هل تقدر تروح مشاويرك القريبه بعجله؟؟؟

[alking_2006]

المشكلة اننا عندنا هنا ثقافة "الجهل" و "التكبر على مفيش" منتشرة بغباء فى الشعب المصرى
مع ان الأجانب عمليين جدا

يعنى يركن عربيته و يروح الشغل بعجله زى ما بتقول

او يركن عربيته و يركب المترو فى بعض المشاوير فى المناطق الزحمة

لا و الألذ انى بشوف على النت ناس كتير و شغالين شغلانات محترمة و بيحبوا يشتغلوا فى العربية بإيدهم لو فيها اى حاجة عايزة تتغير او تتصلح (و بيشتغل تحس انه دكتور شغال فى العربية يعنى زى الكتاب ما بيقول) و طبعا موضوع الجراج اللى تحت البيت دا اساسى عند معظمهم علشان يعرف يشتغل براحته و تدخل تلاقى عدة مش موجودة عند اجدع ميكانيكى من الكفتجيه اللى هنا فى مصر لكن احنا هنا بنخاف لحسن ايدينا تتوسخ من الشحم "كخ" حتى معظمنا مش بيكشف على ابسط الحاجات من زيت و مياه رادياتير علشان البيه اكبر من انه يفتح الكبوت و لذلك ساعدت هذه الثقافة و غيرها فى تأخر هذه الأمه اكتر و اكتر

بإختصار كلمة واحد
عملييييييييييييييييين و هوا دا اللى خلاهم يتقدموا

[A_H_M_A_D]

في مصر , أعتقد صعب جدا , عشان فين الطريق اللي تقدر تسوق فيه عجله بإحترام

بره انا شوفت العجل منتشر جدا , وفعلا مديرين ببدل سايقين عجل ولابسين الخوذه و الركب , و قدام كل شركة باركنج كبير مخصص للعجل تقدر تركن فيه براحتك , وعلى الارصفة فيه تراك مخصص للمشي بالعجل , فين بقى الكلام ده كله في مصر

[Elawany13]

فين ايام الابتدائى والإعدادى والثانوى والكلية لما كنت بركب العجلة رهوان
وفى البرد الشديد مكنتش بعرف اذاكر إلا لما انشط الدورة الدموية بلفة بالعجلة علشان افوق واحس بالدفئ
دلوقتى لو ركبتها بلاقى نفسى مش قادر ابدل وركبى عماله تزيق هههههههههه
بس مش مشكلة رشتين wd40 وهتبقى زى الفل هههههههههه

المشكلة اللى معقدانى فى العجل حاجتين
(1) انه كل شوية الكاوتش بيتخرم بمناسبة وبدون مناسبة لو الصين نزلت عجلة بكاوتش تيوبلس وبسعر مناسب هجيب واحده
(2) الفرامل غير عملية اطلاقاً كل ما اصلحها ألاقيها فى نفس اليوم باظت .. السلك بيتقطع أو كاوتشة الفرامل بتتفك لوحدها فكنت دائما بعتمد على احتكاك الجزمة أو الشبشب فى الإرض علشان افرمل هههههههه وكانت كل جزمى وشباشبى منحولة من تحت بصورة غريبة

لو المشوار خفيف بروح مشى
أو لو مستعجل أو المشوار اكبر ورايح لوحدى بدون العائلة بروح بموتوسيكل صينى مرخص طبعا وبراعى آداب الطريق
وتقريبا انا الوحيد فى جمهورية مصر العربية اللى بيحط خوذه على دماغه حالياً
وفى أوقات الذروة والزحام الشديد بركن العربية واخلص نفسى بالموتوسيكل
وربنا يديمها نعمة ويستر طريقنا

[mahgary]

انا بعت العربية وجبت بيك هوندا احسن مليون مرة من العربيه بركن بكل سهوله فى الجراج يبعد العمل عن منزلى حوالى 6 كيلو مشى فى حدود ساعه وثلث بعربيه ساعه بالبيك ثلث الى نصف ساعه فى الزحام وما ادراك شارع الهرم فى الصباح
الذى شجعنى رئيس مجموعة الشركات التى اعمل به ولانه شاب كان ياتى سعات باسكوتر او بيك cbr لانه ساكن فى الهرم ايضا قلت لنفى لماذا لا اتى بابيك ان ايضا زملأء العمل قالو لى متوسيكل هل سوفه تركب متوسيكل قلت ولما لا اذا كان رئيسى فى العمل يأتى فى بعض الاحيان بابيك لماذا فى نظرك ( تزكر وانت واقف فى اى اشارة مرور وانت راكب العربية لواحدك مع ان العربيه بتشيل اربعة ركاب وواخذ مكان كبير . البيك تجده دائما ياخذ الممر الايمن ويمشى فيه والعربيه واقفه فى مكانه ومع غلو البنزين ربنا يستر البيك بفول التنك كل اسبوع ومشوارى من العرم الى الدقى رايح جاى ثما مرة الى 6 اكتوبر وافول مرة ثانيه التنك بيتفول فى حدود 16 جنيه ) بس لابد من السفتى وانت ركب البيك خوزه جونتى جاكت ركب ومش لان محدش يضمن اى شى من الميكوباس الصغير او الكبير او السيدات او المتوسيكلات الدلفرى وربنا يوفقك

[حماده المصري]

ممكن لو في منطقه الثقافه فيها عاليه شويه زي مصرالجديده المهندسين زمالك

انما مثلا مناطق تعبانه هتاخد تريقه للصبح

في موتوسيكل صيني بيجو نازل جديد ب 12 الف تقريبا ناس كتير اشتريته وشغاله بيه في مصر عادي

[city_ct]

أعتقد أنه يصعب استخدام الدراجات الهوائية -العجل- فى شوارع مصر للذهاب للعمل لشدة الزحام و وجود أتربة أو حفر ماء فى الشوارع سوف تؤدى إلى اتساخ ملابس مستخدم العجل فى طريقه لعمله، هذا بلإضافة لشدة الزحام و عدم وجود أماكن اسير العجل فى الشوارع.

لكن يمكن استخدام العجل كوسيلة للتريض فى الصباح الباكر فى أيام الأجازات أو العطلات الرسمية فى بعض الحدائق المتاح بها ممرات السير أو على طرق سفر واسعة و محكومة الحركة مثل طريق السخنة. و هذا بالطبع سوف يحتاج أنك تنقل العجلة بالسيارة لمكان قيادتها .

[ahmedeihab]

ألبس البدله و أركب عجله فى مجتمعنا ده ( صعب جداااا)

بس انا مش ممانع نهائى لانى رياضى و ممكن 10 متر و اركن العجله و اكره اليوم اللى عملت فيه كده

بس فكره كويسه

اما البس بدله و أركب موتيسكل ريس فا هتبقى كويسه جدااااا

بس المشكله هتبقى عندى انا لانى مش بعرف اسوقهم

^_^

[MohssenRashed]

شباب انا صحابي كتير و انا اولهم جبنا Scooters و بنروح بيهم الشغل عادي الاول الناس بتيقى مستغربة دلوقتي كل يوم حد في الشغل يسألني بكام و كده و ارحم من الزحمة و متشجعين جداااااااااااااا

كل حاجة في الاول بتبقى مرفوضة و خلاص و بعد كده عادي جدا

[yaserbasha2000]

العجله دي ثقافة و مش متوفرة هنا

لكن المشي مأظنش انه منتقد

[ahmedeihab]

شباب انا صحابي كتير و انا اولهم جبنا scooters و بنروح بيهم الشغل عادي الاول الناس بتيقى مستغربة دلوقتي كل يوم حد في الشغل يسألني بكام و كده و ارحم من الزحمة و متشجعين جداااااااااااااا

كل حاجة في الاول بتبقى مرفوضة و خلاص و بعد كده عادي جدا

نعم !!!

بتروحوا الشغل بسكوتر

ماهو لو كده يبقى اجيب باتيناج أسهل

^_^

[MohssenRashed]

نعم !!!

بتروحوا الشغل بسكوتر

ماهو لو كده يبقى اجيب باتيناج أسهل

^_^

ههههههههههههههههههههههه

لأ لأ انت فهمت غلط ياباشا

دي صورة الاسكوتر بتاعي 150 سي سي اوتو

[ahmedeihab]

ههههههههههههههههههههههه

لأ لأ انت فهمت غلط ياباشا

دي صورة الاسكوتر بتاعي 150 سي سي اوتو

ههههههههههههههه يا باشا قول موتسيكل او فيسبا هفهم

لكن اسكوتر بييجى فى دماغى بتاع العيال الصغيره اللى بيتزق بالرجلين على طول :d

اه ده مقبول شويه

^_^

[kar!m]

أنا عندي واحده Mountain و بنزل اجيب بيها الطلبات عادي جدا.

و بتنجز بدرجه لا تتخيلها.

[misry]

انا باروح العيادة مشي في احيان كتيير ونفسي اشتري عجلة والله ...

[Elawany13]

أنا عندي واحده Mountain و بنزل اجيب بيها الطلبات عادي جدا.

و بتنجز بدرجه لا تتخيلها.

ويطلع ايه Mountain ده كمان ؟