أيه أفضل حاجة أستوردها من الصين ؟

[M_Marwan]

سلام عليكم يا رجالة ...... من فتره وانا وصحابى بنفكر نستورد حاجه خفيفه كده من الصين ونبيعها

هنا ( مثلا اكسسوار موبيل - اكسسوار حريمى ) كده يعنى فهل حد عتده مقترحات بحاجات زى كده

تكون شغاله كويس وتبيع بسرعه ؟

الف شكر

[dedi]

أنا ماعنديش خبرة فى هذا المجال بس لازم حضرتك تقول ماهو مجال حضرتك و البلغ الذى و ضعتوة للموضوع دة

[ahmed2y]

استورد مواد غذائية خفيفة لبان مصاصة تونة كمبوت وانا شارى كمان بس قولى كذا وبقد كدة يا ريت نتكلم ابعتلى تلفونك على الخاص

[kamatchodj]

حضرتك تستورد اللى بتفهم فيه وفاهم ازاى تسوقه هنا فى مصر .... السفر سهل .. وانك تجيب بضاعه سهل .. ازاى هتبيعها فى مصر هو ده الكلام ... وخللى بالك لازم تتعامل مع مكتب فى الصين للشحن ويستحسن يكون بيفم فى اللى حضرتك هتستورده

[MTAK]

اعذرنى على كلامى اللى ممكن تعتبره اومليت بس حاسس ان من واجبى انى اقوله كوجهة نظر

انت الان معك شوية فلوس و تريد ان تستورد لكى تبيع و يأخذ رأس المال دوره سريعه و تكسب

حقك الذى لا غبار عليه

و انا معاك انك لو جبت شوية لبان على حلويات اطفال او اكسسوار حريمى خفيف هايتلاع هوا و هاتكسب حلو كمان

و لكن ظروف البلد و اللى احنا فيه محتاج شوية تفكير من الكل (و هذا لا اوجهه لحضرتك فقط و لكن لجميع من يعملون بالمجال)

على حد علمى الاقتصادى الضعيف ان استيراد مواد استهلاكيه خفيفه زى دى بيعمل ازمتين

واحده سريعه و التانيه ممكن على المدى البعيد

واولها و اللى اكيد حضرتك هتواجهها هى ازمة النقد الاجنبى
و بالبلدى البلد مش ناقصه مصاريف على حاجات هايفه لا هتودى و لا هاتجيب
يعنى الشعب مش هايعمل مظاهره لو الحاجت دى لم نستوردها

ثانيا و على المدى البعيد
ان هانبقى ( و اظن ان احنا بقينا خلاص) سوق مستهلك و يقل فيه التفكير فى الصناعات شئ بشئ

طيب تعمل ايه
هناك كام فكره و لا اعرف مدى قابليتهم للتنفيذ او مدى جدواهم

1- لو عاوز تستورد ممكن تدور على حاجه مفيده كقطع غيار ماكينات تصنيع او ما شابه

او تبقى فرع لوكيل من الباطن , ممكن هتاخد منك مجهود شويه فى الاول بس على المدى البعيد اظنها ستكون مفيده للجميع

2- ممكن فلوس الاستيراد دى تفتح بها مشروع و لو صغير و لو ينفع تبقى مصنع خارجى لحاجه بسيطه من فرعها فى الصين او اى دوله
و بكده عملت فى بلدك صناعه و لو خفيفه و شغلت ايدى عامله , حتى لو هاتجيبهم من الصين و شويه بشويه تدخل العنصر المصرى

على العموم ربنا يوفقك

[Imhotep]

استورد حاجات ليها فايدة مش مجرد اشياء استهلاكية و خلاص حتى لو هامش ربح الحاجات المفيدة اقل لكن ربنا هيباركلك فيه اكتر لانك كده هتبقى بتخدم بلدك فى وقت صعب بتعقلك فى الاستيراد و هو مطلب مهم جدا حاليا لاننا دولة للاسف وارداتها ضعف صادراتها + خلى تعاملك معاهم مقتصر على الجنيه المصرى او اليوان الصينى و ابعد عن الدولار اللى البلد محتاجاه تشترى لنا بيه القمح اللى بناكله و هو الاهم و الاجدى حاليا. . . و اعتقد ان شطارة التجار الصينيين هتخليهم يشتروا و يبيعوا لك بأى عملة و بالتوفيق

[Imhotep]

حاجة تانى افتكرتها...... عايز ثوابك يبقى اكبر و نفعك لبلدك يبقى اكتر؟ ادرس اسعار السلع اللى تشوفها مهمة للناس بس اسعارها مبالغ فيها اما بسبب الاستهبال فى التسعير و هامش الربح الفاحش او بسبب الاحتكار او استغلال لاحتياج الناس للسلع دى..... و استورد منها.... و بكده يبقى النفع اعم..... و خير الناس انفعهم للناس..... انا عارف ان جايز الكلام ده يبان انه نصح نظرى لا علاقة له بالتجارة التى لا تفكر الا فى الربح السريع الكبير و من اقصر الطرق..... لكن فى الحقيقة احنا فى وقت كبلد و كشعب نكون فيه او لا نكون..... و ده مش هيحصل الا بتكاتفنا مع بعض و ان احنا نفكر فى تصرفاتنا الفردية و انعكاساتها سواء على غيرنا او على البلد ككل اللى ظروفها و ظروفنا بالتبعية معاها صعبة...... و ازماتنا كلها معروفة و بأذن الله هنحلها كلها و على الاقل لو لم نستطيع ان نكون جزء من الحل فعلى الاقل لا نتسبب بأفعالنا فى ان نكون سبب فى تضخيم المشكلة و ربنا يوفقك لما فيه الخير لك و لغيرك

[shaaban2008]

حاجة تانى افتكرتها...... عايز ثوابك يبقى اكبر و نفعك لبلدك يبقى اكتر؟ ادرس اسعار السلع اللى تشوفها مهمة للناس بس اسعارها مبالغ فيها اما بسبب الاستهبال فى التسعير و هامش الربح الفاحش او بسبب الاحتكار او استغلال لاحتياج الناس للسلع دى..... و استورد منها.... و بكده يبقى النفع اعم..... و خير الناس انفعهم للناس..... انا عارف ان جايز الكلام ده يبان انه نصح نظرى لا علاقة له بالتجارة التى لا تفكر الا فى الربح السريع الكبير و من اقصر الطرق..... لكن فى الحقيقة احنا فى وقت كبلد و كشعب نكون فيه او لا نكون..... و ده مش هيحصل الا بتكاتفنا مع بعض و ان احنا نفكر فى تصرفاتنا الفردية و انعكاساتها سواء على غيرنا او على البلد ككل اللى ظروفها و ظروفنا بالتبعية معاها صعبة...... و ازماتنا كلها معروفة و بأذن الله هنحلها كلها و على الاقل لو لم نستطيع ان نكون جزء من الحل فعلى الاقل لا نتسبب بأفعالنا فى ان نكون سبب فى تضخيم المشكلة و ربنا يوفقك لما فيه الخير لك و لغيرك

كلام يتوزن بالذهب
ربنا يبارك فيك

[CaptaiN-AhmeD]

حاول تزود في الميزانيه شويه وتستورد قطع غيار ...هتكسب كويس اوي افضل من الاكسسواارات والحاجات دي

[mikho83]

متابع ومهتم جدا، لأني نفسي أستورد كمبيوترات ولابات استعمال الخارج، بس مش عارف الطريق بصراحة، بمعني مش عارف اللي بيستورد بيستورد منين وازاي.

[أبو صلاح]

شوف مصلحتك فين ياباشا واشتغل

البلد ليها حكومة تديرها وهي اللي خربتها وهي اللي تصلحها
مش هتوقف المراكب الماشية للناس ونقول مصلحة البلد
اللي عايز مصلحة البلد مايشتريش الحاجات اللي بتقولوا عليها تافه دي وساعتها المستورد تلقائي هيوقف استيرادها
لكن تيجي تقول تاجر السوق عطشان للصنف الفلاني وفي ازمة شديدة عليه وعليه طلب كبير يقوم هو بقى يقعد بقى يفكر في مصلحة البلد والكلام الغريب ده؟
ا

اعقلوها يا جدعان

[Khaled Online]

شوف مصلحتك فين ياباشا واشتغل

البلد ليها حكومة تديرها وهي اللي خربتها وهي اللي تصلحها
مش هتوقف المراكب الماشية للناس ونقول مصلحة البلد
اللي عايز مصلحة البلد مايشتريش الحاجات اللي بتقولوا عليها تافه دي وساعتها المستورد تلقائي هيوقف استيرادها
لكن تيجي تقول تاجر السوق عطشان للصنف الفلاني وفي ازمة شديدة عليه وعليه طلب كبير يقوم هو بقى يقعد بقى يفكر في مصلحة البلد والكلام الغريب ده؟
ا

اعقلوها يا جدعان

Dislike

[ahmedkhairy]

متابع

[CaptaiN-AhmeD]

شوف مصلحتك فين ياباشا واشتغل

البلد ليها حكومة تديرها وهي اللي خربتها وهي اللي تصلحها
مش هتوقف المراكب الماشية للناس ونقول مصلحة البلد
اللي عايز مصلحة البلد مايشتريش الحاجات اللي بتقولوا عليها تافه دي وساعتها المستورد تلقائي هيوقف استيرادها
لكن تيجي تقول تاجر السوق عطشان للصنف الفلاني وفي ازمة شديدة عليه وعليه طلب كبير يقوم هو بقى يقعد بقى يفكر في مصلحة البلد والكلام الغريب ده؟
ا

اعقلوها يا جدعان

Super Like بلا بلد بلا بطيخ الراجل دا كلامه زي الفل والله يبقو يمنعوا الاول استيراد الزفت التكاتك البلى الازرق دا ولا يمنعوا اصلاً حاجه اسمها السوق السوده للبنزين وغيره وغيره
متقوليش مصر هي امي

[osoo22]

انا رأى اننا لازم نساعد الحكومة و نفكر فى مصلحة البلد و مع ذلك ان بفكر ليه الحكومة مش بتمنع او بتقيد إستيراد الحاجات الى مش اساسية او حتى تزود الضريبة عليها مادام فى أزمة فى البلد و مع ذلك تانى مش معنى ان الحكومة مش عجبانى او حتى مقصرة انى استغل ده دى بلدى انا مش بلد الحكومة ولا ايه !!