغالين ايه
الاقيهم واقفين اول ماستلمت العربية .. كل واحد عاوز الدخان بتاعه
على ايه ماتفهمش
كنت فرحان بالعربية .. ادي كل واحد 10 ج
يقومو مبرطمين ولاد الكلب





وكنت في بورسعيد بجيب حاجات للعربية كانت بـ 2000 ج
العيال الي في المكان هناك.. حطو الحاجة على العربية النص نقل الي كانت معايا
صاحب المكان قالي راضي العيال
كانو 3
ادي كل واحد 10 ج

يقوم ابن الــ #$%$@% يقولي لا دول تجيبلك بيهم سجاير .. دخان الواحد 50 ج
روحت حاطط الفلوس في جيب السواق الي كان معايا .. وقولتله يالا ياعم أحمد هنتغدى بيهم

وسبتهم ومشيت

الموضوع ده فكرنى بحكايه في اوائل الثمانينات كنت راكب تاكسى من ميدان رمسيس الى العتبه
وجيت ادفع تقريبا ثلاثون او اربعون قرشا مش فاكر بالضبط ( طبعا في اوائل الثمانيات العشره قروش كان ليها قيمتها ) وجدت سائق التاكسى مصمم انه لاياخذها ويقولى خليها لك واتفلسف شويه قولت له يعنى انت مش هتاخذ الاجره ورحت واخد الفلوس ونزلت من التاكسى ومشيت ولم اعطيه اى شى - هههههههه يعنى هو الخسران مش انا

[S O P H O S]

هو نوع من انواع البلطجة المهذبة احيانا
زي انواع علم النفس ..