البطوطة .... موضوع للرجااااااااال فقط

[yousef1978]

الصراحة أنا من الأشخاص اللي بيشمأزوا من حاجتين انتشروا كتير الأيام دي


أولا موضوع رقص الرجال في الأفراح والمناسبات بطريقة نسائية ( هز وسط وكده )

بأمانة مش بأسترجل اللي يعمل كده


زمان كان فيه رقص بالشوم وفيه رقصات شامية فيها نوع من الرجولة لكن موضوع هز الوسط ده فأنا في رأيي حاجة ما تصحش خالص



ثانيا : إن الواحد يبقى لابس بنطلون ساقط لتحت

طيب هو لزمته إيه - لابسه علشان يدفي ركبته مثلا ولا إيه



ده بقى فيديو جديد بيواجه الظاهرة التانية دي وإن شاء الله الفيديو يعجبكم



‫فريق نسايم - أغنية البطوطة باينة .mp4‬‎ - YouTube




ما حدش يزعل من رأيي



وتحياتي للجميع









.

[opelawy]

موضوع محترم و اتفق معاك تماماً

[S O P H O S]

موضوع جميل ..

[kar!m]

للأسف الذكور كتيير .. لكن الرجال قليل.

[Gelgel2004]

للاسف لاهو منظر و لاهو اخلاقنا
نفسى الرجاله دى تد خل الجيش 3 سنين - زييى كده - و يتعلموا الادب و الانضباط - بس تقول لمين
كان قائد الكتيبه بتاعتنا لما يجيله تلفون بيوصى على حد - يقوله عينى و نلاقى الواد مطمرمط و لا اجازات و لا يحزنون
الحمد لله على اد ما كانت ابام قاسيه بس بفتكر اللى اتعلمتوا بكل خير
الاهم الرقص فى الافراح و المناسبات
الشباب بينافس البنات فى هز الوسط 0 حاجه تقرف الكلب و الله
مشكور للموضوع ......

[abogogo]

مبداء عندي ( من رقُص ... نُقص ) اما بالنسبة للبس حدث ولا حرج غير البنطلون الساقط الالوان كمان يعني اللى يلبس بنطلون أحمر وتيشيرت بينك كانوا أهالينا زمان بيقولوا في الامثال ( كُل اللى يعجبك والبس اللى يعجب الناس ) لان اللى انت بتكله خاص بك انت اما ما تلبسه فيشاهده كل الناس ...!!!

[chicobon]

الي يرقص يرقص و الي نفسه في حاجة يعملها محدش واخد منها حاجة المهم كل واحد يعرف حدوده فين

[mazher_m]

حلوه كلمه بطوطه

[hossam_elwani]

على فكره فيه ولايه فى امريكا مجرمه لبس البنطلون بلطريقه دى عارفين ليه ؟؟

عشان الحركه دى مابيعملهاش عندهم الا الشواذ والى بلطريقه دى بيجذبو الشواذ الى زيهم

اعوذ بالله كل ما شوف واحد لابس كده مش عايز اقول والا اتوقف وقف نهائى من المنتدى

حسبى الله

[eldell]

فعلا بجد حاجه مستفزه جداااااااااااااااااااااااااااااااااااااا وحوار الرقص الشرقى للرجاله ده مبعتبروش بجد راجل ازاى يعنى ههههههههههه
اما بالنسبه لموضوع التسقيط ده والحركات ديه بنقلبه نمره حتى لو منعرفوش بس بيبقى عارف ان احنا بنتريق علشان مافيش رجاله تعمل كده وتحيااااااتى لييييك

[abogogo]

على فكره فيه ولايه فى امريكا مجرمه لبس البنطلون بلطريقه دى عارفين ليه ؟؟

عشان الحركه دى مابيعملهاش عندهم الا الشواذ والى بلطريقه دى بيجذبو الشواذ الى زيهم

اعوذ بالله كل ما شوف واحد لابس كده مش عايز اقول والا اتوقف وقف نهائى من المنتدى

حسبى الله

على حد علمي المتواضع ان بداية موضة البنطلون الساقط ظهرت في السجون كانوا المساجين في السجون الامريكية غير مسموح لهم بلبس الحزام على البنطلون في السجون لإنهم بيستخدموه في المشاجرات وقتل بعضهم شنقاً فتلاقي بعض المساجين بنطلونهم ساقط عشان من غير حزام وكان اي حد ماشي بنطلونه ساقط في الشارع دلاله على انه كان مسجون " حركة صياعة ... رد سجون " عشان الناس تخاف منه بعد كدة طلع مغنيين وفرق مسقطين البنطلونات وهما بيغنوا كانوع من الموضة ... وبعد كده اصبحت موضة ( لو ويست) وغالبية اتباع الموضة دي من اصحاب العرق الافريقي ...!!! وتقبل تحياتي ....

[فتح الباب]

عندما ترقص الانثى (رقص بلدى ) فنعرف ماذا تحتاج
اما عندما يرقص الرجل فماذا يحتاج ؟
اعتبرونى كنت هتوقف
اما عن البنطلون فمن يلبسونه هم من يرقصوا ومن يرتدى البنطلون الساقط ولم يرقص
فأنصحه انه يرقص
لو ابنى لبس البتاع ده كنت قطعت رقبته حقا انه شىء مثير للاشمأذاز والقرف والعار والهطل
بنطلون يكشف عن المقعده مش فاهم ايه الشياكه والاناقه فى كده اااااااااااااااااااااه يمكن علشان يعرف الناس انه لابس قوطونيل يمكن والرجول بيبقى شكلها حلو وهى شكل رجول او سيقان القرد تماما
والله اكثر اسباب تأخرنا هو الجيل ده ولا بيفكر فى اى شئ ابدا امخاخ فارغه
لما بشوف بنطلون من دول كأنى شفت توكتوك بالظبط ( اللهم اخذيك يا شيطان )

[RAPID]

مش فاهم ايه الفكرة فى ابراز جزء من الملابس الداخلية، عن نفسى لما بشوف بطوط من دول بيبقى هاين عليا ارفعله البنطلون من الكمر لفوق خصوصا لو فى المسجد اثناء السجود تلاقى البنطلون واقع وضهره باين ومنظر فى غاية السخافة!

[hugan]

والله العظيم حاجه مستفزه
ابني الكبير في اولي اعدادي مصمم انه البوكسر يبان من البنطلون علشان مسقطه طبعا زي زمايله
وغلبت فيه كلام وتزعيق انا ووالدته
يقولي اشمعني انا
كل الولاد معايا في المدرسه عاملين كده
الجديد
هو تافيز البناطيل يعني يخلو رجل البنطلون ضيقه جدا
طب يابني تلبس البطلون ازاي ورجله ضيقه بالطريقه دي
ايه يابابا الموضه كده
المشكله ان اخوه الاصغر منه بيقلده
الكن انا لغيت كل الكلام ده معاه
ولا في تسقيط بناطيل
ولا تافيز
والجل بتاع الشعر مصيبه
الاقيه موقف شعره لفوق زي ما يكون متكهرب
اعمل ايه
ادخله الحمام
واجيب الماكنه بتاعت الشعر بتاعتي
واجرد له شعره علي نمره واحد هو واخوه
لا وكمان عايز ين يدخلوا الفيلم الزباله
عبده موته
ا
وفهمته ان ده شغل العيال البيئه بتوع التاكاتك والميكروباصات

[فتح الباب]

هيا بنا ندعو لحمله حقيقيه بجد ( لا للبناطيل الساقطه ) ساعتها هنشوف
اشيك وانظف واجمل وارجل شباب فى البلد
(شباب يعتمد عليهم)