الجواز ولا العربية

[midoabdeen]

طيب بما ان كلوا متف مايا ان العربية الاول
والله العظيم فى ردود خلتنى موووووت من الضحك فعلا والله عندكوا حق الجاز دا وجع دمممماغ اوى دلوقتى

اية رائيكوا بقى المانى ولا يابانى
انا عايز حاج فى حدود 30 - 35
وانا شخصيا افضل الالمانى

[ahmad--ezzat]

حاول تجيب حاجه زيرو

[midoabdeen]

ااااااااااة هنتريق بقى
ياباشا انا كل اللى معايا حوالى 35000 اجيب زير ازاى بس وبعدن انا مرتب مش كبير علشانادفع اساط

[hossam_elwani]

العربيه .. هيا دى فيها كلام بلا جواز بلا ............

[smsm_hamada]

العربيه افيد من الجواز والافيد من الاتنين انك تعيش حياتك صح اوى وتاخد حقك من الدنيا فسح وخروج وصحوبيه وبعدين ابقى اتجوز وشيل الهم
نصيحه عازب زيك هههههه

[midoabdeen]

ما هو اكيد واحد راكب عربية زى وعايش فى الحى دا لازم يقول كدة
الا هو بيتك انهى واحد فى دول

[hossam_elwani]

انت لسة سنك صغير جدا جدا على الجواز
فلو اتجوزت فى سنك دة هتحس بعديها انك فى حاجات كتيرة كان نفسك تعملها ومعملتهاش
عيش الدونيا بطولها وعرضها ..... وفى نهاية المطاف هتلاقى نفسك انت الـــ هتطلب الاستقرار

ولما تدور على زوجة تتجوزها دور على واحدة انت ترضاها تكون ام لاولادك
مش واحدة شكلها حلو وجسمها حلو وخلاص عشان طعم الفشل فى الجواز مررررررررررررررررررررررررررررر وساعتها هتحس انك فاشل فعلا

كلام فى الجون ......

[hossam_elwani]

الجواز طبعا والمزايا كتير قوى
وسيبك من الكلام الى بيقوله المتجوزين دول بيقولوا كده عشان خايفين من الحسد ههههه

مزايا ايه ان شاء الله

[hossam_elwani]

ياباشا دي ركوبة ودي ركوبة تانية خالص
.

.
.
.
.
.
.
.
.
.
.
.
.
.
.
.
على العموم الالماني كله كويس

[virus2007]

انا حرد عليك فى كل نقطة على حدة وانتا قيم حسب ظروفك ووجة نظرك وميلوك وارتياحك النفسى:

الجواز عاوز على الاقل التالى:

1- الشقة:
لو تمليك تبقى محتاج على الاقل 160 الف + 60 الف على الاقل للتشطيب
لو ايجار يبقى مرتب كويس تقدر تصرف على عيلتك وتدفع الايجار

2- مرتب كويس عشان تقدر تصرف على عيلتك لان عيلتك مش حتبقى انتا ومراتك وبس ... ربنا لو رزقك بمولود التكاليف حتزيد عليك " طبعا ربنا هو الرزاق بس انا بتكلم من وجهة النظر العقلانية"

3- الانسانة الصح الى مناسبة ليك الى تقدر تشيل معاك هموم الجواز مش الى تجيبك ورة وتخليك تكرة اليوم الى شوفتها فية

4- فلوس زايدة عشان تجيب شبكة وعفش وتجهزات الجواز والكلام دا

5- استعداااااااااااااد نفسى كامل لتحميل مسئولية اسرة وزوجة

الخلاصة 30 - 35 الف لو حتجيب بيهم عفش بس وعندك الشقة والشبكة للبنت يبقى ممكن اوى بس اعتقد حتبقى مزنوق شوية بعد كدة لانك كتبت انك لسة فى بداية حياتك ومرتبك على ادك


بالنسبة للعربية الرنج دا يجبلك حاجة مستعملة فى ال تسعينات زى مثلا الرينو الكليو و الكيا السفيا و الهيونداى الاكسل
واهم حاجة اوعى تجيب عربية متعبة او فيها مشاكل لان ساعتها حتكرة اليوم الى فكرت فية تجيب عربية لان الواحد لما يبص ويشوف عربيتوا واقفة ومش بتدور اداموا دا احساس تانى خالص :s

تحياتى ليك واتمنى اكون افدتك

[midoabdeen]

شقة موجودة والحمد لله

[mohaismail]

طبعا الزواج الرسول عليه الصلاة والسلام امر الشباب بالزواج عند الاستطاعة
توكل على الله ودور على واحدة متدينة وربنا هيكرمك من وسع وهتلاقى رزقك زاد ان شاء الله

[moody_687]

بص ياباشا انا نفس حوارك انا ناو عندى 25 سنة وبشتغل الحمدلله وعندى شقتي زيك كده بس مش متوضبة وعايزة توضيب بتاع 30 الف
المهم لما اشتغلت فكرت انى اجيب عربية وامى كانت عايزانى اتجوز بس ابويا ايدنى وقالى يابنى متقفلش حياتك من ناو واتمتع بيها وبالفعل جيبت عربية واديني اهو مقضيها من الشغل للبيت للخروج مع الاصحاب وحاول بقى بعد كده انك تحوش عشان للاسف لو اتجوزت مش هتعرف تحوش حاجة غير كل فين وفين عشان الجواز كله طلبات ولو قابلت واحدة ف الفترة اللى بتحوش فيها وبتحبك اتوكل ع الله معاها بس نصيحة اتجوز وانت عندك 27 سنة او 28 سنة عشان تكون عملتلك قرشين

[zkralla]

قال رسول الله صلى الله عليه وسلم
""يا معشر الشباب من استطاع منكم الباءة فليتزوج فإنه أغض للبصر وأحصن للفرج "

[shaddadfalcon1]

بقي شوية حديد احسن من زوجه وعفة واسره ووولاد !!!!!!!!!!!!!!!!!!!!!!!!!!!!!!!!!!!