فيـــــن الاهــــلاويــة المنتـدى كله زمالكاوية ولا ايــه (الف مبروك للاهلى )...

[misho2mimy]

انا مش فاهمك الصراحة

اظن حضرتك مفهمتش كلامى كويس

انا بقول ان الاهلاوية المفروض يفرحوا اكتر
عشان مرتضى مدمر الزمالك حيرجع من تانى

مش بقول ان مرتضى الكويس راجع للزمالك

انا ضد كل ما هوا عصبى وميعرفش يأخد حقه بالادب
ده لو اصلا ليه حق

علي العموم انات اسف جدا لحضرتك وبعديسن دي كانت شوية معلومات تقدر تعتبرها لم تكتب اصلا ........... حقيقي اسف جدا ......... لكن كلام الكابتن رامي كان مضايقني شوية مش اكتر وفي النهايه انا اكرر اسفي مرة اخري وارجو ان تتقبل اسفي ...

[ahmedfawzy14]

ولا يهمك يا ميشو حصل خير خلاص

ومبروك عليكم السوبر مقدما

[badblood]

اهلاوي صميم
مبرووووووووووووووووووووووك وسالملي على اجوجو

[badblood]

وان شاء الله بعون الله السوبر كمان بس نفسي يقى العداد بشتغل
والوحد والاتنين دول مش عاجبني
انا عايز 5 6 7 لو امكن عشان الدنيا تحلو كده

[cobraa2008]

يلا مبرووووووووووووووووووووووك لاهلي

وهارد ديسك ساتا للزمالك

ويلى خليج اجوجو يانفعكم (( ما حدش يا خدها بزعل))

وربنا يخلي الاهلي



وطبعا



عذر هذا هو زمن الاهلى

[sokasoon]

يااااااااااه هو المنتدى كله اهلاوووويه ولا ايه

بسم الله ما شاء الله الاهلاوية ماليين المنتدى

بعدين انا مش عامل الموضوع علشان نحلل الماتش انا عاملو

علشان نبارك للاهلى ولنفسينا وللزمالكاوية باردو :biggrinjester:

[Noha.M]

ولعت الدنيا يا سوكاا بموضووووعك دة

[Noha.M]

الحمد لله انا مش طبيعي وكمان ماليش في الكورة خاصة كرة القدم المصري
اتفرج على دوري انجليزي ماشي اروبا اوكية
لكن الفرق المهكعة دي ما تلزمنيش
انا امبارح انتهزت الفرصة والجو رايق وخدت العيال النادي ضربت بلانصين في البسيين كدة والجو حلو ورجعت في الروقان والماتش شغال
واحلى اوقات اقضي فيها مشاوير وقت الماتشات دي
نيييييهههههههههههههههههههه

أيه دة يا كريييييييم ؟

حتة انت يا كريم ملكش فى الكورة ؟؟؟ هو ايه اللى حصل يا جدعان فى رجالة الزمن دى ؟؟؟

الله يرحمك يابويا .. كان البيت بيقف على رجل واحدة وقت الماتش :biggrinjester:

[sokasoon]

ولعت الدنيا يا سوكاا بموضووووعك دة

انا بهدى النفوس بس

[Karim_Monir]

خلاص يا جماعة المواضيع هديت اهي ومفيش داعي نتكلم فيها
مع اني اهلاوي قلبا وقالبا بس الزمالك برضه كان كويس في يوم من الايام
نيييييييييهههههههههههههههههههه
يووووة
شكلي هاولعها مش هاهديها
خلاص نرش ميه كدة ونستطبح والارزاق على الله
خلونا نشوف شغلنا ده اخر يوم في الاسبوع الله يكرمكم

[mohamed_88sk]

بسم الله الرحمن الرحيم
نكمل بقى

ربنا يكتر من امثالك يا محمد
ويخلى كل الاهلاوية زيك كده

وكملوا جميلكم بقى والمطش الجى لاخواتكم بتوع ميت عقبة

عشان بس لازمنا :biggrinjester:

ربنا يخليك يا راجل يا طيب
كفايا أن حضرتك من إسكندرية يعني
جاري يعني و 100 100
ههههههههههههههههههههه
حبيب قلبي أنت تؤمر
ربنا يبارك في عمرك
,,,,,,,,,,,,,,,,,,,,,,,,,,,
رامي باشا

يعني أنا مرضتش أعلق على سؤالك فالأول لما سألتني إنت شفت الماتش أصلاً ؟ وعديت ومعملتش مشاكل جي تاني تسأل و تقولي إنت متأكد انك كنت فالإستاد ؟ إنت شيفني كدب ولا بهرتل من دماغي كل ده وماشفتش الماتش وجي أتكلم وخلاص ولا شيفني أعمى مثلاً

معلش بقى أنا قلتلك أعمى ؟؟ كداب ؟؟ بتهرتل ؟؟ حاشا و ماشا .. حضرتك لو كنت في الإستاد فأكيد مشفتش من كذا زاوية صح؟؟ وأكيد فرحة الجول في الإستاد أو الضيق من الجولين بتخليك في الأستاد في حاله معينه يا فرح يا ضيق
تمام!! فياريت بس تشوف من الإعادة وتقيم كويس ... مش عاوز تشوف اوك ده شئ يرجعلك بس متبقاش تتكلم غير لما تشوف من كذا زاوية عشان تقيم صح .

هقلهالك تاني لو إنت شايف إن الزمالك مستوى فرق الشركات ده مش كلام واحد فاهم كورة ياما كلام واحد فاهم كورة بس داخل يستظرف وخلاص

أيوا لا أنا بفهم كورة وعلى فكرة بستظرف وبستخف دمي كمان .. حتى المنتدى عارفين كده عني هنا بس ياريت لسانك يتعدل شويه ... لأن أنا مغلطش فيك ..إنت بقى فهمتها إني بقول عليك أعمى أو خلافه فده يرجعلك دي مش مشكلتي ..
لكن تجي بجمالك تحلو عليا لأ كده أستوب وتعمل ريفيرس كمان ..

حتة هاني سعيد النازل الماتش وهو ارفان ده كلام عايم أوي مين قلك يعني ولا إنت شفت ف عنيه نظرة الإبن لجوز الأم مثلاً

مش بقولك شوف من كذا زاوية .. ياريت بس حضرتك تشوفه في الإعادة وسايبلك أنا التقييم .. شوفت مين اللي بيحلو !!!

إنت بتقول شتيمة شيكابالا دي أكيد إتكررت للعيبة من الأهلي أنا باقولهالك اتحدى وإسمي علطول فالإستاد إن الزمالك شتم لعيب فالاهلي وهو مش بيعلب أو إن يكون ماتش زمالك و مقاولين ونشتم حد من الأهلي وخدلي بالك إنت
الواد الاتحرق ده حكايته معروفة وأعرف ناس من ultras أهلاوي وحكولي بزبط الحصل وعمر ما الزملكاوية حرقو مشجع أهلاوي والصحافة لو منحازة ذي منت بتقول هتبقى منحازة للأهلي مش للزمالك

تتحدى !!! يا سلام !!!على أساس الزملكاوية كلهم ملايكة ونفس الكلام للأهلويه يعني ولا إيه !!!
وحكولي !!!! طيب ممكن أعرف يعني هم حرقوه عمد يعني نيموه عالأرض وجاز بقى وعود كبريت ووولعوا فيه يعني ولا إيه ؟؟ ياريت توضحلي الحته دي زي ما (إتحكالك) بالظبط!!!!
حضرتك في حكاية الصحافة فهمت قصدي غلط ,, دلوقتي لو كان حصل نفس الكلام لمشجع أهلاوي كان برضو حيحصل بروباجندا .. مش إنحياز وحتى لو أنحياز للأهلى فده يدل إن الدنيا كلها حباه ... حتقولي رشاوي وواسطات !!! هقولك جميل قوي الزمالك هو اللي ناصع بياض اليدين ....

ونبي إيه :biggrinjester: لو ركزت بس كنت هتلقيه كاتب ال-reply ده وعامل quote لحد تاني مش ليه... ياما هو إتلخبط...

أهوه ميشو رد
بس على فكرة أنا كنت بالتعليق ده بحاول أمنع مشكله ممكن تحصل بينه وبين واحد محترم زي أستاذ أحمد .. وبرضو هو برضو رد في الصفحه التاليه وكان برضو عاوز يوجهلك بيها كلام
,,,,,,,,,,,,,,,,,,,

أستهدوا بالله يا شباب

مفيش حاجة مستاهلة

قولى عملك أيه قولى أجوجو اللى أنت شاريه قولى :) :) :)

لا إله إلا الله
,,,,,,,,,,,,,,,

خلاص يا شباب كفاية اوي كده احنا في البداية قلنا ان اختلاف الراي لايفسد للود قضية لكن الظاهر ان اختلاف الراي هايفسد المنتدي كله مش الود بس ..... نطالب ادارة المنتدي بعمل قسم رياضي ...لانه منتدي للسيارات وليس للصراع الاهلاوي الزملكاوي وبالراحة علينا يا عم رامي الموضوع مش مستاهل ومعلومة علشان خاطرك " المحكمة الرياضية تقرر وقف انتخابات الزمالك ووقف امتداد رئاسة ابو العبس " يعني من الاخر الزمالك بقي من غير ادارة
والكلام ده علي لسان الناقد الرياضي علاء صادق لسه سامعه من شوية
وارجو من الادارة التفكير في اقتراح القسم الرياضي ....
علي فكرة محمد بيعتذر عن عدم الرد لان لديه ظروف اجبرته علي السفر ... ادعوا له يرجع بالسلامة .............................
اهلاوي للابد............

متشكر يا ميشو يا مصيتني أضطريت فعلا أروح أبيت عند صاحبي في البحيرة حته أسمها التحرير الشمالي كان في مشكله ....

تحياتي و احتراماتي و شابوهاتي.. اللي هوه يعني بارفع لك القبعة احتراما

ربنا يبارك في عمرك يا أستاذه علا ..

(أهلاوي على طول)

[M_HaFeZ]

انا نفسى افهم حاجه..
حد بيشجع كوره فى مصر .. ماشى مفيش مشاكل
انما اتفرج على كوره اوربيه وخصوصا الدورى الانجليزى يتفرج تانى على الهبل اللى فى مصر ويشجعه تانى ازاى ؟؟
الدورى فى مصر عقيم عقيم عقيم عقيم
معروفه من الاول .. كانك بتتفرج على مسلسل معاد لممثلين ومخرج تعبانين
الاهلى يلعب .. الاهلى يفوز
اهلى وزمالك .. الاهلى يفوز
كل سنه خناقات على لاعب او اتنين بين الناديين
الاهلى عايز يجيب لاعب فى الزمالك حتى لو كان ضعيف جدا زى طارق السعيد ومحمد صديق وبعدهم بشير التابعى لما رجع
والزمالك عايز يجيب لاعب فى الاهلى او كان فى الاهلى زى ابراهيم سعيد و محمد عبدالله

ده غير الاعلام الفاسد فى مصر .. برامج فيها واحد عمال يألف او يبخ سمومه لصالح نادى معين او يرمى كلام على واحد تانى .. او يتريق على الحكام و يبهدل مجلس اداره الاتحاد
او يستعمل سلطاته فى مجلس الاتحاد ويعمل اللى هو عايزه
ده غير المحللين اللى 90% منهم مش متابعين ولا بيعرفوا يتكلموا كويس .. والله انا مش شايف فى مصر كلها من المحللين غير خالد بيومى والباقى بعديه من بعيد

ده غير بقى الاعاقه كلها فى التعليق .. معلق اخنف ... معلق ظريق بيستظرف دمه .. معلق بيتكلم من مناخيره .. معلق يقولك ال"ك" .. "ق" ... معلق يقلد ناس تانيه ..
معلق يهيص على الفاضى .. معلق مش فاهم حاجه ويقولك اسامى اللاعيبه غلط

حد سمع تعليق اجنبى ؟؟ انا كل مالاقى الفرصه اقلب على المعلق الاجنبى واسمع الناس اللى بتعرف تتكلم وعندها خبره كويسه وتقولى معلومات ابقى مستمع وانا باسمع مش واحد مش عارف اى حاجه وعمال يفتى

بجد مش متخيل ازاى الناس بتستمع وهى لو اتفرجت على ماتشت بين فرق الوسط فى انجلترا هتشوف حاجه غير الهبل اللى هنا ... هتشوف يعنى ايه متبقاش متوقع نتيجه الماتش
هتلاقى الفرق بتلعب للفوز وتهاجم .. الا فيما ندر فى بعض الحالات وقدام بعض الانديه .. زى ريدينج مثلا

حد يقدر يفهمنى .. من غير مايقولى دى بلدك والانتماء والكلام ال ********** اللى مش مكانه ابدا الكوره

[mohamed_88sk]

معلش يا جماعة الموضوع سسخن معلش
بس هو أستاذ رامي اللي دخل شمال فطبعا أنا في أعتقادي كان لازم رد
بس الردود طولت معلش
وحتى أنا بدأت الهدنه مرضاش فمعلش برضو
وبرضو

(أهلاوي على طول)

[mohamed_88sk]

لا حضرتك كلامك صح يا أستاذ
M_HaFeZ بس أنا عن نفسي في الدوري المصري مش بتفرج كتير .. مفيش غير ماتش القمة (اللي بيقولوا عليه) بس اللي بتابعه .. يمكن عشان فيه النادي المحلي اللي بفضله وأشجعه وأغلب ماتشاته مع الفرق التانيه بشوفها .

[tutankhamoun]

السلام عليكم و رحمة الله و بركاته
الأخوة الكرام ......... محمد الأهلاوي ........... و رامي الزملكاوي

أستهدوا بالله يا رجال .......... لا أهلي و لا زمالك هاينفع بحاجة و خلينا حبايب أحسن

أنا مقدر شعور كل زملكاوي ............ و برضه مقدر شعور و فرحة كل أهلاوي
بس كل واحد ما يغلطش في التاني و نفضل أخوات
الزملكاوي يزعل من غير ما يقلل و يجرح في الأهلي
و الأهلاوي يفرح من غير من يجرح أخوه الزملكاوي و تذكرو أن الأيام دوال ...... أي تلف و تدور و يوم لك و يوم عليك

أنا أتذكر منذ عدة أعوام و في بداية الألفية الثالثة
كان هناك تفوق واضح لنادي الزمالك على الأهلي و أستمر هذا التفوق لعدة أعوام على ما أعتقد
و لكن لم يجد الأهلاوية أي أعذار لفريقهم أو حجج للهزائم المتوالية

يعني بمعنى اصح ............ يوم لنا و يوم علينا
و مبروك للأهلي و حظ أوفر للزمالك في المرات القادمة إن شاء الله

بس بجد يا رجالة ............سيبكم من المبارة .......... فقد أنتهت و فاز الأهلي و خلاص
هو أحنا بقى هانقبض حاجة منهم .............. طبعا لا
يعني لما الزمالك خسر ........... يبقى الزملكاوية هايتخصم من مرتباتهم فلوس ........... طبعا لا

يبقى خلي فرحتنا محدودة بما نكسبه منها و لا نجعلها تتخطى حدود لا نعرف عاقبتها لاحقا

لذلك أرجوا أن ينتبه الأخ الكريم رامي و الأخ الكريم محمد لندائي كأخ لكم بالتوقف عن المجادلة في شئ عقيم لن يكسب من وراءة أي أحد أي شئ غير الإحتقان و حرقة الدم

و تحياتي لكم جميعا