زواج المصري من أجنبية.. ليه؟

[eng/muhamad]

عندك حق فى الكلام ده
وأغلب الزوجات المصريات عندهم نفس المشكلة تقريبا وهى الانانية والنكد والسطحية فى تناول الكثير من المشاكل

[aif]

حازم باشا انا مش باقول مين اللي ولع النار .... انا باقول مين اللي يطفيها ....لازم الرجالة هما اللي طفو ..... عمرك سمهت عن ستات بتشتغل في المطافي .....
محمد بالشا ( بالتشكيل السليم ) انا اكيد مش باتريق .... ده اسم الرسول الكريم والمفروض ينطق زي ما انت كاتبه .... انا باكتب اسمي دايما AHMAD ..مش AHMED زي ماهو منتشر ....
الأجانب لسانهم معووج في العربي ... المفروض احنا نحاول نصلح لهم نطقهم ... مش نقول زيهم ...والا بعد حقبة من الزمن ح نلاقي الناس بتقوا ممادو .. وأمادو ... زي الأفارقة اللي اصل اسمهم محمد وأحمد
نرجع لموضوع الحريقة ......
مادة أولى :
بناء علي تعليمات السيد وزير الداخلية و السيد اللواء مدير مصلحة الدفاع المدني والسيد العميد مدير الحنفية العمومية اللي في ميدان الشون والسيد العقيد اللي ماسك الخرطوم اللي في البنزينة اللي جنب الحنفية .... صدرت التعليمات للفريق اول حازم ولد الهلالي والفريق تاني محمد ( بالتشكيل السليم من غير تريقة ) باطفاء الحريقة
وطبعا ده كلة بناء علي توجيهات خادم الحرمين الشريفين ... اقصد السيد رئيس الجمهورية ...
المادة الثانية :
يبصم هذا القرار بشعار الدولة وينشر علي حبل الغسيل بتاع الوقائع المصرية و يعمل به من ساعة تاريخة
انتهى

[eng/muhamad]

اولا شكرا على ردك
ثانيا ياريت تقول للانسه اللى اتريقت على طريقه كتابه الاسم
ان هى دى الطريقه الصح
ثالثا حضرتك عاوزنا احنا اللى نطفى النار مع ان مش احنا اللى ولعناها
و من اتلف شئ فعليه اصلاحه يعنى اللى ولع هو اللى يطفى
و انا مش هطفى و هفضل عند رايي ان الجواز من اجنبيه حتى لو كانت من اثيوبيا
افضل بكتييييييييييييييييير من البنت المصريه

[AHMEDCAR]

يا اساتذه ماتنسوش ان البنت المصريه او الزوجه المصريه دى برضوا امك او اختك او حتى بنت عمك ياعنى ماتنساش اننا بنتكلم عن ناس من مجتمعنا

هو صحيح فيهم بعض المشاكل بس برضوا ماينفعش نعيش من غيرهم
و دايمن فكرين انهم على حق

بس فى ايه فى سوره البقره انا مش متذكرها بصراحه بس معناها بيقول ان امه مؤمنه خير من انسانه مشركه و لو اعجبتكم و كمان اكلام للبنا ان العبد المؤمن خير من انسان مشرك و لو اعجبكم و ده كلام من عند ربنا

يعنى مافيش احسن منه

[wild_man]

عارفين أفظع حاجة في الموضوع ده ايه بجد؟

أنك لما تعض 3-4 سنين تحب في انسانة و تتحطم كل آمالك و أحلامك على صخرة الواقع لما تدخل بيتها عشان تطلبها...

و الموقف ده حصل معايا شخصيا... بعد 3 سنين رحت اتقدمتلها و أنا في وظيفة بمرتب محدش في سني يحلم بيه و برستيج جامد جدا و شقتي جاهزة و في مكان راقي... الا ان كل ده معجبهمش و طلبوا مني شبكة ب40 ألف جنيه...!!
و لما قلتلهم كتير قالولي خلاص... 30-35 ألف...:) discount يعني كتر خيرهم

علما بأنهم ناس مستواهم تحت المتوسط (مستورين يعني) و كل ده عشان بنت خالتها اتخطبت بشبكة معرفش بكام

و يقولولي هي هتضحي... انتا هتضحي بايه؟؟ طبعا كان ردي اني هضحي بيها هي شخصيا...:) و قفلت الموضوع رغم ان البنت هي الضحية الوحيدة في الموضوع كله

متقلبوش علينا المواجع يا جماعة... خلاصة الكلام... العيب في الأسر أكتر ما هو في البنات...

متفق معاكو ان البنت الكويسة صعب تلاقيها, بس الأصعب الأهل الكويسين

و ده ناتج عن الشعور بعدم الأمان اللي بيكون عندهم معذورين في شعورهم بعدم الأمان.. لكن مش معذورين في اسلوب تعبيرهم عنه ولا في اسلوب التعجيز و الذل اللي يخلي الواحد يلعن في الجواز و سيرته

تعرفوا... أنا كنت داخل بقلب و نيه صافية جدا و كنت بقول في نفسي الراجل ده هيكون أبويا و الست ديه هتكون أمي.. لكن للأسف أنا دلوقتي بدون مبالغة لو شفت الراجل ده في الشارع والله العظيم همد ايدي عليه و مش ببالغ

انا مكنتش عايز أشارك في الموضوع عشان متخنقش أكتر.. بس حبيت أقول رأيي بعد ما لقيت ان فيه هجوم علينا و اننا زي القرع بنمد لبرة على رأي المثل

[aif]

اولا شكرا على ردك
ثانيا ياريت تقول للانسه اللى اتريقت على طريقه كتابه الاسم
ان هى دى الطريقه الصح
ثالثا حضرتك عاوزنا احنا اللى نطفى النار مع ان مش احنا اللى ولعناها
و من اتلف شئ فعليه اصلاحه يعنى اللى ولع هو اللى يطفى
و انا مش هطفى و هفضل عند رايي ان الجواز من اجنبيه حتى لو كانت من اثيوبيا
افضل بكتييييييييييييييييير من البنت المصريه

يا محمد ( بالتشكيل السليم من غير تريقة ) ما اعتقدش انها تقصد تتريق ولا حاجة لأنها انسانة محترمة ومتينة ولا يمكن تتريق علي اسم الرسول عليه الصلاة والسلام ........ده انا متأكد منه ..ده سوء تفاهم مش اكتر
وبعدين افهم من كلامك ان المطافي مش بتطفي الحرايق عشان مش هما اللي ولعوها ههههههههههههههههههههه
واخيرا دي تعليمات من الجهات العليا ... ونشرت علي حبل الغسيل بتاع الدولة
..... سيبك من الاجانب والمصريين وخش علي مسابقة القرآن ... انا عاوز إجابات
الرابط اهه

http://www.nilemotors.net/Nile/showthread.php?p=360262#post360262

[enashelmy]

انتوا حولت الموضوع لفضفضه

حائط المبكى منين يا ترى

[Migo123]

و يقولولي هي هتضحي... انتا هتضحي بايه؟؟ طبعا كان ردي اني هضحي بيها هي شخصيا...:) و قفلت الموضوع رغم ان البنت هي الضحية الوحيدة في الموضوع كله

قرار سليم بنسبة كبيره جدا

انا برد عليك لسبب واحد عشان من كلامك حسيت ان عندك احساس بالذنب عشان البنت اتظلمت .....
احب اقولك ان كل ده كان جزء من التمثيليه بس كل واحد بيعمل دوره باتقان.... والمفروض ان سيادتك احساسك بالمسئوليه و حفاظا على كل احلامك الرومانسيه كنت هتوافق على الشروط التعسفيه ... وده كان اولها .... وما خفي كان اعظم

انا بس عايزك يبقى ضميرك مرتاح و حمد لله على سلامتك

[Adham]

انا بس كنت متوقعة رد فعل أكثر إيجابية من الأعضاء في المنتدى اللي متزوجين من مصريات تجاه الرد اللي فوق ده و تجاه الهجوم المستمر على الزوجة المصرية

طيب و انتي مارديتيش لية ع"الرد اللي فوق دة"

الرد اللي فوق دة رِأي شخصي يعبر عن خبرة و تجارب شخصية

يعني انا زي غيري عرفت مصريات كتير و سافرت برة كتير و شفت الفرق في طريقة التفكير بين البنت و أهلها هنا في مصر وب ين غيرهم في امريكا و اوروبا و دول عربية تانية, و لا وجة للمقارنة بين العقليتين في كل و ليس معظم الاحوال

بس اقولك حاجة كمان و مش فشخرة ولا حاجة الرجالة المصريين او الشرقيين عامة بالنسبة للمرأة الغربية "نعمه" عارفة لية علشان هما الراجل عندهم بيصاحب و يعاشر بدل الواحدة 15 على مراتة و يخش البيت جايب الجيرل فريند بتاعته البيت و مراتة تلاقية مع صاحبتها او جارتها في البيت عادي ومايفرقش انة يغير عليها لو هي كمان عندها البوي فريند, وبعد الجواز كل اللي يهمة شياكتة و لبسة و عربيتة و خروجاتة مع شلة اصحابة يسهر و يسكر و يرجع اخر الليل سكران, و مالوش دعوة بالبيت و لا العيال ولا المصاريف في معظم الاحوال, دة من كلام بنات اجانب كتير و منهم اللي اتجوزت مصري و بتوضح لية المصري احسن من الاوروبي, في اهتمامة بمراتة و بيتة, حتى في غيرتة على مراتة و خوفه على ولادة و اهتمامة بمصاريف بيتة و تعليم اولادة و غيرة و غيرة, دة اللي الست الاغربية بتقدرة في الرجل الشرقي و مابتلاقيهوش في الغربي, علشان كدة اللي بتتجوز مصري منهم بتهتم بية قوي و تقدر غيرتة عليها و اهتمامة بيها و بالبيت و الاولاد فابديلة وقتها و اهتمامها و عمرها و ثقتها وحبها و تقديرها

انما بنت مصر زي ماقلت و غيري قال همها هي و اهلها انهم يحسسوا الزوج انهم احسن و اعلى منة و انة يحمد ربنا انهم رضيوا بية و يبتزوة ماديا و البنت اتربت انها تعارضة و تقاوحة (من الافلام العربي بتاعه المساواة و الحقوق و القوانين اللي طلعت بمجملها ان الشقة من حق الزوجة , و الأولاد و النفقة كمان ويترمي هو في الشارع او عند امة) في كل حاجة كأنة متجوز عدو و ند لية مش واحدة عاوزة تريحة و تسعده و بيتها يمشي في سلام بمحبة و احترام

[hamedo0]

انا طبعا مقدرتش اقرا ال 14 صفحة رودو لكن لقطت البعض منها وحسيت بمدى سخونة الموضوع

فاسمحولى ادلق بجردلى.......يوه قصدى ادلى بدلوى فى الموضوع ده

انا متزوج من مصرية والحمد لله ومعتدقش انى كان ممكن بسهولة اتخذ قرار الزواج من اجنيبه ، او حتى فتاه من خارج القاهرة -لاختلاف الطباع وليس لأى عيب فى اى شخص- لكن انا ، ولأنى تزوجت بعد 6 محاولات زواج فاشلة ، فانا مقدر جدا فكر الناس اللى بتفكر تتجوز اجنبيات علشان يهربوا من داء مصرى صميم كان السبب فى فشل معظم محوالاتى للزواج

داء الطمعععععععععععععععععععععععععععععععععععععععععععععع عععععععععععععععع

الأسر المصرية ، الا من رحم ربى، يستوى فى ذلك اسر الفتيان واسر الفتيات مصابة بحالة من السعار المادى، كل طرف من الطرفين همة يغرم الطرف الآخر اقصى غرامة ممكنة، ليزيح عن كاهلة بعض المصاريف من جهة، وليثبت لنفسه انه اكثر نصاحة من الطرف الآخر من جهة
وانا اثناء كل محاولاتى للزواج كان لدى القدرة على بداية معقولة، وفى نفس الوقت لم يبق من اسرتى من يقوم بدور الكبير، لذا انا كنت كبير نفسى فى مواجهة كل افراد اسرة الفتاه، وفى كل الأحوال فوجئت بأن الموضوع صفقة مادية يحاول دائما الطرف الآخر ان يديرها بطريقة (win-loose) اى ان يكسب هو واخسر انا، وبدون زعل ، دائماالطرف الثانى كانوا يبالغون فى تقدير انفسهم الى درجة تثير الشلل، وبالتالى كان الفشل هو المآل دائما لأنة، وطالما ان الموضوع تحول الى صفقة يرمى الطرف الآخر ان يخرج منها كاسبا واخرج مغبونا فانا ارفض هذا

ولذلك فانا ارى ان فكرة كثير من الشباب عن الزواج باجنبيات هى رد فعل للمبالغة اللامنطقية من اسر الفتيات فى طلباتهم المادية والاجتماعية والمعنوية تحت شعار ثقيل الظل لا يصلح لعصرنا الحالى هو (ضمان حق البنت) وكان البنت لها كل الحقوق المعروفة والرجل لا حق له من اى نوع ، وإلا فمن يذكر لى ضمانا واحد للرجل فى مواجهة زوجته حال حدو ث مشلكة من نوعية المليون ضمان التى يتخذهم اهل الزوجة لبنتهم فى موجهة زوجها (الموخر، القايمة،النفقة، احيانا شيكات على بياض او بمبلغ محترم ،استنزاف كل قرش يملكة الشاب واسرته فى بنود هايفة حتى لا يستطيع سداد تلك الديون اذا حدثت مشكلة) فى حين انه حين تفكر الزوجة فى ترك بيتها وزوجها فما اسهل من قضية خلع تترك بعدها الزوجة كل التزاماتها بدون ادنى غرامة وليذهب الزوج والأولاد الى الجحيم(محدش يقوللى اصل مافيش واحدة بتعمل كدة انا هنا بتكلم عن تساوى الحقوق وليس عن ميل الاشخاص لاتخاذ تصرفات معينة)
عندما يتخلى اباء البنات عن تلك الأفكار البالية ويتركون الشباب والفتيات لبداية حياتهم فى شقة ايجار جديد بموبيليا اقتصادية او حتى قديمة وبدون شبكة تمنها ميت الف جنيه وقايمة عفش ومؤخر صداق زاليون جنيه وفرح فى موفينبيك حلايب وشلاتين وشهر عسل فى جزر القمر، اؤكد لكم ان ساعتها هيبطل الشباب يفكروا فى الزواج بأجانب، وهيبطلوا يفكروا فى الزواج العرفى وكل الكلام الفاضى ده، وعلى فكرة رغم ان الكلام ده مطبق فى معظم دول العالم المتحضر وبعض الدول العربية الأسلامية مثل دول المغرب العربى وناجح جدا وسهل مسألة الزواج جدا، لكنه فى الأصل لا يخرج عن فكرنا الاسلامى، فرسولنا الكريم صلى الله عليه وسلم قال:"أيسرهن مؤنة أعظمهن بركة" وقال"إذا أتاكم من ترضون دينه وخلقه فزوجوه" ومع ذلك فنحن ابعد ما نكون عن ذلك وانما اتخذان لنفسنا شعار تعطيل المراكب السائرة بتاع(ضمان حق البنت) اسوة بكل المراكب العطلانة الأخرى فى مصر

بارك الله فيك
نفسي بس لونص الاهل في مصر فكرو بطريقه دى

[wild_man]

انتوا حولت الموضوع لفضفضه

حائط المبكى منين يا ترى

رد سخيف و غير مقبول... واضح ان حضرتك اللي حولتي الموضوع لتريقة لأن أنا مش محتاج أفضفض في منتدى عام... أنا بحكي عن حاجة حصلت معايا و مع عشرات من أصحابي المقربين بصور متشابهة و لكن النتيجة واحدة

[Ghamrawy]

هو يا جماعة الحق بيزعل ليه بس ؟؟؟؟؟؟؟؟؟؟؟؟؟

في حاجات ثبتت بالتجارب المعملية الفذة ان الزواج من مصرية هو في (أغلب الأحوال) ثقل مادي و نفسي .....

و في مصريات (قليلات فعلا) اللي بيفهموا الدنيا رايحة فين وجاية منين

وده بسبب ثقافة كتير مننا بيتبعها في التربية ......... ثقافة انا بنتي دكتورة

ثقافة تحطي رجل على رجل و تشاوري

و ثقافة هي مش أقل من بنت عمها

و ثقافة شوفت بنت سعدات اتدفع فيها كام


القرف مش في الفتيات المصريات ...أبدا

القرف في الأباء و الأمهات نواقص العقل و الروح اللذين جعلوا من بناتهم سلعة و غرسوا بداخلهم مقاييسا شاذة للحكم على حب الأخرين و تقييم ثقتهم في نفسهم


العزوف عن المصريات هو عزوف عن نواتج ثقافة قطاع عريض من هذا المجتمع المريض .........أراد بعض الأصحاء تغييره في جيل جديد

طيب ما بنت أو فتاة اليوم هى ام الستقبل و اللى شافته بيتعمل فى جوزها (اذا اتجوزت من الاساس) حاتعمله فى اللى حايتقدم لبنتها
العملية عبارة عن جينات وراثية مريضة (عكننة،نكد،طمع مادى،ضيق أفق،و غيره و غيره و غيره)

[دموع الثلج]

بما ان الموضوع مولع وفيه ضرب نار ومطافى انا مش هقول كثير

بس هختصر ان الزواج بقصد الارتباط بفتاه غير الزواج بقصد الارتباط بجواز سفرها ...... يعنى اللى هيحب بنت هيتجوزها حتى لو كانت من الهند ملهوش دعوه بموضوع اجنبيات ولا مصريات القلب وما يريد
اغلب زواج المصريين من اجنبيات بيكون عشان مصالح فى الدرجه الاولى وكلنا عارفينها

قبل اسبوعين اخويا الصغير راح يخطب واحده يعرفها والله العظيم اهلى رجعوا مصدوووووووووومين صدمه غريبه اولا البنت مش حلوه عاديه يعنى وجدا كمان
ثانيا مستواهم الاجتماعى والثقافى تقدر تقول يكسف لو تسمعوا الشروط والطلبات اللى طلبوها حاله ذهول على طول وكان زواج بنتهم صفقه استثماريه كبرى اخوى بعد ما كان بيحب البنت نزل من عند اهلها مش طايقها اصلا

رائى بئه فى الزوجه المصريه بصراحه متحدثه جيده جدا فى الخناقات والخلافات الزوجيه اااااااااستاذه فى خلق النكد فى البيت ولما بتشغل مخها على جوزها بتبقى ليلته سوده
مسيطره على دماغها فكره قصقصى له ريشه اول باول لا يروح يتلم على غيرك ودى فكره بتخلى الراجل يحس انها متجووزه بس عشان جيبه
بصراحه من ناس كثير شفتهم متجوزين استغربت من تصرفاتهم مع ازواجهم ولو كنت انا راجل كنت طلقتهم فى ثانيه وبلاش وجع دماغ

[enashelmy]

رد سخيف و غير مقبول... واضح ان حضرتك اللي حولتي الموضوع لتريقة لأن أنا مش محتاج أفضفض في منتدى عام... أنا بحكي عن حاجة حصلت معايا و مع عشرات من أصحابي المقربين بصور متشابهة و لكن النتيجة واحدة

طب وانا ذنبى ايه فى اللى حصلك
تقوم تقوللى سخيف
انا اصلا مبتكلمش عليك
بتكلم على عموم الموضوع

[Ghamrawy]

قبل اسبوعين اخويا الصغير راح يخطب واحده يعرفها والله العظيم اهلى رجعوا مصدوووووووووومين صدمه غريبه اولا البنت مش حلوه عاديه يعنى وجدا كمان
ثانيا مستواهم الاجتماعى والثقافى تقدر تقول يكسف لو تسمعوا الشروط والطلبات اللى طلبوها حاله ذهول على طول وكان زواج بنتهم صفقه استثماريه كبرى اخوى بعد ما كان بيحب البنت نزل من عند اهلها مش طايقها اصلا

امال ايه !!!! مش لقوا صيده زبون لقطة ،يبقى لازم يستغلوا الفرصة باقصى درجة ممكنة

رائى بئه فى الزوجه المصريه بصراحه متحدثه جيده جدا فى الخناقات والخلافات الزوجيه اااااااااستاذه فى خلق النكد فى البيت ولما بتشغل مخها على جوزها بتبقى ليلته سوده
مسيطره على دماغها فكره قصقصى له ريشه اول باول لا يروح يتلم على غيرك ودى فكره بتخلى الراجل يحس انها متجووزه بس عشان جيبه
بصراحه من ناس كثير شفتهم متجوزين استغربت من تصرفاتهم مع ازواجهم ولو كنت انا راجل كنت طلقتهم فى ثانيه وبلاش وجع دماغ

جبتى من الاخر