تجربتى المريرة مع السواقة

[M o H a M e D]

تجربتى السوداء مع سواقة العربية
اول عربية ركبتها كان عندى 14 سنة فولكس بيتلز عربية والدى
دائما يقولى روح سخن العربية انا بقى فضولى اوى ونفسى اتعلم العربية باى طريقة
وهو مش راضى اتذكرت هو كان بيعمل ايه لما كان بيمشى بيها توكلت ع الله
نزلت فرامل اليد ودورت العربية ودوست ديبرياج ع الاخر وبنزين المهم
بقدرة قادر كدة لاقيت العربية عملت زى الضفدع ولبست فى العربية اللى قدمها
كسرت فانوس عربية والدى والكابوت بتاع الراجل لاقيته ع الارض ههههههههههههه
المهم روحت عملت عبده العبيط وبطلت العربية وطلعت عملت نفسى عايز اعمل حمام
ونزلت مع ابويا قالى ايه دة يابن ..... قولتله انا سايب العربية زى الفل معرفش مين الحيوان اللى عمل كدة ههههههههههههههه
ومن ساعتها حرمت احط التاتش بتاعى فى اى عربية بيجيبها وللاسف كان نفسى يعلمنى لكن مكنش بيرضى خالص الله يكرمه بقى
المهم دلوقتى انا بقيت شحط وعندى 23 سنه ابن عمى معاه 128 قولت يا واد روح رخم عليه وقوله علمنى السواقة بصراحة طلعت عينه فى يوم روحنا الساحل الشمالى بيها وكان معايا اختى وامى وابويا وهو اللى كان سايق ريحوا وقعدوا ع الرملة وسندوتشاتك وحركاتك انا بقى قولت فرصة اتعلم فى القرية اختى قالتلى عايزة اروح الماركت اجيب شويا حاجات قولت لابن عمى هات المفاتيح وعطهانى وديتها الماركت ورجعتها تانى الشط زى الفل روحت لفيت بالعربية شويا
وعايز اركنها سايب الشارع كله فاضى وعربية جنبى ركنت جنبيها العربية حدفت شمال معرفش ليه وحكت فى العربية وبهدلتها حظى الفقر صاحب العربية كان جواها وادانى الطريحة وانا سكت مفتحتش بوقى لانه عنده حق وانا غلطان
للاسف قفلت جامد من السواقة وحسيت انى مش هتعلم خالص
وفى يوم روحت مع واحد صاحبى بعربيته المنتزة قالى اركنها هروح الحمام عشان مش قادر
وانا لما صدقت ويارتنى ما ركنتها برجع لورا مكنتش شايف ان فى طوبة كبيرة محطوطة ولابست فيها اتعقدت من السواقة اكتر واكتر
لحد لما لاقيت الحل الوحيد ان اشترى عربية واخبط براحتى اشتريت حتة 127 وبقيت زى الفل بعد معاناه طبعا من الشتيمة وكنت هضرب وفلوس بتتصرف ع العربية هههههههههههههه
نصيحتى ليكم اوعى تيأس من السواقة وعشان تتعلم صح لازم وانت صغير ولو عندك ابن ومش بيعرف يسوق علمه اتعلم ع اى عربية وواحدة واحدة هتيجى معاك بلاش مدارس السواقة زبالة بيعلم الاساسيات لكن ازاى بقى تخلى بالك من اى خطر انسى الكلام دة السواقة عايزة الصبر والتركيز اهم حاجة وربنا يسترها مع الجميع معلش وجعت دماغكم ..

[ZaIeD]

أحييك ع الإصرار ده :d

[ابو لؤى]

ومن ساعتها حرمت احط التاتش بتاعى فى اى عربية بيجيبها

اسلوبك فى الكتابه جميل بصراحه ههههههههه هموت من الضحك

وسؤال ياباشا بعد اذنك عارف انى بتقل عليك ياترى اشتريت 127 توب ولا نصر وكانت بكام لانى بدور على توب

[M o H a M e D]

أحييك ع الإصرار ده :d

ربنا يخليك هو اينعم كانت بخسائر بس استفدت كتير جدا جدا

ومن ساعتها حرمت احط التاتش بتاعى فى اى عربية بيجيبها

اسلوبك فى الكتابه جميل بصراحه ههههههههه هموت من الضحك

وسؤال ياباشا بعد اذنك عارف انى بتقل عليك ياترى اشتريت 127 توب ولا نصر وكانت بكام لانى بدور على توب

ههههههههههههههه الله يكرمك يا غالى
اشتريت نصر كانت ع 9500
بس بظبط فيها دلوقتى هخليها عروسة
دور فى موقع بيزات و كونتكت كار

[hugan]

بتفكرني باول عربيه سوقتها
و كانت ايامها الوحش بيجو 504
اخدت مفاتيح العربيه من ابن عمي وكانت راكنه تحت البيت عندنا وسميت ودورت العربيه
واديتها الاولاني
وبقدره قادر لقيت العربيه في مدخل البيت اللي قدامنا
ازاي ماعرفش
ربنا سترها ان ماكنش في عيل صغير ولا حد واقف امام البيت
كانت العربيه خلصت عليه
والشارع اتلم
والناس تشيل في العربيه علشان ترجعها في الشارع تاني
كانت فضيحه

[Ahmed_Adham]

المشكله انك أول ما بتتعلم عايز تبدأ بالركنه مع ان ناس سايقه بقالها سنين ولسه مش واثقه فى نفسها من ناحيه ركن العربيه.

[حماده المصري]

هههههههههههههههههههههههههههه قريبه من قصتي مع ابويا

بس انا كنت قاعد مع عمي وكنت ف 5 ابتدائي وفجاه قفش وقالنا اانا وولاده يلا انزلوا معايا اعلمكم السواقه

والحمد لله عرفت ادور العربيه واطلع بيها بعد 13 مره تقريبا وخدت علا قفايا 5 او 6 مرات اليوم ده

وسافرت بعدها لابويا الامارات وسوقتني عربيته كزا مره وخبطتها كتيييييييييييير وعملت عبيط كتير

[akmm]

ومانيل المطلب بالتمنى ولكن تؤخز الدنيا سواقه ؟؟؟؟؟؟؟؟؟؟؟؟؟؟؟؟؟؟؟ظ

[HAITHAM1985]

برنسسسسسسسسسسسسسسسسسسسسس اللياااااااااااااااااااااااااااالى

[badry78]

بصراحة .. بتصعب عليا العربيات اللي بنتعلم عليها السواقة .. ده احنا لو قافشين أسير مش هانعذبه كده ههههههه

[theangel]

السواقه متعه في بداية مابتبقي متعلم يعني انا مثلا وانا ف ثانوي كان عندنا عربيه سوزوكي سويفت كنت متردد جدا اني اتعلم وبفكر بقي اني اول ماركب هبقي عامل زي اللي ف لعبة جاتا ماشي يطيح ف خلق الله :d قولت لأ ياعم
المهم بيني وبين نفسي كنت عايز اتعلم ف كنت متعود دايما بعد الصلاة اقعد شويه انا وواحد صاحبي ف العربيه ده وانا ف 3 ثانوي تقريبا بقي وقتها كنا جبنا لنسر كرستاله المهم قولت كده مش نافع ف جبت واحد صاحبي كان لسه متعلم جديد قعد جمبي وولله ماقالي اي حاجه لقيت نفسي دورت وسايق وماشي وسط العربيات وروحت مكان فاضي خدت كام لفه وقمت طالع ع الطريق العمومي بقي وسط الزحمه والعربيات واتعاملت وقتها مكنتش بعرف اتصرف ازاي لما يبقي في زحمه والطريق واقف ف كنت من بعيد لما الاقي الطريق زحمه افضل اهدي خالص ع الأخر بحيث اني لما اوصل هناك يكون الطريق مشي او لو وصلت وهو ممشيش ف الغالب كانت العربيه بتسك مني بقي لإني مكنتش لسه متعلم اد كده
والحمد لله شويه بشويه بقيت بسوق كويس جدا وعملت حادثه قبل كده مع عربيه هوندا يوم وقفة العيد الفجر ووقتها كنت مصدوم بقي وقولت مش هسوق تاني خلاص ومش عايز اسوق تاني وكنت فعلا مقرر مركبش العربيه بس سبحان الله روحت البيت ركنت بعد مارفرف العربيه اطحن والإربه بتاعة المياه بتاعة المساحه كانت اتكسرت من تحت وفاكر وانا نازل انا ووالدي الصبح شاف العربيه لإني طبعا كنت خرجت من غير مايعرف بالليل بيقولي ايه اللي عمل كده ف العربيه نفس اللي انت قولته بالظبط ولله قولته ^_^ بس بعدها بثواني اعترفت حقنا للدماء :d وخرجت بيها ف العيد عادي وسوقتها تاني ف نفس ذات اليوم ولا كإن في حاجه حصلت
دلوقت الحمد لله معانا الماتريكس بس اوتو وبصراحه مع ان المانيوال يمكن يكون كان متعب شويه خاصة ف الزحمه لكن انا بعشق المانيوال ...... ودلوقت خلصت كلية اهو وبقي اي حد عايز يسافر اي مكان ف البيت عندنا اللي متعلمين سواقه قبلي بيقولي انا اوصله والحمد لله الواحد بقي محترف إلي حد ما وربنا يديمها نعمه

[eng_sh]

السواقه متعه في بداية مابتبقي متعلم يعني انا مثلا وانا ف ثانوي كان عندنا عربيه سوزوكي سويفت كنت متردد جدا اني اتعلم وبفكر بقي اني اول ماركب هبقي عامل زي اللي ف لعبة جاتا ماشي يطيح ف خلق الله :d قولت لأ ياعم
المهم بيني وبين نفسي كنت عايز اتعلم ف كنت متعود دايما بعد الصلاة اقعد شويه انا وواحد صاحبي ف العربيه ده وانا ف 3 ثانوي تقريبا بقي وقتها كنا جبنا لنسر كرستاله المهم قولت كده مش نافع ف جبت واحد صاحبي كان لسه متعلم جديد قعد جمبي وولله ماقالي اي حاجه لقيت نفسي دورت وسايق وماشي وسط العربيات وروحت مكان فاضي خدت كام لفه وقمت طالع ع الطريق العمومي بقي وسط الزحمه والعربيات واتعاملت وقتها مكنتش بعرف اتصرف ازاي لما يبقي في زحمه والطريق واقف ف كنت من بعيد لما الاقي الطريق زحمه افضل اهدي خالص ع الأخر بحيث اني لما اوصل هناك يكون الطريق مشي او لو وصلت وهو ممشيش ف الغالب كانت العربيه بتسك مني بقي لإني مكنتش لسه متعلم اد كده
والحمد لله شويه بشويه بقيت بسوق كويس جدا وعملت حادثه قبل كده مع عربيه هوندا يوم وقفة العيد الفجر ووقتها كنت مصدوم بقي وقولت مش هسوق تاني خلاص ومش عايز اسوق تاني وكنت فعلا مقرر مركبش العربيه بس سبحان الله روحت البيت ركنت بعد مارفرف العربيه اطحن والإربه بتاعة المياه بتاعة المساحه كانت اتكسرت من تحت وفاكر وانا نازل انا ووالدي الصبح شاف العربيه لإني طبعا كنت خرجت من غير مايعرف بالليل بيقولي ايه اللي عمل كده ف العربيه نفس اللي انت قولته بالظبط ولله قولته ^_^ بس بعدها بثواني اعترفت حقنا للدماء :d وخرجت بيها ف العيد عادي وسوقتها تاني ف نفس ذات اليوم ولا كإن في حاجه حصلت
دلوقت الحمد لله معانا الماتريكس بس اوتو وبصراحه مع ان المانيوال يمكن يكون كان متعب شويه خاصة ف الزحمه لكن انا بعشق المانيوال ...... ودلوقت خلصت كلية اهو وبقي اي حد عايز يسافر اي مكان ف البيت عندنا اللي متعلمين سواقه قبلي بيقولي انا اوصله والحمد لله الواحد بقي محترف إلي حد ما وربنا يديمها نعمه

الموضوع ده بيدينى امل فى الحياه بعد ما كنت خلاص قربت اتعقد
بس المشاركة دى بالذات بتعبر عنى اصل انا كمان عملت حادثه يوم وقفة العيد الفجر و الخساير كانت جامدة شوية فى العربية و كنت مصدومة جدا وقولت مش هسوق تاني من ساعتها و انا بصلح فى العربية و يدوب لسة بادئة تفوق من الحادثة نزلت بيها كام مرة بدرى كده و برجع على طول عشان خايفىة النهاردة بقى بعد الفجر خبطتها تانى

بجد انا خلاص اتعقدت و مش عايزة اسوق تانى لانى مش عارفة ازاى اصلا اتعلم صح

[SHNORY]

اولا احب ارحب بيك عضو اسكندراني جديد في المنتدي
عاوزين نعمل اغلبيه اسكندرانيه ونحتل المنتدي

انا كنت بعرف اسوق نوعا ما في الطوالي بس ولا اعرف ادخل شارع ضيق ولا اعمل اي حاجه تانيه
اتعلمت السواقه نظري وبعدها شويه عملي لا يذكروا
لما حبيت اتعلم السواقه بجد
اشتريت العربيه واتعلمت عليها
قولت اهي عربيتي حتي لو عجنتها محدش ليه حاجه عندي
وسواقتك لعربيتك بتجمد قلبك وبتخليك متعملش حوادث
غير لما تسوق عربيه غيرك بتبقي خايف علي العربيه وعلي صاحبها ودماغك تودي وتجيب في مليون حاجه ممكن تحصل
فتركيزك بيضيع وبتحصل حاجه من المليون (:

[Elawany13]

ههههههههههههههه
بس مش كل اللى بيتعلموا بيكسروا عربياتهم وعربيات الناس

[ابو لؤى]

انا قبل كده كنت فى العتبه انا واحد صحبى بعربيته المهم نزل شارع عبد العزيز وانا استنيته فى العربيه بعدها اتصل بيا قالى تعالالى بالعربيه طبعا من الفرحه كان قلبى هيقف هههههههههههه المهم وانا فى طريقى لي وعند المطافى كده بطلع من نصف نقل وانا عينى على الشمال واتارى المساحه مش مظبوطه محسبتهاش صح وروحت دب زووو بووو طبعا نازل ركبى بتخبط على بعض ابص على العربيه الاقى تخيش بسيط اوى حمدت ربنا وقولت ده من دعوه الام يابو حميد ههههههههههه روحت لصاحبى بقوله انا عملت حادثه بس بسيطه وسامحنى طبعا قعد يقولى ولايهمك وبعدها نزل بص وفتح الكبوت اتصدم ههههههههههههههه قالى ينهار ازرق دى محتاجه زرجينه طبعا فى بالى قعدت اقول اى خلانى اقوله ههههههههه واتارى سواق النصف نقل كان عمال يقولى انت كويس يابرنس اهم حاجه انت سليم وانا اقول ايه المجنون ده هو عربيتى فيها حاجه طبعا نظرتى فى الصدمات مش قد كده واسف على الاطاله بس بصراحه مازهقتش من السواقه بالعكس بقيت حريص اكتر