أبو البنات

[aliabutaleb]

يا ترى بتفرق معاكوا المولود القادم بنت أم ولد؟ بصراحة شديدة و بدون مواربة.. هل لو رزقك الله ببنت في أول و تاني إنجاب بيبقى نفسك في الولد و ممكن تنجب مرة تالتة عشان يطلع ولد؟.. مجرد سؤال :)

قبل ما ربنا يرزقنا بـ رقية كان نفسنا احنا الاتنين في ولد
الراجل بيحب الولد للأسباب المتوارثة المعروفة
بس انا كان ليا رأي تاني
انا أحسب إن أهلي ربوني كويس بالرغم من ان أبويا اتوفى من وانا عندي 10 سنين
ووأحسب اني كنت سند لأمي ولا أزكي نفسي
فكان نفسي في ولد
وكنت بادعي ربنا إني أحسن تربيته عشان يكون خير سند لأمه واخواته
بس لما رزقنا بـ رقية
مش متصور إننا لو كنا رزقنا بـ ولد كنا هانحبه الحب ده
وكنا هانفرح بيه الفرحة دي كلها
انتي أكتر واحدة عارفة طبعاً يا علا
دلوقتي بقى واحنا باقي لنا أيام ونرزق بيبي أو أكتر
تضحكي لو قلت لك كان نفسي في بنت أوي
دلوقتي عرفت ان فيه ولد
ومش بامتنى من ربنا غير انه ييجي هو وأمه بالسلامة
على فكرة البنات دول جُمال أويييييي
ويكفينا ما قاله سيد الخلق صلى الله عليه وسلم فيما معناه "أن من رزق بأنثى فأحسن تربيتها دخل الجنة"

[Hassan Khalil]

دلوقتي عرفت ان فيه ولد
ومش بامتنى من ربنا غير انه ييجي هو وأمه بالسلامة

بألف خير و سلامة ان شاء الله

[aliabutaleb]

بألف خير و سلامة ان شاء الله

ربنا يكرمك يابو علي بابو الواجب كله :)

[OlaOsman]

قبل ما ربنا يرزقنا بـ رقية كان نفسنا احنا الاتنين في ولد
الراجل بيحب الولد للأسباب المتوارثة المعروفة
بس انا كان ليا رأي تاني
انا أحسب إن أهلي ربوني كويس بالرغم من ان أبويا اتوفى من وانا عندي 10 سنين
ووأحسب اني كنت سند لأمي ولا أزكي نفسي
فكان نفسي في ولد
وكنت بادعي ربنا إني أحسن تربيته عشان يكون خير سند لأمه واخواته
بس لما رزقنا بـ رقية
مش متصور إننا لو كنا رزقنا بـ ولد كنا هانحبه الحب ده
وكنا هانفرح بيه الفرحة دي كلها
انتي أكتر واحدة عارفة طبعاً يا علا
دلوقتي بقى واحنا باقي لنا أيام ونرزق بيبي أو أكتر
تضحكي لو قلت لك كان نفسي في بنت أوي
دلوقتي عرفت ان فيه ولد
ومش بامتنى من ربنا غير انه ييجي هو وأمه بالسلامة
على فكرة البنات دول جُمال أويييييي
ويكفينا ما قاله سيد الخلق صلى الله عليه وسلم فيما معناه "أن من رزق بأنثى فأحسن تربيتها دخل الجنة"

ربنا يقوم ام رقية بألف سلامة يا علي، كل يوم أقول هاكلمها اطمن عليها و انشغل

انا فاكرة كويس ساعة ولادة رقية، الصراحة ما شفتش حد مهوووووووووس ببنته اللي لسه مولودة زيك كده.. ربنا يبارك فيها يا رب و يوصل اخواتها للدنيا بالسلامة يا رب :)

[aliabutaleb]

ربنا يقوم ام رقية بألف سلامة يا علي، كل يوم أقول هاكلمها اطمن عليها و انشغل

انا فاكرة كويس ساعة ولادة رقية، الصراحة ما شفتش حد مهوووووووووس ببنته اللي لسه مولودة زيك كده.. ربنا يبارك فيها يا رب و يوصل اخواتها للدنيا بالسلامة يا رب :)

جزاك الله خيراً يا علا
فعلاً مهووس اوي :)
لدرجة اني عملت لها ويبسايت في اول لحظات شافت فيها النور :)

[tmz9111]

أهم حاجة الخلفة الصالحة

[bee]

السلام عليكم
في البداية احب احييكي يا علا على مضوعاتك الي مش جديدة علينا .. هي عادتك :)

انا مش متجوز ..
بس طبيعي كل الي يجيبه ربنا كويس ..
البنت .. حنينه
والولد .. سند لابوه
والاتنين خير
والايمان هو الرضا بالقدر خيره وشره
تحياتي

[AboMaro]

انا عن نفسي عندي بنتين
وربنا يباركلي فيهم
و عمري ما حفكر اجيب تاني عشان يطلع ولد
بل لو ربنا زقني تاني وطلع بنت حكون برده اسعد واحد بما رزقنا بيه ربنا

[mo7amed_omara]

السلام عليكم

بس طبيعي كل الي يجيبه ربنا كويس ..
البنت .. حنينه
والولد .. سند لابوه
والاتنين خير
والايمان هو الرضا بالقدر خيره وشره
تحياتي

دة احسن كلام يتقال فى الموضوع دة هيا دى الخلاصة
وانا كمان لسة مش متجوز
بس انا بميل لخلفة الولاد شوية يمكن علشان انا ولد على بنات
بس عادى لو جت البنات الحمد الله دى نعمة من عند ربنا و ربنا يكرم الجميع إن شاء الله