مشكله زوجيه ...... ارجو النصيحه

[magid1010]

يا بيه و الله كل الكلام اللى اتقال بيحصل معايا بالملى من عصبيه لزعيق لنكد ده حتى فى شهر العسل و الله البوز الفظيع من غير سبب و اول مره اشوفه و المصيبه مش فارقه معاها حاجه خالص اخوش اخرج هى و لا هنا البيت لوكانده بجد بس مع المشاكل 8 سنين خلاص قررت انى اعيش حياتى اخرج من غير ما حد يقولى رايح فين و لا جاى منين الفلوس و بدهالها زى ما هى عايزه انما كلام و حاجات من دى لااااا لان بصراحه ما اعلرفش كميه النرفزه دى منين بس اعتقد انها وراثه و من طبيعه البيت اللى الواحده جايه منه لو فيه مشاكل بتظهر عليها بعد الجواز

[dr.hazem]

لا حول ولا قوة الا بالله...
اخي العزيز هذا حال اغلبنا والله ولكن سأذكرك بقصة الرجل الذي أراد أن يشكو زوجته الى عمر ابن الخطاب حيث كانت ترفع صوتها عليه ولم يجد أفضل من عمر ابن الخطاب ليذهب إليه...
فلما وصل عند بيت عمر سمع زوجة عمر ابن الخطاب وقد ارتفع صوتها عليه!!
فلما سمع ماحصل دار ليعود ادراجه فاذ بعمر يخرج صدفة فرأى الرجل فقال له ما كنت تفعل ببابي يا رجل فحكاله اتيت اشتكي فوجدت ما وجدت...
وكلنا نعرف عمر ابن الخطاب وصلابته وقوته وصرامته... عمر قال للرجل أوليست تطيب منامي وتغسل ملابسي وتربي اولادي وتجهز طعامي فكيف لا اتحملها....

وانا بقولك ياعزيزي الصبر والدعاء...
و بالتجربة الزوجة بتتكسف من نفسها جدا لما تكون هيا سيئة وانت اخلاقك احسن... ولا مانع من انك تهجرها يومين تلاته ومتتكلمش معاها ابدا وخليها تسألك في ايه في ايه سيبها شوية كده وبدون كلام ولما تحس انها عايزة تعمل اي حاجه ترضيك صالحها ونبه عليها انك بتتضايق جدا لما تعملك كذا وكذا....
ربنا يحنن قلوبنا على بعض...
تحياتي

Sent from my SE Arc S using Forum Runner

[mostafa3000]

والله الواحد مش فاهم لية ستات اليومين دوول متمردين كدة غير أجيال زمان
اعتقد كل دة بسبب الرفاهية اللي هما فيها
زمان ماكنش فية لا غسالات ولا تلاجات ولا دش ولا اي حاجة
وكانت الستات يومها مشغول جداً من غسيل لتنظيف لطبخ لمذاكرة الأولاد
دلوقتي يا باشا عندهم اليوم بطولة يقضوة تليفونات وتلفزيون ونت

[Exel1999]

بدايتاً فعلا فى ستات كتييييير نكدية وكشرية كده لله فى لله زى ما بيقولوا ... بس عاوز اسال على حاجه حضرتك متجوز بقالك 3 سنين غير فترة الخطوبة يعنى تعرفوا بعض من حوالى 4 سنين وحضرتك لسة مكتشف ده دلوقتى ؟ سامحنى لو هى كده من يوم ما عرفتها يبقى المشكله اساساً من بيتها انها متدلعه بزيادة وكل اللى بتطلبه بتلاقيه ومحدش يقدر يرفضلها طلب (وده واضح جدا فدفاع اهلها عنها فى المشكله وعدم الاعتراف بالغلط ده برضه تعود منهم عليه) فلو كده فعلا يبقى المشكلةعند حضرتك انك مقدرتش تغيرها وتعودها على اسلوبك...

اما لو مكانتش كده من يوم ما عرفتها ... يبقى اكيد المشكله فى حاجه مستجده فى حياتها وحضرتك اكتر حد تقدر تعرف ايه السبب ... قد تكون المسؤلية وضغوط الحياه ... وقد تكون حضرتك السبب لانها لو مكانتش عصبيه كده يبقى اكيد كانت هاديه ... وممكن تكون حضرتك بتستفزها باسلوبك الهادى وممكن متكونش عصبى ولكن تقدر تقول كلام اصعب من العصبيه بكتيييييييير اوووووى ...... فى النهاية كل واحد فيكم محتاج يكون صريح مع نفسه ويكون فى روح رياضية ويتقبل انتقادات التانى له علشان انتوا اللى لازم تحلوا المشكله دى .....

واخيراً ..... زى ما حد قال .. الحب بيعمل المعجزات فعلاً .

و الكلام اللين يصرف الغضب ...

[sanhory]

بص يا باشا انا ربنا كتبلي اني اتحط في الموقف اللي مراتي بتشوفه كل يوم و هو اني بقيت بقعد بالاولاد في البيت يوم في الاسبوع نتيجة مواعيد عملها الجديد و اللي مفيهوش الجمعة اجازة فا انا لبست الجمعة ده و حاولت اتفلحس و اسخن بس مجرد تسخين الاكل اللي هي بتكون عاملاه مسبقا و في نفس الوقت الحق اللي بيعيط و اشوف اللي بيسرخ و اشيل اللي اتكسر و اكنس اللي اتدلق و افتح الباب للمكوجي و و و و و
احب اقول لأ لأ ثم لأ هم بيشوفوا كتير و شابوه ليهم بجد

اللي بيعدي عليا في اليوم ده بيلاقي وشي معبس لوحده , عايز اقولك مبعرفش حتى اصلي فرض

الخلاصة مش كل حاجة بالفلوس او هدية او شوية كلام حلوين , حط نفسك مكانها و حاول تقدر اللي هي بتعمله و شيل عنها شوية شغل من البيت او شيل ابنك منها شوية و ديه حضانة يوم في الاسبوع و سيبها تخلها مع نفسها شوية البنت كمان لما بتجوز بتحس انها كانت زهرة مفتحة و الجواز و الخلفة بهدلوها دي حاجة مش هينة عند البنات على فكرة

تخيل بقى هي بتيجي من الشغل تلاقي الولد بيزن و مطلوب منها تعمل اكل و مطلوب غسيل و حاجات كتير للبيت ولو حضرتك من النوع اللي شايل ايدك من كل حاجة يبقى غلط

سيبها كمان تخرج مع صاحبتها و اعرض عليها انها تسيب البيبي معاك و تنزل حره كده لوحدها زي ما حضرتك بتنزل حر لوحدك

لو عملت كل ده و لسه مفيش استجابة يبقى المشكلة مش عندك

[mero100]

بص يا باشا انا ربنا كتبلي اني اتحط في الموقف اللي مراتي بتشوفه كل يوم و هو اني بقيت بقعد بالاولاد في البيت يوم في الاسبوع نتيجة مواعيد عملها الجديد و اللي مفيهوش الجمعة اجازة فا انا لبست الجمعة ده و حاولت اتفلحس و اسخن بس مجرد تسخين الاكل اللي هي بتكون عاملاه مسبقا و في نفس الوقت الحق اللي بيعيط و اشوف اللي بيسرخ و اشيل اللي اتكسر و اكنس اللي اتدلق و افتح الباب للمكوجي و و و و و
احب اقول لأ لأ ثم لأ هم بيشوفوا كتير و شابوه ليهم بجد

اللي بيعدي عليا في اليوم ده بيلاقي وشي معبس لوحده , عايز اقولك مبعرفش حتى اصلي فرض

الخلاصة مش كل حاجة بالفلوس او هدية او شوية كلام حلوين , حط نفسك مكانها و حاول تقدر اللي هي بتعمله و شيل عنها شوية شغل من البيت او شيل ابنك منها شوية و ديه حضانة يوم في الاسبوع و سيبها تخلها مع نفسها شوية البنت كمان لما بتجوز بتحس انها كانت زهرة مفتحة و الجواز و الخلفة بهدلوها دي حاجة مش هينة عند البنات على فكرة

تخيل بقى هي بتيجي من الشغل تلاقي الولد بيزن و مطلوب منها تعمل اكل و مطلوب غسيل و حاجات كتير للبيت ولو حضرتك من النوع اللي شايل ايدك من كل حاجة يبقى غلط

سيبها كمان تخرج مع صاحبتها و اعرض عليها انها تسيب البيبي معاك و تنزل حره كده لوحدها زي ما حضرتك بتنزل حر لوحدك

لو عملت كل ده و لسه مفيش استجابة يبقى المشكلة مش عندك

اعذرني .... انا مش معاك في 95% من كلامك او وجهه نظرك ....

[magid1010]

اعذرني .... انا مش معاك في 95% من كلامك او وجهه نظرك ....

و لا انا الصراحه هما اصلا مخلوقين علشان العيال و شغل البيت و بعدين امهاتنا و الله ليهم الجنه ما كنش حتى الغساله التوماتيك اخترعوها و بتغسل و تطبخ و مهنيا جوزها

[sanhory]

اعذرني .... انا مش معاك في 95% من كلامك او وجهه نظرك ....

حضرتك اعذرني لو شايف ان الكلام ده ينتقص من قيمة الشخص كراجل اسمحلي فالعكس هو اللي مش من الرجولة اني اتأمر و اشخط وانطر و اعمل كل حاجة في اي وقت واللي في البيت دي تولع و بعدين الواحد مش متجوز خدامة دس حتى اسمها شريكة الحياة يعني القصة شراكة ولا يعيب اي رجل انه يقدر مراته بل بالعكس بيعلى في نظرها جدا و هي بتبقى شايلاه فوق راسها

[AHMED12345678]

السلام عليكم

انا عايز اخد رايكم فى موضوع شخصى لانى مش عارف انا صح ولا غلط ومش عارف اعمل ايه
الموضوع انا بقالى حوالى 3 سنوات متزوج والحمد لله ربنا رزقنى بابن ذى العسل ربنا يخليه بس من يوم ما اتجوزت وربنا رازقنى بانسانه عصبيه جدا ونكديه وعلى طول بوز محترم فى البيت طيب نحكى بالتفصيل اكتر علشان تعرفوا تحكموا وعلشان اخرج ال جوايا لانى مخنوق جدااااااااااااااااااااااااااااااا

زوجتى عارفه ربنا جدا وبتصلى وبتصوم وبتقرا قرأن كتير والحمد لله ولكن المشكله الجوهريه العصبيه يعنى ممكن موقف بسيط جدا يتقلب خناقه ملهاش اى داعى اطلاقا وتقعد تتكلم كتير وطبعا هيا على طول صح وكل الناس غلط اشتكيت لاهلها الحمد لله مامتها معاها فى كل موقف وانا لازم اكون غلطان وخلاص هيا كدا كلام مامتها ليا ان ابنى وان حبيبى والكلام الاهبل بس افعال منيله ب60 نيله الخلاصه ان لو اشتكيت لاهلها مفيش حد بيقلها كدا عيب وعلشان كدا بيتتمادا اكتر فى العصبيه وفى العناد والمشاكل


النكديه
يكون عندنا ناس مثلا او نكون خارجين واليوم جميل وذى الفل اول ما نقعد مع نفسنا او نرجع البيت الاقى وش بوووووووووووووز ذى الفل يا بنتى فى حد زعلك مثلا فى حد من اهلى قالك كلمه وحشه تقولى لاه طيب ليه البوز والنكديه دى فى البيت ابتسمى لربنا حتى بس قدام الناس لازم تكون مثاليه جدااااااااااااا ومع جوزها تكون عصبيه ونكديه ونسيت اقول انها بتعلى صوتها وتزعق وانا بعمل عبيط لان لو انا كمان اتنرفزت مفيش قدامى غير انى اطلقها واخرب البيت واشرد ابنى احيانا كتير ابص لابنى واتمنى انه يكون مش موجود ( استغفر الله العظيم ) بس ساعدها كان الحل هيكون سهل


مش عارف هل كل البيوت كدا ولا انا مراتى مش طبيعيه ولا مثلا محسودين ولا حد عاملنا عمل مثلا ولا فى ايه يالظبط مش فاهم

نفس حالى وكان الحل السحرى ....بالنسبة لى على الاقل هو انى رزعتها عند اهلها شهر بالتمام والكمال وخالتها واختها وأخوها جم يخدوا هدومها فى اليوم الثاسع والعشرين بيهددونى يعنى ...قلتلهم اتفضلوا بمنتهى الهدوء وقدمت ليهم حاجة ساقعة وعزمت على اخوها بسيجارة وقعدت اتكلم معاة فى الكورة واحوال البلد وأختها وخالتها بيلموا الهدوم ومجبتش سيرة مراتى خالص ....وفى اليوم التالى لقيت جوز خالتها بيكامنى وبقولى المسامح كريم يا بنى وأضمنلك أنها وأهلها هيبقو زى الالف
وفى اليوم الحادى والثلاثين جبتها من عند أهلها بعد ماسمعتهم ما يكرهون من الكلام وبعد ما أخدت حقى تالت ومتلت ومن بعدها هى وأهلها ماشيين زى الالف.
بس أنا لما عملت كدة كنت عارف طبع حمايا كويس جدا وعارف أنه تنقلعلة عين وأن بنته متتطلقش

[shaddadfalcon1]

بغض النظر عن كل اللي قلته اللي هو كوبي بيست من حال معظم المتنيلين مينفعش مراتك تعلي صوتها عليك
تتقمص ماشي
تزعل مفيش مشكله
تبوز ياسيدي وماله
لكن لازم يبقي ليك القوامه وصوتها ميعلاش عليك

ولازم لما تهدد يبقي تهدد بحاجه تقدر تعملها
ولبوز ميجيبوش الا البوز اللي زيه
وعليك وعلي الهجر في المضاجع مش مجرد متنمش معاها في الاوضه لالالا تنفض تماما للمواضيه اياها وكانها مش موجوده تماما وشوف الدنيا هتمشي ازاي

[shaddadfalcon1]

حضرتك اعذرني لو شايف ان الكلام ده ينتقص من قيمة الشخص كراجل اسمحلي فالعكس هو اللي مش من الرجولة اني اتأمر و اشخط وانطر و اعمل كل حاجة في اي وقت واللي في البيت دي تولع و بعدين الواحد مش متجوز خدامة دس حتى اسمها شريكة الحياة يعني القصة شراكة ولا يعيب اي رجل انه يقدر مراته بل بالعكس بيعلى في نظرها جدا و هي بتبقى شايلاه فوق راسها

موافقك في كلامك انه مش من الرجوله تسيب مراتك تشيل الليله لوحدها لكن برده مش من الرجوله اني اقعد في البيت ومراتي بره البيت لوحدها بتشتغل ياعم ملعووون ابو الشعل

كلامي عام مش موجه لشخصك او موقفك عشان متزعلش بس

[Y a r i s]

احمد يامصري يا حبيبي
ازي الحال يا غالي .... ارجوك هدي اعصابك وكل الامور بالهدواة بتتحل ... وعلشان تتحل المشاكل لازم تعرف تركيبة زوجتك ايه بالزبط ....


استئذنك يا غالي. ممكن تقولي هيا مولودة يوم كام وشهر كام. وانتا مولود يوم كام وشهر كام وانا هقولك تعمل ايه و إن شاء الله هنورك بشوية حجات بس بعد ماتبعتلي الي قلتلك عليه

بس ابعد خالص عن الطلاق .... بس الاهم انك تعرف تركيبة شخصية الانسانة الي قادمك ووتتعامل معاها على هذا الاساس وربنا يارب يهدي سركم قادر ياكريم وفي انتظار الرد

[mero100]

حضرتك اعذرني لو شايف ان الكلام ده ينتقص من قيمة الشخص كراجل اسمحلي فالعكس هو اللي مش من الرجولة اني اتأمر و اشخط وانطر و اعمل كل حاجة في اي وقت واللي في البيت دي تولع و بعدين الواحد مش متجوز خدامة دس حتى اسمها شريكة الحياة يعني القصة شراكة ولا يعيب اي رجل انه يقدر مراته بل بالعكس بيعلى في نظرها جدا و هي بتبقى شايلاه فوق راسها

ده تحليلك و دي و جهه نظرك .......

اختلافي معاك انا ذكرت انه في 95% من مشاركتك .....

و أعذرني : يعني ايه الزوج يعرض علي زوجته ان البيبي يقعد معاه ... و هيه تخرج حره مع صاحبتها ؟؟؟؟ ( ده جزء من اللي مختلف معاك فيه ) ..... مش دي الرجوله ....علي الاقل من وجهه نظري .

و لو سمحت .... لما حد يقولك ان مختلف معاك .... ياريت تسأله " انت مختلف معايا في ايه " .... عشان يبقي النقاش فيه موضوعيه ..... مش انك تفرض وجهه نظرك و تحليلك الشخصي لسبب الاختلاف .... متحاولش انك تفرض وجهه نظرك علي غيرك .

[mero100]

موافقك في كلامك انه مش من الرجوله تسيب مراتك تشيل الليله لوحدها لكن برده مش من الرجوله اني اقعد في البيت ومراتي بره البيت لوحدها بتشتغل ياعم ملعووون ابو الشعل

كلامي عام مش موجه لشخصك او موقفك عشان متزعلش بس

ياريت بره البيت بتشتغل ..... الاخ / sanhory .... عاوز الزوج يقعد بالبيبي و الزوجه تخرج حره مع صاحبتها .... طب لو كان قال مثلا " ان الزوج ياخدها و يخرج و يفسحها و يفسح عياله ....او يفسحهاا هيه شخصيا .... " كانت مقبوله

[sanhory]

موافقك في كلامك انه مش من الرجوله تسيب مراتك تشيل الليله لوحدها لكن برده مش من الرجوله اني اقعد في البيت ومراتي بره البيت لوحدها بتشتغل ياعم ملعووون ابو الشعل

كلامي عام مش موجه لشخصك او موقفك عشان متزعلش بس

اللي يسمع كلام حضرتك يقول اني بقول اقعدو في البيت و شغلو الستات

ظروف الحياة بتفرض حاجات تتعمل مالاطباء الستات ساعات بيبقوا يوم الجمعة مش في البيت و ازواجهم في البيت ايه اللي حصل يعني قامت القيامة ؟ ولا هو كد يبقى كده و خلاص

لا تكن لينا فتعصر ولا تكن قاسيا فتكسر