فيـــــن الاهــــلاويــة المنتـدى كله زمالكاوية ولا ايــه (الف مبروك للاهلى )...

[mohamed_88sk]

وعليكم السلام ورحمة الله وبركاته
والله يا أستاذ توت
حضرتك قعدين لابينا ولا علينا إلا نلاقي
أستاذ رامي داخل فجأه يرزع كلمتين ملهمش أي لازمه
يعني شايفنا فرحانين مش عارف يعني عاوز يضيع علينا الفرحه ولا إيه !!
وحتى كان قابله أستاذ أحمد (برضو زملكاوي) لكن داخل بيهزر وبيهني جزاه الله خير
وبرضو هزرنا معاه راجل بجد ربنا يكرمه وحتى لاقيت في ردوده يأس قلتله (لو دامت لغيرك ما وصلت إليك)
لإن كما حضرتك تفضلت مشكورا وقلت الأيام دول
ووالله أنا سمعت حضرتك كأخ أكبر وكلام أستاذه علا لأني مقتنع بكلامكو وهديت الموضوع إلا وهو برضو مصر ...
وبرضو أنا بسمع كلام حضرتك أهه لأني برضو ده أصلا من قناعاتي ولازم يبقى في روح الرياضه
مشكور جدا لحضرتك وفي ميزان حسناتك .

[M_HaFeZ]

لا حضرتك كلامك صح يا أستاذ
M_HaFeZ بس أنا عن نفسي في الدوري المصري مش بتفرج كتير .. مفيش غير ماتش القمة (اللي بيقولوا عليه) بس اللي بتابعه .. يمكن عشان فيه النادي المحلي اللي بفضله وأشجعه وأغلب ماتشاته مع الفرق التانيه بشوفها .

محمد باشا انا لحد 3 سنين فاتوا كنت من الاهللاويه التقال اوى
اروح الاستاد .. مفيش ماتش يفوتنى .. اشترى مجله الاهلى لحد مالمنيسى مسكها وخربها
بس فعلا لما كملت فى الانجليزى .. سيبت الكوره فى مصر خالص
وبقت بالنسبه لى كوره ممله اتمنى انها تخرج عن عادتها المعروفه فى الملل
من خمس سنين تقريبا واحنا فى نفس الدوامه ونفس الملل

[misho2mimy]

كفاااااااااااااااااااااااااااااااااااااااااااااااا اية

يا محمد هدي الموضوع شوية واعتبر نفسك اهلاوي صامت واسمع للاخر وبلاش ترد كده الموضوع هيكبر اوي ومش هنكسب اي حاجة في الاخر وبصراحة الاستاذ توت جاب من الاخر رغم اني اعترض علي قوله ان الدوري المصري عقيم لانه الدوري الذي اخرج الاهلي العظيم الفريق الوحيد الذي وصل لكاس العالم للاندية مرتين متتاليتين .... وشكرا للجميع

[محمد المشد]

الف مبروك لكل الاهلوية وهارد لك للزملكاوية 000 والايام دول يوم لك ويوماً عليك 000 لكن المشكلة فى نادى الزمالك ان الجمهور اكثر حباً للنادى من اللاعيبة 000 لاعيبة يتقاضون الملايين وليس لديهم اى انتماء للنادى ولو حتى من باب الاحتراف او من باب اكل العيش ، وبصراحة كدة لاعبى مصر لايستحقوا كل هذه المبالغ الكبيرة التى يتم دفعها فيهم وخاصة امثال اللاعب هانى سعيد الذى تلاعب بكلا الناديين ووقع فى النهاية لمن دفع اكثر ، لاعب لا ينتظر منه الكثير لان المال لدية اهم من الاخلاق او الالتزام ، وايضا النادى الاهلى اخطأ فى الجرى وراء هذا اللاعب بكل الصدق خطأ كبير وكان يجب على الاهلى عدم الجرى وراء لاعب تركة منذ زمن وهرب الى الخارج بدون اذن
المهم وبصفتى اهلاوى اقول بأن الاهلى يتميز فى عشق الجمهور له ، والادارة المتميزة ، ولاعبين يعشون الفانلة الحمراء ، وكان الله فى عون الزمالك الذى اتعب جمهورة وتلاعب بهم وجعلهم يحلمون بالانتصارات بعد الهزائم ، والعزة بعد 0000 ! عموما من اكبر الاسباب لهذه النكبات هم السادة ممدوح عباس وسليم والمندوة ومرتضى وباقى الاعضاء المحترمين الذين يتهافتون على الكراسى دون النظر لمصلحة نادى الزمالك وايضا فوقهم رئيس المجلس الاعلى للرياضة الذى ينظر لمصلحتة دون الاهتمام بالمصلحة العامة للنادى ومصر

[M_HaFeZ]

وبصفتى اهلاوى اقول بأن الاهلى يتميز فى عشق الجمهور له ، والادارة المتميزة ، ولاعبين يعشون الفانلة الحمراء ،

ممكن تقول كل الصفات دى موجوده بصوره نسبيه
يعنى احسن نسبيا
الاداره فى النازل
اللاعيبه بتلعب للفلوس مش للنادى باستثناء قليلين جدا

برضوا هانى سعيد ده اللى هرب من الاهلى فى اول مره

والاهلى مش الجنه اللى الناس بتتكلم عليها ولا الزمالك جهنم
اى نعم الزمالك عايز يتفور ويتعمل من جديد بس الاهلى مش المثل الاهلى وخصوصا بعد وفاة صالح سليم رحمة الله عليه

[محمد المشد]

ممكن تقول كل الصفات دى موجوده بصوره نسبيه
يعنى احسن نسبيا
الاداره فى النازل
اللاعيبه بتلعب للفلوس مش للنادى باستثناء قليلين جدا

برضوا هانى سعيد ده اللى هرب من الاهلى فى اول مره

والاهلى مش الجنه اللى الناس بتتكلم عليها ولا الزمالك جهنم
اى نعم الزمالك عايز يتفور ويتعمل من جديد بس الاهلى مش المثل الاهلى وخصوصا بعد وفاة صالح سليم رحمة الله عليه

يا اخ محمد كلامك سليم الامور نسبية ولكن النسبة فى الاهلى اعلى من الزمالك بكثير ، اما الشىء الاخر انا لم الوم الزمالك على هانى سعيد ولكم لومت الاهلى وياريتك ترجع للنص مرة اخرى ولم اقل ان الاهلى جنة والزمالك جهنم ومن الواضح انك متعصب وبشكل كبير وارجوك الامر لايستحق كل هذا التعصب وهى فى الاخر كورة وبلاش اتهامات بهذا الشكل ويا اخى متزعلش الزمالك الجنة والاهلى نار
الرياضة اخلاق قبل اى شىء يعنى اخلاق اللعيبة الموجودة فى مصر بصفة عامة فى النازل والسبب الاندية ومرة اخرى بلاش تعصب وعصبية فى الكلام الامر لايستحق الطيب احسن
وبرضك اقول لك لو شاءت لك الظروف ودخلت نادى الزمالك ومن ثم دخلت النادى الاهلى سوف ترى الفرق فى كل شىء واقصد هنا طريقة التعامل مع الاعضاء والخدمات المقدمة لهم وايضاً الروح الموجودة بالنادى

[M_HaFeZ]

انت فهمتنى كده غلط
انا مقولتش انك اللى بتقول الجنه .. انا باتكلم عامة .. وانا مش متعصب لانى اساسا لايفرق معايا اهلى ولا زمالك ...
ومعلش بس انا عايز افهم بلاش اتهامات ايه ؟؟؟
انا عارف انا باتكلم على كل نقطه ازاى واعرف ارد عليها كويس اوى
حضرتك بتقولى باتهم قولى باتهم فى ايه بالظبط

[M_HaFeZ]

وياريت حضرتك تراجع كلامى وانا باقول الزمالك عايز يتفور من جديد
وصدقنى كلامك انت اللى هيخلينى اتعصب بس مش علشان الكوره
علشان فهم كلامى غلط
معلومه .. انا لعب فى الزمالك جودو وقعدت فى النادى فترات طويله
والكلام ده كان فى سنه 96 تقريبا
ودخلت الاهلى ولعب كره يد والكلام ده كان سنه 98

اه الاهلى اشيك من الزمالك .. بس الكلام مش على الشياكه الكلام على مجلس اداره فى النازل ولو عايز حقائق معاك للصبح
من اول فضيييييييييييييحه شريف اشرف لحد البهدله بتاع هانى سعيد

[محمد المشد]

وياريت حضرتك تراجع كلامى وانا باقول الزمالك عايز يتفور من جديد
وصدقنى كلامك انت اللى هيخلينى اتعصب بس مش علشان الكوره
علشان فهم كلامى غلط
معلومه .. انا لعب فى الزمالك جودو وقعدت فى النادى فترات طويله
والكلام ده كان فى سنه 96 تقريبا
ودخلت الاهلى ولعب كره يد والكلام ده كان سنه 98

اه الاهلى اشيك من الزمالك .. بس الكلام مش على الشياكه الكلام على مجلس اداره فى النازل ولو عايز حقائق معاك للصبح
، من اول فضيييييييييييييحه شريف اشرف لحد البهدله بتاع هانى سعيد

يا اخى العزيز كما قلت لك الامر لايستحق المناهدة او الزعل او انك تقول بأن كلامى هيخليك تتعصب ، طبعا انا لا احب ان ادخل معك فى جدال لا طائل منه غير اننا نزعل او نأخذ موقف من بعضنا البعض واكرر ان الامر كله لايستحق اى زعل لانها كورة وانا دخلت بمجرد توضيح امر فقط ، اما موضوع ان مجلس الادارة فى النازل فهذا رايك وله احترامة ! اما راى انا شخصيا وانا عضو بالنادى بأن اعضاء المجلس من افاضل الناس والاختلاف هنا بكل تقدير واحترام لك وللجميع واشكر لك حسن تقدير كم

[ramyso4]

يا سلام يعني انتو عمالين تقولو هدو الموضوع مش مستاهل وكل الكلام ده ومش بتشوفو الناس بتتكلم ازاي العملية ولا تفرق أهلي ولا زمالك اليضايق الكلام بتاع المدارس الملوش لازمة وبيزود التعصب
إنت كسبت الماتش وفرحة افرح بفرقتك وقول دحنة عملنا شو عالي دحنة قسمنا حلو ليك بفرقتك بس نيجي بقى للكلام العيال أصل الزمالك ده يلعب ف دوري شركات وهاني سعيد عنيه كنت بتتكلم وهو نازل ده الكلام البيزود التعصب عشان ده كلام عايم جداً وبيزود التعصب وفالأخر الكاتبو بيقول سمحوني يا جامعة أصل أنا ف فترة المرهقة :biggrinjester: أنا مالي إنت عندك كم سنة كل واحد مسؤول عن كلامه
إنت بتقلي اعدل لسانك !!! **************

اه على فكرة الواد ******** ده جابوه على دريم وهو بنفسو حكى الحصل كمان و ازاي جمهور الاهلي رمى عليه بنزين ورمو عليه شمروخ
كلمة قلتها وحقولها تاني العملية مش أهلي وزمالك المشكلة ف ناس مش بتعرف ازاي تتناقش ناقشني فالماتش تجي تتريق وتقول أصل ده مستوى شركات ومفروض يهبط وإنت متأكد انك رحت الماتش والكلام د هو البيذود التعصب
سلام

------------------
نرجو الانتباه لمستوى الحوار بين الأعضاء
الادارة

[M_HaFeZ]

حصل خير ياستاذ محمد ...

[Goodle]

يا اخوانا إحنا مش بناخد نسبة من مكاسب النادي عشان نحرق دمنا عليهم
وكل واحد ما يغلطش في التاني .. ده إحنا إخوات كلنا يا جماعة
وحدوا الله .. لا إله إلا الله محمد رسول الله