ماذا تفعل لو كنت مكانى- ترجع مصر ولا لا

[horas3000]

الناس اللى عماله تقول مصر خرابة مصر اهرب
متجيش غير شهر فى السنة
الناس دى معظمهم قاعد فى بيوتهم وعمرهم ماتغربوا
او لما سافروا سافروا شهر 2 ورجعوا
فعلا اللى ايده فى الميه مش زى اللى ايده فى النار ....

اقرا الردود تاني كويس يا باشا
و بلاش تعميم و خلاص
في اكتر من واحد و انا منهم كنا عايشين برا و رجعنا
و جربنا الميه و جربنا النار
بس عارفين نفرق بينهم كويس

[samo9992003]

انت وصلت للمرحلة دى
حمدلله على السلامة
بص من الاخر كدة اللى انت فية دلوقت ده نقطة كل اللى مسافر ومتغرب بيوصلها
فى اللى بيوصلها من اول شهر وفى من اول سنه وفى بعد عشر سنين كل على حسب
القرار هنا بتاعك انت محدش يقدر ينصحك فيه حتى
بس حاول لو نويت تقعد انك تشيل الفكرة من دماغك اصلا لانها مش هتسيبك بسهولة
وهتفضل منغصة عليك عيشتك وفى الاخر هتجيبك هنا برضة تاانى لو سيطرت عليك
وخد الفيديو ده هدية منى ليك
‫مشهد من مسلسل باب الخلق : دى مش جريمة محمود عبد العزيز‬‎ - YouTube

[abokoko]

بس مع احترامى الغربة صعبة جدا لكن بلدنا مهما كانت سيئة هتفضل بلدنا برضه

فى ناس متغربة جوه بلدها - اقصد بلدنا مصر

[abokoko]

يا محاسن الصدف
اقرا الكلام اللى جاى وانت لوحدك هتقرر

----------------------------

https://www.facebook.com/photo.php?fbid=420754134668368&set=a.280183138725469.58204.103622369714881&type=1

#رصد| #مصر| د. تقادم الخطيب -أستاذ جامعي وناشط سياسي- عبر تويتر:

١-كنت استقل أتوبيس السوبر جيت لقضاء إجازة العيد مع أهلي في الصعيد بمحافظة الأقصر وعند مدخل مدينة نقادة بمحافظة قنا تم إيقاف الأتوبيس.

٢-صعد إلي الأتوبيس ضابط شرطة برتبة ملازم أول أحمد فتحي عرفت اسمه بعد كده وكان معاه ٢أمناء شرطة وكان بيطلب البطاقات الشخصية وانا لم اكن منتبه

٣-توجه نحوي وقال لي طلع بطاقتك فقلت له ماشي وانا بأطلع البطاقة رفع صوته وقال خلص بسرعة يالا.رفضت أسلوبه وقلت له لا تكلمني بهذه الطريقة

٤-انت مش من حقك تكلمني بهذه الطريقة لا يوجد قانون طوارئ يبرر هذا الأمر والدنيا التغيرات فيه ثورة حصلت في البلد ضد التعامل بالطريقة دي

٥-رد وقال لي جيب البطاقة وأعطيته البطاقة وبعدها قال لي انت مش عامل نفسك راجل كمل لحد الآخر وشوف اللي حيحصل لك ايه ورفضت النزول معاه

٦-بعدها مباشرة كلمت مساعد وزير العدل أمين لجنة تقصي الحقائق اللي انا عضو فيها وشرحت له الموقف فقال لي حدد لي مكانك بالضبط وانا حاتصرف

٧-بعدها مباشرة صعد الأتوبيس عسكري وقال لي انزل ضروري وانا باكلمك بالذوق لأنك لو مانزلتش بالذوق حتنزل بالعافية والذنب حيكبرعليك جداًرفضت انزل

٨-بعدها على طول طلع ضابط امن مركزي وقال لي انزل يا حيوان فرفضت النزول وقلت له خليك محترم،فيه واحد راكب جنبي قال له ده دكتور في الجامعة

٩-رد ضابط الأمن المركزي وقال له طظ فيه وفي الجامعة ولازم ينزل، رفضت النزول وكلمت على طول مستشار الرئيس المهندس محمد سيف الدولة ابلغه بالأمر

١٠-وانا باكلم مستشار الرئيس صعد الأتوبيس ملازم اول محمد عمر عرفت اسمه بعد كده وخطف التليفون من ايدي وشدني من ذراعي وضربني في بطني بالبوكس

١١-الخط كان مفتوح ومستشار الرئيس سمع كل حاجة وسمع الشتيمة القبيحة من الضابط ولما شدني الضابط دفعني ناحية سلم الأتوبيس والجنود بعدها استلموني

١٢-كل واحد من الجنود كان ماسكني من ناحية والضابط كان بيضربني في اللحظة دي بإيديه ورجليه وشدوني ناحية الضابط الأول أحمد فتحي ولما شافني قال

١٣-الضابط لما شافني قال لي اديك نزلت بالعافية يا ابن الوسـ.... وحط إيده في جيبه وطلع قطعة حشيش من جيبه وقال لي انا حلبسك قضية المخدرات دي

١٤-وحاكتب في المحضر أني ضبطتها معاك يامعـ.... وخلي حد يطلعك من الناس اللي بتكلمها،فقلت له وضميرك فين قال لي ضميري عند أمك ياابن المرة.......

١٥-بعدها مباشرة الضرب اشتغل فيه تاني وأخذوا يضربوني ويدفعوني على عربية البوكس ويمارسوا أسلوب القهر ضدي وشتائم لا يمكن وصفها

١٦-الناس اللي راكبة في الأتوبيس شافت الكلام ده فصعبت عليها فنزلوا يترجوا الضباط فقالوا ليهم ده كلب ولازم نعلمه الأدب ويبقي حد يطلعوامن عندنا

١٧- الضباط مشوا الأتوبيس وكنت لوحدي واخدوا التليفون مني وجاني الضابط أحمد فتحي وقال لي الثورة في التليفزيون بس مش هنا، هنا مافيش ثورة

١٨-وقال لي انت حتقعد معانا أسبوع اتنين ثلاثة لحد ما نشوف مين اللي حيقدر يطلعك ومركبين عربية البوكس وركب معايا عسكري فقلت له عاوز اعمل مكالمة

١٩-العسكري قال لي مش حاقدرأعطيك التليفون قدامهم فقلت له حاعطيك فلوس فوافق وقال لما يمشوا بعيد عن العربية لأنك لو ماكلمتش حد حيموتوك في القسم

٢٠-الضابط رجع البوكس وقال لي انت بقي بتاع الثورة وتباع لجنة تقصي الحقائق طاب ابقي جيب حقك الأول علشان تعرف تجيب حق اللي راحوا لأنك حتحصلهم

٢١-وبعدها نزلوني من العربية وركبوني عربية تانية وكان راكب فيها ٤شباب غلابة جداً وسمعت الضابط بيقول العيال دي معاهم حشيش كمان ولازم محضر ليهم

٢٢-وصلنا قسم شرطة نقادة وهناك كان رئيس المباحث منتظرني اول مانزلت من العربية وقال لي أتفضل معاي على مكتبي وكنت وقتها منهك تماماً

٢٣- كنت ماسك بطني من الضرب وطلبت منه انه يجيب لي تليفوني من الضابط فجاب لي التليفون وعملت اتصالاتي بناس كتير علشان أقول لهم انا فين بالضبط

٢٤-كلمني بعدها مساعد وزير العدل وقال لي الدنيا كلها عرفت بموضوعك وماتخافش وبعدها بشوية جاءني ٣عمداء وعقيد أحدهم رئيس شعبة واعتذروا لي فرفضت

٢٥- بعدها كلمني مساعد وزير الداخلية مدير الأمن واعتذر لي فرفضت اعتذاره وقلت له انا عاوز حقي ومش حسيب حقي أبدا لو حصل ايه وانا مش حاسكت أبدا

٢٦-فجأة لقيت اتصال من المستشار العظيم زكريا عبد العزيز وقال لي انا حالا سامع باللي حصل ليك اوعي تنتنازل عن حقك يا تقادم وكلنا معاك

٢٧-كلمت بعدها وائل قنديل وكلمت ناس كتيير علشان الأمر يتحول لقضية رأي عام وكلمت مستشار الرئيس مرة تانية وقلت له بلغ الرئيس باللي حصل معايا

٢٨-بعدها انتقل مدير الأمن للقسم وجاءني وقال لي انا باعتذر بشدة عن اللي حصل والعيال دي حنعرف نؤدبهارفضت اعتذاره وقلت له انا عاوز حقي مش حسيبه

٢٩-في الفترة دي كانت زميلتنا العزيزة حياة اليماني بتتابعني أولا بأول وكانت ناس كتير جداً بتتابعني أيضاً ومدير الأمن كان عاوز يرضيني فرفضت

٣٠-مدير الأمن تركني وقعد مع ضباطه على انفراد وحرروا محضر ضدي أني قمت بالاعتداء على الضباط الثلاثة وعلى القوة وعددها ١٧عسكري معاهم!

٣١-مدير الأمن كان بيتظاهر انه معايا بس هو الحقيقة كان في صف الضباط بتوعه..كنت اتكلمت مع صديقي مالك عدلي وهو اول واحد عرفته بالموضوع

٣٢-مالك قال لي لازم تعمل محضر في القسم وتذكر فيه كل الوقائع وفعلا عملت كده وحررت المحضر في وجود مدير الأمن ووجهت الاتهامات صريحة ومباشرة

٣٣-مستشار الرئيس كلم وزير الداخلية فرد عليه و وقال له اصله وجدوا معاه حشيش فقال له مستشارا الرئيس ده اكاديمي وعيب أنتوعاوزين خالد سعيد تاني

٣٤- بعدها رجع وزير الداخلية وأخبر مستشار الرئيس أني واقعة الحشيش مش معايا مع حد تاني وطبعا هم العيال الغلابة اللي لفقوا لهم القضية

٣٥- وصل عندي شباب الجمعية الوطنية في قنا والمحامين معاهم وحضروا كتابة المحضرضد الضباط ومالك عدلي كان بعت ٣تلغراف لوزيرالداخلية والنائب العام

٣٦-د.هبةرؤوف كانت كلمتني وقالت ماتسيبش الشباب الغلابة فكلمت مدير الأمن وقلت له لازم الناس دي تخرج وفعلا تم إطلاق سراحهم الساعة ٧الصبح

٣٧-الساعة٩الصبح جاءني مساعد وزير العدل لقطاع الجنوب وحاول بكل الطرق والوسائل انه يخليني أتنازل رفضت بشدة وقلت له عاوز حقي مش حأسيب حقي

٣٨-مورست علي ضغوط كبيرة جداً للتنازل فقط عن المحضر رفضت تماماً وحينها أدركت أني محتجز في القسم علشان كده فرفضت وطالبت بعرضي على النيابة

٣٩-كلمت مستشار الرئيس وقلت له انا محتجز وانت مش قادر تطلعني من القسم دول بيضغطوا على علشان أتنازل وكمان بيهددوني فقال لي إياك تتنازل

٤٠-مدير الأمن ومساعد الوزير لقطاع الجنوب كان عندهم رعب ان الضباط يتعرضوا على النيابة ويتحقق معاهم وانا كنت رافض لأي محاولة تهدئة او تنازل

٤١-مع إصراري على انه لازم يتم عرضي على النيابة والضباط لازم يتعرضوا معايا واني مش حاتنازل عن شيء وكم عرفت ان مستشار الرئيس مغلوب على أمره

٤٢-فعلا تم عرضي على النيابة والضباط أتحقق معاهم لمدة ٦ساعات واللي حقق معايا كان مساعد المحامي العام وكان رجلا في غاية التهذيب والاحترام

٤٣-أثناء عرضي على النيابة مستشارين للرئيس احدهما القانوني والآخر للأمن القومي فكانت جملتي لهم طهروا الداخلية وقولوا لمرسي طهر الداخلية

٤٤- تم إخلاء سبيلي بضمان محل إقامتي وكذلك الضابطين والقضية مستمرة والشهود متواجدين ولن أتراجع أبدا واحمل مرسي المسئولية الكاملة لما حدث معي

[abokoko]

وقبل ما انسي
هل كل الناس فى مواقف زى دى هيكون معاها كم المعارف زى الدكتور - للاتصال بيهم ؟؟؟

[eng.m7md.ali]

يا محاسن الصدف
اقرا الكلام اللى جاى وانت لوحدك هتقرر

----------------------------

https://www.facebook.com/photo.php?fbid=420754134668368&set=a.280183138725469.58204.103622369714881&type=1

#رصد| #مصر| د. تقادم الخطيب -أستاذ جامعي وناشط سياسي- عبر تويتر:

١-كنت استقل أتوبيس السوبر جيت لقضاء إجازة العيد مع أهلي في الصعيد بمحافظة الأقصر وعند مدخل مدينة نقادة بمحافظة قنا تم إيقاف الأتوبيس.

٢-صعد إلي الأتوبيس ضابط شرطة برتبة ملازم أول أحمد فتحي عرفت اسمه بعد كده وكان معاه ٢أمناء شرطة وكان بيطلب البطاقات الشخصية وانا لم اكن منتبه

٣-توجه نحوي وقال لي طلع بطاقتك فقلت له ماشي وانا بأطلع البطاقة رفع صوته وقال خلص بسرعة يالا.رفضت أسلوبه وقلت له لا تكلمني بهذه الطريقة

٤-انت مش من حقك تكلمني بهذه الطريقة لا يوجد قانون طوارئ يبرر هذا الأمر والدنيا التغيرات فيه ثورة حصلت في البلد ضد التعامل بالطريقة دي

٥-رد وقال لي جيب البطاقة وأعطيته البطاقة وبعدها قال لي انت مش عامل نفسك راجل كمل لحد الآخر وشوف اللي حيحصل لك ايه ورفضت النزول معاه

٦-بعدها مباشرة كلمت مساعد وزير العدل أمين لجنة تقصي الحقائق اللي انا عضو فيها وشرحت له الموقف فقال لي حدد لي مكانك بالضبط وانا حاتصرف

٧-بعدها مباشرة صعد الأتوبيس عسكري وقال لي انزل ضروري وانا باكلمك بالذوق لأنك لو مانزلتش بالذوق حتنزل بالعافية والذنب حيكبرعليك جداًرفضت انزل

٨-بعدها على طول طلع ضابط امن مركزي وقال لي انزل يا حيوان فرفضت النزول وقلت له خليك محترم،فيه واحد راكب جنبي قال له ده دكتور في الجامعة

٩-رد ضابط الأمن المركزي وقال له طظ فيه وفي الجامعة ولازم ينزل، رفضت النزول وكلمت على طول مستشار الرئيس المهندس محمد سيف الدولة ابلغه بالأمر

١٠-وانا باكلم مستشار الرئيس صعد الأتوبيس ملازم اول محمد عمر عرفت اسمه بعد كده وخطف التليفون من ايدي وشدني من ذراعي وضربني في بطني بالبوكس

١١-الخط كان مفتوح ومستشار الرئيس سمع كل حاجة وسمع الشتيمة القبيحة من الضابط ولما شدني الضابط دفعني ناحية سلم الأتوبيس والجنود بعدها استلموني

١٢-كل واحد من الجنود كان ماسكني من ناحية والضابط كان بيضربني في اللحظة دي بإيديه ورجليه وشدوني ناحية الضابط الأول أحمد فتحي ولما شافني قال

١٣-الضابط لما شافني قال لي اديك نزلت بالعافية يا ابن الوسـ.... وحط إيده في جيبه وطلع قطعة حشيش من جيبه وقال لي انا حلبسك قضية المخدرات دي

١٤-وحاكتب في المحضر أني ضبطتها معاك يامعـ.... وخلي حد يطلعك من الناس اللي بتكلمها،فقلت له وضميرك فين قال لي ضميري عند أمك ياابن المرة.......

١٥-بعدها مباشرة الضرب اشتغل فيه تاني وأخذوا يضربوني ويدفعوني على عربية البوكس ويمارسوا أسلوب القهر ضدي وشتائم لا يمكن وصفها

١٦-الناس اللي راكبة في الأتوبيس شافت الكلام ده فصعبت عليها فنزلوا يترجوا الضباط فقالوا ليهم ده كلب ولازم نعلمه الأدب ويبقي حد يطلعوامن عندنا

١٧- الضباط مشوا الأتوبيس وكنت لوحدي واخدوا التليفون مني وجاني الضابط أحمد فتحي وقال لي الثورة في التليفزيون بس مش هنا، هنا مافيش ثورة

١٨-وقال لي انت حتقعد معانا أسبوع اتنين ثلاثة لحد ما نشوف مين اللي حيقدر يطلعك ومركبين عربية البوكس وركب معايا عسكري فقلت له عاوز اعمل مكالمة

١٩-العسكري قال لي مش حاقدرأعطيك التليفون قدامهم فقلت له حاعطيك فلوس فوافق وقال لما يمشوا بعيد عن العربية لأنك لو ماكلمتش حد حيموتوك في القسم

٢٠-الضابط رجع البوكس وقال لي انت بقي بتاع الثورة وتباع لجنة تقصي الحقائق طاب ابقي جيب حقك الأول علشان تعرف تجيب حق اللي راحوا لأنك حتحصلهم

٢١-وبعدها نزلوني من العربية وركبوني عربية تانية وكان راكب فيها ٤شباب غلابة جداً وسمعت الضابط بيقول العيال دي معاهم حشيش كمان ولازم محضر ليهم

٢٢-وصلنا قسم شرطة نقادة وهناك كان رئيس المباحث منتظرني اول مانزلت من العربية وقال لي أتفضل معاي على مكتبي وكنت وقتها منهك تماماً

٢٣- كنت ماسك بطني من الضرب وطلبت منه انه يجيب لي تليفوني من الضابط فجاب لي التليفون وعملت اتصالاتي بناس كتير علشان أقول لهم انا فين بالضبط

٢٤-كلمني بعدها مساعد وزير العدل وقال لي الدنيا كلها عرفت بموضوعك وماتخافش وبعدها بشوية جاءني ٣عمداء وعقيد أحدهم رئيس شعبة واعتذروا لي فرفضت

٢٥- بعدها كلمني مساعد وزير الداخلية مدير الأمن واعتذر لي فرفضت اعتذاره وقلت له انا عاوز حقي ومش حسيب حقي أبدا لو حصل ايه وانا مش حاسكت أبدا

٢٦-فجأة لقيت اتصال من المستشار العظيم زكريا عبد العزيز وقال لي انا حالا سامع باللي حصل ليك اوعي تنتنازل عن حقك يا تقادم وكلنا معاك

٢٧-كلمت بعدها وائل قنديل وكلمت ناس كتيير علشان الأمر يتحول لقضية رأي عام وكلمت مستشار الرئيس مرة تانية وقلت له بلغ الرئيس باللي حصل معايا

٢٨-بعدها انتقل مدير الأمن للقسم وجاءني وقال لي انا باعتذر بشدة عن اللي حصل والعيال دي حنعرف نؤدبهارفضت اعتذاره وقلت له انا عاوز حقي مش حسيبه

٢٩-في الفترة دي كانت زميلتنا العزيزة حياة اليماني بتتابعني أولا بأول وكانت ناس كتير جداً بتتابعني أيضاً ومدير الأمن كان عاوز يرضيني فرفضت

٣٠-مدير الأمن تركني وقعد مع ضباطه على انفراد وحرروا محضر ضدي أني قمت بالاعتداء على الضباط الثلاثة وعلى القوة وعددها ١٧عسكري معاهم!

٣١-مدير الأمن كان بيتظاهر انه معايا بس هو الحقيقة كان في صف الضباط بتوعه..كنت اتكلمت مع صديقي مالك عدلي وهو اول واحد عرفته بالموضوع

٣٢-مالك قال لي لازم تعمل محضر في القسم وتذكر فيه كل الوقائع وفعلا عملت كده وحررت المحضر في وجود مدير الأمن ووجهت الاتهامات صريحة ومباشرة

٣٣-مستشار الرئيس كلم وزير الداخلية فرد عليه و وقال له اصله وجدوا معاه حشيش فقال له مستشارا الرئيس ده اكاديمي وعيب أنتوعاوزين خالد سعيد تاني

٣٤- بعدها رجع وزير الداخلية وأخبر مستشار الرئيس أني واقعة الحشيش مش معايا مع حد تاني وطبعا هم العيال الغلابة اللي لفقوا لهم القضية

٣٥- وصل عندي شباب الجمعية الوطنية في قنا والمحامين معاهم وحضروا كتابة المحضرضد الضباط ومالك عدلي كان بعت ٣تلغراف لوزيرالداخلية والنائب العام

٣٦-د.هبةرؤوف كانت كلمتني وقالت ماتسيبش الشباب الغلابة فكلمت مدير الأمن وقلت له لازم الناس دي تخرج وفعلا تم إطلاق سراحهم الساعة ٧الصبح

٣٧-الساعة٩الصبح جاءني مساعد وزير العدل لقطاع الجنوب وحاول بكل الطرق والوسائل انه يخليني أتنازل رفضت بشدة وقلت له عاوز حقي مش حأسيب حقي

٣٨-مورست علي ضغوط كبيرة جداً للتنازل فقط عن المحضر رفضت تماماً وحينها أدركت أني محتجز في القسم علشان كده فرفضت وطالبت بعرضي على النيابة

٣٩-كلمت مستشار الرئيس وقلت له انا محتجز وانت مش قادر تطلعني من القسم دول بيضغطوا على علشان أتنازل وكمان بيهددوني فقال لي إياك تتنازل

٤٠-مدير الأمن ومساعد الوزير لقطاع الجنوب كان عندهم رعب ان الضباط يتعرضوا على النيابة ويتحقق معاهم وانا كنت رافض لأي محاولة تهدئة او تنازل

٤١-مع إصراري على انه لازم يتم عرضي على النيابة والضباط لازم يتعرضوا معايا واني مش حاتنازل عن شيء وكم عرفت ان مستشار الرئيس مغلوب على أمره

٤٢-فعلا تم عرضي على النيابة والضباط أتحقق معاهم لمدة ٦ساعات واللي حقق معايا كان مساعد المحامي العام وكان رجلا في غاية التهذيب والاحترام

٤٣-أثناء عرضي على النيابة مستشارين للرئيس احدهما القانوني والآخر للأمن القومي فكانت جملتي لهم طهروا الداخلية وقولوا لمرسي طهر الداخلية

٤٤- تم إخلاء سبيلي بضمان محل إقامتي وكذلك الضابطين والقضية مستمرة والشهود متواجدين ولن أتراجع أبدا واحمل مرسي المسئولية الكاملة لما حدث معي

وقبل ما انسي
هل كل الناس فى مواقف زى دى هيكون معاها كم المعارف زى الدكتور - للاتصال بيهم ؟؟؟

حاسس ان الكلام ده مبالغ فيه جداً
عشان الناس تتعاطف مع مرسي وانه بيعمل المستحيل عشان الامن يرجع والداخلية تتظبط من الاول وجديد

يعني نقدر نقول انه تبرير لمرسي انه معرفش يرجع الامن في ال 100 يم

[abokoko]

حاسس ان الكلام ده مبالغ فيه جداً
عشان الناس تتعاطف مع مرسي وانه بيعمل المستحيل عشان الامن يرجع والداخلية تتظبط من الاول وجديد

يعني نقدر نقول انه تبرير لمرسي انه معرفش يرجع الامن في ال 100 يم

بالعكس انا شايف انه مش مبالغ فيه ولا حاجه - بل بالعكس ده واقعى جدا عن بعض تصرفات الداخليه

انا فاكر مره عند كمين نجع حمادى كان فى عربيه نقل صغيره وفى الكابينه راجل وست شكلها مراته
وكنا قريبين منهم وكان الظابط بيتكلم مع اللى سايق وشتمه بلفظ خارج جدا من غير احترام لوجود انثى جنبه وانها ممكن تكون مراته وانه بيهين كرامته امامها - تقول ايه على كده

وفاكر كمان مرة فى الغردقة وكان بيفتشوا الاتوبيس اللى راكب فيه واحيانا كانت الشنط بتتفتح وتتفضا بالكامل ومن غير اى تفاهم او يسمحوا لاى حد بالكلام - وعدا جنبا عربيه فيها اجانب ولقيت الاجنبي فى الكرسي الامامى لما لقي الضابط بيبص عليه . راح رافع رجليه الاتنين فوق التابلوه فى وش الضابط - قلت سبحن الله ده ربنا بيخلص الذل اللى بيتعمده مع ابناء وطنه المصريين

[eng.m7md.ali]

بالعكس انا شايف انه مش مبالغ فيه ولا حاجه - بل بالعكس ده واقعى جدا عن بعض تصرفات الداخليه

انا فاكر مره عند كمين نجع حمادى كان فى عربيه نقل صغيره وفى الكابينه راجل وست شكلها مراته
وكنا قريبين منهم وكان الظابط بيتكلم مع اللى سايق وشتمه بلفظ خارج جدا من غير احترام لوجود انثى جنبه وانها ممكن تكون مراته وانه بيهين كرامته امامها - تقول ايه على كده

وفاكر كمان مرة فى الغردقة وكان بيفتشوا الاتوبيس اللى راكب فيه واحيانا كانت الشنط بتتفتح وتتفضا بالكامل ومن غير اى تفاهم او يسمحوا لاى حد بالكلام - وعدا جنبا عربيه فيها اجانب ولقيت الاجنبي فى الكرسي الامامى لما لقي الضابط بيبص عليه . راح رافع رجليه الاتنين فوق التابلوه فى وش الضابط - قلت سبحن الله ده ربنا بيخلص الذل اللى بيتعمده مع ابناء وطنه المصريين

الكلام ده قبل الثورة ياباشا اكيد

بعد الثورة بقى في حاجات كتير تقدر تحاسب بيها الظابط ده

واعتقد حصل حوادث كذا مرة قبل مايبقى الحساب بجد بعد الثورة وافتكر ان الظباط في الاخر بيقعدو يبوسوا رجل المجني عليه عشان يتنازل
لكـــــن لو المجني عليه معرفش يجيب حقه بالقانون يبقى اكيد هيلجأ لسبل تانية اكيد كلنا عارفينها وهيا المنتشرة بعد الثورة


الكلام ده بيبين للناس ان مرسي ملهوش سلطة على الداخلية او مش عارف يحكمهم وده يبرر ان مفيش امن لحد دلوقتي

[abokoko]

فعلا ده قبل الثوره
لكن هل فعلا فى تغيير فى تفكير الداخليه !!!!!!!!!!!

[Ahmed Selim]

الموقف صعب يا كبير

أنا فى نفس موقفك بس مع إختلاف واحد فقط و هو إختلاف جزري

الشغل اللى هنا مش مستقر بتاتاً و متوقع كلمة مع السلامة فى أى وقت..........و بقالي أكتر من سنة بدور عل شغل بنفس المرتب أو حتى أقل شوية........مرتب يعيشني أنا و عيالي شوية على ما الوضع الإقتصادي يتحسن بس للأسف الهنود و الباكستانيين قايمين بالواجب فى موضوع المرتبات......بيقبل بنص اللى أنت بتتطلبه.

أنا كنت فى مصر من كام شهر و شايف الموقف مش سئ خالص زى ما بسمع.......و كنت بسوق و الناس بتكسر عليا و أنا ماسك نفسي أول يوم................تاني يوم بقيت بتعامل عادي :)

لو أنا مكانك هفكر ألف مرة قبل ما أخد القرار ده............مش علشاني.............لأ علشان عيالي.....تعليم أحسن.....امان....كل حاجة أحسن...........ما عدا العلاقات الإجتماعية نظراً لقلة المعارف هنا.

بس القصة كلها معايا حاليا ً هو موضوع عدم الإستقرار فى الشغل.......يعنى لو كان الوضع مختلف مكنتش هفكر أرجع.................بس ما باليد حيلة.

أثبت مكانك مش علشان بلدنا وحشة بس علشان فيه إختيار تاني فى أيدك أحسن لولادك و ليك.

طالما شغلك مستقر و الحمد لله......الحالة الوحيدة اللى هقولك أرجع فيها هى أنك تكون كبرت شوية فى السن و مش سهل تلاقى شغل فى مصر......و بالتالى بما أننا راجعين راجعين يبقى ترجع دلوقتي بما أنك قدامك شغل محترم.

متنساش الإستخارة و أمشي فى الموضوع و ربنا يقدملك اللى فيه الخير إن شاء الله.

[OMAR61995]

اللى كتب الكلام ده حاسس أنه مأفور شويه
و كمان متناقضة شويه مع كلام اليوم السابع
[url=http://www1.youm7.com/News.asp?NewsID=828901&SecID=12&IssueID=0]

[yalahwy2010]

لو الموضوع ده كان على هيئة استطلاع كانت هتبقى النتيجة فوق ال 90% لصالح طبعا انك تفضل برة مصر
للأسف
بس لازم نكون متفائلين شوية بوضع البلد
وعشمانين فى الإخوان انهم يصلحوا حال البلد
يا رب

[khaled_legend]

يا صاحب الموضوع

95% من الاعضاء قالوا لك بالعربي الفصيح "متنزلش" و انا معاهم و لكن لو صممت تنزل صدقني "سوف تندم في وقت لا ينفع فيه الندم" و لو حضرتك مستعد للمخاطره تلك فلا تخاطر بحياتك الزوجيه و اولادك

صدقني مصر اصبحت مكان غير مناسب لتربيه الاولاد تربيه صحيحه و اقرأ هذا الموضوع

http://www.nilemotors.net/Nile/315363-a.html

[horas3000]

‫مشهد من مسلسل باب الخلق : دى مش جريمة محمود عبد العزيز‬‎ - youtube[/url]

فيديو فيه الخلاصه فعلا

[shaddadfalcon1]

اذا كان ينفع تاخد اجازه من شغلك لفتره طويله وتنزل مصر تجرب شويه وتشوف ولو عجبك الحال يبقي قشطه

انا علي فكره قعدت سنه في القاهره وكنت مبسوط جدا ومكنش عندي مشكله خالص بس كانت ظروفي كالأتني:

1- ساكن في الحي الثامن عند الوفاء والامل وشغلي في المنطقه الحره
2- المسافه بين الشغل والسكن لاتتجاوز 3 كيلو ودايما سالكه وفي تخاريم كتيير ليها ومش بتاخد مني اكتر من 5 دقايق وببقي قاعد في الشغل
3- الحضانه في العماره اللي جنبي وحتي لو في مدرسه كان هيبقي باتوبيس
4- انا كائن بيتوتي وتقريبا لا انا ولا مراتي بنخرج نهائي ولما نخرج كنا بنروح سراج موول مثلا اللي هو جنبي اصلا وممكن اروحه مشي او جنينه مول وكنت بختار وقت مش زحمه او سيت ستارز وكنت عارف تخريمه ليه برده بس كنت بتخنق من الخروج بسبب العيال وشقواتهم والقرف اللي البنات بتبقي عملاه في نفسها كنت ببقي عايز اسيب العيال وامهم واروح اتجوز هههههههههههه
5- كنت طبعا بعيد عن اهلي في الأسكندريه والبحيره وكنت بشوفهم كل شهر ونص ودي كانت اكتر حاجه مرهقه ليا بالسفر بالعربيه من مصر للاسكندريه والرجوع واللي كان بيخليني اروح عشان بس ابويا وامي يشوفو العيال مش اكتر لكن لما باروح لاكنت بزور ده ولا ده

عدا ذلك كل شيء كان تمام ومليون في الميه وان كان علي الزحمه وقلة الادب كنت بروح الشغل متاخر وارجع متاخر عشان مشوفش الكئانات الفضائيه اللي بتسوق