هل يوجد مايمسي بالجن العاشق ؟

[moh19227]

بالنسبه لموضوع الاعمال كان ليا اخت اصغر منى متجوزة فى شقه ايجار-الحمد لله عندهم عمارة الان-ربنا بيرزق- المهم او ل جوازهم كانوا ساكنين فى شقه صغيرة وخلفت عيل صغير والحياه مابينهم كويسه جدا ومافيش مشاكل نهائى -خاصه ان الاتنين هاديين جدا وعاقلين
المهم ربنا كرم جوز اختى وقام مأجر شقه اوسع شويه والحمد لله كله تمام
شويه وابتدت بينهم مشاكل واختى تقلى انها مش طيقاه -وعاوزة تتطلق-ربنا يهديكى يرضيكى علشان ابنك مافيش
المهم فضلت كارهاه بس عايشه معاه علشان الطفل
فى يوم لقيت الدش بتاعهم القنوات بتقطع قلت اطلع على السطح ازقه يمكن يتظبط
لما طلعت لقيت اوضه فيها خروفبقرون كبيرة-الحمد لله انا مش بخاف لامن خروف ولا غيرة-بس اقسم بالله جسمى ارتعش وحسيت انى شوفت شيطان على شكل خروف
المهم جمدت قلبى ورحت على الدش لقيت مربوط فيه حاجه زى حجاب كدة
مسكتها وفكتها الاقى ورقه مكتوب فيها بحروف عربى بخط ااحمر وحروف منفصله مش متصله -ل-م-س وحروف غير مرتبه ومش فاهم حاجه
كل الى جه على بالى انى قطعتها مليون حته وطيرتها من فوق السطح ونزلت
صدق اولا تصدق
لقيت اختى مخضوضه وبتقلى مش قاعدة فى البيت دة تانى بقلها ليه بتقلى لقيت دخان طالع من السرير كانه بيولع
اخدتها على بيت ابويا الله يرحمه وحكيت لجوزها وشاف شقه تانيه ونقلوا فيها
ومن يومها محصلش بينهم مشاكل تانى
بس جوزها سال ناس فى الشارع واتضح ان الست الى ماجرين منها الشقه بتاعت اعمال وحاجات زى كدة
الى اقصدة ان ممكن انسان يكرة انسان بدون سبب وبدون ذنب
والاخر يطلع السبب ان حد عامل له عمل شيطانى

ايه يا عم قصص الرعب اللي بتحكيها دي :)
هل تعمل ان
" كل اساطير القرون الوسطي تحكي ان الشيطان كان يحضر اجتماعات الساحرات علي شكل غراب او جدي اسود .. الجدي له سمعه سيئه في هذا الصدد , وانت تعرف ان الشيطان يرسم دوما علي شكل تيس .. "
........................ " د. احمد خالد توفيق "

[Hacker5]

لما كنت فى ابتدائى كنا راجعين من كفر الشيخ على الطريق الزراعى و كان معايا الوالد و الوالدة و جدى و جدتى الله يرحمها
لقينا جمبنا عربية 131 لونها سماوى ماشية من غير سواق !!!!!
فيه واحد قاعد على الكرسى اللى جمب السواق بياكل فاكهة و بيتكلم مع اللى جمبه اللى هو اصلا مش موجود و سايق العربية و الدركسيون باين ان فيه حد ماسكه يعنى الدركسيون كان بيتحرك سنة يمين و سنة شمال
قربنا للعربية و بنيص جواها مافيش حد قاعد بيسوق و العربية ماشية من غير سواق !!!
جدى قال باين عليه مخاوى جن و الله اعلم

[شريف]

انا كان لية حدوتة كدة مع واحد قريبي
فجأة لقيت مراتة بتكلمني انة تعبان و عايزاني اوصلها بعربيتي للدكتور علشان انا قريب منهم و طلبت مني اروح البساتين في حتة شعبية جدا و في اتنين زمايلها جم ركبوا معانا و الاقي اية الحكاية شخص كدة عمال يقرأ ايات قرأن و رقية شرعية و شريط كاسيت اداة لينا علشان نشغلة علطول و قام كاسر صباع قريبي الصغير و انا مش فاهم اي حاجة اساسا و المهم ركبوة ورايا و طول السكة بيهددني انة هيخنأني علشان قعدوة ورايا و شوية و يعتزر و لما وصلتهم البيت و طلعت تهديد تاني بالقتل برضة و نبرة الصوت غريبة جدا و انا عمال اصر ان هو عندة حالة نفسية او تهيئات او اي بتنجان انما لبس و كدة لاء و ان كيد الشيطان كان ضعيفا عمالة تتردد في ودني

[shaddadfalcon1]

انا كان لية حدوتة كدة مع واحد قريبي
فجأة لقيت مراتة بتكلمني انة تعبان و عايزاني اوصلها بعربيتي للدكتور علشان انا قريب منهم و طلبت مني اروح البساتين في حتة شعبية جدا و في اتنين زمايلها جم ركبوا معانا و الاقي اية الحكاية شخص كدة عمال يقرأ ايات قرأن و رقية شرعية و شريط كاسيت اداة لينا علشان نشغلة علطول و قام كاسر صباع قريبي الصغير و انا مش فاهم اي حاجة اساسا و المهم ركبوة ورايا و طول السكة بيهددني انة هيخنأني علشان قعدوة ورايا و شوية و يعتزر و لما وصلتهم البيت و طلعت تهديد تاني بالقتل برضة و نبرة الصوت غريبة جدا و انا عمال اصر ان هو عندة حالة نفسية او تهيئات او اي بتنجان انما لبس و كدة لاء و ان كيد الشيطان كان ضعيفا عمالة تتردد في ودني

الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ

[maheralsisi]

رغم اني عارف ان الموضوع شائك بس مش هاقدر أتكلم كتير
السؤال اخي الفاضل يكون كالتالي: هل كل ما يحدث من سؤ في حياتنا نرميه علي الجن و الأنس و الاعمال ؟؟؟؟
سيدي الفاضل كلنا الحمد لله مسلمين و موحدين بالله
و السحر و الحسد و الجن و الاتصال بينهم مذكور كمان في القرأن
و مذكور كمان انه لن يضرك و لن ينفعك الا بمشيئة الله و لو اجتمع الإنس و الجن معا علي ذلك اذن العلاج و الوقاية طبعا خير من العلاج تكون في اللجوء لله سبحانه و تعالي وحده لا شريك له
بس برضه ما ينفعش اني اقعد 3 ايام صاحي و بعدين انام و انا سايق فاعمل حادثة و ارجع اقول اني محسود مثلا... فاهمني
موجود ؟ اه.. بيحصل ؟ اه.... لكن كل حاجة بسببهم ؟ لاااااااا

بس بمناسبة الحديث مش اكتر احكيلك علي حاجة صغيرة كده و عني انا شخصيا
انا سيدي الفاضل كنت كل ما اروح اخطب واحدة بمجرد ما اعدي عتبة الشقة النور يقطع و ما يرجعش غير و انا معدي العتبة خارج (4مرات يحدث هذا معي ) شايفك ياللي بتقول شراااارة
بس بعد موقف معين و سلسلة احداث لا داعي لذكرها انتبه والدي الله يرحمه لصلة عائلية معينة و تم اتخاذ اجراءات معينة (انا غير مقتنع بيها حتي الان ) و لكن يبدو انها كانت فاعلة و جابت نتيجة (كلها بالقرأن علي فكرة )

ده شئ من اشياء ما تقدرش تنكر وجود الصلة فيها و مذكورة في القرأن و مذكورة كمان في العقيدة المسيحية و اليهودية
لكن مش كل حاجة تحصلك تقعد تقول ان مرجعها لكدة
الأهم ان انا لحد دلوقتي باسأل نفسي
اشمعني المرة دي النور ما قطعش.

[shaddadfalcon1]

يعني افهم من كلامكم ان الموضوع ده موجود ومش المفروض نسكت ؟

[SAMEH_FOUAD]

انا فضلت عايش عشر سنين فى فيلا مسكونه
المشكله ان كان فيه جنى بيحب واحدة وحشه قوى -اصله مغفل
المهم صديق ليا جه بات عندى اسبوع والبنت دى كانت جارتنا
وقع فى غرامها معرفش ازاى
اول يوم بات عندى كان بيقلى انا حاسس ان فيه حد بيكلمنى وانى مش لوحدى-طبعا انا عارف الى فيها فكبرت دماغى وقلت له تلاقى بس مخك مشغول-
فيه يوم لقيته بيتنفض وبيصرخ وقايم مفزوع وبيقلى كان فيه حد بيحسس على جسمى
المهم هديته وقلت له انته مش هتبطل جنان تعال نام معايا وخلاص
وبعد اليوم دة وقع فى غرام البيت دى وهيه ما صدقت واحد وكمان ظابط جيش ووسيم وقع فى غرلمها
وحصلت مشاكل كتير وكان بيسيب شغله ويجى علشانها -واصلا البنت دى كان سلوكها مش تمام لانها فاقدة الامل فى الجواز فانحرفت
المصيبه لقيته بيقول انه عاوز يتجوزها
-الغريب ان بعد اليوم الى اتفزع فيه بيقه بيعرف حاجات من غير ما حد يقوله عليها-لدرجه انه كان بيعرف انا طابخ ايه ومعايا فلوس كام ومين عندى فى البيت-
طبعا انا قلقت انه يتجوز البنت دى
فقلت له انته يا ممسوس يا مسكون
طبعا مصدقش لانه كان مغيب-وكان مستقبله بيضيع
كلمت حد من اخواته وعرفته الموضوع-وهمه اتصرفوا بس بعد وقت طويل جلسات علاج وحاجات زى كدة-ومنعوة انه يجى البيت عندى تانى او يقابلنى-لحد اما اتجوز وخلف
-الفيلا الى كنت ساكن فيها صحبتها كانت عايشه لوحدها فيها وجناينى
صبحتها اتقتلت ومعرفوش مين قتلها
بعدها الجناينى اتقتل ومعرفوش مين قتله
الورثه
كانوا مبيقدروش يناموا فيها ساعه
مافيش حد جه وسكن فيها اكتر من يوم
انا لما جيت سكنت فيها اول يوم
هيه ليها سلم داخلى وفيه نوم تحت وفوق
انا كنت تحت علشان اكون جنب المطبخ ميه شاى كدة يعنى
بليل الاقى اثاث البيت عمال يتحرك وصوته بيرج الصقف اولع النور واطلع ملقيش حاجه
ادخل الحمام اسمع صوت خافت عمال يقول -احمد---احمد-
اقف فى المطبخ الاقى خبالى بيتحرك قدامى يانهار اسود-صراحه اتخضيت
قمت منور نور الفيلا كلها وطلعت نمت فى الجنيته
والصبح دخلت وشغلت قراءن-بعدها بطلوا ينزلوا تحت ولو طلعت نمت فوق جسمى كله بيتكتف -واحس ان فيه ناس جنبى بس انا مش شايفهم وعنيا تدمع لوحدها
المهم عرفت ان صاحبه البيت كانت بتعذب القطط وتربطهم فى شجرة لحد اما يموتوا وبعدين تدفنهم تحت الشجرة
كان فيه شجرة لمون فى الجنينه -مافيش حد هيصدق انها مكنتش بتطرح لمون الموسم بتاعها وبعد اما ينتهى الموسم الشجرة تزهر وتلاقى فيها الاف اللمون وعندى شهود
المهم فضلت مستحملهم وعشت معاهم وخلاص -اكتر حاجه كانوا بيعملوا يخبوا حاجات منى وارجع الاقيها تانى
الى يصدق يصدق والى ميصدقش ميصدقش
شجرة اللمون دى انا قطعتها لان كل اما ادخل الجنينه لازم الشوك بتاعها يدخل فى جسمى وكان مؤلم جدا-فانتقمت منها -وجبت ليها سماد كيماوى كميه كبيرة جدا وحرقتها بيه ماتت من كترة

ينهار مش فايت , عشر سنين واى واحد مابيستحملش يقعد فيها يوم , واية ياعم اللى كان زانقك بس

[hugan]

متابع

[lanos2004]

ينهار مش فايت , عشر سنين واى واحد مابيستحملش يقعد فيها يوم , واية ياعم اللى كان زانقك بس

سعر ايجار الفيلا كان يخلينى اولع فيهم هههههههههههههههههههههه
تخيل تبقه قاعد فى فيلا 550 متر ودورين ومفروشه 1000 جنيه
تطفش العفاريت ولا تسيبها
عموما هيه اتهدت واتبنى عمارة مكانها
هبقه اصور العمارة علشان محدش يروح يسكن فيها

[lanos2004]

انا عاوز اقول على حاجه لو حد مستغرب انى عشت فى مكان فيه جن او عفاريت
اولا جدى الله يرحمه -كان بيفك الاعمال السفليه بدون مقابل لوجه الله-وكان الناس بيجولوا من اماكن كتيرة جدا من مصر
انا افتكرة طبعا بس مش قوى لانه توفى منذ 35 مضت تقريبا
كل الى اتذكرة انه كان عندة كتب مصنوعه من الجلد وقديمه جدا---بعد وفاته خالى لمها وحرقها كلها-
واتذكر فى يوم كان فيه مولد والناس جات له علشان يروح الذكر فى المولد فرفض-تقريبا كان عارف انها بدع ونوع من الشرك-


بالنسبه ليا شخصيا
واحنا صغيرين انا واصحابى كان لعبنا المفضل فى المدافن-الترب القديمه-وكنا بنختبر شجاعه بعض مين الى يدخل تربه مفتوحه ويصرخ فيها
-وكنا بنطلع الجماجم نتفرج عليها واحيانا نلعب بيها ربنا يسامحنى بقه-مكنتش فاهم ان دة حرام
ولو حد يتذكر المخابىء زمن الحروب -كانت مظلمه جدا وكنت بنتحدى بعض مين الى يقدر يدخلها من ناحيه ويطلع من الاخرى-بالداخل ظلام حالك وتجرى تخبط فى الجدران-حاجات معدش لها وجود-
كل دة كان له تاثير فى شخصيتى انى مخفش من شويه عفاريت-يا انا يا همه-والحمد لله عشت معاهم فى سلام
بس اى حد كان بيجلى كان بيحس برهبه من المكان وكتير قالولى انته معاك عفاريت-وانا اضحك طبعا واضيع الموضوع
وكتير اصحابى الاقى الى بيقلى حاسس ان جسمى فيه قشعريرة اقوله روح صلى هتبقه كويس
قصص انتهت -وراحت لحالها

[dr.hazem]

انا عاوز اقول على حاجه لو حد مستغرب انى عشت فى مكان فيه جن او عفاريت
اولا جدى الله يرحمه -كان بيفك الاعمال السفليه بدون مقابل لوجه الله-وكان الناس بيجولوا من اماكن كتيرة جدا من مصر
انا افتكرة طبعا بس مش قوى لانه توفى منذ 35 مضت تقريبا
كل الى اتذكرة انه كان عندة كتب مصنوعه من الجلد وقديمه جدا---بعد وفاته خالى لمها وحرقها كلها-
واتذكر فى يوم كان فيه مولد والناس جات له علشان يروح الذكر فى المولد فرفض-تقريبا كان عارف انها بدع ونوع من الشرك-

بالنسبه ليا شخصيا
واحنا صغيرين انا واصحابى كان لعبنا المفضل فى المدافن-الترب القديمه-وكنا بنختبر شجاعه بعض مين الى يدخل تربه مفتوحه ويصرخ فيها
-وكنا بنطلع الجماجم نتفرج عليها واحيانا نلعب بيها ربنا يسامحنى بقه-مكنتش فاهم ان دة حرام
ولو حد يتذكر المخابىء زمن الحروب -كانت مظلمه جدا وكنت بنتحدى بعض مين الى يقدر يدخلها من ناحيه ويطلع من الاخرى-بالداخل ظلام حالك وتجرى تخبط فى الجدران-حاجات معدش لها وجود-
كل دة كان له تاثير فى شخصيتى انى مخفش من شويه عفاريت-يا انا يا همه-والحمد لله عشت معاهم فى سلام
بس اى حد كان بيجلى كان بيحس برهبه من المكان وكتير قالولى انته معاك عفاريت-وانا اضحك طبعا واضيع الموضوع
وكتير اصحابى الاقى الى بيقلى حاسس ان جسمى فيه قشعريرة اقوله روح صلى هتبقه كويس
قصص انتهت -وراحت لحالها

يا خوفي لتكون منتهتش ودي البداية!!!
ههههههههههههههههه
بعيد الشر عنك بهزر بس....
تحياتي

Sent from my LT18i using Forum Runner

[AHMED_DINAMO]

انا فضلت عايش عشر سنين فى فيلا مسكونه
المشكله ان كان فيه جنى بيحب واحدة وحشه قوى -اصله مغفل
المهم صديق ليا جه بات عندى اسبوع والبنت دى كانت جارتنا
وقع فى غرامها معرفش ازاى
اول يوم بات عندى كان بيقلى انا حاسس ان فيه حد بيكلمنى وانى مش لوحدى-طبعا انا عارف الى فيها فكبرت دماغى وقلت له تلاقى بس مخك مشغول-
فيه يوم لقيته بيتنفض وبيصرخ وقايم مفزوع وبيقلى كان فيه حد بيحسس على جسمى
المهم هديته وقلت له انته مش هتبطل جنان تعال نام معايا وخلاص
وبعد اليوم دة وقع فى غرام البيت دى وهيه ما صدقت واحد وكمان ظابط جيش ووسيم وقع فى غرلمها
وحصلت مشاكل كتير وكان بيسيب شغله ويجى علشانها -واصلا البنت دى كان سلوكها مش تمام لانها فاقدة الامل فى الجواز فانحرفت
المصيبه لقيته بيقول انه عاوز يتجوزها
-الغريب ان بعد اليوم الى اتفزع فيه بيقه بيعرف حاجات من غير ما حد يقوله عليها-لدرجه انه كان بيعرف انا طابخ ايه ومعايا فلوس كام ومين عندى فى البيت-
طبعا انا قلقت انه يتجوز البنت دى
فقلت له انته يا ممسوس يا مسكون
طبعا مصدقش لانه كان مغيب-وكان مستقبله بيضيع
كلمت حد من اخواته وعرفته الموضوع-وهمه اتصرفوا بس بعد وقت طويل جلسات علاج وحاجات زى كدة-ومنعوة انه يجى البيت عندى تانى او يقابلنى-لحد اما اتجوز وخلف
-الفيلا الى كنت ساكن فيها صحبتها كانت عايشه لوحدها فيها وجناينى
صبحتها اتقتلت ومعرفوش مين قتلها
بعدها الجناينى اتقتل ومعرفوش مين قتله
الورثه
كانوا مبيقدروش يناموا فيها ساعه
مافيش حد جه وسكن فيها اكتر من يوم
انا لما جيت سكنت فيها اول يوم
هيه ليها سلم داخلى وفيه نوم تحت وفوق
انا كنت تحت علشان اكون جنب المطبخ ميه شاى كدة يعنى
بليل الاقى اثاث البيت عمال يتحرك وصوته بيرج الصقف اولع النور واطلع ملقيش حاجه
ادخل الحمام اسمع صوت خافت عمال يقول -احمد---احمد-
اقف فى المطبخ الاقى خبالى بيتحرك قدامى يانهار اسود-صراحه اتخضيت
قمت منور نور الفيلا كلها وطلعت نمت فى الجنيته
والصبح دخلت وشغلت قراءن-بعدها بطلوا ينزلوا تحت ولو طلعت نمت فوق جسمى كله بيتكتف -واحس ان فيه ناس جنبى بس انا مش شايفهم وعنيا تدمع لوحدها
المهم عرفت ان صاحبه البيت كانت بتعذب القطط وتربطهم فى شجرة لحد اما يموتوا وبعدين تدفنهم تحت الشجرة
كان فيه شجرة لمون فى الجنينه -مافيش حد هيصدق انها مكنتش بتطرح لمون الموسم بتاعها وبعد اما ينتهى الموسم الشجرة تزهر وتلاقى فيها الاف اللمون وعندى شهود
المهم فضلت مستحملهم وعشت معاهم وخلاص -اكتر حاجه كانوا بيعملوا يخبوا حاجات منى وارجع الاقيها تانى
الى يصدق يصدق والى ميصدقش ميصدقش
شجرة اللمون دى انا قطعتها لان كل اما ادخل الجنينه لازم الشوك بتاعها يدخل فى جسمى وكان مؤلم جدا-فانتقمت منها -وجبت ليها سماد كيماوى كميه كبيرة جدا وحرقتها بيه ماتت من كترة

هههههههه كل ال حصل بينا ده كان هزار وانت اخويا الكبير يا احمد باشا الواحد مش ناقص هههههههه

[misoalex]

باشا انا كتبت رد فى الموضوع ده امبارح بس مظهرش هى العفاريت لبست الموضوع ولا ايييييييييه

بص لو قريبتك دى بتصلى ومنتظمه فى الصلاه متخافش ممكن يكون ده نصيب
لكن لو مش بتصلى او بتصلى متقطع وفيه حاجه منعاها عن الصلاه والقرأن يبقى بدون تفكير خودها عند حد ويكون موثوووووووق فيه ومش بياخد فلوس عشان فيه نصابين كتير جدا وفيه واخدنها مهنه مش بيعملو كده لوجه الله او عشان ياخدو ثواب

[monamize4]

ياه يا استاذ احمد انا برضه لما بشوف مشاركاتك يقول الراجل ده شكله عدا عليه كتير و قليل

والله نفس اللى انا بحسه بالظبط عشان كدة انا بصدق كلام حضرتك فى اى موضوع حتى لو كان ظاهريا مش مقبول اوى ,,,,,, بالمناسبة انا مش بنكر الموضوع دا بس انا ضد ان الواحد يعلق اى حاجة مايعرفش تفسيرها على شماعة العفاريت او الحسد و خصوصا موضوع الحسد دا عشان بيضايقنى , يعنى مثلا تلاقى واحد مشترى عربية جديدة و مش عارف ابعادها فا تتخبط منه و يقولك اصلها اتحسدت (على فكرة انا مش بنكر وجود الحسد بس بيضايقنى اللى ياخدة شماعة)
سؤال يطرح نفسه ,, ليه الاجانب ماعندهمش عفاريت رغم انهم جدعان اوى ف افلام الرعب؟!!!!!!!!!!!
اكيد الاجابة معروفة

[misoalex]

سؤال يطرح نفسه ,, ليه الاجانب ماعندهمش عفاريت رغم انهم جدعان اوى ف افلام الرعب؟!!!!!!!!!!!
اكيد الاجابة معروفة

مين قال لحضرتك كده ؟؟؟؟؟؟؟

الاجانب عندهم سحر وعندهم حسد كمان وعندهم عفاريت طبعا
طب انت تعرف ان فيه ناس كتييييييير بيبقى الجن اللى لابسها مش عربى واصله من اى دوله او بلد تانيه ؟؟
على فكره دى حقيقه مش هزار هو الجن بيسكن فين غير فى اماكن مهجوره او متسابه فتره كبيره بعيد عن البنى ادمين وعشان كده لما حد من البنى ادمين بيروح يسكن نفس المكان الجن بيضايقه وممكن يمسه او يسكنه هو شخصيا
مش شرط المكان ده بقى فى مصر او اروبا ولا اى حته على الكره الارضيه