زواج المصري من أجنبية.. ليه؟

[hazem_khidr]

موضوع مثير للاهتمام فعلا ....

أنا على فكرة رائي حيادي جدا في الموضوع ده ....و أنا ليا أخت لو جالها من نرتضيه دينا و خلقا عمري ما حاعترض على الجنسية ....بعد موافقتها طبعا

أسمحولي أعرض كذا قصة من تجاربي الحياتية و أذكر نقطة لاحظتها هنا في تورنتو ممكن تغير مسار النقاش شوية


القصة الأولي ...عالم مصري من اقربائي درس في موسكو و براج و طوكيو و اتجوز يابانية بقاله حوالي ٤٠ سنة و أنجب منها .....عايشين في القاهرة و مراته ست عاقلة جدا و مثال للزوجة النموذجية ....طبعا الأمر ما خلاش من المشاكل العادية لكن الزوجة اثبتت فعلا أصلها الطيب

القصة الثانية ....زميلة أكبر مني (طبيبة في هيئة تدريس جامعة القاهرة ) كان بيجري وراها العرسان ....اختارت شاب تركي رغم اعتراض الجميع و هاجرت تركيا و انجبت منه و عايشة في ازمير في سعادة و هناء بقالها ٨ سنين .....

القصة الثالثة لزميلة برضه بس أصغر مني ....ما جلهاش أي عرض جاد للزواج غير من مهندس فرنسي أعلن اسلامه و تزوجته وسط معارضة شديدة من أهلها لدرجة أنهم لم يشهدوا الزواج و قطعوا صلتهم بها تماما .....عايشة في سعادة و هناء في ليل بفرنسا بقالها ٥ سنين

القصة الرابعة صديقة لزوجتي تقدم لها عريس انجليزي من أصل باكستاني و رفض أهلها تماما رغم أنهم ما كانوش منتبهين قوي لتعاليم ألدين انما بنتهم و عريسها ما شاء الله عليهم ...إيمان و تقوى ....عايشين في ليدز من ١٠ سنين و ربنا رزقهم بالاطفال

القصة الخامسة صديق من دفعتي والده الله يرحمه كان طيار و والدته سيدة سويدية فاضلة ...الولد مثال للاخلاق و الأدب ...و والدته عايشة لسه في مصر حتى بعد وفاه زوجها و زواج ابنها

قصص الفشل ....هي قصة واحدة و مش فاشل بمعني الفشل بس حسيبكم تحكموا ...طبيب مصري من الرعيل الأول ...هاجر كندا بقاله فوق الأربعين سنة و اتجوز كندية من أصل انجليزي و خلف منها ....الأولاد عاديين يعني لا مثال في الأدب و برضه مش ضايعين....الزوج اصابته أمراض كتير و حالته الصحية في النازل ....الزوجة قايده صوابعها العشرة شمع ليه و بتراعيه بطريقة تثير الأعجاب و قمة في التفاني برغم عصبيته الزائدة بسبب المرض و هو اللي طالع عليه أنه ندمان إنه اتجوز أجنبية و لو رجع بيه الزمن مش حيعملها ...الست تسمع الكلمتين دول و تبتسم ليه و تطبطب عليه و تكمل اللي كانت بتعمله

اهو دا الكلام
شيكو باشا عرض خمس تجارب حتي التجربه اللي في نظره فاشله فبرضه تجربه ناجحه!!!
و ناس كلها مرتاحه و سعيده
مش حنقول كل اللي يتجوزو من بره شقيان
ولا كل اللي اتجوز مصريه سعيد و الا مكنتش نسبه الطلاق زادت اووي اووي اليومين دول
زمان مكناش بنسمع عن طلاق انما دلوقتي بقي عادي جدا.
و بعدين الراجل حر يتجوز من المكان اللي عاوزه مصريه نوبيه من اي مكان هو حر في اختياره انما ما يقولش انا حتجوز من مصر علشان بنات بلدي مش يعنسوا و الكلام اللي لا يودي و لا يجيب دا
مافيش واحده مش بيتقدم لها عرسان مره و اتنين و تلاته لكن النصيب طبعا في المقام الاول و بعدين الطمع بيخلي الواحده ترفض و تتنطط و فاكره ان اللي خلقها ما خلقش غيرها
و انه لو ما اتجوزهاش هو اللي خسران ههههههههههه
آل يعني مفيش قي وصفها بلا قرف هههههههههه

[meza]

و النبى الاخوة الأعزاء بتوع هندسة ميتكلموش عن البنات
دا احنا عندنا فى طب
البنات بيزقونا عشان يدخلوا على الجثة الأول فى المشرحة
و شرحة على العيانين
طيب و الله احنا بنعامل العيانين برفق عن البنات
.
.
أحنا بنعرف ان دول بنات من الحجاب
.
.
أمال احنا اتعقدنا من المصريات من شوية

أنا كانت فكرتى عن البنات المصريات أحسن بكتير قبل ما أخش الكلية ... بجد حاجة منتهى القرف .. مش عارف أقول إيه.
بس تخيلوا لما نكون قاعدين مع بعض ... البنات هما اللى يعملوا مشاكل و الولاد قاعدين هاديين و طيبيين ..... قولولى إزاى نتجوز غفرررر !!!

هقولكم حاجة أنا صرفت نظر خالص عن الزواج بمصرية خالص .... من اللى شفته (و أنا لسه عندى 19 سنة) و اللى لسه هشوفه بعدين ... أكيد اللى فى طب فاهمين أنا شفت إيه

على النقيض تماماً ..... بنت جارتنا من هولندا .... منتهى العقل .. تصرفاتها أعقل من واحده مصرية عندها 25 سنة و هى لسه مكملتش 14 سنة.


دكتور شيكو ... ما تشوفلى عروسة ....

[OlaOsman]

حلو أوي الموضوع ده على فكرة ومفيد فعلا.. بين فعلا الشباب المصري بيفكر ازاي.

[meza]

الاستاذ ايهاب عنده حق و كلامه فعلا بيحصل
دا انا مره رايح اخطب واحده باباها بيسالني انت جاي ازاي قولتله جاي بالعربيه
لقيته طلع البلكونه و بيقولي انهي واحده؟؟!!!!!!
و سالني عندك شقه ؟؟طب كام متر؟؟طب في الدور الكام؟؟
انا قولتله عندي و 160 متر و في الدور الخامس اخر دور
يقولي لاء بعيد اوي و بكده الشمس حتضرب في السقف طول النهار!!!
طب انت مالك انت تضرب و لا ما تضربش هو في شاب عنده 26 سنه معاه اللي معايا و الحمد لله
و نزلت و ما اتصلتش بيهم تاني و شيلت الموضوع من دماغي

و يا بيردي الواحد ما بيروحش يخطب بنت وزير و لا سفير علشان يبالغوا في الطلبات كده
و يا علا محدش فينا عمم و لو كان في تعميم مكنش حد اتجوز من مصر و كله اتجوز من بره.

أستاذ حازم ... ربنا يوفقك و تلاقى بنت الحلال.
بجد تجاربك دى .. بيتعرضلها كل شاب مصرى بيفكر إنه يتجوز ... :(

أنا مش عارف إيه اللى بيحصل ده ... إزاى البنات بقوا كده و بقت أول حاجة يبصولها هى الفلوس .... طب دول هيعمروا فى بيت إزاى !!! .... و تلاقيها مع أول زنقة مالية يتعرضلها البيت ...تقول يا فكيك

[meza]

حلو أوي الموضوع ده على فكرة ومفيد فعلا.. بين فعلا الشباب المصري بيفكر ازاي.

بين الشباب المصرى شايف بنات مصر بتفكر إزاى؟

يعنى إنتى يا أستاذة علا لقيتى حد مننا مثلاً ذكر الجمال كشرط حتى فى كلامه ... كله طلب واحده ترضى بالحال و تشكر ربنا ... مش لازم تبص لفوق قوى ... و تكون عاقلة و مش نكدية.

[OlaOsman]

بين الشباب المصرى شايف بنات مصر بتفكر إزاى؟

يعنى إنتى يا أستاذة علا لقيتى حد مننا مثلاً ذكر الجمال كشرط حتى فى كلامه ... كله طلب واحده ترضى بالحال و تشكر ربنا ... مش لازم تبص لفوق قوى ... و تكون عاقلة و حكيمة و مش نكدية.

عشان بس ما ابقاش باعيد كلامي انا قلت في رد سابق لية اني أعرف بنات كتير مايهمهاش المادة في اي حاجة زي ما فيه شباب كل طلباتهم واحدة عاقلة و حكيمة و مش نكدية بغض النظر عن جمال الشكل، فيه كمان بنات مش طالبين غير راجل بجد، راجل بما تحمله كلمة الرجولة من معاني و مش مهم الشبكة و الفرح.. يا اخوانا انا لية واحدة صحبتي بنت ناس اوي ما جالهاش شبكة و لا اتعمل لها فرح وهي و اهلها كانوا شاريين العريس جدا و لو قلت لكوا على نماذج بنات مالهمش تقريبا أي طلبات هاملى الصفحة دي، فمانجيش على كام نموذج ونمسك فيهم و نقول بنات مصر ماديين فبلاش منهم خالص وياللا نتجوز أجنبية.. بالذمة ده منطق؟؟

و بعدين هارجع تاني و اقول مش بنات مصر ماديين و نكديين ورجالتها همه اللي ملايكة.. و لا حتى اللي بيتكلم هنا و مش عاجبه البنت المصرية ملاك و لا هو العريس اللقطة اللي كل بنات مصر بتجري وراه و هو اللي مش عايز من ده و عايز من الصنف التاني.. و تاني هاقول مش عايزين ندخل في سجال من النوع ده عشان لو اتكلمت عن نماذج أشباه الرجال اللي الواحد بيقابلهم في مقابلات الصالونات هاملى صفحات مش صفحة واحدة و ما حدش هايعجبه كلامي.. فلو سمحتم ما تجبرونيش أتكلم بطريقة ما تعجبش حد و ما تجروش الحديث لمنحنى احنا و انتوا ده عشان آخرته نفق مظلم

[OlaOsman]

اهو دا الكلام
شيكو باشا عرض خمس تجارب حتي التجربه اللي في نظره فاشله فبرضه تجربه ناجحه!!!
و ناس كلها مرتاحه و سعيده
مش حنقول كل اللي يتجوزو من بره شقيان
ولا كل اللي اتجوز مصريه سعيد و الا مكنتش نسبه الطلاق زادت اووي اووي اليومين دول
زمان مكناش بنسمع عن طلاق انما دلوقتي بقي عادي جدا.
و بعدين الراجل حر يتجوز من المكان اللي عاوزه مصريه نوبيه من اي مكان هو حر في اختياره انما ما يقولش انا حتجوز من مصر علشان بنات بلدي مش يعنسوا و الكلام اللي لا يودي و لا يجيب دا
مافيش واحده مش بيتقدم لها عرسان مره و اتنين و تلاته لكن النصيب طبعا في المقام الاول و بعدين الطمع بيخلي الواحده ترفض و تتنطط و فاكره ان اللي خلقها ما خلقش غيرها
و انه لو ما اتجوزهاش هو اللي خسران ههههههههههه
آل يعني مفيش قي وصفها بلا قرف هههههههههه

برضه مصرين تغلطوا في البنات المصريات و تعمموا.. طيب تعالى بأه احكي لك عن المناظر اللي باشوفها انا و بنات كتير اعرفها في قعدات تعارف الزواج التقليدية و انت تشوف القرف على أصوله.

الأخ حازم.. دي مش أول مرة تدخل موضوع لية و ترد ردود مستفذة.. من فضلك لو مواضيعي مستفذة لحضرتك اوي كده ممكن جدا لما تشوف اسمي على موضوع ما تدخلوش عشان ما تضايقش نفسك.

[OlaOsman]

آسفة يا جماعة لو كنت انفعلت في الرد.. بس هي دي الطريقة اللي كنت حريصة من الأول اني ما اتكلمش بيها، انما إصرار الناس على إهانة البنت المصرية خلاني أعمل اللي ما كنتش عايزة أعمله، ده غير اني أصلا باكره إسلوب تبادل الاتهامات ده، بس ما باليد حيلة.

آسفة مرة أخرى للجميع.

[hazem_khidr]

برضه مصرين تغلطوا في البنات المصريات و تعمموا.. طيب تعالى بأه احكي لك عن المناظر اللي باشوفها انا و بنات كتير اعرفها في قعدات تعارف الزواج التقليدية و انت تشوف القرف على أصوله.

الأخ حازم.. دي مش أول مرة تدخل موضوع لية و ترد ردود مستفذة.. من فضلك لو مواضيعي مستفذة لحضرتك اوي كده ممكن جدا لما تشوف اسمي على موضوع ما تدخلوش عشان ما تضايقش نفسك.

برضه كلامي مافيهوش تعميم انا قايل بالحرف(مش حنقول كل اللي يتجوزو من بره شقيان
ولا كل اللي اتجوز مصريه سعيد و الا مكنتش نسبه الطلاق زادت اووي اووي اليومين دول) انا عارف انا بقول ايه.
ايه الرد المستفز في كلامي ماعرفش الصراحه!!!!!!
حتي كل الاخوه الاعضاء محدش استفزه رايي زي حضرتك يبقي العيب مش مني
و انا برد علي موضوع بغض النظر مين اللي فاتحه يا اخت علا لاني بقول رايي و الحمد لله رايي بيعجب ناس كتير و مش مطالب ان رايي يبقي من راي صاحب الموضوع ايا كان سواء حضرتك او غيرك.
و برضه مش مطالب

[OlaOsman]

برضه كلامي مافيهوش تعميم انا قايل بالحرف(مش حنقول كل اللي يتجوزو من بره شقيان
ولا كل اللي اتجوز مصريه سعيد و الا مكنتش نسبه الطلاق زادت اووي اووي اليومين دول) انا عارف انا بقول ايه.
ايه الرد المستفز في كلامي ماعرفش الصراحه!!!!!!
حتي كل الاخوه الاعضاء محدش استفزه رايي زي حضرتك يبقي العيب مش مني
و انا برد علي موضوع بغض النظر مين اللي فاتحه يا اخت علا لاني بقول رايي و الحمد لله رايي بيعجب ناس كتير و مش مطالب ان رايي يبقي من راي صاحب الموضوع ايا كان سواء حضرتك او غيرك.
و برضه مش مطالب

يا أخ حازم.. ردك آه الجزء الأول منه مافيهوش حاجة.. انما انت بتحط السم في العسل.. لازم تختم كلامك بجملة مستفذة دون أدنى مراعاة لشعور البشر اللي معاك في الموضوع و كإنك عايش في الدنيا لوحدك و مش مضطر تراعي شعور حد.

انا مش عايزة أشخصن الموضوع و لا أحوله لجدال شخصي، بس دي مش أول مرة تخرجني عن شعوري في موضوع من مواضيعي.. معارض على طول الخط للفكرة اللي بيطرحها الموضوع أيا كانت و مش بتراعي شعور الآخرين في الاختلاف.

أخ حازم.. ممكن لو سمحت من فضلك تشيلني من دماغك؟ انا لا فاضية للمناكفة و لا بتاعة خناق

[meza]

آسفة يا جماعة لو كنت انفعلت في الرد.. بس هي دي الطريقة اللي كنت حريصة من الأول اني ما اتكلمش بيها، انما إصرار الناس على إهانة البنت المصرية خلاني أعمل اللي ما كنتش عايزة أعمله، ده غير اني أصلا باكره إسلوب تبادل الاتهامات ده، بس ما باليد حيلة.

آسفة مرة أخرى للجميع.

لأ يا أستاذة علا ... محدش عمم ... و مش هينفع كل ما الواحد يتكلم كلمة يقعد يقول أنا مش بعمم ...
لكن النماذج الكويسة بقت نسبة ضئيلة قوى دلوقتى.
أنا كنت بسمع (مجرد سمع) عن المشاكل دى و كنت فاكر إن الموضوع مش كبير للدرجة دى.... لكن لما شفتها بعينى و فى كل حتة و مع ناس كتير أعرفهم .... عرفت إن دى مشكلة كبيرة و بتشمل جزء كبير من البنات.

النموذج الكويس اللى حضرتك بتدافعى عنه ... إحنا مش بنهاجمه بالعكس إحنا بنحترمه جداً جداً و بنقول يا بخته يا هناه اللى هيتجوز بنت زى دى ... بجد يبقى ربنا بيحبه قوى إنه وفقه يوصل لبنت زى دى لأن إيجادها صعب جداً جداً.

[OlaOsman]

لأ يا أستاذة علا ... محدش عمم ... و مش هينفع كل ما الواحد يتكلم كلمة يقعد يقول أنا مش بعمم ...
لكن النماذج الكويسة بقت نسبة ضئيلة قوى دلوقتى.
أنا كنت بسمع (مجرد سمع) عن المشاكل دى و كنت فاكر إن الموضوع مش كبير للدرجة دى.... لكن لما شفتها بعينى و فى كل حتة و مع ناس كتير أعرفهم .... عرفت إن دى مشكلة كبيرة و بتشمل جزء كبير من البنات.

النموذج الكويس اللى حضرتك بتدافعى عنه ... إحنا مش بنهاجمه بالعكس إحنا بنحترمه جداً جداً و بنقول يا بخته يا هناه اللى هيتجوز بنت زى دى ... بجد يبقى ربنا بيحبه قوى إنه وفقه يوصل لبنت زى دى لأن إيجدها صعب جداً جداً.

نفس الشئ بتقوله البنات عن الرجال في مصر.. تفتكر طيب ايه الحل؟ كل طرف من الجنسين يدور على حد أجنبي ويتجوز المصري؟ هو ده السؤال اللي بيطرحه الموضوع بمنتهى البساطة و من غير ماحد يتحامل على حد و لا يجرح في حد.

[meza]

نفس الشئ بتقوله البنات عن الرجال في مصر.. تفتكر طيب ايه الحل؟ كل طرف من الجنسين يدور على حد أجنبي ويتجوز المصري؟ هو ده السؤال اللي بيطرحه الموضوع بمنتهى البساطة و من غير ماحد يتحامل على حد و لا يجرح في حد.

طب إيه الحل يا أستاذة علا ... أنا مش هروح أعيد تربية البنت اللى هتجوزها و أعلمها القناعة ... دى حاجة كان المفروض أهلها علموهالها من زمان.

كل اللى فى إيدى أعمله إنى أدور على بنت الحلال اللى هتسعدنى و أسعدها سواء جوه مصر أو بره .. و إن شاء الله لما أعجز و أجوز ولادى عمرى ما هفكر بنفس التفكير ده و هعلمهم القناعة و الرضا .... حتى لو هتتجوز واحد معندهوش غير أوضه بس المهم يكون عايز يتغير و يدور على الأفضل.

[hazem_khidr]

يا أخ حازم.. ردك آه الجزء الأول منه مافيهوش حاجة.. انما انت بتحط السم في العسل.. لازم تختم كلامك بجملة مستفذة دون أدنى مراعاة لشعور البشر اللي معاك في الموضوع و كإنك عايش في الدنيا لوحدك و مش مضطر تراعي شعور حد.

انا مش عايزة أشخصن الموضوع و لا أحوله لجدال شخصي، بس دي مش أول مرة تخرجني عن شعوري في موضوع من مواضيعي.. معارض على طول الخط للفكرة اللي بيطرحها الموضوع أيا كانت و مش بتراعي شعور الآخرين في الاختلاف.

أخ حازم.. ممكن لو سمحت من فضلك تشيلني من دماغك؟ انا لا فاضية للمناكفة و لا بتاعة خناق

برضه حقولك اقراي كلامي الاول كويس لاني ما عارضتش و قولت للناس تتجوز من بره قولت اللي يناسبه يتجوزه سواء من بره او من جوه
و بعدين انا اكبر من اني احط حد في دماغي ولا كنت عمري بتاع خناق ولا بتخانق مع حد
و برضه رايي انا حر فيه و احطه في اي مكان انا عاوزه محدش حيجبرني اني اغير رايي و لا يحجر علي رايي ايا كان اللي عاجبه عاجبه و اللي مش عاجبه برضه براحته ما يفرقش معايا
وواضح ان حضرتك واخده بالك من ردودي اوي لان الناس كتير رايهم من رايي اشمعني رايي انا بقي اللي مستفز لسيادتك.
انا حر اكتب اللي اكتبه و حضرتك برضه حره تقرأي اللي تقرأيه

[amr mokhtar]

إيه يا جماعة هدوا الكلام شوية عشان ما يحصلش زعل و فى الآخر دى وجهات نظر و كل واحد بيبقى شايف حاجة و مقتنع بيها


لكن انا هرجع و أقول فعلآ بلاش كلام جارح فى حق البنات المصريين او الستات المصريين لإن فى الآخر هم برضه الأم اللى سهرت عشان راحة اولادها و تعبت مع جوزها فى الظروف السيئة

مش كل البنات وحشيين و مش كلهم تافهين
انا كنت إنضميت لمدة أسبوع فقط لجمعية خيرية لكن للأسف الشديد مقدرتش أكمل معاهم لإنى كنت داخل على الكلية و شغل كتير

لكن انا شفت نماذج بنات و الله العظيم منتهى الأدب و الإحترام و مراعاة للمسئولية و فى نفس الوقت (بالبلدى) بنات حلوين

فبلاش التعميم لإنه فعلآ محرج للأخوات اللى معانا هنا و كمان بيسوأ سمعة البنات المصريات