البطوطة .... موضوع للرجااااااااال فقط

[ahmedkoko]

للاسف لاهو منظر و لاهو اخلاقنا
نفسى الرجاله دى تد خل الجيش 3 سنين - زييى كده - و يتعلموا الادب و الانضباط - بس تقول لمين
كان قائد الكتيبه بتاعتنا لما يجيله تلفون بيوصى على حد - يقوله عينى و نلاقى الواد مطمرمط و لا اجازات و لا يحزنون
الحمد لله على اد ما كانت ابام قاسيه بس بفتكر اللى اتعلمتوا بكل خير
الاهم الرقص فى الافراح و المناسبات
الشباب بينافس البنات فى هز الوسط 0 حاجه تقرف الكلب و الله
مشكور للموضوع ......

والله العظيم هو ده افضل حل ليهم. يدخلوهم الجيش كام شهر يتربوا و يرجعوا رجاله و بعدين يبقوا يسيبوهم بعد كده

[ahmedkoko]

اولا مشكور علي الموضوع ثانيا احب اضيف بردو العيال اللي بتلبس بناطيل حمرا و خضرا و الحاجات دي. بجد حاجه تكسف

[kar!m]

أنا أول مره كنت أشوف الموضوع .. كان في اعلان فيلم التجربة الدانمركية بتاع عادل امام.


من بعدها و الموضوع بدأ ينتشر شويه شويه .. لحد ما وصل للوضع المقزز اللي فيه دلوقتي.

للأسف في ناس كتير بتقلد من غير ما تفكر اللي هي بتعمله ده صح ولا غلط.

[samoreception]

اساسا اللى بيعمل كده ميستحقش ياخد لقب راجل من اصله

[mohammedabdallh]

اساسا اللى بيعمل كده ميستحقش ياخد لقب راجل من اصله

++11
الجديد بقى فى الموضه البنطلون الجينز من فوق مركبين عليه بوكسر يعنى 2فى 1

[gmgm]

اللى بدع الرقص وهز الوسط للشباب هو سعد الصغير اللة يلع...

بجد مقرف

[yousef1978]

++11
الجديد بقى فى الموضه البنطلون الجينز من فوق مركبين عليه بوكسر يعنى 2فى 1

أمال إيه شعورك لما تلاقي واحد بنطلونة ساقط لتحت وما فيش تحتيه بوكسر ولا حاجة تاني

تعمل إيه معاه ساعتها ؟؟؟؟










.

[hossam_elwani]

++11
الجديد بقى فى الموضه البنطلون الجينز من فوق مركبين عليه بوكسر يعنى 2فى 1

ياااااااااااراجل فين ده !!!!!!!!!!!!!!!

[mohammedabdallh]

أمال إيه شعورك لما تلاقي واحد بنطلونة ساقط لتحت وما فيش تحتيه بوكسر ولا حاجة تاني

تعمل إيه معاه ساعتها ؟؟؟؟


.

اخاف اتوقف

ياااااااااااراجل فين ده !!!!!!!!!!!!!!!

موجود والله بقاله فتره

[OMAR61995]

كل راجل ذكر
و مش كل ذكر راجل

[Mohab.Nabil]

هيا بنا ندعو لحمله حقيقيه بجد ( لا للبناطيل الساقطه ) ساعتها هنشوف
اشيك وانظف واجمل وارجل شباب فى البلد
(شباب يعتمد عليهم)

مع احترامى لحضرتك

فيه الف حاجة اهم من البنطلونات الساقطة دلوقتى

و فيه الف معيار يخلى الناس يُعتمد عليها غير البنطلون

و على فكرة البنطلونات الساقطة اللى فى مصر غير الصور اللى بتتكلموا عليها فى امريكا .. و اساسا 90% من البنطلونات دلوقتى بقت low waist و ده مش معناها انها بتبقى ساقطة لحد الركبة كده لا هى مش بتبقى ماسكة فى الوسط زى زمان و مش بتبين حاجة

[Karim_Monir]

هيا بنا ندعو لحمله حقيقيه بجد ( لا للبناطيل الساقطه ) ساعتها هنشوف
اشيك وانظف واجمل وارجل شباب فى البلد
(شباب يعتمد عليهم)

ما ينفعش اعمل حملة عشان يسترجلو :-)
الراجل بينزل من بطن والدته راجل
وطبع النخوة والرجولة فيه
لو تشوف غيرة ابني الصغير على اخته اللي اكبر منه بسنتين عشان لابسه كت هاتعرف قصدي وهو عنده 5 سنين :-)

[abogogo]

ما ينفعش اعمل حملة عشان يسترجلو :-)
الراجل بينزل من بطن والدته راجل
وطبع النخوة والرجولة فيه
لو تشوف غيرة ابني الصغير على اخته اللي اكبر منه بسنتين عشان لابسه كت هاتعرف قصدي وهو عنده 5 سنين :-)

ربنا يخلي ويبارك ... أهلينا زمان قالوا ( الديك الفصيح ... في البيضة بيصيح ) وقالوا كمان ( مالك مربي ... قال من عند ربي )

[eldell]

لا سيبك انت بقى من البناطيل الساقطه دلوقتى حاجه جديده الشعب كله بقى 50 cent ام الكابات الى نازله ديه شكلها ............. جداااااااااا وتلاقى اللى لابسه يادوب حطه على اول دماغه طيب انت لو كان نفسك تبقى طباخ الكلام ده فى البيت مش فى الشارع هههههههه وتلاقى الشاب لابس بنطلون الجيب بتاعه عند الكوتشى تحت هههههههههههه كان نفسى اساله انت لو حاطط محفظه فيه بتجيبها ازاى وتلاقى التى شيرت عند ركبته ماشى هو فى ناس تبقى لايق عليها الموضوع ده يعنى لازم يبقى طول وعرض مش سحليه ههههههههههههههههههه لا فى استايلات نازله فى اللبس بجد غريبه

[eldell]

ما ينفعش اعمل حملة عشان يسترجلو :-)
الراجل بينزل من بطن والدته راجل
وطبع النخوة والرجولة فيه
لو تشوف غيرة ابني الصغير على اخته اللي اكبر منه بسنتين عشان لابسه كت هاتعرف قصدي وهو عنده 5 سنين :-)

اولا ربنا يخليهملك يااكريم باشا وبعدين ده انا شايف برضه نابع عن التربيه وعن الاب والام يعنى لما الولد يطلع يلاقى والده مش بيدخل فى حياته والا حياه ولدته وعادى كل الى عايز حاجه يعملها اكيد عمره ماااهيبقى عنده نخوه هيجيبها من اين ؟
لاكن لما يطلع يلاقى الاسره عارفه الحلال والحرام وفى حدود فى كل حاجه اكييييد هياخد ده منهم يعنى