زواج المصري من أجنبية.. ليه؟

[eng/muhamad]

+1 ده فى بنات فى مصر بتحب الرجل يضربها بالقلم لو غلطت وتتقول يسلام هو ده الراجل الحمش
وعجبى

بغض النظر عن ان انا هتجوز اجنبيه او مصريه
فموضوع الضرب ده مرفوووووووض
رفقا بالقوارير
الصلاه الصلاه و ما ملكت ايمانكم

[MoToRiZeR]

مش شايف مشكلة لو هى اعتنقت الإسلام والأخلاق بتاعتنا عن إقتناع ، غير كدة هتفضل الفروق واضحة وصريحة وممكن تؤدى للإنفصال

وده بناء على تجارب شايفها قدامى ناجحة جدا لأصدقاء مصريين مع بنت فرنسية وأخرى يابانية

المشكلة بقا فى بنات مصر

إنهم تنكين جدااااا ومش بيعجبهم العجب ولا الصيام فى رجب !!

غير إن كتير منهن متأثرين جدا بثقافة التليفزيون والمسلسلات على طريقة (بكرة أجوزك سيد سيده) (لازم يتعب فيكى عشان مايفرطش فيكى) (الخناق فى البيت زى الملح فى الأكل) !!!! (انا ماعملش فرحى غير فى قاعة 9 نجوم عشان البرستيج بتاعى) ولازم تجيبلى بوكيه ورد ليليان عشان الجيرب وتروح سيادتك تسأل إيه الورد المنيل على عينه ده تلاقى الواحدة ب 50 جنيه عشان الهانم تمسكه ترميه فى الأرض !!! يعنى لو مكانش ليليان يبقى الجواز باطل ؟؟؟؟ و الشقة بقا (لا لا أهم حاجة مانستخسرش فى الريسيبشن عشان الناس الى هتيجى تزورنا) (لأ إلا المطبخ ده أنا هقعد فيه طول اليوم) (يعنى يرضيك يا حمادة أوضة النوم ماتبقاش أد كدة) وحمادة يستلف ويدفع ، كوافير كتب الكتاب وكوافير للدخلة ، وفستان كتب الكتاب ، وفستان للدخلة ، ومعازيم لكتب الكتاب ومعازيم ......

ولا الحموات المصريات بقا ، طبعا كلكم عارفين و واكلين و شاربين و مبسوطين ، مابيتدخلوش فى حاجة ماتخصهمش أبدا ، ولو فى يوم مراتك زعلت بتهديها وتعقلها وتوعيها ، وطبعا الشبكة دى هدية العريس لعروسته وإحنا مش هنتكلم فيها (بعد كدة بيشتغلوا يعنى قولنا عامل حسابك على كام اصل الدهب غالى) ، وإحنا بنشترى بنك قصدى راجل وآخر حاجة تهمنا الفلوس

وأهم حاجة إنك لما تتجوز مصرية تبقى كلمتك كلمة واحدة فى البيت مالهاش تانى "حاضر"

والبنت المصرية على أتم إستعداد إنها ماتتجوزش عشان (تحقق نفسها) !! أو (تثبت ذاتها) ! أو (الشقة بعيدة اوى عن مامى) ولو العريس طيب و مؤدب تقولك لأ أصله مش مخربش والدنيا مش عايزة كدة أنا عايزة واحد يحمينى !! ، ولو شرف سيادة المخربش تقولك أصل أخلاقه صعبة وبتاع بنات ومالوش أمان !! ولو شاب مجتهد وإمكانياته بسيطة تقولك عايزة واحد يعيشنى عيشة حلوة ، ماشى يا فندم ، لما يجى الأستاذ المبسوط أبو عيشة حلوة تقولك لأ ده تجارة وانا هندسة إزاى أتجوزه يعنى !!

الراجل ده بيقول كلام زي الفل و انا متفق معاه تماما
البنات المصريين فيهم تناقضات كتير

عايزة ترتبط بواحد مخربش بس محترم .. مش لازم يكون غني بس عايزة شقة في الحتة الفلانية و فرح في الفندق الفلاني .. ! و يكون حنين بس شديد .. و يكون مجنون بيها و هي براحتها يعني وقت ما تحن

و الولد برضه المصري فيه كلاكيع كتير مقولتش حاجة .. بس فيه ناس مش مكلكعة بتتخنق بسرعة فا بتقصر و لو لقت اللي هي عايزاه في شخص أجنبي خلاص بترتبط بيه و هي حاجة عادية في رأيي .. و أهو كلنا بني ادمين

عارفة يا علا الموضوع عامل زي التعصب للعربيات الياباني فقط أو الألماني فقط و اللي يقولك انا مجبش كوري انا مش مركبش إلا ألماني .. فيه ناس تقولك انا مش هتجوز مصرية و ناس مش هتتجوز إلا مصرية .. مكن يكونوا برة مصر علي طول و يرجعوا يتجوزوا و يسافروا .. يعني انا مثلا لي أصدقاء فلسطيينين كتير يمكن نص حياتهم قضوها في مصر بس ساعة الجواز بيروح طالع علي غزة خاطب و متجوز و جايبها و جي .. كل واحد دماغه ميرحاه

إلا صحيح انتي إزاي مواضيعك جامدة كدة !؟
lol تحياتي

[MoToRiZeR]

+1 ده فى بنات فى مصر بتحب الرجل يضربها بالقلم لو غلطت وتتقول يسلام هو ده الراجل الحمش
وعجبى

أبصم بالعشرة صح صح صح صح صح

[R A N A]

الراجل ده بيقول كلام زي الفل و انا متفق معاه تماما
البنات المصريين فيهم تناقضات كتير

عايزة ترتبط بواحد مخربش بس محترم .. مش لازم يكون غني بس عايزة شقة في الحتة الفلانية و فرح في الفندق الفلاني .. ! و يكون حنين بس شديد .. و يكون مجنون بيها و هي براحتها يعني وقت ما تحن

و الولد برضه المصري فيه كلاكيع كتير مقولتش حاجة .. بس فيه ناس مش مكلكعة بتتخنق بسرعة فا بتقصر و لو لقت اللي هي عايزاه في شخص أجنبي خلاص بترتبط بيه و هي حاجة عادية في رأيي .. و أهو كلنا بني ادمين

عارفة يا علا الموضوع عامل زي التعصب للعربيات الياباني فقط أو الألماني فقط و اللي يقولك انا مجبش كوري انا مش مركبش إلا ألماني .. فيه ناس تقولك انا مش هتجوز مصرية و ناس مش هتتجوز إلا مصرية .. مكن يكونوا برة مصر علي طول و يرجعوا يتجوزوا و يسافروا .. يعني انا مثلا لي أصدقاء فلسطيينين كتير يمكن نص حياتهم قضوها في مصر بس ساعة الجواز بيروح طالع علي غزة خاطب و متجوز و جايبها و جي .. كل واحد دماغه ميرحاه

إلا صحيح انتي إزاي مواضيعك جامدة كدة !؟
lol تحياتي

والراجل المصري برده فيه تناقضات اكتر نذكر بعضها علي سيبل المثال لا الحصر :laugh::
عايز بنت شقية بس مؤدبة
ومنفتحة بس مالهاش علاقات
ودلوعة بس ناشفة مع الرجالة
وحنينة اوي بس شديدة وجامدة
وواثقة من نفسها ومعتزة بكرامتها بس متواضعة الي ابعد الحدود
ومثقفة بس جاهلة
وذكية بس غبية
وعبيطة وهبلة ومالهاش في حاجة بس في نفس الوقت تكون مفتحة ومحدش يضحك عليها
ومعتمدة علي نفسها وهي اللي تودي العيال المدارس وللدكاترة وتهندل كل امور البيت من غير ماتصدع دماغه بس متقدرش ابدا تستغني عنه وتحوس وتلوص من غيره

ومدبرة واقتصادية بس تهتم بجمالها ان شاء الله حتى تعمل عمليات تجميل مش جوزها ولازم يشوفها في احسن حال

وتكون فاهمة كل حاجة في الراجل بس متكونش شافت ولاعرفت ولا فكرت مجرد تفكير في مذكر او راجل قبله
وتكون شخصيتها قوية بس ضعيفة ومنكسرة ومترفعش عينها فيه ابدا

وتكون متعاونة معاه في مصروف البيت بس متخرجش تشتغل ماعنديش ستات تشتغل.
وعجبيييييييييي
كفاية كده لحد مافتكر الباقي :nerd:

[Ahmed Samy]

الزواج من أجنبية في رأيي هو دعم لمحاولة تغيير طبيعة الحياة
و ليس محاولة للتغيير فقط

يعنى ...
واحد مش عاجباه مفردات مجتمعه و لا ثقافته (وده حق طبيعي لأي مننا)
فقرر انه يغير اسلوب الحياة -سواء في مصر أو خارجها- و تبع القرار اصرار على تغيير مستولى أولاده الفكري و الأخلاقي و الاجتماعى

و لما كان هذا القرار من الصعوبة بمكان ليتحقق في البيئة الموجودة حول هذا الشخص - اللي هو رافضها اساسا- كان لابد من له من دعم هذا الاصرار و تقويته على الاقتران بانسانة تحمل داخلها ما يريده لنفسه و لأولاده ...

أي ان هذا الشخص اقتنع بالتغيير و سار في دربه و تقبل مزاياه و عيوبه -الكثيرة- و من ثم اخذ المنحنى الأكبر و هو تثبيت التغيير بالزواج من الغربية الحسناء - و حسنها أيضا هو من نواحي التغيير لأنه قد يكلف ثمنا في مصر- .

من سار على الخطة السابقة مازال زوجا ناجحا و أبا جيدا الى اليوم وهناك امثلة حية كثيرة عاصرتها شخصيا ..

اما مدعى التحضر و طالب الوجاههة و الحسن و قافز العقبات الفاشل

فهو من لم يجد في نفسه ما يؤهله للارتباط ببنت جلدته فقرر ان يأخذ منحنى الخروج من المنافسة المضنية ......والقى بنفسه في تلابيب ثقافة لم يعرفها و لم يردها في الصميم بل بهرته ملابس الحضارة و لغتها و شقرة جلدتها

و حين عاشرها وجد نفسه ضئيلا ...عاجزا ...يحرس مبادئه الضعيفة به من طوفان من التفوق و الثقة للطرف الأخر ....

ده بقى ........

يشرب

[OlaOsman]

أوبااااااااا..الموضوع شكله كده هايتحول لمساجلة كلامية.. ستات ورجالة

بس انا متابعة و مستمتعة بالنقاش

[eng/muhamad]

أوبااااااااا..الموضوع شكله كده هايتحول لمساجلة كلامية.. ستات ورجالة

بس انا متابعة و مستمتعة بالنقاش

انتى اللى بداتيها يا علا و دلوقتى انتى بتتفرجى

[OlaOsman]

الزواج من أجنبية في رأيي هو دعم لمحاولة تغيير طبيعة الحياة
و ليس محاولة للتغيير فقط

يعنى ...
واحد مش عاجباه مفردات مجتمعه و لا ثقافته (وده حق طبيعي لأي مننا)
فقرر انه يغير اسلوب الحياة -سواء في مصر أو خارجها- و تبع القرار اصرار على تغيير مستولى أولاده الفكري و الأخلاقي و الاجتماعى

و لما كان هذا القرار من الصعوبة بمكان ليتحقق في البيئة الموجودة حول هذا الشخص - اللي هو رافضها اساسا- كان لابد من له من دعم هذا الاصرار و تقويته على الاقتران بانسانة تحمل داخلها ما يريده لنفسه و لأولاده ...

أي ان هذا الشخص اقتنع بالتغيير و سار في دربه و تقبل مزاياه و عيوبه -الكثيرة- و من ثم اخذ المنحنى الأكبر و هو تثبيت التغيير بالزواج من الغربية الحسناء - و حسنها أيضا هو من نواحي التغيير لأنه قد يكلف ثمنا في مصر- .

من سار على الخطة السابقة مازال زوجا ناجحا و أبا جيدا الى اليوم وهناك امثلة حية كثيرة عاصرتها شخصيا ..

اما مدعى التحضر و طالب الوجاههة و الحسن و قافز العقبات الفاشل

فهو من لم يجد في نفسه ما يؤهله للارتباط ببنت جلدته فقرر ان يأخذ منحنى الخروج من المنافسة المضنية ......والقى بنفسه في تلابيب ثقافة لم يعرفها و لم يردها في الصميم بل بهرته ملابس الحضارة و لغتها و شقرة جلدتها

و حين عاشرها وجد نفسه ضئيلا ...عاجزا ...يحرس مبادئه الضعيفة به من طوفان من التفوق و الثقة للطرف الأخر ....

ده بقى ........

يشرب

طيب ماهو بالنسبة للخطة الأولى فهو هايشرب برضه و لا هو أصلا بايع القضية؟

[Ahmed Samy]

طيب ماهو بالنسبة للخطة الأولى فهو هايشرب برضه و لا هو أصلا بايع القضية؟

الأولاني ده شربه كده
يعني هو عارف القصة أولها و أخرها و عاجبه مش هاييجي في النص و يقول جاي

يبقى هو اختار حياته و هو حر و ماحدش يقدر يقوله ليه

انما التحفة التاني (و الذي يمثل الأغلبية) اهو هايتربى

[Ahmed Eraqy]

وجدت هذا المقال فى احد المنتديات انقله لكم لعله يرد على سؤالك يا أستاذه علا

الرجل ينبهر بهذا الممثل الأجنبي الذي يحتضن زوجته على الشاطئ وهي ترتدي مايوه قطعتين
ثم يرتميا سويا على الرمال ويتدحرجا إلى أن يصلا إلى البحر

ثم يعودا ويتدحرجا بالعكس على الرمال على الشاطئ الهادئ الخالي من أي بني آدم،

ولذلك يحلم الرجل بأن يكون هو هذا الممثل صاحب العضلات والذي يرتدي البوكسر

وأن تكون معه هذه الفتاة الرشيقة الجميلة التي ترتدي هذا الكاش مايوه وتضع 'صن بلوك' على يديها،

ولكن في الزواج يا عزيزي انسى كل هذه الخيالات تماما،

فسوف تذهب إلى شاطئ يعج بآلاف المواطنين الذين يبحلقون لأي دراع معدي أمامهم،

كما أنك لن تأخذ راحتك معها لأنها مشغولة بإعداد الساندويتشات وكأنها في الجونينة يوم شم النسيم،

بالإضافة إلى أن الكرش الذي سيظهر لك بسبب أكلاتها سيمنعك من ارتداء البوكسر،

فضلا عن أنها سوف تتحول إلى كائن غير متناسق التضاريس

يجبرها على ألا ترتدي الاختراع الذي يسمى كاش مايوه

وستكتفي بجلابية مليئة بالتطريز إذا كانت حالتها مستعصية،

أو ترتدي بنطلون برمودا ضيق إذا كانت روشة طحن ومعه شبشب بلاستيك بصباع

وعادة ما يكون بمبي أو لبني وستجلس على كرسي صغير على الرمل أمام البحر مباشرة

وتدلدل رجليها وترفعهما مع كل موجة ببلاهة غريبة وستكون في قمة السعادة ثم تلف وتنظر لك وتقول

' المية حلوة قوي النهاردة .. تعالى خد شاندوشت بلوبيف'

كل هذا وأنت جالس خلفها على الكرسي الأخضر الكبير تحت الشمسية وتنظر لها من فوق الجورنال

وتتحسر على الكاش مايوه والكرة الشاطئية لأن الوضع أصبح حلل محشي وطاولة وجلابية.

زوجته في المطبخ
يستيقظ الرجل صباحا على السرير الأبيض النظيف وشعاع الشمس ضارب في عينيه،

ويمسح وجهه بيده استعدادا للفوقان ثم ينزل من على السرير وهو يرتدي التي شيرت البادي الأبيض

مع شورت كاروه قصير ويبحث عن زوجته ليجدها في المطبخ تجهز التوست والجبن المطبوخ

وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه

مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها

ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح.
كل هذا بالطبع لا يحدث في الواقع، ولكن يحدث فقط في الأفلام والمسلسلات الأجنبية

التي يتربى عليها الرجل ويعتقد أنه فور زواجه سيفعل ذلك وستكون زوجته على هذه الشاكلة،

ولكن الصورة الواقعية ستختلف تماما عن الصورة السابقة،

فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور

لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل

ونفسها تلاقي باب شباك اتفتح عشان تخرج منه،

ثم يمسك الرجل أنفه بسبب ريحه البصل وغلي اللحمة وهبو المطبخ

ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ

لتنظر له نظرة الضحية للذئب البشري وكأنه السبب في العيشة الضنك،

ثم تحدف له الفوطة المتسخة الشهيرة وتقول له ارفع اللحمة من ع النار فهي تجهز طعام الغداء منذ الصباح،

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف

[badblood]

كل واحد بياخد نصيبه
انا ليه واحد صحبي متزوج يابانيه والاطفال طلعه غربيه الشكل شويه ياباني على شويه مصري
واهي العمليه ماشية

[eng/muhamad]

انا مش عارف ايه المشكله لما اتجوز اجنبيه ليه البنات بتدايق من الموضوع ده
و لا هو حقد و غيره من البنات الاجانب


اوعى ضرب النار

[Ahmed Samy]

انا مش عارف ايه المشكله لما اتجوز اجنبيه ليه البنات بتدايق من الموضوع ده
و لا هو حقد و غيره من البنات الاجانب


اوعى ضرب النار

خدلك ساتر

خد ساتر

[eng/muhamad]

اخد ساتر ليه انا جاهز لاى حاجه ((( ربنا يستر)))

[araberphilosoph]

سلام عليكم

انا كنت طرحت الموضوع ده قبل كده وكنت حكيت فيه حكايتي * متزوج من المانيه ومعاي ياسين* وحاليا في المانيا
وده لينك الموضوع

http://www.nilemotors.net/Nile/showthread.php?t=12258&highlight=%D2%E6%C7%CC+%C7%E1%C7%CC%C7%E4%C8