حد يعرف منطقة صن مول بزهراء مدينة نصر ويقوللى تفاصيلها

[Ahmed_selmy]

الحى مش حيقولك حاجه فعلا علشان مفيش تراخيص, بالسعر اللى انت بتول عليه دا ممكن تلاقى حاجه لسه بتتبنى بتكون فى حدود 2500 جم للمتر فى المنطقه التاسعه وفيها تراخيص ومرافق وكل شى , خليك فى المضمون افضل , ومتنساش الاستخاره

[diablo1231]

نصيحة يا فندم بالش انا ساكن في الزهراء في عمارات الضباط العمارات دي كانوا هيزيلوها قبل كده ده غير ان ورا حضرتك العزبة و المستوي مش قد كده خالص حضرتك لو تحب يبقا عمارات الضباط افضل خصوصا ان العمارات اللي جنب المول بدون ترخيص و اي استفسار انا تحت امرك

[alrabeh]

الف مليون شكر لكل من ساعدنى وتفضل بالمشاركة ولو حد عنده معلومة اضافية أرجو ألا يبخل على

[Tmhami]

مش عارف الى ممكن أفيدك بيه
بص أنا ساكن فى الواحه و كل معلوماتى عن زهراء مدينه نصر أنى بشوفها وأنا رايح الشغل
فى مساكن محترمه و ديه مساكن الظباط أنما غير كده فى مساكن تانيه شكلها غريب و معظمهم طلعوا بسرعه بعد الثوره
كمان الشوارع الداخليه ضيقه جدا ,تخيل بقى لما كل العمارات ديه تسكن حتلاقيها قلبت عشوائيات (بغض النظر عن هيه مترخصه ولا لأ)

[salahlanser]

عشان تسال على العماره اعتقد مش فى الحى بتاع م.نصر تروح جهاز القوات المسلحه لان الاراضى دى بيتعملها عقد اسمه عقد تقنين بين المقاول او صاحب الارض والجيش ومعتمده لانى انا ساكن فى شارع السلاب وده اللى عملته
اخدت الورق بتاع الارض واديته للمحامى واتاكد انه سليم ودلوقتى كل المرافق شغاله من كهرباء ومياه واسانسير
انت تاخد نسخه من الورق ده لو معاه وتسال على مكان جهاز القوات المسلحه ده فين لانى مش انا اللى رحته
لو مش معاه ورق يبقى انسى ماتكملش
انا ابن عمى نزل مره اتفرج لوحده وناس اكلت دماغه وانا بعديها رحت لقيت برج كبيييييييير جدا عدد الشقق فى الدور
اكتر من 15 شقه وكان طالع فى دماغه يشترى لانها رخيصه واما نزلت للمكتب بتاعهم لقيتهم عاملين منظر وكل واحد قاعد قدام لاب توب هو مش عارف انه لاب اصلا وشكلهم حشاش اساسا بعد ما خرجت مش هاقولك بقى عملت ايه
فى ابن عمى عشان ماتوقفش من المنتدى
وانا تحت امرك فى اى حاجه

[alrabeh]

مش عارف الى ممكن أفيدك بيه
بص أنا ساكن فى الواحه و كل معلوماتى عن زهراء مدينه نصر أنى بشوفها وأنا رايح الشغل
فى مساكن محترمه و ديه مساكن الظباط أنما غير كده فى مساكن تانيه شكلها غريب و معظمهم طلعوا بسرعه بعد الثوره
كمان الشوارع الداخليه ضيقه جدا ,تخيل بقى لما كل العمارات ديه تسكن حتلاقيها قلبت عشوائيات (بغض النظر عن هيه مترخصه ولا لأ)

شكرا لرد سيادتك
بالفعل الشوارع الداخلية عشوائيات ولذلك اخترت هذه العمارة لأنها أول عمارة على الشارع وبتبص على الميثاق والمول مباشرة

[alrabeh]

عشان تسال على العماره اعتقد مش فى الحى بتاع م.نصر تروح جهاز القوات المسلحه لان الاراضى دى بيتعملها عقد اسمه عقد تقنين بين المقاول او صاحب الارض والجيش ومعتمده لانى انا ساكن فى شارع السلاب وده اللى عملته
اخدت الورق بتاع الارض واديته للمحامى واتاكد انه سليم ودلوقتى كل المرافق شغاله من كهرباء ومياه واسانسير
انت تاخد نسخه من الورق ده لو معاه وتسال على مكان جهاز القوات المسلحه ده فين لانى مش انا اللى رحته
لو مش معاه ورق يبقى انسى ماتكملش
انا ابن عمى نزل مره اتفرج لوحده وناس اكلت دماغه وانا بعديها رحت لقيت برج كبيييييييير جدا عدد الشقق فى الدور
اكتر من 15 شقه وكان طالع فى دماغه يشترى لانها رخيصه واما نزلت للمكتب بتاعهم لقيتهم عاملين منظر وكل واحد قاعد قدام لاب توب هو مش عارف انه لاب اصلا وشكلهم حشاش اساسا بعد ما خرجت مش هاقولك بقى عملت ايه
فى ابن عمى عشان ماتوقفش من المنتدى
وانا تحت امرك فى اى حاجه

فعلا كده ده اول الطريق فعلا
كتر الف خيرك ، حفظك الله
سأتصل بيه وأسأله على الموضوع ده