اول يوم منذ 3733 يوم بدون تدخين

[m_adeleid]

دلوقت بقالي 24 كامله بدون تدخين لاول مره من 10 سنين وشهرين و 18 يوم اللي هما 3733 يوم
ولجل الحظ السيء اللي صعب الموضوع اكتر ان ال24 ساعه دول متواصل بدون نوم ولا دقيقه واحده
والاحلي كمان بقي المدام طول اليوم في جدال و خناق ورغي غريب لا ينتهي بدون ادني داعي لدرجه اني حسيت انها بتتعمد تعمل كده علشان تصعب عليا الموضوع اكتر
وانتو لو مدخنين حتعرفو الانقطاع عنه في اوله بيعمل ايه في الواحد
ده غير بقي الاثار الجانبيه للدوا اللي باخده علشان اعرف ابطل
الدوا اسمه Champix من انتاج شركه فايزر و من انجح الادويه لعلاج التدخين
انا حبيت احكيلكو تجربتي بعد اول يوم وافضفض معاكو شويه
ادعولي استمر بأذن الله
وعقبال اللي لسا مبطلش

[M.Elgergawy]

انا الحمد لله مبطل من يوم 19/2/2004 :) ومشربتش ولا سيجارة من يومها وغصب عني
واستحمل بس شوية اول اسبوع وهتلاقي نفسك نسيتها خالص
بس اوعى تضعف وترجعلها مش هتعرف تبطلها خاااااااالص

[m_adeleid]

انا الحمد لله مبطل من يوم 19/2/2004 :) ومشربتش ولا سيجارة من يومها وغصب عني
واستحمل بس شوية اول اسبوع وهتلاقي نفسك نسيتها خالص
بس اوعى تضعف وترجعلها مش هتعرف تبطلها خاااااااالص

حلوه اوي النصيحه وبعدها يافطه I need drugs
ضحكتني جدا
ربنا يسهل يا جرجاوي و افضل ثابت
ربنا يقدرني و يقدركو جميعا

[amr.elsayed]

انا بطلتها فى رمضان الماضى الحمد لله .. كانت حاجة اساسية عندى انى نويت اشغل نفسى بالعبادة فى رمضان
واحاول اجتهد فيه اكتر من السنين السابقة

1- قبل رمضان بيوم اشتريت علبة كليوباترا علشان بكرها عمى .. العلبة دى فضلت معايا اول 3 ايام
وكنت قرفان منها ومش متعود عليها فكنت بنفوخ كدة وبرميها من نصها

2- بعد كدة ما اشترتش سجاير خالص وانشغلت بالعبادة فى رمضان وبقيت كل يومين اشرب سيجارة
بس بقيت بتضايق لما اشرب سيجارة علشان كنت بحس انها بتضيع كل اللى بعمله

3 - وبعد حوالى 15 16 رمضان كدة منعت السجاير تماما وانشغلت بالعبادة اكتر بالذات لما دخلنا فى العشر الاواخر

4- حسيت بتاثير شوية بعد رمضان مع الفطار وكثرة الناس من حوليك اللى بتشرب سجاير طول الوقت بالاضافة لوسوسة الشيطان

بس الحمد لله مسكت نفسى وفترة كدة وبقيت كويس وبقى عندى قدرة لمقاومة اى شعور احتاج فيه للسيجارة
........................
ونصيحة لاى حد بيبطل من غير ادوية انه يأهل ويجهز نفسه لما هو مقبل عليه خاصة للتاثير النفسى لتبطيل السجاير
لان التاثير الجسمانى قليل اوى بتختلف من شخص للتانى واكتر واحد فينا ممكن تختفى عنده الاعراض الجسمانية بعد اسبوعين بالكتير
والتاثير بيكون خفيف كمان فى الاواخر ومش شرط تظهر اعراض اصلا
........................
الاثر النفسى بقى هو اللى بيغلس عليك جدا جدا جدا .... وهو دة اللى محتاج ارادة بالذات فى جزئية التعود
وشعورك الداخلى بالحرمان من متعة معينة

1- قاوم شعور انك عايز تولع سيجارة مع القهوة او الشاى او بعد الاكل واشرب عصاير كتير كتير كتير واللمون ممتاز والموز
علشان اللمون بيهدى الاعصاب والموز بيحسن مزاجك وطبعا كل الفواكه ممتازة

2- راعى نفسك كويس جدا وانزل اشترى هدوم جديدة و برفانات و نظافة ومعطرات للعربية ومن الاخر ماتحرمش نفسك من اى حاجة
لانك حيكون عندك شعور داخلى بالحرمان الى حد ما فخليه يضيع بانك تشترى اللى نفسك فيه بحيث ما يزيدش

3- صحابك المدخنين حاول تقهمهم انك نفسك تبطل علشان يساعدوك وتطلب منهم عدم شرب سجاير معاك فى العربية

4- ممكن تحس بتقلب فى المزاج شوية حاول تقاوم وبلاش عصبية ... ههههههه ربنا يستر على سواقين التاكسى .. ممكن تطلع غلك فيهم

5- اعمل حسابك فى 3 شهور اعتبرهم فترة نقاهة وتصحيح لما اتلفه التدخين وتقويم لسلوكك وواحدة واحدة حتكون كويس وارمى ورا دهرك
اى تصرف غلط تعمله وخليك عارف انها تاثير المدعوئة وان دة تصرف عرضى حيقل و حينتهى مع الفترة الزمنية اللى انت محددها

6- واهم حاجة اعمل خيييييييييير كتييييييييييييير وادعيييييييييى ربنا كتيييييييييييييييييييييييير ودى كفيلة انها تكون سند ليك وحتقويك

على فكرة انا كنت بشرب سجاير لاكثر من عشر سنين وكذا مرة احاول وتيجى حاجة تعكننى وارجع انيل من الاول
لكن المرة دى قفشت فى دماغى واستفدت منها جدا لانها قربتنى كتير من ربنا ودة فضل من عند ربنا بحاول بكل ما اوتى من قوة انى احافظ عليه

وعلى فكرة حتلاقى معاك فلوس كتير جدا اكتر من ثمن السجاير اللى بطلتها .. ودة بيكون فضل من عند ربنا
لانك تركت فاحشة كنت بتضيع رزقك فيها وربنا بيعوضك خير منها بكتير

وربنا يعفو عنا جميعا ويبعد عننا اى حاجة بتسبب الازى او المرض او تكون سبب فى غضب ربنا مننا

[Ahmed_Adham]

ربنا يوفقك ويعدي الايام دي معاك على خير.

[mido777]

نفسى ابطل فعلا ...
بس الموضوع عندى مختلف شوية
انا بشرب شيشه ( معـــــســـــل )

ومبيعديش يوم غير لما اشرب شيشه
فى اليوم من 4-8 حجر

والغريب انى لما بسافر بره مصر وبقعد من 7-10 ايام طبعا من غيرها ومش بتفرق معايا
بس اول لما ارجع بعوض اللى فاتنى :(

[ibn_seena]

نفسى ابطل فعلا ...
بس الموضوع عندى مختلف شوية
انا بشرب شيشه ( معـــــســـــل )

ومبيعديش يوم غير لما اشرب شيشه
فى اليوم من 4-8 حجر

والغريب انى لما بسافر بره مصر وبقعد من 7-10 ايام طبعا من غيرها ومش بتفرق معايا
بس اول لما ارجع بعوض اللى فاتنى :(

خد بالك الشيشه اخطر من السجاير بكتييير. وفيها كمان احتمال نقل امراض كتير حتي مع اللي الطبي ومن ضمن الامراض دي الدرن.
وعلي فكرة الدرن موجود ومتفشي في مجتمعنا وما اختفاش زي ما الناس فاهمه. حضرتك انزل مستشفى الصدر وانت تعرف. ..
وبالنسبه للباشا صاحب الموضوع فانا احييك علي شجاعتك. ...والخطوة دي مش سهله. اوعي ابدا تتنازل عن هدفك مهما كان. ...
ولمعلوماتك. التدخين هو السبب الرئيسي لامراض كتيرة في الصدر. اخطرها. سرطان الرئة . .. و مخاطر ممكن توصل لدرجة استئصال رئه كامله. .....

استمر. وربنا هيعينك. بس انت استعن به ولا تعجز.
كفايه انك لو يوم مسكت سيجارة في ايد ابنك. مش هيكونلك عين تضربه. لانك قدوته. فكن نعم القدوة

[Qmax]

ربنا معاك خطوه ممتازه اتمنالك النجاح

انا لا شاي ولا سجاير الحمدلله ولا كنت مُدخن ونفسي كل الناس تبعد عن التدخين

انت كده شجعتني اني اشتري الدوا ده لصديق وهااغصب عليه ياخد منه هههههههه

[rompo10]

ربنا يكرمنا ونبطلها كلنا نفسي بجد

[bido600]

احب اطمنك واقولك ان شاء الله هيجيب نتيجة حلوة قوي معاك
قول يا رب وعلي فكرة الدنيا بتبقي طبيعية بس انت اللي بيتهيقلك كدة عشان الشيطان يقولك ارجع تاني

انا الحمدلله اخدت الدوا و عزمت النية
والحمدلله بقالي 6 شهور مدخنتش ولا فكرت ارجع غير مرة ولا اتنين لاكن مرجعتش فكرت بس اشوف شكلي بيها لاكن مولعتش حاجة
واحب اقولك صدقني صدقني المدخن فاقد حجات كتيرة قوي
الحمدلله حياتي اتقلبت 360 درجة من ساعت مبطلت

ودا لينك لموضوع كنت عاملة وانا باخد الدوا

http://www.nilemotors.net/Nile/287712-a.html

وربنا يقويك ويبعدك عنها ويبعد كل مدخن عنها
العزيمة العزيمة العزيمة وربنا يقويك

[m_adeleid]

انا بطلتها فى رمضان الماضى الحمد لله .. كانت حاجة اساسية عندى انى نويت اشغل نفسى بالعبادة فى رمضان
واحاول اجتهد فيه اكتر من السنين السابقة

1- قبل رمضان بيوم اشتريت علبة كليوباترا علشان بكرها عمى .. العلبة دى فضلت معايا اول 3 ايام
وكنت قرفان منها ومش متعود عليها فكنت بنفوخ كدة وبرميها من نصها

2- بعد كدة ما اشترتش سجاير خالص وانشغلت بالعبادة فى رمضان وبقيت كل يومين اشرب سيجارة
بس بقيت بتضايق لما اشرب سيجارة علشان كنت بحس انها بتضيع كل اللى بعمله

3 - وبعد حوالى 15 16 رمضان كدة منعت السجاير تماما وانشغلت بالعبادة اكتر بالذات لما دخلنا فى العشر الاواخر

4- حسيت بتاثير شوية بعد رمضان مع الفطار وكثرة الناس من حوليك اللى بتشرب سجاير طول الوقت بالاضافة لوسوسة الشيطان

بس الحمد لله مسكت نفسى وفترة كدة وبقيت كويس وبقى عندى قدرة لمقاومة اى شعور احتاج فيه للسيجارة
........................
ونصيحة لاى حد بيبطل من غير ادوية انه يأهل ويجهز نفسه لما هو مقبل عليه خاصة للتاثير النفسى لتبطيل السجاير
لان التاثير الجسمانى قليل اوى بتختلف من شخص للتانى واكتر واحد فينا ممكن تختفى عنده الاعراض الجسمانية بعد اسبوعين بالكتير
والتاثير بيكون خفيف كمان فى الاواخر ومش شرط تظهر اعراض اصلا
........................
الاثر النفسى بقى هو اللى بيغلس عليك جدا جدا جدا .... وهو دة اللى محتاج ارادة بالذات فى جزئية التعود
وشعورك الداخلى بالحرمان من متعة معينة

1- قاوم شعور انك عايز تولع سيجارة مع القهوة او الشاى او بعد الاكل واشرب عصاير كتير كتير كتير واللمون ممتاز والموز
علشان اللمون بيهدى الاعصاب والموز بيحسن مزاجك وطبعا كل الفواكه ممتازة

2- راعى نفسك كويس جدا وانزل اشترى هدوم جديدة و برفانات و نظافة ومعطرات للعربية ومن الاخر ماتحرمش نفسك من اى حاجة
لانك حيكون عندك شعور داخلى بالحرمان الى حد ما فخليه يضيع بانك تشترى اللى نفسك فيه بحيث ما يزيدش

3- صحابك المدخنين حاول تقهمهم انك نفسك تبطل علشان يساعدوك وتطلب منهم عدم شرب سجاير معاك فى العربية

4- ممكن تحس بتقلب فى المزاج شوية حاول تقاوم وبلاش عصبية ... ههههههه ربنا يستر على سواقين التاكسى .. ممكن تطلع غلك فيهم

5- اعمل حسابك فى 3 شهور اعتبرهم فترة نقاهة وتصحيح لما اتلفه التدخين وتقويم لسلوكك وواحدة واحدة حتكون كويس وارمى ورا دهرك
اى تصرف غلط تعمله وخليك عارف انها تاثير المدعوئة وان دة تصرف عرضى حيقل و حينتهى مع الفترة الزمنية اللى انت محددها

6- واهم حاجة اعمل خيييييييييير كتييييييييييييير وادعيييييييييى ربنا كتيييييييييييييييييييييييير ودى كفيلة انها تكون سند ليك وحتقويك

على فكرة انا كنت بشرب سجاير لاكثر من عشر سنين وكذا مرة احاول وتيجى حاجة تعكننى وارجع انيل من الاول
لكن المرة دى قفشت فى دماغى واستفدت منها جدا لانها قربتنى كتير من ربنا ودة فضل من عند ربنا بحاول بكل ما اوتى من قوة انى احافظ عليه

وعلى فكرة حتلاقى معاك فلوس كتير جدا اكتر من ثمن السجاير اللى بطلتها .. ودة بيكون فضل من عند ربنا
لانك تركت فاحشة كنت بتضيع رزقك فيها وربنا بيعوضك خير منها بكتير

وربنا يعفو عنا جميعا ويبعد عننا اى حاجة بتسبب الازى او المرض او تكون سبب فى غضب ربنا مننا

ربنا يباركلك يا عمرو بيه
متتخيلش كلامك مفيد و اثر فيا ازاي بجد
لابنا يثبتني ويثبت كل اللي بيحاول يبطل
وفعلا انت جبت المفيد في الجانب النفسي للسجاير
ويارب يعدي علي خير

[m_adeleid]

ربنا يوفقك ويعدي الايام دي معاك على خير.

متشكر جدا يا فندم ربنا يكرمك

[m_adeleid]

نفسى ابطل فعلا ...
بس الموضوع عندى مختلف شوية
انا بشرب شيشه ( معـــــســـــل )

ومبيعديش يوم غير لما اشرب شيشه
فى اليوم من 4-8 حجر

والغريب انى لما بسافر بره مصر وبقعد من 7-10 ايام طبعا من غيرها ومش بتفرق معايا
بس اول لما ارجع بعوض اللى فاتنى :(

فعلا الشيشه خطر جدا ويا رب تبطلها بسرعه خصوصا ان عندك الاستعداد و بتعرف تقعد من غيرها شويه
ربنا يكرمك وتبطل

[m_adeleid]

خد بالك الشيشه اخطر من السجاير بكتييير. وفيها كمان احتمال نقل امراض كتير حتي مع اللي الطبي ومن ضمن الامراض دي الدرن.
وعلي فكرة الدرن موجود ومتفشي في مجتمعنا وما اختفاش زي ما الناس فاهمه. حضرتك انزل مستشفى الصدر وانت تعرف. ..
وبالنسبه للباشا صاحب الموضوع فانا احييك علي شجاعتك. ...والخطوة دي مش سهله. اوعي ابدا تتنازل عن هدفك مهما كان. ...
ولمعلوماتك. التدخين هو السبب الرئيسي لامراض كتيرة في الصدر. اخطرها. سرطان الرئة . .. و مخاطر ممكن توصل لدرجة استئصال رئه كامله. .....

استمر. وربنا هيعينك. بس انت استعن به ولا تعجز.
كفايه انك لو يوم مسكت سيجارة في ايد ابنك. مش هيكونلك عين تضربه. لانك قدوته. فكن نعم القدوة

متشكر جدا يا فندم كلامك شجعني جدا
وبأذن الله مش حتنازل عن هدفي ابدا
وفعلا لازم نبدأبنفسنا و نكون نعم القدوه

[m_adeleid]

ربنا معاك خطوه ممتازه اتمنالك النجاح

انا لا شاي ولا سجاير الحمدلله ولا كنت مُدخن ونفسي كل الناس تبعد عن التدخين

انت كده شجعتني اني اشتري الدوا ده لصديق وهااغصب عليه ياخد منه هههههههه

متشكر يا فندم
بالنسبه للدوا هوا فعلا فعال و كويس جدا
وامريكا اعتبرته انجح دوا لعلاج التدخين
بس عيبه انه غالي ولازم تاخد الكورس كله او اغلبه