هل تقدر تروح مشاويرك القريبه بعجله؟؟؟

[Mohyeldin1974]

فى فتره من الفترات بعد زواجى مباشره وزنى ذاد وشغلى يبعد عن محل سكنى حوالى نص ساعه مشى ، فكنت بتمشى وانزل بدرى من البيت نص ساعه وفعلا كان فارق معايا كتير وخاصة انى رياضى ، ولكن للاسف وجدت تعليقات من الزملاء فى العمل ومن الرؤساء فى منتهى الجهل وكلها استهجان ، ومن ساعتها بطلت الموضوع ده مع انه ولا كان توفير بنزين ولا شى اخر غير انى اخد قرار ثورى فى حق نفسى وجسمى.
ودلوقتى بعد ماسفرت وشوفت ان الموضع بسيط جدا وبشوف مديرين ببدل بتروح اشغالها بالعجل ، وبعد اسعار البنزين ماهتغلى فى مصر السؤال هنا لحضراتكو
تقدر تروح شغلك او مشوار قريب بالعجله؟

[matrix_it]

اة ممكن ليه لا

[Ahmed_Adham]

نفسي أجيب عجله ومش لاقى حد يشجعني. كل ما أقول لحد يقولي انت هتركن العربيه وتركب عجله! العجله بتخلى الواحد جسمه حلو ومفيش تكوين دهون ولا كرش ولا بتاع. وأحسن 100 مره من مشايات الجري المنزليه اللي بيتمشي عليها اسبوع وبعد كده تتركن والتراب يبقى عليها أكوام.

ياريت حد يفيدنا بماركات عجلات محترمه وأسعارها بالمره.

[Mohamed Amr]

ياريت بجد الناس تغير ثقافتها في مصر ويكونوا عمليين

[S O P H O S]

لو قريب ماشي
انما لو بيعد ساعة مثلا هنزل قبل معادي بساعة ونص
علشان اروح انام هناك من كتر الاجهاد وطول المسافة
اكيد مش هينفع ..

[pro_samir]

بدله وعجله صعبه شويه ...

ولا حتي كلاسيك

[egyptiandiver]

كنت بعمل كدة في السعودية - أيوا عجلة و كانت ممتعة الصراحة

[haroun707]

والله ياباشا انا نفسى اعمل كده بس فى كذا حاجة منعانى

اولها حركنها فين وبشكل اكون مطمئن عليها ... للأسف ده صعب
( هى دى بالنسبة لى المشكلة الاساسية )

ثانياً الجو عندنا فى الصيف اصبح لا يحتمل وانا من الناس اللى مش بتحب الحر والعرق والتراب ( بس دى محلوله حركبها فى الشتاء بس )

ثالثاً بقى طريقة القيادة الجميلة اللى معظم الناس فى مصر طبعاً بينفردوا بها ( ودى بردوا مش المشكله )


واتمنى ان حد يساعدنى ويشجعنى

[tutankhamoun]

للآسف حسب المكان و المدينة اللي هاتسوق فيها
و سيبك من كلام زمايلاك و المديرين _دي بلد متخلفة و مش هاتتغير لو سمعنا كلام الناس _

المشكلة في الصيف - المرور و الميكروباظات ... و النقل

[dede_dodo88]

أنا كده كده بروح الشغل موتورجل عشان قريب من البيت..
بس الأتجاه عندي في الشغل دلوقتي أن الناس بتجيب موتوسيكلات و في منهم بيجي بيها عادي و هو لابس البدلة!!..
أنا عن نفسي,, و من غير تريقة.. مبعرفش أسوق بسكلتة حتى!! lol

[speed_magnum]

ركوب العجل متعه في اي مكان

*
*
الا مصر
*
*
يا حبيبتي يا مصر

[MohssenRashed]

لأ عجلة صعب عشان العرق و اروح الشغل عرقان وكده

انا عن نفسي جبت Scooter و بروح بية الشغل 150 سي سي و موفر جدا في البنزين و ممتع جداااااااااااا

[hussein]

دا سكوتر ولا موتوسيكل؟
وايه الفرق بينه وبين الموتوسكل ؟

[NaderNabil]

يا ريت!

[MohssenRashed]

دا سكوتر ولا موتوسيكل؟
وايه الفرق بينه وبين الموتوسكل ؟

لأ ده سكوتر

الفرق ان الاسكوتر بيبقى اوتوماتيك (cvt) و يبدأ من 50 سي سي لحد 650 سي سي