زواج المصري من أجنبية.. ليه؟

[hazem_khidr]

إيه يا جماعة هدوا الكلام شوية عشان ما يحصلش زعل و فى الآخر دى وجهات نظر و كل واحد بيبقى شايف حاجة و مقتنع بيها


لكن انا هرجع و أقول فعلآ بلاش كلام جارح فى حق البنات المصريين او الستات المصريين لإن فى الآخر هم برضه الأم اللى سهرت عشان راحة اولادها و تعبت مع جوزها فى الظروف السيئة

مش كل البنات وحشيين و مش كلهم تافهين
انا كنت إنضميت لمدة أسبوع فقط لجمعية خيرية لكن للأسف الشديد مقدرتش أكمل معاهم لإنى كنت داخل على الكلية و شغل كتير

لكن انا شفت نماذج بنات و الله العظيم منتهى الأدب و الإحترام و مراعاة للمسئولية و فى نفس الوقت (بالبلدى) بنات حلوين

فبلاش التعميم لإنه فعلآ محرج للأخوات اللى معانا هنا و كمان بيسوأ سمعة البنات المصريات

يا استاذ عمر محدش عمم و لا حد قال كل البنات وحشين ما انا مامتي مصريه و قرايبي البنات مصريين
و محدش فيهم وحش و الحمد لله انا بتكلم عن نوعيه معينه
كون بقي ان حد يفهم غلط او يعمم دي مش مشكلتي لاني بتكلم عربي و كلامي واضح

[OlaOsman]

اهو دا الكلام
شيكو باشا عرض خمس تجارب حتي التجربه اللي في نظره فاشله فبرضه تجربه ناجحه!!!
و ناس كلها مرتاحه و سعيده
مش حنقول كل اللي يتجوزو من بره شقيان
ولا كل اللي اتجوز مصريه سعيد و الا مكنتش نسبه الطلاق زادت اووي اووي اليومين دول
زمان مكناش بنسمع عن طلاق انما دلوقتي بقي عادي جدا.
و بعدين الراجل حر يتجوز من المكان اللي عاوزه مصريه نوبيه من اي مكان هو حر في اختياره انما ما يقولش انا حتجوز من مصر علشان بنات بلدي مش يعنسوا و الكلام اللي لا يودي و لا يجيب دا
مافيش واحده مش بيتقدم لها عرسان مره و اتنين و تلاته لكن النصيب طبعا في المقام الاول و بعدين الطمع بيخلي الواحده ترفض و تتنطط و فاكره ان اللي خلقها ما خلقش غيرها
و انه لو ما اتجوزهاش هو اللي خسران ههههههههههه
آل يعني مفيش قي وصفها بلا قرف هههههههههه

طيب انا عشان نفسي قصير في مواضيع الخناقات و الكلام ده فأنا حطيت الكلام اللي استفذني في ردك بالأزرق.. يعني انا باسأِل في أول الموضوع خالص ليه المصري يتجوز أجنبية و يسيب بنات بلده يعنسوا؟ تقوم انت تقول الكلام اللي بالأزرق فوق ده و بتقول عليه كلام لا يودي و لا يجيب

ده غير انك واضح انك ما قرأتش كل ردودي انما معترض و خلاص.. انا قلت ان كل واحد حر يتجوز اللي هو عايزها و انا مش باحجر على حرية حد، بس بلاش تجريح في البنات المصريات.

اما كلام زي تتنطط و اللي خلقها ما خلقش غيرها و بلا قرف و الكلام ده فلا تعليق عليه عشان فعلا الحوار هاينزل بينا اكتر من كده و هي مش طالبة الصراحة.

أخيرا الأستاذ الفاضل.. كل ما أطلبه منك هو احترام الآخر ليس أكثر و كفاية على كده ومتشكرة ليك اوي.. ده تالت موضوع لية تدخل فيه ترد ردود مستفذة و تخرجه عن مساره و تجيب ضلفه

[maro11111]

السلام عليكم ..
شكرا يا علا عالموضوع بس أنا طبعا بنت زيي زييك لكن موش بتفق معاكي في موضوع جواز من جنسيات أخرى .و هقوللك اه لو الشب أجنبي يعني موش عربي او العكس
لكن أنا بقى عايشه في الخليج وشفت مليون حد متجوزين من جنسيات مختلفه ومنهم برضه اجانب ..
لكن هيه الفكرة في حاجه وحده .. الشــاب بيختار شريكة حياتو على أي أساس؟؟؟ ..
والله لو هوه عايز شكل ومنظر وخلاص يبقى فعلا هيطلقوا وهتلاقي نسبة الزواج دي فشلة..
لكن المهم الشاب يختار شريكة حياتواللي هيكمل معاها بقية عمره مرتاح وواثق في اخلاقها وتربيتها وتصون بيته وتربي ولاده زي ماهما متفقين ,,من أي مكان موش شرط بقى .
لكن لو إنتي رأيك إنو ياخد بنت بلده أولى دي حاجه تانيه ..
وعموما انا شخصيا رأيي انو لو وحده جالها شاب من جنسية تانيه وتفكيره واخلاقه متفقين عليها يبقى احسن من واحد من بلدها ويطلع عنيها

[hazem_khidr]

السلام عليكم ..
شكرا يا علا عالموضوع بس أنا طبعا بنت زيي زييك لكن موش بتفق معاكي في موضوع جواز من جنسيات أخرى .و هقوللك اه لو الشب أجنبي يعني موش عربي او العكس
لكن أنا بقى عايشه في الخليج وشفت مليون حد متجوزين من جنسيات مختلفه ومنهم برضه اجانب ..
لكن هيه الفكرة في حاجه وحده .. الشــاب بيختار شريكة حياتو على أي أساس؟؟؟ ..
والله لو هوه عايز شكل ومنظر وخلاص يبقى فعلا هيطلقوا وهتلاقي نسبة الزواج دي فشلة..
لكن المهم الشاب يختار شريكة حياتواللي هيكمل معاها بقية عمره مرتاح وواثق في اخلاقها وتربيتها وتصون بيته وتربي ولاده زي ماهما متفقين ,,من أي مكان موش شرط بقى .
لكن لو إنتي رأيك إنو ياخد بنت بلده أولى دي حاجه تانيه ..
وعموما انا شخصيا رأيي انو لو وحده جالها شاب من جنسية تانيه وتفكيره واخلاقه متفقين عليها يبقى احسن من واحد من بلدها ويطلع عنيها

رايي يحترم :)

[hazem_khidr]

طيب انا عشان نفسي قصير في مواضيع الخناقات و الكلام ده فأنا حطيت الكلام اللي استفذني في ردك بالأزرق.. يعني انا باسأِل في أول الموضوع خالص ليه المصري يتجوز أجنبية و يسيب بنات بلده يعنسوا؟ تقوم انت تقول الكلام اللي بالأزرق فوق ده و بتقول عليه كلام لا يودي و لا يجيب

ده غير انك واضح انك ما قرأتش كل ردودي انما معترض و خلاص.. انا قلت ان كل واحد حر يتجوز اللي هو عايزها و انا مش باحجر على حرية حد، بس بلاش تجريح في البنات المصريات.

اما كلام زي تتنطط و اللي خلقها ما خلقش غيرها و بلا قرف و الكلام ده فلا تعليق عليه عشان فعلا الحوار هاينزل بينا اكتر من كده و هي مش طالبة الصراحة.

أخيرا الأستاذ الفاضل.. كل ما أطلبه منك هو احترام الآخر ليس أكثر و كفاية على كده ومتشكرة ليك اوي.. ده تالت موضوع لية تدخل فيه ترد ردود مستفذة و تخرجه عن مساره و تجيب ضلفه

تلات مواضيع بجيب (ضلفهم) و بغير مسارهم كمان ياااااااااااااه!!
يبقي مين اللي حاطط التاني في دماغه و بيتابع ردوده؟؟ههههه
و عموما برضه انا حر اقول رايي زي ما انا عاوز محدش يجبرني اغير رايي علشان خاطر حد
اخيرا انا بحترم الاخر و ما بغلطش في حد و متاكد من نفسي اوي مش محتاج حد يعرفني الصح من الغلط

[amr mokhtar]

يا استاذ عمر محدش عمم و لا حد قال كل البنات وحشين ما انا مامتي مصريه و قرايبي البنات مصريين
و محدش فيهم وحش و الحمد لله انا بتكلم عن نوعيه معينه
كون بقي ان حد يفهم غلط او يعمم دي مش مشكلتي لاني بتكلم عربي و كلامي واضح

يا عم ما تزعلش انا بتناقش و بعرض نماذج شفتها
و كلامك واضح و انا فهمك تمامآ

لكن هو كلامك بس بيبدو عام شوية
و عشان الموضوع ما يقلبش بزعل و كلام على الفاضى و يفقد أهميته
ليه كل واحد سواء أخت او أخ يكتب السلبيات او الإجابيات اللى بشوفها بكثرة او بشكل دائم فى الطرف الآخر؟؟

[aif]

انا شامم ريحة شياط .....حد يوطي النار شوية .....النقاش حامي اوي

[enashelmy]

على فكرة يا جماعه هدوا اعصابكم شويه
الموضوع بسيط
اللى عايز يتجوز من مصر يتجوز:party:
واللى عايز من جواتيمالا
يتجوز
اهم حاجه بس النيه تكون موجوده

[amr mokhtar]

على فكرة يا جماعه هدوا اعصابكم شويه
الموضوع بسيط
اللى عايز يتجوز من مصر يتجوز:party:
واللى عايز من جواتيمالا
يتجوز
اهم حاجه بس النيه تكون موجوده

طيب مصر و انا عارف فين
إنما جوتيمالا دى اول مرة أسمع عنها
يا ترى فيها بنى آدمين!!!

[enashelmy]

طيب مصر و انا عارف فين
إنما جوتيمالا دى اول مرة أسمع عنها
يا ترى فيها بنى آدمين!!!

ايون فيها
عالم تالت زينا:laugh:
وهو الحال من بعضه

[mo7amed_omara]

انا شامم ريحة شياط .....حد يوطي النار شوية .....النقاش حامي اوي

فعلا شياط جامد قوووووووى بس نحاوول نهدى الموقف شوية
و نقوووووول لكل الشباب انت حر تتجوز من اى مكان مصر الخليج اوروبا
بس احب اوضح حاجة بردو ان اكتر الشباب فى مصر بيتجوزو مصريات من بلدهم ودة شى محسوس للجميع
واللى عايز اجنبية مثلا يتجوزها حيلافيها فين دى فى مصر ؟؟؟؟؟؟ عايز اعرف اصل انتو محسسنى انهم مالين البلد يعنى ولا من عالنت ولا منين الضبط
الاحلام حاجة و الواقع حاجة تانية خالص مفيش شاب حتسالة يقولك تجووز اجنبية حيقولك لا بس فى الاخر شوف هو حيتجوز مين؟؟؟؟؟

[ehab08]

أيه ده ياجماعه أيه الشياط ده كله على رأى الأستاذ أحمد إبراهيم
ممكن نهدى الكلام شويه
هو الواضح أن الأستاذ hazem_khidr تعرض لمواقف مستفزه زى بالظبط وعشان كده أنفجرنا أنا وهو فى الكلام بس الواضح برضه يا أستاذ hazem_khidr أن الأخوت برضه تعرضو لمواقف مستفزه زينا بالظبط
وبصراحه لو عريس متقدم لأختى وقالها "أنتى فى شركه أجنبيه وبتخدى مرتب كبير هو كام؟" حيكون موقفى منه هو الرفض التام حتى لو كان حسين فهمى اللى متقدم لها

ممكن نهدى شويه ياجماعه وفى النهايه أحنا فى مركب واحد

وأنا متأكد أن كل الآراء هنا كانت نتيجه تجارب سيئه
بس برضه أكيد فى تجارب ناجحه
عقبببببببببببببببببببببببببببببببببببببببببببببببب بببببببببببالى "الله يرحمه فؤاد المهندس فى الشموع السوداء"

صحيح ياعلا أنتى بتخدى كام؟؟؟؟؟؟؟؟؟

تهريج والله

أيه رأيكم نحكى على المواقف الكوميديه اللى بتحصل فى المواقف دى
أنا حبتدى مره كان فى ميعاد مع اهل عروسه وكانت الأيام دى مشحونه جدا فى شغلى وكنت لسه جايب بدله جديده وقلت ألبسها بسرعه علشان الميعاد قرب وهوب جريت على الميعاد ووصلت فى الميعاد المناسب وبعد ما أستريحت من الطريق وخلافه شد أنتباهى حاجه على كم الجاكت ببص عليه بطرف عينى لقيتها أيه؟؟؟؟
تصدقو نسيت أشيل التكت بتاع الشركه المصنعه من على كم الجاكت والأحساس الجميل ساعتها أنى صعيدى فى الجامعه الأمريكيه - على فكره أنا صعيدى - وبقت المشكله أن كل شويه يجى حد يسلم على وطبعا أخوكم بدل ما يسلم بسيف اليد بالطريقه العاديه بقيت أمد أيدى أكنى بقول حسنه لله والناس طبعا مش فاهمين ليه الأفندى اللى هو أنا بيسلم كده المهم عدت على خير وماحدش خد باله
عندى موقف تانى بس بعد تحكو أنتو

[ehab08]

هههههههههههههههههههههههههههههههههههههههه

الله يحظك يا ايهاب

الحمد لله والشكر لله أنى أسعدت أنسان بردى
وخصوصا إذا كان أبو ليليا جميلة جميلات نايل موتورز

[PRO-DRIVE]

الموضوع انا مش عاوز اشارك فيه من الاول لأني حاسس انكم مكبرينه قووووي
و زياده عن حجمه

مع ان نوعا ما الموضوع يخصني بما اني ناتج عن زواج جنسيات مختلفه :)

بس الموضوع اقل و ابسـط من كدا بكتير واحد بيختار شريكه حياته كـشخصيه و انسانه حيكمل معاها
قبل ما يبص علي جواز السفر بتاعها



شخصيا نفسي اروح البدو و اتجوز واحده من هناك

دماغهم بيبقي معمولها فورمات طبيعي

ابدأ انا اصطب الويندوز اللي علي مزاجي

غير كدا حتي لو عايش في غرفه واحده و لو عندي لادا حتبقي برضه مبهوره بالحضاره

[kareem_Ashmawy]

تصدقو نسيت أشيل التكت بتاع الشركه المصنعه من على كم الجاكت والأحساس الجميل ساعتها أنى صعيدى فى الجامعه الأمريكيه - على فكره أنا صعيدى - وبقت المشكله أن كل شويه يجى حد يسلم على وطبعا أخوكم بدل ما يسلم بسيف اليد بالطريقه العاديه بقيت أمد أيدى أكنى بقول حسنه لله والناس طبعا مش فاهمين ليه الأفندى اللى هو أنا بيسلم كده المهم عدت على خير وماحدش خد باله
عندى موقف تانى بس بعد تحكو أنتو

ههههههههههههههههههههههههههههههههههههه