ماذا تفعل لو كنت مكانى- ترجع مصر ولا لا

[khaled_legend]

انتا جالك مرض الحنين الى الوطن.
والمرض ده شائع ومنتشر برة زي الؤلفنونزة كده .... بس عامة كل ما تحس بوجع الحنين ومغص الوطن روح هاتلك علم مصر واقعد بوووس فيه .... ولو الحنين نقح عليك قوووي. اديني عنوانك وانا ابعتلك بطرمان مليان شوية تراب وطن انما ايه على كيف كيفك شمو كل يوم قبل ما تنزل على الشغل .... واكيد هتلاقي واحدًمصري فاتح محل فول وطعمية هناك او محل كوشري ابقى عدي عليه من الوقت للتاني واضربلك طبق كوشري .... انا كنت بعمل كده ايام ماكنت في الغربة.

بس قد ما كانت الغربة صعبه بره مصر بس بتبقى فرحان لان لو حصل اي حاجة هتاخود بعضك وترجع بلدك .... لكن تصور لمن تحس بالغربة في بلدك وحصلك اي حاجه هتلم بعضك وتروح فييييين !!!

انتا بس اعمل الي قلتلك عليه وانتا ترتاح هات علم مصر وان ملقيتش علم مصر برة بسيطة اي لباس احمر على فنيلة بيضة على تشيرت اسود وابره وفتلة وارسم عليهم حمامة وخليه يرفرف كده في الاوضة عندك هترتاح نفسياً .... واقولك على حاجة لزيزة كمان الاسكاي بي. وفي برنامج اسمو فايبر حل جميع المشاكل واللهي بقعد بالساعه والساعتين اتكلم دولي ببلاش ومسجات ببلاش كمان هتقولي اصحابك في مصر معندهمش سمارت فون. .... هنا يجي دورك يابطل ابعتلهم ياغالي ( تهادوا تحابوا ) كام موبايل اي فون على جلاكسي ثري وعيش اجمل مافي اللحظة وتحياتي

هاهاهاهاهاهاهاهاهاهاهاهاهاهاهاها دم حضرتك خفيف جدا و كمان ممكن يستخدم الستالايت فون

عليك ان تختار بين.... حياة محترمة فى البيت و الشغل و الشارع (فى معظم الاحوال) فى الغربة..... و بين حياة محترمة فى الشغل (انت بتقول الشركة اللى عارضة عليك الشغل فى مصر كويسة) و البيت ( عشان ده يحصل لازم تحاول تسكن فى كومباوند فى مصر و ده هيكلف كتير اوى) اما الشارع المصرى فعمره ما هيبقى محترم و ده فى حد ذاته كفيل بأنه يخرجك من هدومك بصفة يومية :)

+1

الناس اللى عماله تقول مصر خرابة مصر اهرب
متجيش غير شهر فى السنة
الناس دى معظمهم قاعد فى بيوتهم وعمرهم ماتغربوا
او لما سافروا سافروا شهر 2 ورجعوا
فعلا اللى ايده فى الميه مش زى اللى ايده فى النار ....

اتمني عدم التعميم و جميله صوره جوني بالمناسبه

[MASERATI]

ايه اجراءات الهجره بقي لكندا ؟!

السلام عليكم و رحمة الله و بركاته

ان شاء الله, فى شهر يناير الجاى هتفتح تانى.

[MASERATI]

بالعكس انا شايف........

ولقيت الاجنبي فى الكرسي الامامى لما لقي الضابط بيبص عليه . راح رافع رجليه الاتنين فوق التابلوه فى وش الضابط - قلت سبحن الله ده ربنا بيخلص الذل اللى بيتعمده مع ابناء وطنه المصريين

السلام عليكم و رحمة الله و بركاته

أييييييييييييييييييييييييييييييييوه.

أهو من ضمن الأسباب الرئيسية اللى خلتنى أهاجر و الكلام ده كان قبل الثورة, أنى أما أعدى على كمين فيه ظابط مش محترم, أقدر أحط رجلى فى وشه و أنا مطااااااااااااااااااااااااااااااااااااامن.

[Mohab.Nabil]

السلام عليكم و رحمة الله و بركاته

ان شاء الله, فى شهر يناير الجاى هتفتح تانى.

طيب يا باشا انا كان عندى كذا استفسار بعد اذنك

ايه اهم متطلبات الهجرة ديه انا عارف ان اكيد فيه بنود كتيرة بس اهم الحاجات يعنى

و هل مثلا لو انت مهندس ممكن تروح هناك تشتغل مهندس بشهادتك من هنا ولا ده صعب

و نظام المرتبات هناك كبداية اول ما تروح هل يعيشك حياة كريمة هناك ولا هتبقى الحياة صعبة

و اخيرا الحياة هناك كحياة يومية و كده فارقة كتير عن هنا هل تستحق التضحيات فعلا انك تسيب بلدك خصوصا لو وضعك هنا كويس

انا بتكلم على خمس سنين قدام مثلا انا لسه طالب و لسه قدامى سنتين و سنة جيش

و اسف لو طولت عليك بس الخبرات الناتجة عن تجارب على ارض الواقع ديه بتبقى اهم حاجة

[MASERATI]

طيب يا باشا انا كان عندى كذا استفسار بعد اذنك

ايه اهم متطلبات الهجرة ديه انا عارف ان اكيد فيه بنود كتيرة بس اهم الحاجات يعنى..........

السلام عليكم و رحمة الله و بركاته

ان شاء الله فى يناير الجاى, هيفتحوا تانى و هيبان هما عاوزين وظايف ايه و شروطهم ايه, بس اللى أنا متأكد منه أنه مهم جدا و بيفرق, اللغة الانجليزية, اتعلمها و حسن نفسك فيها بالطريقة اللى تعجبك, المهم أنك تجيدها.

الحاجة التانية, أن فيه مهندسين بييجوا و يشتغلوا عادى زى بتوع الit و فيه تخصصات تانية عاوزه معادلة.

أى مرتب هنا لازم هيعيشك حياة كريمة.

بالتوفيق ان شاء الله.

[Mohab.Nabil]

السلام عليكم و رحمة الله و بركاته

ان شاء الله فى يناير الجاى, هيفتحوا تانى و هيبان هما عاوزين وظايف ايه و شروطهم ايه, بس اللى أنا متأكد منه أنه مهم جدا و بيفرق, اللغة الانجليزية, اتعلمها و حسن نفسك فيها بالطريقة اللى تعجبك, المهم أنك تجيدها.

الحاجة التانية, أن فيه مهندسين بييجوا و يشتغلوا عادى زى بتوع الit و فيه تخصصات تانية عاوزه معادلة.

أى مرتب هنا لازم هيعيشك حياة كريمة.

بالتوفيق ان شاء الله.

الف شكر يا باشا على الرد السريع

[exelence]

السؤال المهم هل لما انت كنت مسافر كنت عامل حسابك تكمل هناك ؟
طب لو ما كنتش عامل حسابك تكمل فهل كنت حاطط لنفسك مدة معينه او حتى حاسس انك حققت الحاجه اللى انت كنت رايح علشانها ؟
انا رايى الشخصى لو انت حاسس انك حققت اللى نفسك فيه يبقى تفكر فى الرجوع بس من غير ندم يعنى لازم تعرف انك هتواجه مصاعب و انا عن نفسى مؤمن بشيئ و هو ان الواحد مهما قعد فى الغربة لازم ارجع بلدى و اولادى يعيشوا هنا فى بلدى زى ما انا عشت فيها و لازم نقبلها بحلوها و مرها
الغربة صعبة جدا" و ما حدش يفتكر انه هيقدر يستحملها بسهولة و العمر سنينه معدوده مش معقول هاقضيه كله بره بلدى كفايه انى لما باحس بزهق باروح ازور ابويا و امى و اخواتى و اصحابى.

[mostafa yousri]

ياسيدى الفاضل ماترفصش النعمه دى الناس عايزه تطفش من المخروبه دى وحضرتك عاوز ترجع نصيحه لوجه الله خليك عندك وحافظ على صحتك من اللى حتشوفه هنا

[shaddadfalcon1]

السؤال المهم هل لما انت كنت مسافر كنت عامل حسابك تكمل هناك ؟
طب لو ما كنتش عامل حسابك تكمل فهل كنت حاطط لنفسك مدة معينه او حتى حاسس انك حققت الحاجه اللى انت كنت رايح علشانها ؟
انا رايى الشخصى لو انت حاسس انك حققت اللى نفسك فيه يبقى تفكر فى الرجوع بس من غير ندم يعنى لازم تعرف انك هتواجه مصاعب و انا عن نفسى مؤمن بشيئ و هو ان الواحد مهما قعد فى الغربة لازم ارجع بلدى و اولادى يعيشوا هنا فى بلدى زى ما انا عشت فيها و لازم نقبلها بحلوها و مرها
الغربة صعبة جدا" و ما حدش يفتكر انه هيقدر يستحملها بسهولة و العمر سنينه معدوده مش معقول هاقضيه كله بره بلدى كفايه انى لما باحس بزهق باروح ازور ابويا و امى و اخواتى و اصحابى.

باشا من مصر للأمارات 4 ساعات بالطياره ودلوقتي عندك فلاي دبي التذكره رايح جي اقل من 1500 جنيه وفي ارخص من كده اعتقد يعني لو حب يجي كل شهر او زهق في اي يوم وحب يجي جمعه وسبت هيجي :)

[msobhy]

من اللى انا شايفه - وتقريبا انا قرأت كل تعليقات الاعضاء وضحكت - وتقريبا قربت اعيط لكن ما علينا
أسمح لى على سبيل الفضفضه أعرفك بنفسى
انا يا سيدى عبد من عباد الله
الحمد لله مستور بمعنى عندى عربيه وعماره انا ووالدتى بس اللى ساكنين فيها وان شاء الله مستقبليا اخى الصغير هاينضم لينا - دخلى الحمد لله معيشنى كويس - ولكن وحط تحت لكن ديه الف خط - الادخار الشهرى صفر
بمعنى انى ممكن اوفر 500 جنيه الشهر ده - والشهر اللى بعده أوفر 600 - والشهر اللى بعدي أتزنق وأصرف 2000 جنيه واستلف 900 جنيه لغاية لما ربنا يفرجها
طيب ما يمكن انا مسرف ومبذر ومليان بزر علشان كده فلوسى بتضيع - بمنتهى البساطه الكل بيقولوا عليه انى فعلا حريص جدا ومش بصرف القرش غير فى مكانه الصح
انا متزوج وعندى طفلين - زوجتى لا تعمل - انا نسبيا شغال فى وظيفه محترمه - فى شركه محترمه - بمرتب غير محترم
والدى رحمه الله هو اللى ساب لنا البيت اللى احنا عايشين فيه - اللى قدر يعمله من السفر لليمن (افقر دول اسيا) والحمد لله مستورين
فى حياتى كلها لم أسافر الا الى دبى ولمدة 7 أيام فقط
للأسف وانا فى دبى تقريبا وده على حساب شركتى فى الاسبوع ده كنت عايش عيشه وهميه - فندق محترم جدا - عربية بسواق مخصصه ليه انا واتنين كمان كانوا معيا فى نفس التدريب - برنامج ترفيهى (مع انى رايح اتدرب مش رايح اتفسح) - كنت فعلا عايش الحياه اللى نفسى فيها
يومى كان كالتالى يوميا الصبح فطار - من الساعة 8 الى الساعة 1 تدريب - من 1 الى 2 الغدا - من 2 الى 4 استكمال التدريب - من 4-7 راحه فى الفندق (بالنسبه ليا كنت لازم اخد ساعه فى الجيم أو حمام السباحه) - من 7 الى 11 برنامج ترفيهى وتسوق
الشكل العام بيقول انها عيشه فل الفل
والله كنت هاموت وانزل مصر
كنت كل شويه اتصل بأمى ومراتى أقول لهم هانت - فاضل 3 أيام وانزل
نسيت أقول ان ليا اصحاب من الامارات والناس ديه للأسف كانت بتخلينى أسوق عربياتهم لأنى كنت مطلع الرخصه الدوليه قبل ما اسافر
مش هاقول انا شوفت ايه ولا عملت ايه - لكن خلصت ورجعت مصر
أول لما وصلت المطار - أول حاجه سمعتها واحد شكله كده أمين شرطه بيكلم واحد فى التليفون وبيقوله ما تخافش يا باشا - هاخلصلك ورقه وهاخليه يخرج على طول من غير ولا تفتيش ولا اى حاجه من الكلام ده
عادى هيه ديه بلادنا
قابلنى واحد سمج وعلى وشه غضب ربنا وبمنتهى القرف قال لى - حمد الله على السلامه - جاى منين - قلتله من دبى - راح مخبط على الشنطه جامد وقالى معاك حاجه - بصيت له بمنتهى القرف وقلت له لأ معييش - بنفس نظرة القرف الاولى قالى - حمدالله على السلامه اتفضل - حمدت ربنا انه ما ضربنيش بالقلم ومشيت
واحد قريبى كان مستنينى وكان جاى بعربيتى لأنه كان لسه عامل حادثه بعربيته - اول لما شافنى حمدالله على السلامه والكلام الفاضى ده - وخد يا عم سوق انت عربيتك - ماشى
الصدمه الاولى - هناك كنت باسوق هوندا اكورد ونيسان ماكسيما (لمدة 3 أو 4 أيام فقط) هنا والحمد لله رجعتى لعربيتى اللذيذه اللانوس
الصدمه التانيه - مش عارف اسوق علشان اضاءة الشوارع زى الزفت
الصدمه التالته - كنت هاعمل حادثه مهوله فى وسط البلد بسبب انى مشيت على اشارات المرور
الصدمه الرابعه - الكل بيتعامل معاك على اساس انك بقيت غنى وكان لازم تجيب له لامبرجينى وانت جاى من السفر (اللى هو 7 أيام)
الصدمه الخامسه - ترجع شغلك الطبيعى مش قادر تدخل مكتبك لما تعمل مقارنه بسيطه بين هنا وهناك - هناك انت كنت شغال مع بنى أدمين بقواعد وقوانين وشكل عام صح لكن هنا انت شغال مع حيوانات وبهايم فى زريبه كبيره وطبعا انا جزء من المنظومه ديه - أسف الزريبه ديه
الصدمه السادسه - الانتقال من مكان الى مكان
الصدمه السابعه - طريقة كلام كل الناس اللى حواليك
الصدمه الثامنه - وديه للأسف كانت مصيبه بالنسبه ليه - عمتى كانت تعبانه جدا وسفرت امريكا تتعالج هناك - رجعت بعد 70 يوم تقريبا حالتها زى الفل - قعدت فى مصر 3 شهور وبعدها توفت - المصيبه فى حاجتين - المصيبه الاولى ان كان معاها تقارير طبيه وكلها بتأكد ان لازم ما يتعملش ليها حاجه اسمها عملية تنظيف -وطبعا الحلاقين اللى هنا أول حاجه عملوها لها هيه عملية التنظيف - وبعدها بتر - وبعدها العزاء كان بعد صلاة المغرب - المصيبه التانية ان عربية الاسعاف بتوصلك بعد ساعه من طلبها
.
المهم دلوقتى انا عايش ازاااااااااااااااى
أقولك يا سيدى - انا والحمد لله شخص مسالم جداااااااا - وبما انى مسالم جدااااااااااااااااااااااااا باخد على قفايا كتيييير - وماشى فى البلد ديه بأنى اتشتم وأتهزق باقعد ساكت الا فى حاله واحده لو حد مد ايده عليا أو حد تطاول على اهلى - فى الحاله ديه ولا ببقى مسالم ولا حتى اعرف سالم من اساسه - انا الحمد لله نسبيا كنت رياضى عنيف شويه - بتحول لعربجى عنيف شويتين وبتعدى
.
الحمد لله كل مصالحى بقضيها رشاوى أو وسايط بعد ما بافشل انى أعملها بالطريقة السليمه
.
أنا أكتر واحد ممكن تشوفه ممكن يقف فى طابور وينظم الناس انها تقف فى طابور ويتريقوا عليه
.
عمرى ما كسرت اشارة مرور أو مشيت عكس
.
عمرى ما انتظرت فى الممنوع أو عطلت شارع
.
عمرى ما رميت زباله فى الشارع - بل بالعكس انا بنظف الشارع قدامى بيتى وشارى زرع وورد وزارعهم قدام بيتى - والجيران الحمد لله قطعوا كل الزرع لأنه مظهر غير حضارى وحاولوا يحولوا أحواض الزرع الى مقلب زباله بس للأسف انا وقفتهم
بلدنا مثال رائع للأدب - الاخلاق - الطرق - المواصلات - الطب - التعليم - الامن والمان
بالمناسبة السعيد - والله العظيم انا بحب مصر جدا
بعد كل الرغى اللى مالوش اى داعى ده
نصحتى ليك أرجع يا ابنى - بلدك أولى بيك - البلد بتدور على اللى زيك
بس ابوس ايدك قبل ما تمشى من عندك ادينى الميل بتاع شركتك علشان اقدم فيها

[MTAK]

من اللى انا شايفه - وتقريبا انا قرأت كل تعليقات الاعضاء وضحكت - وتقريبا قربت اعيط لكن ما علينا
أسمح لى على سبيل الفضفضه أعرفك بنفسى
انا يا سيدى عبد من عباد الله
...............

اكثر من رائعه يا ابومروان

فكرتنى بنفسى بالضبط لما سافرت دبى تبع الشركة برضه و برضه كان اسبوع و كنت قاعد فى ماريوت

انا ماتوهمتش بالمولات و لا العربيات و لا ولا ...........

اكتر حاجه وهمتنى هى اشارة المرور و خط عبور المشاه

فى الشوارع العريضه هناك اشارة الكل بيستناها علشان يعدى لما توقف العربيات

طيب هناك شوارع متفرعه و حارة واحده تكون متفرعه من الرئيسيه و عاملين بها برضه اماكن عبور مشاه او خطوط بيضاء بعرض الشارع

المهم انا كنت باعدى منها و لسه يا دوب بانزل رجلى من على الرصيف لقيت هامر و مش عارف اكتر من كده عنها بس تقريبا قد الدبابه الصغيره

المهم الراجل وقف علشان اعدى , بينى و بينكم صعب على وقفه الراجل و الطلعه اللى هايستهلك فيها 5 لتر على الاقل علشان يقوم بالجبل ده فطلعت رجلى الوحيده اللى كانت على الارض و شاورتله انه يتفضل يعدى هو
فشاور بلأ و عدى انت الاول و انا بشاورله فى المره التانيه لقيت بقى وراه 5 عربيات اخرى مختلفه منتظرين سيادته
قلتله يا عم عدى انت الاول

شاورلى بما معناه , اقلبها توك توك لو انا عديت قبلك
المهم عديت و خلاص

و تكرر هذا الموقف كذا مرة الى ان كانت الفاجعه التى بهدلتنى فى نفساوياتى

نفس الشارع و انا باعدى لقيت موتسيكل دليفرى وقف لى قبل الخط الابيض و نزل رجله على الارض علشان يسند الموتوسيكل و هو واقف و منتظرنى

عالم ما بتعرفش تسوق ما كان ممكن ياخد عرزة من ورايا ده الشارع عرضه حوالى 10 متر

و تذكرت وقتها كورنيش الاسكندريه و انا باحاول اعديه و كل مرة لازم الواحد يقول الشهاده قبل ما يعدى

[msobhy]

اكثر من رائعه يا ابومروان

....................

يا باشا ربنا يخليك - بس ديه مش اكتر من رائعه - ديه اكثر من مأساه

شاورلى بما معناه , اقلبها توك توك لو انا عديت قبلك
المهم عديت و خلاص

هههههههههههههههههههههههههههههه انا ضحكت ضحك السنين
بالمناسبه والله العظيم انا لما رجعت كنت بخاف اعدى الشارع لوحدى (شحط 190 سم وبيدور على حد علشان يعدى معاه) والغريبة انى قعدت كده فى حدود شهر أو اكتر - مع انى هما 7 أيام عمى اللى قعدتهم هناك

[Angel_wolf]

اوعى تقول الغربة الغربة فى مصر هنا اوحش من برة والله واسئل اى حد رجع من برة هيقولك
" لا البيت بيتى ولا الجيران جيرانى "

حرام عليك اوعى تنزل بجد وعن تجربة البلد دى بلاعة فلوس والاوضاع غير مستقرة بالمرة متشيش من هناك الا لو هما مشوك ولو ناوى تمشى يبقى على الاقل تكون مامن لنفسك هنا سكن محترم و راقى و مشروع مش بطال ضماناً للطروف المنيلة بنيلة اوى اوى اوى الى هنا

[shaddadfalcon1]

من اللى انا شايفه - وتقريبا انا قرأت كل تعليقات الاعضاء وضحكت - وتقريبا قربت اعيط لكن ما علينا
أسمح لى على سبيل الفضفضه أعرفك بنفسى
انا يا سيدى عبد من عباد الله
الحمد لله مستور بمعنى عندى عربيه وعماره انا ووالدتى بس اللى ساكنين فيها وان شاء الله مستقبليا اخى الصغير هاينضم لينا - دخلى الحمد لله معيشنى كويس - ولكن وحط تحت لكن ديه الف خط - الادخار الشهرى صفر
بمعنى انى ممكن اوفر 500 جنيه الشهر ده - والشهر اللى بعده أوفر 600 - والشهر اللى بعدي أتزنق وأصرف 2000 جنيه واستلف 900 جنيه لغاية لما ربنا يفرجها
طيب ما يمكن انا مسرف ومبذر ومليان بزر علشان كده فلوسى بتضيع - بمنتهى البساطه الكل بيقولوا عليه انى فعلا حريص جدا ومش بصرف القرش غير فى مكانه الصح
انا متزوج وعندى طفلين - زوجتى لا تعمل - انا نسبيا شغال فى وظيفه محترمه - فى شركه محترمه - بمرتب غير محترم
والدى رحمه الله هو اللى ساب لنا البيت اللى احنا عايشين فيه - اللى قدر يعمله من السفر لليمن (افقر دول اسيا) والحمد لله مستورين
فى حياتى كلها لم أسافر الا الى دبى ولمدة 7 أيام فقط
للأسف وانا فى دبى تقريبا وده على حساب شركتى فى الاسبوع ده كنت عايش عيشه وهميه - فندق محترم جدا - عربية بسواق مخصصه ليه انا واتنين كمان كانوا معيا فى نفس التدريب - برنامج ترفيهى (مع انى رايح اتدرب مش رايح اتفسح) - كنت فعلا عايش الحياه اللى نفسى فيها
يومى كان كالتالى يوميا الصبح فطار - من الساعة 8 الى الساعة 1 تدريب - من 1 الى 2 الغدا - من 2 الى 4 استكمال التدريب - من 4-7 راحه فى الفندق (بالنسبه ليا كنت لازم اخد ساعه فى الجيم أو حمام السباحه) - من 7 الى 11 برنامج ترفيهى وتسوق
الشكل العام بيقول انها عيشه فل الفل
والله كنت هاموت وانزل مصر
كنت كل شويه اتصل بأمى ومراتى أقول لهم هانت - فاضل 3 أيام وانزل
نسيت أقول ان ليا اصحاب من الامارات والناس ديه للأسف كانت بتخلينى أسوق عربياتهم لأنى كنت مطلع الرخصه الدوليه قبل ما اسافر
مش هاقول انا شوفت ايه ولا عملت ايه - لكن خلصت ورجعت مصر
أول لما وصلت المطار - أول حاجه سمعتها واحد شكله كده أمين شرطه بيكلم واحد فى التليفون وبيقوله ما تخافش يا باشا - هاخلصلك ورقه وهاخليه يخرج على طول من غير ولا تفتيش ولا اى حاجه من الكلام ده
عادى هيه ديه بلادنا
قابلنى واحد سمج وعلى وشه غضب ربنا وبمنتهى القرف قال لى - حمد الله على السلامه - جاى منين - قلتله من دبى - راح مخبط على الشنطه جامد وقالى معاك حاجه - بصيت له بمنتهى القرف وقلت له لأ معييش - بنفس نظرة القرف الاولى قالى - حمدالله على السلامه اتفضل - حمدت ربنا انه ما ضربنيش بالقلم ومشيت
واحد قريبى كان مستنينى وكان جاى بعربيتى لأنه كان لسه عامل حادثه بعربيته - اول لما شافنى حمدالله على السلامه والكلام الفاضى ده - وخد يا عم سوق انت عربيتك - ماشى
الصدمه الاولى - هناك كنت باسوق هوندا اكورد ونيسان ماكسيما (لمدة 3 أو 4 أيام فقط) هنا والحمد لله رجعتى لعربيتى اللذيذه اللانوس
الصدمه التانيه - مش عارف اسوق علشان اضاءة الشوارع زى الزفت
الصدمه التالته - كنت هاعمل حادثه مهوله فى وسط البلد بسبب انى مشيت على اشارات المرور
الصدمه الرابعه - الكل بيتعامل معاك على اساس انك بقيت غنى وكان لازم تجيب له لامبرجينى وانت جاى من السفر (اللى هو 7 أيام)
الصدمه الخامسه - ترجع شغلك الطبيعى مش قادر تدخل مكتبك لما تعمل مقارنه بسيطه بين هنا وهناك - هناك انت كنت شغال مع بنى أدمين بقواعد وقوانين وشكل عام صح لكن هنا انت شغال مع حيوانات وبهايم فى زريبه كبيره وطبعا انا جزء من المنظومه ديه - أسف الزريبه ديه
الصدمه السادسه - الانتقال من مكان الى مكان
الصدمه السابعه - طريقة كلام كل الناس اللى حواليك
الصدمه الثامنه - وديه للأسف كانت مصيبه بالنسبه ليه - عمتى كانت تعبانه جدا وسفرت امريكا تتعالج هناك - رجعت بعد 70 يوم تقريبا حالتها زى الفل - قعدت فى مصر 3 شهور وبعدها توفت - المصيبه فى حاجتين - المصيبه الاولى ان كان معاها تقارير طبيه وكلها بتأكد ان لازم ما يتعملش ليها حاجه اسمها عملية تنظيف -وطبعا الحلاقين اللى هنا أول حاجه عملوها لها هيه عملية التنظيف - وبعدها بتر - وبعدها العزاء كان بعد صلاة المغرب - المصيبه التانية ان عربية الاسعاف بتوصلك بعد ساعه من طلبها
.
المهم دلوقتى انا عايش ازاااااااااااااااى
أقولك يا سيدى - انا والحمد لله شخص مسالم جداااااااا - وبما انى مسالم جدااااااااااااااااااااااااا باخد على قفايا كتيييير - وماشى فى البلد ديه بأنى اتشتم وأتهزق باقعد ساكت الا فى حاله واحده لو حد مد ايده عليا أو حد تطاول على اهلى - فى الحاله ديه ولا ببقى مسالم ولا حتى اعرف سالم من اساسه - انا الحمد لله نسبيا كنت رياضى عنيف شويه - بتحول لعربجى عنيف شويتين وبتعدى
.
الحمد لله كل مصالحى بقضيها رشاوى أو وسايط بعد ما بافشل انى أعملها بالطريقة السليمه
.
أنا أكتر واحد ممكن تشوفه ممكن يقف فى طابور وينظم الناس انها تقف فى طابور ويتريقوا عليه
.
عمرى ما كسرت اشارة مرور أو مشيت عكس
.
عمرى ما انتظرت فى الممنوع أو عطلت شارع
.
عمرى ما رميت زباله فى الشارع - بل بالعكس انا بنظف الشارع قدامى بيتى وشارى زرع وورد وزارعهم قدام بيتى - والجيران الحمد لله قطعوا كل الزرع لأنه مظهر غير حضارى وحاولوا يحولوا أحواض الزرع الى مقلب زباله بس للأسف انا وقفتهم
بلدنا مثال رائع للأدب - الاخلاق - الطرق - المواصلات - الطب - التعليم - الامن والمان
بالمناسبة السعيد - والله العظيم انا بحب مصر جدا
بعد كل الرغى اللى مالوش اى داعى ده
نصحتى ليك أرجع يا ابنى - بلدك أولى بيك - البلد بتدور على اللى زيك
بس ابوس ايدك قبل ما تمشى من عندك ادينى الميل بتاع شركتك علشان اقدم فيها

اللي حصلك في الأول ده صدمة اول مره تسافر ودي حصلتلي اول مره سافتر وكنت بعيط بعد كده ببقي مسافر كاني رايح مشوار ولا بسلم علي حد ولا غيره وابويا يوصلني المطار (اول مره سافرت كنت مسافر الساعه 3 الفجر ورحت المطار الساعه 11 بالليل فضل مستني لحد ماالطياره طلعت في الهواء واختفت من قدامه كمان بعد كده بقي العربيه حتي مش بتبطل يعني انزل الشنطه من العربيه واخده بالحضن واركبه العربيه ويتوكل علي الله يروح وانا اكمل ادخل المطار)

الصدمه الحضاريه في الأول لما ترجع كمان بتبقي شديده قوي حتي لو قعدت يوم واحد وكل مره تسافر فيها بعد كده هتلاقي نفسك بتكره بلدنا اكتر واكتر من كتر الاختلافات وخصوصا لما تبقي انسان مخترم بيحب يمشي سليم

انا مثلا مش بحب اشتري ولا اعمل اي حاجه من هنا عارف ليه؟ عشان الكل حرامي ولازم تفاصل وتفاصل لما يتحرق دمك والا هيتنصب عليك
بره الحاجه سعرها عليها تختارها وتروح تدفع تمنها ولو معجبتكش تسيبها وتمشي
هنا لو بصيت علي حاجه يبقي لزمتك ولو مستكها وخدتهاش بقي نهارك اسود ولو رجعتها يبقي عليه العوض وطبعا لزم تعمل حسابك تقلل من سعرها النص عشان البايع عامل حسابه انك هتفاصل

امتي الواخد يبقي ماشي في البلد محدش بيبصله علي انه معاه زكيبة فلوس بيرمي منها وهو ماشي لمجرد انه راكب عربيه وكل مكان سواء محل او مطعم او حتي حلاق يبقي عايز يمص دمك

[shaddadfalcon1]

اكثر من رائعه يا ابومروان

فكرتنى بنفسى بالضبط لما سافرت دبى تبع الشركة برضه و برضه كان اسبوع و كنت قاعد فى ماريوت

انا ماتوهمتش بالمولات و لا العربيات و لا ولا ...........

اكتر حاجه وهمتنى هى اشارة المرور و خط عبور المشاه

فى الشوارع العريضه هناك اشارة الكل بيستناها علشان يعدى لما توقف العربيات

طيب هناك شوارع متفرعه و حارة واحده تكون متفرعه من الرئيسيه و عاملين بها برضه اماكن عبور مشاه او خطوط بيضاء بعرض الشارع

المهم انا كنت باعدى منها و لسه يا دوب بانزل رجلى من على الرصيف لقيت هامر و مش عارف اكتر من كده عنها بس تقريبا قد الدبابه الصغيره

المهم الراجل وقف علشان اعدى , بينى و بينكم صعب على وقفه الراجل و الطلعه اللى هايستهلك فيها 5 لتر على الاقل علشان يقوم بالجبل ده فطلعت رجلى الوحيده اللى كانت على الارض و شاورتله انه يتفضل يعدى هو
فشاور بلأ و عدى انت الاول و انا بشاورله فى المره التانيه لقيت بقى وراه 5 عربيات اخرى مختلفه منتظرين سيادته
قلتله يا عم عدى انت الاول

شاورلى بما معناه , اقلبها توك توك لو انا عديت قبلك
المهم عديت و خلاص

و تكرر هذا الموقف كذا مرة الى ان كانت الفاجعه التى بهدلتنى فى نفساوياتى

نفس الشارع و انا باعدى لقيت موتسيكل دليفرى وقف لى قبل الخط الابيض و نزل رجله على الارض علشان يسند الموتوسيكل و هو واقف و منتظرنى :_alshmokh08[1]:

عالم ما بتعرفش تسوق ما كان ممكن ياخد عرزة من ورايا ده الشارع عرضه حوالى 10 متر

و تذكرت وقتها كورنيش الاسكندريه و انا باحاول اعديه و كل مرة لازم الواحد يقول الشهاده قبل ما يعدى

نفس اللي حصل معايا بس في دوله اجنبيه وكان بعيد عني خالص لقيته وقف قلت ايه العبيط اللي بيقف في الحاره الشمال ده وفضلت ماشي كنت ماشي بين طريقين وبعيدن اكتشفت انه مستنيني هو وطابور العربيات اللي وراه
ده غير ان مفيش حاجه امسها اللي قدامك يقف تقوم رامي شمال ولا يمين وداخل في الحاره اللي جنبيه

طيب اقولك موقف يفقع ؟
اتوبس وماادراك مالأتويس هناك وقف في المحطه وكان في اباشا بيتسوق وبيزق قدامه العربيه وجه يدخلها الاوتوبيس فياحرام العجله بتاعة العربيه خطبت في عتبية الأتويس وبدل ماسيادته يتكي علي دراع العجله عشان يرفعها من قدام ويدخل العربيه لالالالالالالالالالالا لقيت الأوتوبيس كله نزل لتحت والراجل دخل بيعربيته وبعدين الأوتوبيس طلع تاني فكرني باتويس نقل الخضار بتاعنا اللي بينزل الناس وهو ماشي وبيركبو وهو ماشي واللي ملحقش يجري وراه

تقولي ترجع مصر ياعم الحج