الى مستخدمى ويندوز 8

[ahmedfathi]

انا محتار شديد الحيره فى موضوع الويندوز ده

انا خلاص استقريت على نوع لاب توب dell وموجود منه من غير ويندوز وفيه بنسخه 7 هوم بريميم وفيه بنسخه 8 وكل بسعره طبعا . انا مش فارق معايا الفلوس بس المهم اخد حاجه نضيفه وتريحنى وما اندمش عليها بعد كده

تنصحونى
1- اجيب اللى من غير نسخه واسطب انا نسخه عاديه .. ميزتها انه مش مرتبط بحاجه اسطب نسخه 7 .الشهر اللى بعده اجرب ال8 . اشيلهم الاتنين وانزل الاكس بى .عيبها طبعا انها نسخه مش اصليه

2- اشترى ابو نسخه 7 لانه متجرب واتهرس وميكروسوفت جابت اخرها فيه ومحدش اشتكى منه على الاطلاق عيبها انى خلاص هارتبط بالنسخه دى طول عمر الجهاز

3- اشترى ابو نسخه 8 اللى عامل انبهار لكل مستخدميه على مستوى العالم بس قلقان لانه لسه جديد ولسه الاصدارات الجامده منه لسه مانزلتش .. وناس كتير اشتكت من صعوبة التعامل معاه ومش عارفه تسطب العاب وبرامج وناس جايبه اللاب بيه وشالته ونزلت نسخ تانيه

انا فكرت معاكم بصوت عالى وده كل اللى بيدور فى بالى ..افتونى فى امرى يا رجاله

[hazoom2006]

طبعا تجيبة بدون نسخة وانت تسطب عليه النسخه اللى انت عايزها وتوفر الفلوس

[AlGazar2]

هاته بنسخه 8 طبعا
نسخه احدث و اخف و حلوه جدا و شغال بيها حاليا عندى على الديسك توب و اللاب و ممتازه

او هاته من غير نسخه لو مش فارق معاك النسخة الاصليه و نزل 8 او 7 براحتك بعد كده و كلنا شغالين بالويندوز المضرب

[h_shahin]

سمعت إن فيه مشكلة مع التعريفات فى ويندوز 8
فأكيد النسخة إللى هتكون على اللاب متوفقة مع كل الهاردوير بتاعه
بعكس لو حاولت تسطبه بمعرفتك ممكن ما تلاقيش تعريفات لكل حاجة
و لا المشكلة مش زى ما أنا متخيل ؟

[Ahmed Selim]

ويندوز 8 لسه مش مستقرة و زميلنا أحمد كمال كان نزلها على لاب توب عنده و عملت مشاكل كتير و فى الأخر شالها.

أنا عن نفسي جربتها على vm و مش عاجباني على الإطلاق.

[S O P H O S]

راي بلاش نسخة الويندوز وخصوصا 8 دلوقتي
مجرد راي ..

[alfath8]

اشترى من غير ويندوز خالص حتى ونزل ويندوز 8 انا شغال عليه بقالى 4 شهور فوق الامتياز ده بالنسبة ليا كمستخدم عادى
ولو قابلتك مشكلة فى التعريفات استخدم برنامج driverscanner
البرنامج ده بجد رائع لجلب التعريفات كلها وانا بشتغل بيه على طول بيعمل سيرش من النت ويجيب التعريفات كلها وتنولها وكل حاجة بتظبط على طول وجربته كذا مرة على لابات وكمبيوتر عادى جدا بيعرف كل حاجة ناقصة

[ahmedfathi]

طبعا تجيبة بدون نسخة وانت تسطب عليه النسخه اللى انت عايزها وتوفر الفلوس

هيا الفكره مش فى الفلوس .وكمان انا طول عمرى شغال بالويندوز المضروب على الكمبيوتر عادى يعنى. الفكره هل نسخه ال8 الاصليه اللى هاشتريها مع اللاب دلوقتى هتريحنى فى التعامل ولا لا

[ahmedfathi]

سمعت إن فيه مشكلة مع التعريفات فى ويندوز 8
فأكيد النسخة إللى هتكون على اللاب متوفقة مع كل الهاردوير بتاعه
بعكس لو حاولت تسطبه بمعرفتك ممكن ما تلاقيش تعريفات لكل حاجة
و لا المشكلة مش زى ما أنا متخيل ؟

ما هو ده اللى كنت قلقان منه .بس من ردود الناس الظاهر انه فيه برامج بتحل المشاكل دى

ويندوز 8 لسه مش مستقرة و زميلنا أحمد كمال كان نزلها على لاب توب عنده و عملت مشاكل كتير و فى الأخر شالها.

أنا عن نفسي جربتها على vm و مش عاجباني على الإطلاق.

كانت نسخه اصليه ولا عاديه ؟؟

راي بلاش نسخة الويندوز وخصوصا 8 دلوقتي
مجرد راي ..

حضرتك جربتها وعملت مشاكل معاك ؟؟؟

هاته بنسخه 8 طبعا
نسخه احدث و اخف و حلوه جدا و شغال بيها حاليا عندى على الديسك توب و اللاب و ممتازه

او هاته من غير نسخه لو مش فارق معاك النسخة الاصليه و نزل 8 او 7 براحتك بعد كده و كلنا شغالين بالويندوز المضرب

طب انا كمستخدم عادى بستخدم اللاب مثلا فى جيمز -نت - اوفيس -ميديا وكده.. هاحس بفرق
لو كانت نسخه ويندوز اصليه ولا كله فى الشغل واحد ؟؟

[ahmedfathi]

اشترى من غير ويندوز خالص حتى ونزل ويندوز 8 انا شغال عليه بقالى 4 شهور فوق الامتياز ده بالنسبة ليا كمستخدم عادى
ولو قابلتك مشكلة فى التعريفات استخدم برنامج driverscanner
البرنامج ده بجد رائع لجلب التعريفات كلها وانا بشتغل بيه على طول بيعمل سيرش من النت ويجيب التعريفات كلها وتنولها وكل حاجة بتظبط على طول وجربته كذا مرة على لابات وكمبيوتر عادى جدا بيعرف كل حاجة ناقصة

حاسس بفرق بين النسخه الاصليه والنسخه العاديه فى الاستخدام ولا مفيش فرق ؟؟
ولو جيبت النسخه الاصليه ايه هيا المميزات اللى هاحصل عليها ؟

[OMAR61995]

اشترى من غير نسخة أحسن
و بلاش 8 دلوقتى خالص
أنا كنت مشغله dual boot مع 7 و ال8 كان بيهيس و بيقفل الوايرلس مع نفسه و ده كان بتعريف ديل
دلوقتى شلته و رجعت 7 تانى لحد ما ال8 يتضبط شويه

[Ahmed Selim]

ما هو ده اللى كنت قلقان منه .بس من ردود الناس الظاهر انه فيه برامج بتحل المشاكل دى


كانت نسخه اصليه ولا عاديه ؟؟

حضرتك جربتها وعملت مشاكل معاك ؟؟؟


طب انا كمستخدم عادى بستخدم اللاب مثلا فى جيمز -نت - اوفيس -ميديا وكده.. هاحس بفرق
لو كانت نسخه ويندوز اصليه ولا كله فى الشغل واحد ؟؟

السنخة اللى أحمد كمال نزلها كان شاريها

و اللى أنا نزلتها على vm كنت منزلها من على موقع مايكروسوفت..........نسخة تجريبية مش فاكر 30 يوم ولا كام.

الفرق بين الأصلي و المضروب هو فى نضافة النسخة المضروبة

ممكن تنزل نسخة مضروبة و تكون سيئة جداً و متكملش معاك شهرين تلاتة و ممكن تنزل واحدة تكون زي الفل و تقعد معاك.

أنا شغال على نسخة 7 أصلية جاية مع اللاب توب من أكتر من 3 سنين و شغالة زي الفل و عمرها ما ضربت و مقامتش تاني........يعني فيه مشاكل مش هقولك لأ......بس مش بتوصل لدرجة أنها مش عاوزة تقوم.

و خللى بالك أن ممكن يكون معاك نسخة أصلية و زى الفل و الأنتي فيروس يكون أى كلام أو مضروب و ميعملكش حماية كافية و تلاقي الدنيا بتضرب معاك.

[hazoom2006]

انا شغال بويندوز 8 بقالى تقريبا 45 يوم الجهاز مابيتقفلش
جيمز تقيله و 3ds max و نت وافلام ولا اى مشكلة من اى حاجة

الجهاز سريع خفيف ثابت مفيش كراشنج استهلاكة لموارد الجهاز جيد جدا ودى نقطة مهمه

انا شايف ويندوز 8 افضل من ويندوز 7 بس الفرق مش كبير
فى ناس ماستريحتش لقايمة ستارت الجديدة (مترو ) بس مع الوقت بتاخد عليها عادى جداااا

[Mahmoud Nagieb]

بص فيه نقطتين للموضوع ده:

اولا رأيى الشخصى ان ويندوز 8 ده هيبقى عامل زى فيستا , وعلى فكرة مايكروسوفت هتنزل ويندوز تانى بعد سنة او حاجة كده اسمه ويندوز blue , اعتقد ان ويندوز 7 هيفضل هو المتصدر لحد لما ينزل حاجة تانى غير 8

ثانيا انا جيبت 7520 وفيه مشكلة ان الهارد بيبقى متظبط بنظام gpt وهيبقى فيه مشكلة انك تنزل 7 الا لما تحول الهارد mbr وحوارات كده هتتعب فيها , فخللى بالك لو جبت بويندوز 8 هيبقى فيه صعوبة انك تنزله ويندوز 7

انا بتكلم عن تجربة لموديل 7520 SE فى الديل , معرفش ايه نظام باقى الموديلات

تحياتى

[hazoom2006]

اللى قريته تقريبا من شهر ان ويندوز بلو هيكون بتكلفة قليلة او مجانى علشان يجذبو الناس انها تشترى النسخ وهينزل فى 2013

لكن ويندوز 8 هيفضل موجود وهيتحدث سنويا