ماهية حقيقة كيونت ومثيلاتها؟

[mastr_n]

السلام عليكم جميعا ويارب سنة جديدة كلها خير عليكوا جميعا
الموضوع ان واحد صاحبى هياكل دماغى بموضوع الشركات دية انا بجد محتار ومتاكد ان الموضوع نصب فى نصب
القصو ان فى شركة جديدة بيقول ان اسمها local ودية عبارة انك بتدفع مبلغ حوالى 3450 جنية اول مرة وكل اسبوع لازم تتفرج على اعلان او لاين وتاخد 50 دولار امريكى كل اسبوع

انا عايز اعرف من الناس الى مشيت فى الموضوع دة نصب واشتغالات ولا اية الحكاية؟

[Dr_Mido]

نصب وسرقه واشتغالات وغسيل اموال وكل ماتتخيله

[egyptiandiver]

كلو شغل ضرب قفا لمؤاخذة ... ما فلوسك في جيبك يا مدير إيه نظام إدفع 3 و لا 4 بواكي و لمهم مرة فالأسبوع 50 دولار ولا زرار! يعني كدة بالبلدي ابني على حجري و أقوم أدور عليه؟! صباح الفل ...

[Mahmoud Nagieb]

بص يا باشا , عاوز اقولك مثل واتمنى تحطوا حلقة فى ودانك

مفيش حداية , بترمى كتاكيت

من الاخر يعنى

ولو كان فيه الخير , مكنش اترمى لطير

تحياتى

[magyver]

انا بردة نفس الكلام الناس هتااكل دماغي ومش فاهم اي بتنجاان
لغاية لما زهقت قالي اديني 10.000 جنية وهتاخدهم كمان 3 شهور 50 الف جنية مصري
قلتلة مااشي بس دورتها في دمااغي حاسيت بحااجة غلط والراجل هايكتبلي علي نفسة وصل امانة علي بياض علشان ياكدلي ان الحوار مافيش فية نصب ولا اي حااجة خاالص

[alrabeh]

لسه النهاردة مهندس صيانة التليفزيونات اللى بيصلح التليفزيونات بيقوللى حأجى أقولك على الكيونت وقال انه بيكسب منه كويس جدا
على العموم اتفقت انه يحكيلى عليه علشان أقوم بالبحث عن الحل والحرمة وهل هو نصب أم لا وما هى ماهية السلع التى يروج لها

[S O P H O S]

بصراحة مش هقتنع بالحاجات دي مهما حصل
مجرد راي ..

[nouranwar]

اختي سحبت امبارح 5,000 جم علشان هتروح القاهرة تدفعهم للشركة اللي حضرتك بتتكلم عليها ديه بتاعت الاعلانات
بحاول اقنع فيها ان ده نصب و كلام فارغ بس مفيييش تقول لميين

انا بقولها نصب بناءا علي مواضيع كثيرة هنا في المنتدي بس بفكر اسيبها تجرب حتي و لو في الاول علشان بيكونوا عايزينها تسمع مع الناس فبيدفعوا في الاول ولا ايه!!!

[blazer]

نصب يا جدعان
لى اصحاب دخلوا فيه ومكسبوش جنية

[alking_2006]

نصب
نصب
نصب
نصب
نصب
نصب
نصب
نصب
نصب
نصب

[amrelsha3er]

برضو واحد قريبى قالى على نفس الشركه دى وبياكدلى انها هتنجح لانها لسه جديده وفى واحد صحبه دخل فيها وكسب مبلغ وجاب بيه عربيه جدديده وبيحلفلى ان الوضوع حقيقى وانه اشترك وعايزنى اشترك وان اضعف الايمان لو مش هتجيب ناس هتاخد50دولار كده كده لما بتتفرج على 5اعلانات غير كيو نت اللى انت مش بتكسب الا لما تجيب حد
والشركه دى لما تجيب حد بتاخد 50دولار ده غير ال5-دولار اللى كده كده بيجولك كل اسبوع زى ماقولنا
عمال يقولى بلاش نضيع الفرصه اتعرض علينا كتير فى كيو نت وشكرات مماثله
بس فعلا يجماعه اعرف ناس كسبت من المواضيع دى
بس معظمهم اللى لحقو فى الاول
بصراحه بفكر جديا اشترك فى شركه الاعلانات دى لانها لسه جديده وقاريبى ده مش هيضحك عليا فى حوار نصب
وكده كده التلات الاف دول هتلمهم على شهرين ونص ده غير اللمكسب وغير لو هتجيب افراد وتاخد عموله
بس برضو محتار زيك :s

[Lada2013]

نصب اكيد

[dedi]

نصب من وجهة نظرى ولا تنسى انة ممكن السوق يصل الى مرحلة تشبع
و هم اكيد كمصيدة كسبوا اول مجموعة من الناس حتى ماينتشر الخبر بين الناس

[beshomilan]

نفس الفكره عندى ابن عمتى قاللى على local وهو حاليا بياخد فلوس كل شهر منهم
بس انا فى رايي ان الفلوس اللى متعبش فيها عشان اجيبها تبقى حرام

[artyboy]

بأختصار كده الفتاوى - حكم التعامل من خلال التسويق الشبكي ( كيو-نت Q.NET)