حد يعرف منطقة صن مول بزهراء مدينة نصر ويقوللى تفاصيلها

[alrabeh]

حد يعرف منطقة صن مول (مول القوات المسلحة) بزهراء مدينة نصر ويقوللى تفاصيلها
أنا شفت العمارة المطلة مباشرة على المول فما هى مميزات وعيوب المنطقة دى وأسعارها علما بأن العمارة اللى شفتها أول نمرة على شارع الميثاق وتطل على باركنج الصن موول
وياترى أخبار المرافق ايه لإن المنطقة دى مفيهاش تراخيص وازاى أتأكد من أوراق الملكية وشكرا لكم

[alrabeh]

متابع ومنتظر وياريت لو حد يعرف حد ساكن هناك يسألهولى وشكرا لكم

[Ahmed_Ramadan]

متابع

[ELBEH]

حد يعرف منطقة صن مول (مول القوات المسلحة) بزهراء مدينة نصر ويقوللى تفاصيلها
أنا شفت العمارة المطلة مباشرة على المول فما هى مميزات وعيوب المنطقة دى وأسعارها علما بأن العمارة اللى شفتها أول نمرة على شارع الميثاق وتطل على باركنج الصن موول
وياترى أخبار المرافق ايه لإن المنطقة دى مفيهاش تراخيص وازاى أتأكد من أوراق الملكية وشكرا لكم

صن مول بزهراء مدينة نصر بجانب نقطة الزهراء لسه مفتوح جديد انا مش فاهم العمارات اللى حضرتك بتتكلم عليها هل هيه امامه و لا خلفه.

[alrabeh]

بص حضرتك فيه عمارة أول نمرة خلف باركنج السيارات الخاص بالمول واسمه برج الأندلس يعنى بيبص على شارع الميثاق والباركنج
وأمامه مسجد على الناحية التانية من شارع الميثاق

[Ahmed_selmy]

بص هى المنطقه اللى هناك دى كلها قلق, بسبب عدم وجود التراخيص و طبعا مش حيكون فيه مرافق .
انا من راى بلاش الحته دى او اتاكد من وجود التراخيص, انا خالى واخد عند السلاب ومن كام سنه ومش عارف يعمل فيها حاجه خالص, بالاضافه ان البناء بتاعهم تعبان جدا (على حسب خالى بيقولى السقف مقوص من فوق) يعنى مش مدين الصبه بتاعة السقف حقها خالص.
حاول تشوف مساكن الظباط هناك , حيكون سعرها اكتر شويه بس مضمونه, والله المستعان.

[ahmedkhairy]

متابع

[Ahmed_Ramadan]

بص هى المنطقه اللى هناك دى كلها قلق, بسبب عدم وجود التراخيص و طبعا مش حيكون فيه مرافق .
انا من راى بلاش الحته دى او اتاكد من وجود التراخيص, انا خالى واخد عند السلاب ومن كام سنه ومش عارف يعمل فيها حاجه خالص, بالاضافه ان البناء بتاعهم تعبان جدا (على حسب خالى بيقولى السقف مقوص من فوق) يعنى مش مدين الصبه بتاعة السقف حقها خالص.
حاول تشوف مساكن الظباط هناك , حيكون سعرها اكتر شويه بس مضمونه, والله المستعان.

أظن هو يقصد العمارات اللى خلف المول مباشرة و أظن من تصميمها الموحد إنها تبع الجيش يعنى أكيد مستوفية الإجراءات و فيها كل المرافق

[alrabeh]

شكرا للإخوة الأفاضل اللى قاموا بالرد أعزكم الله
حأحاول أوصفلكم تانى المكان وهو ان وأنا جاى من سوق السيارات بيبقى صن مول على شمالى بأعمل يو تيرن وأرجع بألاقى فيه عمارت قبل المول لونها برتقالى او طوبى مش فاكر ولما تخلص العمارات دى تلاقى على طول شارع على ناصيته مكان لركن السيارات خاص بالمول
لو دخلت الشارع ده يمين الميثاق حتلاقى مدخل على شمالك لمكان الركن ده وبعديه مباشرة برج لم يكتمل حوالى خمس ادوار بيطل على مكان ركن السيارات
أرجو ان تكون الوصفة وضحت ولما تقف فى بلكونة العمارة بتبص على الباركنج وشارع الميثاق وفيه جامع على الناحية التانية من الميثاق
علما بأن آخر سعر وصلتله 2000 جنيه قسط و 1800 كاش

[mohamed_selim]

حضرتك اسال المالك هل فى تراخيص ولا بنا من غير تراخيص؟
لو من غير تراخيص يبقى اخلع احسنلك

[alrabeh]

من غير تراخيص والمنطقة كلها من غير تراخيص بس دى ميزتها انها بتبص على شارع الميثاق الرئيسى والمول

[ELBEH]

بص الحته دى فيها عمارات سليمه و عمارات مش سليمه يعنى بتفرق فى المقاول او صاحب الارض اللى بيبنى يعنى فى ناس فى المنطقة دى معروفين انهم مقاولين كويسين و فى مقاولين نصابين يعنى ممكن يبيع الشقه كذا مره اه و اللهى على العموم هسألك هوه فى واحد مشهور فى الحته دى انه نصاب هبقى اعرفلك اسمه و ابلغك ان شاء الله.و هبقى اعرفلك مين المقاولين الكويسين و هقولك.

[alrabeh]

جزاك الله خيرا ومعلش حأتعبك
هو البرج اسمه الأندلس

[alrabeh]

طيب هل سؤال الحى حيفيدنى فى حاجة ولا حيضللونى فى الإجابة وفين مكان الحى

[mohamed_selim]

حى مدينة نصر عند مسجد نورى خطاب فى مصطفى النحاس و انت طالع على قسم تانى و المدينه بتاعة جامعه الازهر و امن الدوله
المفروض يفيدوك ... خد معاك صور لاى ورق ليه علاقه بالمكان او على الاقل وصف تفصيلى للمكان و العنوان و يحبذ لو صوره من المكان على جوجل مابس عشان يعرفو انهى مكان ... بس انا مش فاهم الحى هيقولك ايه؟ ماهو انت بتقول مفيش تراخيص فبالتالى الحى مش هيكون عارف اى حاجه رسميا؟