ايه ياعم قنوات المصارعة بتاعت اليومين دول ★★★★

[Y a r i s]

ههههههههههههههه
اهو اعلان. تايجر كينج ده .... من كتر ما بيتكرر على جميع القنوات بقت فضيحة المصريين بجلاجل .... ده الاطفال بقو حافظين اعلان تايجر كينج من كتر ما بيتعرض قدامهم .... دا احنا ماصدقنا خلصنا من اعلان. ( ها ياحبيبي برنلك طول الليل مبترودش موبايلك كان فاصل وقاطع شحن ) وقلنا الحمدالله انو اتمنع وطلعلنا اعلان تايجر كينج. لا وكل كوم واعلان كوميدي بتاع شوربة ابو علي اليمني هههههه قال ايه العلماء راحوا اليمن اكتشفوا ان في قبيلة عدد موليدها كتير ولقوهم بيشربوا يوميا شوربة ابو علي اليمني .... حاجة بجد تيكسف مدام هيا دوا ميروحوا يتنيلوا يبعوه في الصيدلية ويخلصونا ... بدل ما يجبولنا احباط ويكسروا في مجاديفنا .... هنجدف بايه ياترى اذا مجديفنا اتكسرت بايدينا هههههههه

بجد وما احزن قلبي وادماه جي افتح قنات ٢٥ يناير بصيت لقيتها قلبت وغيرت نشاطها وبقه اسمها ( توك توك) وكلها رقص على اغاني هبطة من بتاعت سواقين التكاتيك على شوية افلام هبطة زي كلمني شكراً وحين ميسره على المبي . .... قلت لنفسي حسرة على حال البلد. شكلهم حسبوها صح وقالوا لنفسهم بلا ٢٥ يناير. بلا ٢١ فوبراير. البلد في امس الحاجة لهيشك بيشك وقلبوها قناة التوك توك .... علشان يواكبوا العصر ( سبووبة برضوا ) .... واااااااااااا أأأسفاااااااه. ...واااااااا اسفاه ومعتصماه. وببااااه ... وممااااه .... وتحياتي

[AlGazar2]

لسه كان معمول ماتشات ليها فى مصر التذكره كانت ب 3000 جنيه :)

و معظم الى بيتفرجوا على الحاجات دى الاطفال و بتخليهم دايما عصبيين و العنف بيذيد عندهم بدرجة كبيره

[Land_Cruiser]

أصلا الماتشات دى كلها تمثيل فى تمثيل و كتير منها بيبقى عليه مراهنات و بالتالى الموضوع بيبقى تجارى فى الاخر و يخضع لحسابات المصالح و إحنا جمهور الدرجة التالته بتوع العالم التالت بنسقف على الحاجات دى و بنحب جو الخناقات من ايام الافلام الابيض و الأسود اللى كان البطل فيها اول ما يتخانق لازم يضرب كل اللى فى الفيلم و لو يطول يضرب المخرج و المنتج كان هيضربهم هما كمان . الفرجه على القنوات دى بتزيد العنف اللى هو عندنا زياده أصلا و كل شويه طالعين بواحد جديد big show على undertaker على المصارعة الحريمى و رقصه الزلموكه و اتفرج يا شعب و اتسلى