هل يوجد مايمسي بالجن العاشق ؟

[Hossam_hassan4]

حرااااااام عليكوا والله الساعه ثلاثه و عندي امتحان بكره !!!!!!!! انا بحملكوا المسؤليه :d :d

[ayman_omer2007]

حرااااااام عليكما والله الساعه ثلاثه و عندي امتحان بكره !!!!!!!! انا بحملكوا المسؤليه :d :d

هههههههههههههههههههه

لا ياباشا دى تلاكيك

[bassoom007]

ياااااااه فكرتونى......

اسمعوا دى.....انا على طول بسافر السويس لان قرايبى هناك....مع العلم علشان الناس تعرف ان طريق مصر السويس ده اكتر طريق مليان عفاريت فى مصر...مش عارف ليه ؟؟؟؟
يمكن علشان فيه كتيير من مقابر شهداء الجيش التالت وبيحصل فيه حوادث كتييره
المهم انا بحب اسافر بالليل علشان انا من عشاق السرعه ...200 وانت طالع...وانتو عارفين الرادار وكده
انا ماشى فى الضلمه لاقيت واحد واقف على جنب الطريق اسود بيشاورلى ومعاه اوفه كبيره ملفته فى النظر متغطيه بغطى احمر طبعا انا كملت فى طريقى....المهم بعد حوالى 10 كيلو تقريبا لقيت نفس الشخص واقف بيشاورلى برضه متتخيلوش انا كنت بترعش......
قرب بوابات السويس كده لاقيته واقفلى على الشمال فى الجزيره اللى فى النص وبيشاورلى برضه
انا بجد بكيت من شدة الرعب ومش عارف اعمل ايه ...كنت حاسس انى حلاقيه جمبى فى العربيه

[AHMED1718]

ياااااااه فكرتونى......

اسمعوا دى.....انا على طول بسافر السويس لان قرايبى هناك....مع العلم علشان الناس تعرف ان طريق مصر السويس ده اكتر طريق مليان عفاريت فى مصر...مش عارف ليه ؟؟؟؟
يمكن علشان فيه كتيير من مقابر شهداء الجيش التالت وبيحصل فيه حوادث كتييره
المهم انا بحب اسافر بالليل علشان انا من عشاق السرعه ...200 وانت طالع...وانتو عارفين الرادار وكده
انا ماشى فى الضلمه لاقيت واحد واقف على جنب الطريق اسود بيشاورلى ومعاه اوفه كبيره ملفته فى النظر متغطيه بغطى احمر طبعا انا كملت فى طريقى....المهم بعد حوالى 10 كيلو تقريبا لقيت نفس الشخص واقف بيشاورلى برضه متتخيلوش انا كنت بترعش......
قرب بوابات السويس كده لاقيته واقفلى على الشمال فى الجزيره اللى فى النص وبيشاورلى برضه
انا بجد بكيت من شدة الرعب ومش عارف اعمل ايه ...كنت حاسس انى حلاقيه جمبى فى العربيه

الموقف ده حصلى بالملى بس اصعب شوية
انى كنت ماشى وبجرى فوق 180 بعربية كليو
والطريق المفروض رايح جاى (طريق مرسي علم )
وكنت 2 بليل
فمكنش فيه غيرى على الطريق تقريبا
فانا واخد نص الطريق مابين الحارتين يعنى
فظهرلى واقف على الخط الابيض ف نص الطريق واحد لابس كاب وتيشرت وبنطلون واقف بجنبه بيني وبينه مفيش
بكل عزمى دوست فرامل وخلاص هشيله مفيش مجال افاديه
وغمضت عيني لما خلاص مفيش متر بينى وبينه ومسكت جامد ف الدريكسون
وهوب مستني الرزعة او النطرة
عديت مفيش حاجة من كتر الخضة اقسم بالله مقدرتش اتصرف
ده كان اول مرة اتعرض لموقف عفاريتى
بعد كم بالظبط ظهرلى تانى على جنب الطريق بيشاور بردو وانا بدأت اتوتر
بقا كل نص دقيقة يظهرلى ف جنب من جنبين الطريق
وبعد كده بدأت احس ان بيجري جنب العربية وكل شوية العربية تتخبط من ورا وتعوم سنا كدا زى ميكون حد ريح عليك وانا ماشى بالعربية وبصوت رزعة كمان
اقسم بالله لسانى اتعقد مش عارف اقرا قرأن خالص من كتر الخوف وانا بقيت بجرى اكتر والملفات وحشة اوى ومستنى اشوف اى حد على الطريق اوقفه وبقيت خلاص هموت وهعيط من كتر الرعب لانى خلاص انا كده ميت ميت لانى يهموت من الرعب يهتقلب بالعربية انا تقريبا رجلى كانت متسمرة على الدواسة مش راضية تطلع
ايقنت تماما انى هتقلب ف ملف من الملفات اللى بقابلها

الحوار ده استمر 60 كم تقريبا وقربت من كمين مرسى علم اللى مفروض ديما فيه ناس ده كمين ثابت وبتاع مدخل البلد انا دخلت الكمين معلق ايدى على الكلاكس ونورى العالى شغال والله ملقيت حد ف الكمين والدنيا ضلمة كحل كلت المطبات كلها وغرز بين الحديد لغايط موصلت تحت الشقة شحت لابس ف الحيطة وفضلت معلق ايدي على الكلاكس لغايط ماصحابي نزلو وخدونى

وفضلت نايم بعدها اكتر من 28 ساعة متواصلة وهما بيحاولو يصحو فيها وانا اصحا ابصولهم وانام تانى وانا اصلا محستش باى حاجة

[bassoom007]

كويس ياباشا انى لاقيت حكايه زى بتاعتى.....والف سلامه عليك انا فعلا اكتر واحد حاسس بيك لأنى مريت بالتجربه دى...بس نصيحه وانت سايق عليك بالتسبيح والاستغفار وشغل قرأن

[SASA3]

انا طالع منيش مكمل قرأية كفاية اول 20 تعليق و شكراا على كده


لا اله الا الله سبحانك انى كنت من الضالمين

[Mzeid]

هي ايه حكاية اللي بيجروا جنب العربية دول في طريق شلاتين ؟

[AHMED1718]

هي ايه حكاية اللي بيجروا جنب العربية دول في طريق شلاتين ؟

اينعم بس بلليل

[JAM]

حد فيكم شاف الراجل اللى رجله رجل معزة او خروف..؟؟؟

[lanos2004]

حد فيكم شاف الراجل اللى رجله رجل معزة او خروف..؟؟؟

شوفته فى فيلم جاءنا البيان التالى

[A_H_M_A_D]

ايه يا جدعان الكلام ده

انا طول عمري مابحبش السفر بليل و بسافر بالنهار بس

لكن بعد اللي قريته دلوقتي لا هسافر بليل و لا بالنهار

[friendship7897]

والله من يوم ما قريت الموضوع دا - وأنا بكون خايفة وأنا سايقة بليل
يعني أقربها إمبارح - راجعة من عند والدتي لوحدي الساعة 12مساءاً ( كارفور المعادي ) ورايحة بيتي في مدينة نصر فمشيت من الطريق الدائري وبعد الكوبري الجديد ( كوبري الشهيد ) فيه شارع يمين يودي على الطوب الرملي ( بين المقابر ) الشارع دا طول عمري بمشي فيه ومش بخاف وأول مرة أخاف منه جداً وأترعب وأفتكرت كل حوديدكم عن موضوع الجن والعفاريت وكنت للأسف النور الوحيد ذهاباً وإياباً - فمش لاقي حد أتونس بيه - الشارع مش أكتر من دقيقتين وكأنهم ساعتين عدوا عليا
ومع ذلك في إنتظار حكايتكم

[nicegypt]

ياه يا استاذ احمد انا برضه لما بشوف مشاركاتك يقول الراجل ده شكله عدا عليه كتير و قليل , و صادق في كل كلمه قلتها لان دا حصلنا بالظبت في شقة فين تخيلوا ؟؟ في مكة المكرمة و لو حد عارف مستشفى اجياد اللي كانت جمب الحرم لزق والدتي باتت فيها ليله و قالتلهم خرجوني اتعالج في البيت من اللي شافته في المستشفى ديه

اما اللي بينكر الكلام ده و بيقول انا مؤمن بربنا بس محدش قال نؤمن بغير الله لكن من ضمن ايماننا بالله اننا نصدق اللي ربنا قاله (وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ ) و ذكر الجن قبل الانس

ياريت حضرتك تبحث على جوجل عن تفسير الاية الصحيـح وسبب نزولها لان تفسير حضرتك خاطئ تماماَ

-----------------------------------------
القول في تأويل قوله تعالى : ( وما خلقت الجن والإنس إلا ليعبدون ( 56 ) ما أريد منهم من رزق وما أريد أن يطعمون ( 57 ) ) [ ص: 444 ]

اختلف أهل التأويل في تأويل قوله ( وما خلقت الجن والإنس إلا ليعبدون ) فقال بعضهم : معنى ذلك : وما خلقت السعداء من الجن والإنس إلا لعبادتي ، والأشقياء منهم لمعصيتي .

ذكر من قال ذلك :

حدثنا ابن حميد قال : ثنا مهران ، عن سفيان ، عن ابن جريج ، عن زيد بن أسلم ( وما خلقت الجن والإنس إلا ليعبدون ) قال : ما جبلوا عليه من الشقاء والسعادة .
--------------------------------

[Motaz.Habib]

والله من يوم ما قريت الموضوع دا - وأنا بكون خايفة وأنا سايقة بليل
يعني أقربها إمبارح - راجعة من عند والدتي لوحدي الساعة 12مساءاً ( كارفور المعادي ) ورايحة بيتي في مدينة نصر فمشيت من الطريق الدائري وبعد الكوبري الجديد ( كوبري الشهيد ) فيه شارع يمين يودي على الطوب الرملي ( بين المقابر ) الشارع دا طول عمري بمشي فيه ومش بخاف وأول مرة أخاف منه جداً وأترعب وأفتكرت كل حوديدكم عن موضوع الجن والعفاريت وكنت للأسف النور الوحيد ذهاباً وإياباً - فمش لاقي حد أتونس بيه - الشارع مش أكتر من دقيقتين وكأنهم ساعتين عدوا عليا
ومع ذلك في إنتظار حكايتكم

عارف انا الشارع دة بعدى فية كل يوم 4 او 5 مرات

المشكلة انك تبقى ماشى و الدنيا هس هس و تلاقى الكلب يجى جمب العربية و هب يهوهو فودنك اكنة قاصد يخضك

[friendship7897]

عارف انا الشارع دة بعدى فية كل يوم 4 او 5 مرات

المشكلة انك تبقى ماشى و الدنيا هس هس و تلاقى الكلب يجى جمب العربية و هب يهوهو فودنك اكنة قاصد يخضك

دا لو كان كلب أصلاً - سامحوه ما يعرفش