الى مستخدمى ويندوز 8

[ahmed_m_ashraf]

أنا رأي يا من غير ويندوز يا ويندوز 7

مين قالك إنك لو جبته بنسخة ويندوز هتلتزم بيها طول عمر الجهاز أنا عندي لاب قديم كان معا ويندوز فيستا، لما 7 نزل نزلتو عليه وممكن أنزل 8 دلوقت لو حبيت.

المشكلة في ويندوز 8 زي ماهو عامل إنبهار، عامل إنخناق ... خنقة ياعني عشان ميكروسوف أفورتها شوية خلت بعض الحاجات مش واضحة أو مش في مكانها المتعارف عليه ودي مشكلة تصميم بيقع فيها بعض الشركات مكانش المفروض مايكروسوفت تقع فيها. الموضوع ده منتشر ع النت جدا وخش دور حتشوف.

[sherif222]

استنى لما 8 يستقر شوية

[ahmedfathi]

على البركه يا رجاله ومتشكر جدا على رأيكم ونصيحتكم
وبعد الاطلاع على كل التعليقات وقراءة كل الكومنتات
قررت ان اشترى اللاب بدون نسخه ويندوز وهخلى صاحب المحل اللى هاشترى منه ينزلى نسخه7
والله الموفق والمستعان

[Ahmed_Adham]

انا لسه مشتغلتش على ويندوز 8 بس لما بشوف كلام الناس عنه بفتكر كلامهم أيام ما ظهر ال اكس بي والناس كلها تقول انه معقد وبتاع وخلينا في 98 اللي نعرفه أحسن ودلوقتي الناس كلها بتحلف بالاكس بي انه كان أحسن ويندوز. الخلاصه ان الناس مش بتحب التغيير وبتحس بأمان مع اللي بتتعود عليه.

نصيحتي ليك اتكل على الله وهات ال 8 أصلي عشان تريح راسك ومعظم البرامج شغاله مع 8 عادي جدا وخصوصا البرامج الكبيره المشهوره فمتقلقش من الحته دي وان كان النهارده ويندوز 8 غريب فا زي اليومين دول السنه الجايه هتلاقي اللي لسه شغال ب 7 الناس هتقول عليه متخلف.

[al_manara]

بالنسبالي بقالي فترة شغال بية

افضل من 7 في حاجات كتير منها علي سبيل المثال
-قائمة Start الجديدة احسن من زمان . اول ماتفتح الجهاز هاتشغل الي انت عاوزة علي طول
-ملاحظ ان الالوان افضل
-الواجهة اجمل
-اسرع
-Copy,Paste
-بيقرا pdf
- في برنامج لل ISO
-اسرع كتير في الفتح والقفل
-تخصيص البروفايل للاطفال .
-تخصيص اكثر من Desktop
-Task Manager اكثر تفصيلا .

والكثير ........................................

[MaZaGAngeE]

اشتري من غير نسخة و لو انت عايز نسخة ويندوز خاصة بديل هتلاقيها تورنت و هتلاقي 7 و اكس بي كمان
و الدريفرات هاتها من الموقع بتاع الجهاز عادي و هتلاقي كمان اللي في الموقع احدث من اللي مع الويندوز اللي هتشتريها كمان